‘Football Premier League Team’ Langsar Pawl Kawlram Ah Lek Ding

Myanmarynewshub | January 31

‘Football Premier League Team’ pawl lak ih kan theihlar zetmi Manchester United, Liverpool le Chelsea pawl lak ihsin a malbikah pakhat tal cu Kawlram sungah ‘friendship’ hrangih bawhlung sit ding in Kawlram bawhlung thuneitu lam cun an sawm thu thuangca in a tarlang.

Hi team 3 lak ihsin khawimi bik in Kawlram ah ‘friendly match’ nei ding in a feh ding ti cu theih cian a si hrihlo nan 1 tal cu an feh tengteng ding thu thuthangca in a tarlang bet.

“ Hi team ropi le langsar zet lak ihsin Manchester United cu an rat a zumumlo bik nan kan biakawk rero lai. Tu’i kum sungah pakhat tal an rat thei kan beisei. A sawmnak lamah cun sumpai a um ruangah harsatnak cu a um lemlo. Asinan a buaithlak mi sawn cu an leknak ding bualrawn hi a si. Kawlram sung ih kan lekawknak bualrawn pawl cu an nih hrangah cun a milaw lo lawlaw ding. Nan Naypyidaw bualrawn ah cun a cang theimen ding ka zum. Kawlram bawhlungsit ngainatu pawl hrang thin tur dutdo ko in kan tuah ding.” tiah Naypyidaw ih Kawlram bawhlung team pakhat neitu Oo Phu Ko Ko Tin San in a rel.

“ MNL ( Myanmar National League) cun Kawlram ah 1nak ihsin 3 tiang ih langban pawl lawng an lek a sing ding.  Malaysia cun ni kum lamah cun Liverpool le Chelsea team pahnih lawng hi a rak sawm. Kan nih khal hi team pahnih ih pakhat sawnsawn an si ka zum.” tiah a rel bet.

“Bawuhlung lekawknak ah thenhran-awknak aum lo. Kan sawm a si ah cun an ra tuk ko ding. An nihvek ih team langsar pawl khal in an himnak, an umdan ding le an vahsuahnak ding pawl a remcang ding a si ahcun premier league season a cem ve ten an mah sponsor pe theitu ramsung ah an feh ve theu ko. Kan nih Kawlram khal in kan sponsor a si ah cun an ra tuk ding. Hivek ih an rat theinak ding hrangah nikum ihsin kan rak tawlrel in timlamnak kan rak nei rero zo.” tiah a rel tel bet.

Kawlram sung rori ih leitlun langsar team 2 ( Liverpool le Chelsea) an feh ngaingai  asi ah cun Kawlram mipi bawhlungsit ngainatu le ngaisangtu pawl hrangah cun an lungawi in an phur zet dingih history khal ah hivek team ropi in Kawlram an feh veikhatnak a si thu a ngan lang tengteng ding a si.

Mr. Tomas Quintana Kawlram Ah Thleng Leh Zo

Myanmarnewshub, BBC | January 31

Kawlram hrangih a bik in UN palai hna tuan rerotu Tomas Quintana cu tu’ini, January 31, tlawngkainihnih ah Kawlram ah ni 6 sung cambang ding in a thleng leh sal zo a si.

Quintana cun hi a khualtlawnnak ah Kawlram in Human Rights thuhlaah thansohnak le hmasawnnak a neih dan pawl kimcang le fiang sawn ih thei ding in zingzawinak a nei ding ih UN (United Nations) thuneitu pawl hnenah hi a zingzawinak ih a hmuhsuahmi pawl a sim  thei leh ding ruanga a thupi zet a si.

Famkim Siarbet

Kawlram Ralkap In Minu Kaihmi Suah Duh Lo

BBC | January 31

Kawlram le Tuluk ramri, Shan State ih Muh-puan Township nu pakhat cu Kawlram ralkap in kum 2010, October thla ihsin an kaitar zo ih tu’ini tiang an suah hrihlo ruangah sungkhat leicin le cun Myanmar Human Rights Council hnenah thubuai theh lut ding in an timlam rero a si.

