Kawlram Cozah In ABSDF Palai Thawn Remnak Thu Rel Khawm

Karen News | January 25

Kawlram cozah cun ramsung hel le organization dangdang pawl thawn remawknak hawl in remnak a tuah vivo ih January 17, tlawngkaini hnih ah All Burma Student’s Democratic Front (ABSDF) thawn remnak a tuah thu thuthangca in a tarlang.

Kawlram cozah remnak palai asimi Karen State Chairman Colonel Saw Khin Soe hohami remnak palai pawl le ABSDF palai hohatu Township pyithuh Hlutdaw representative U Aung Thaung hohami palai pawl cu Taungtha Township ah tawngawk in remnak thu an rel..

ABSDF cun remnak thuhla an rel duhmi pawl cu ca ah ngan in u Aung Thaung an ken ter ih ABSDF cun an ca ah Kawlram cozah in remnak hawl ih remnak an tuahduh cu an pawmpi thu le remnak an neih theinak dingah tawnawk khal an duh thu an tarlang.

ABSDF vice-chairman, U Myo Win cun, “ Kawlram cozah in remnak thu relpi ding ih ABSDF in sawmnak cu kan bawm zo. Asinan Ramsung le ramleng ih um Democratic organization pawl thawn thu rawnaw in hi thu cu kan ngaihtuah tha ding. Remnak cu kan duh. Mi dang pawl khal in in lungawipi ve ding ka zum.” tiah ziang thu hman an ti tluk hrih lo thu a rel.

Kawlram cozah cun remnak a duh in a ngai poimawh ngaingai a si ahcun ABSDF thawn tawnawk-nak a nei leh ding a si. ABSDF cu kum 1988 ah Karen National Union uknak ram, Kaw Moo Rah township, Wan Kha camp ah din a rak siih Larem National Union le Kachin independent Awmy thawn tang rual in Kawrlam cozah donak ah a rek tel ringring tu an si.