Japan In Yangon Ih Pyituhsizung Zato Hrang Sumpai Bawmnak Pe

The Myanmar Post | January 24

Nurse Pawl Training Neih Lai

Kawlram khawpi hlun, Yangon ih ‘Pyituhsizung’ ah nurse zirlai pawl hrangah an zirnak partical ih an tuah theinak ding hrang ‘asawng’ sak nak ding ah Japan acozah cun U.S dollar 76590 bawmnak an pek thu Yangon, Japan embassy cun a tarlang.

Kawlram le Japan ram pahnih lak ih remnak a um vivo ih a hnget khoh sinsin theinak dingah Yangon ih Japan embassy hruaitu Ichiyouma Yuya le Yangon ‘Pyituhsizung’ kaihruaitu Dr. Daw Tin Tin Sein cun bawmnak sachuk an tuah a si.

Yangon ih ‘pituhsizung’ hi kum 1921 ah Yangon, Botathawng ah rak din thawkmi a si ih cu’i zato cun kum 1978 ah ruh le tha lam zohkhennak hmun ‘asawng’ an rak din. Cuvek ih din a si hnuah thla khat ah mina 900 lenglo cu hi zato ah zohaw in an feh theu ih asinan mina zohkhennak ding ih an hman theumi khawl in umnak hmun a luah khat tuk ruang ah hivek ih ‘aswng’ sah bet a si thu khal Japan embassy lam cun an tarlang bet.

Hivek ih ‘asawng’ an din ngah ngaingia a si ah cun Yangon zatopi cun thansohnak tampi a neih phah dingih mina khal tamsawn in an zohkhen thei ding a si.