Norway In Kawlram Thliri Kuatnak Lam Ah Bawmnak Pe Ding

Asiantrademagazine, globaltimes | January 27

Norway cozah cun Kawlram cu thli le ri kuat ih pursumleilawnnak lam ah a bikih bawm a tum thu a phuang.

Norway Foreign Minister, Jonas Gahr Store le Kawlram House Speaker U Shwe Mann cu Kawlram khawpi, Naypyidaw ah pursumleilawnnak thu relnak January 25, tlawngkaini thum ah an nei ih Norway palai cun Kawlram cu thli le ri an ramsung ih a kuatnakah abik ih bawmnak an pek ding thu a rel.

Hi tawnawknak ah Kawlram ih natural resource pawl thuhla khal an rel tel ih Norway cun Kawlram a liannak cu a ngiahven in pursumleilawnnak lam khal ah tuanpi a duh thu an rel tel.

Kawlram cun a reihlan ah Tuluk, Rusia le US thawn pursumleilawnnak lam ih biakawknak neih tum thu khal thuthangca in a tarlang. Kawlram cu ‘Golden Land’ tiih rak kawhmi a si vek in natural resource lam ah ram dang aiin a lian sawn ih ram dang pawl cun Kawlram thawn pursumleilawnnak ih tuantlannak neih cu an duh in an ngaihven bik mi khal a si. Cutiasiruangah, Norway ram khalin Kawlram a ngaihven cu thli umdan zingzawi asi ahcun an ti ding awm asi hrimhrim.