Kachin State, Muh-puan Township ihum Kachin insangnu, Daw Suan Hluat Te Jia cu Kawlram ralkap khah-mah-yah(321)in ni reipi sung an kaitar ih ralkap pawl cun an hnipuan sawptu ahsiseh  eirawngbawlsaktu le hlawhlang vek ih an um ter thu thuthangca in atarlang.

Thutheitu cun Daw Suan Hlut Te Jia lawngsiloin Pa-awk(ong) minu 3 khal a rual in an kaih thule amah vek ih hnatuanter a si thu arel. Kawlram cozah cun hi thubuai an thehlut dingmi cu ziangtivek in a rak ngahven ding ti cu theih theih a si lo nan, ralkap thuneihnak hi a cem ngaingai hrihlo ruangah diknak ih rorel a si a zumum lo thu khal a rel bet.

A Nungmi Cakuat

January 31
Tlawngkai Nihnih

A Nungmi Cakuat

Caken dang kan ttul lo, nanmah hi kan ca nan si; mi hmuahhmuah theih ding le siar dingin kan thinlung ih nganmi ca nan si. Hih ca a ngantu cu Khrih Amah a si ih kannih hi a phurtu kan si. Cuih ca cu cati ih nganmi a si lo, a nungmi Pathian ih Thlarau in nganmi a si; lungpheng parih nganmi a si lo, milai thinlung sungih nganmi a si.
– 2 Korin 3:2-3

Bible Siar Ding: Matthai 8:14-27

Zumtu hmuahhmuah cu a nungmi cakuat kan si thluh ih mizapi ih siar thei ding le theih theimi kan si ding a thupituk. Na umnak hmuntin ah Thlarau Thianghlim tetti na phurh a ttul ih nangmah thawn a pehtlai awtu zate in nangmah cu Khrih ih palai thlah mi, leilung ih tleunak, le Khrih phuanglangtu Bible ih simmi Khristian na si ding a thupi.

Jesuh ih dungthlun pawl in an Bawipa ih simmi hmuahhmuah cu atak in an cangsuak ti an zir ngah. Jesuh in nuamnai te’n le ruat ciamciam in a tanglam thu hi a sim ti ka zum:

“Khawpi sungih nan va luh tikah tibeel in tidai a khaitu pa nan tong ding. Cu pa cu a luhnak inn tiang va thlun uh. Cule cuih inn neitu hnen ahcun “Keimah le ka dungthlun pawl Lantak Zaanriah kan einak dingah khaan khui ah so a um?” ti’n kan Sayapa in a lo ti, tiah va ti uh. Tlunta khaan ah tokham le cabuai pawl kim teih an retmi khaan tumpi a lo hmuh dingih cutawk ahcun ziang hmuahhmuah va tawlrel uh,” tiah a ti (Luke 22:10-12).

Duhdawtmi zumtu, Palestine ram ah zohman tibeel in tikhaitu an um lo, zohman ih theih dah lomi thil a si. Curuangah Jesuh in profet thusim hram a thok ih an sunglam nun lawngih theih dingmi le atak ih a ra cangsuakmi an hmuh thei ding a tummi a si. Himi cu kan Bawipa ih nun thuthup: a profet thusimmi cu cangsuak loin a um dah lo. Pathian ih Ttongkam thlengh danglamter theitu leitlun ah zohman an um lo. Jesuh in hih thuruahnak maksak cu a dungthluntu pawl hnenah a sim ih dungthluntu pawl in an Bawipa ih simmi cu atak in a cangsuak ti an hmuh theinak dingah a si. Jesuh in Peter le Johan hnenih mangbangza thupek a neih hnu le a hmuh ngah hnu ah an pahnih ih an thinlung sung thukbik in, “Zoh hnik! Kan Bawipa hi! A simmi vek cekci in thil a rak cang thluh,’ ti’n an ti awk ding cu ka rinhlelh lo a si.

Milai cun thil ziangkim kan canter thei lo, asinan Pathian hrang ahcun zianghman cang thei lo ti a um lo. Pathian cu nunnak thuthup pholang theitu a si ih leilungpi le tlolakpi khal hi A kut sungah an um thluh. Kan theih dingmi thil thupi cu: “Bawipa na Pathian cu na hnenah a um, A cahnak huham in nehnak a lo pek” (Zefa 3: 17) timi hi a si.

Jesuh cu kan hrangah a thianghlim, a cak ih leilung ih ttulmi vanlam rinhmui kan theih theinak dingah in dilsaktu a si!

@ Smith Wigglesworth

Bangladesh Ih Lamzinzawhtu 4 Palik In Kap That

VOA | January 30

Bangladesh Nationalist Party (BNP) tantu thawngtel cu cozah in vote pekhrilawknak cu dik tak ih an neih theinak ding ah zohfeltu ruat ding in an nawrnak ah lamzin cu January 29, zarhpini ah an zawh ih hi lamzinzawhnak an neih rero laiah palik pawl in an melthal an hmetpuak ihhleiah mitthli titlaknak gas an kah ruangah 4 in nunnak an hloh phah ih 200 lenglo in hliamhma nazet an tuar phah a si.

Hi lamzinzawhnak cu Chandpur le Laksmipur khawpiah asi ih palik cun veihnih hmethal an hmetpuak asi. Thuneitu lam cun mipi in palik pawl cu lungto thawn an deng ihhleiah palik in mipi fehtlang lo dingih an khamnak pawl par tiangih an kai ruangah palik cun tingaihnak theilo in hivek ih an kahnak san asi thu an rel.

HI vekih vote peknak zohfeltu cu wingi Sheikh Hasina in a rak hnawl ruang ih hivek ih mipi in an lungawilonak an lanternak san a si khawpi dngdang khal ah lamzawhnak an neih thukhal tuhthangca in a tarlang.

Iphone Thar Dang Lam Tuah Ding

Myanmarnewshub | January 30

Leitlun fimthiamnak a sang in a cangkang vivo vek in thil cangkang le tha tampi cu man awlai ten lei ding khal an um vivo thlang. Mifim pawl khal cun tha sinsin le cangkang sinsin ih technology an hawl rero ih a rei hlanah iphone 5 cu tidai tuar thei(water resistant) in an tuah thei cing ding a si.

Apple le Samsung company pawl cun iphone thar tidai tuar thei cu tuah tumin an buai rero lai ih hi iphone thar an tuah tum mi cu Nanotech antimi technology hmang ih tuahmi HZO (cover)a keng tel ding a si. HZO cun iphone cu tidai lakin siseh tiek lak ah siseh a humhim ding a si.

Asinan technology sangbik ih tuah asi ding ruangah tu’itum an tuah dingmi iphone cu a hlan pawl nak in a hman a kung deuh ding asi.

Suu Kyi Tha-way Ah

BBC, Myanmarnewshub | January 30

NLD hruaitu Suu Kyi cun a hmaisabik hrang Tha-way district ah hrilawknak hrang campaign nei in Janaury 29, zarhpini ah a feh ih mipi 10000 lenglo in an rak hmuah thu thuthangca in a tarlang.

Suu Kyi cun fehkhawmtu mipi hnenah thusimnak anei ih hi a thusimmiah Suu Kyi cun Kawlram pyituh-hluatdaw ih luh a tumnaksan cu ram hruaiawkdaan ah mipi hrang ih thansohnak a telve lonak pawl remthat dingah a si thu a rel.

Famkim Siarbet

Bawipa Zaanriah Thluasuah

January 30
Tlawngkai Nikhat

Bawipa Zaanriah Thluasuah

“Hih hai cu ka thiisen ih nemhngetmi Pathian ih thukam thar a si. Nan in tinte Keimah in theih ringringnak dingah tuah uh.”
- 1 Korin 11:25

Bible Siar Ding: Luke 22:7-39

Ka hrangah a Thianghlimmi Pawlkomnak a simi Bawipa Zaanriah einak sungih ka telnak siar lo khuaruahhar le mangbangza biakkhawmnak a um lo. Ka hmuh hiarzetmi cu Pathian ih mithianghlim pawl hmunkhat ah pumkhawm aw in Khrih ih thihnak, thawhsaalnak, le van a kainak pawl hngilh lonak dingah Bawipa Zaanriah hmang tlang dingih tokhawm hi hmuh hi ka thin i nuamtertubik a si. Jesuh Amah rori in kan hrangah hngilh lonak dingih in tuahsakmi hi ruah dingza ngaingai a si. Pathian in hih thu hi kan hngilh lo ding le atu le atu kan tuah le kan hman cingcing ding in duhsak. Himi hi zarhtin, thlatin, le thla thum veikhat timi hnakin “atu le atu” kan hngilh lonak dingih kan tuah dingmi hi a sim duhmi a si. Kan sualnak in laaksak hlonak thu hngilh loin vun ciinman saal cu ziangtluk thluasuah so a si!

Zumtu zate in Jesuh hrangah pakhatkhat tuah hiarnak thinlung kan nei cio ko ding ti ka zum. Ka Bawipa in a duhbikmi cu khristian pawl in, thinglamtah, thlaan, Thawhsaalnak, le Vankainak timi pawl kan theih ringring ding hi a si. Hih thil pali pawl theih ringring hi thluasuah maksak umnak hmunah in hruai theitu a si. Cross ih na taan ringring ding hi a duhmi cu a si lo, cross parih a simmi: “A kim ttheh zo” (John 19:30) timi na ciinken ding sawn hi a si. Thlaan ih na taan ding khal a duh lo, “A tho zo” (Matt. 28:6) timi na theih ringring ding sawn a duhmi a si ih kannih zumtu pawl cu a umnak ah um ve ding kan si (Kolose 3:4) ti thei ih thlangam teih um ding in duhsak a si.

Bawipa Zaanriah dinsuah hi Ca Thianghlim sungah thil thupizet pakhat a si, kan Bawipa Jesuh Khrih ih nunthuanthu ah le Khrih ih sunlawinak thuthup phuanlang tikah a thupizetmi a si. Jesuh leitlun a leenlai ah miseenpi pawl cun an thlun ciamco ih an thinlung sungah A hmurka ihsin a suak dingmi thu ngai duhnak in an khat thluh a si. Sikhalsehla vision nei lomi mi tthenkhat tla an rak um ve. Khrih an hmu, A thusimmi an thei ko nain an hrangah zianghman man a nei lo, thuanthu vek men ah an ruat.

Minung thlarau cu Thlarau Thianghlim thawn famkimzet ih an kom awk tikah thihnak, thukzet ih thihnak hmun ah a thleng. Hih hmun ah minung thlarau cu a cawl ih amaih lamzin ihsin, “Keimai’ duhnak” ti si nawn loin a thinlung sungin, “Bawipa, Na duh bangin si ko she!” ti’n a au ding.

Jesuh cu kan hrangah in dilsak, a thiang, a cak ih leilung ih ttulmi vanlam rinhmui kan theih theinak dingah!

@ Smith Wigglesworth

Tuni Thianghlim in Nung aw

January 29

Zarhpi Ni

Tuni Thianghlim in Nung aw

Curuangah biakttheng ah laksawng Pathian hnenih pek na tumlai ah na unau pakhatkhat na parah thinhennak a nei ti na thei a si ahcun, biakttheng hmai ah na laksawng cu taanta lawk awla zamrangzet in na unau hnenah feh tahrat in remnak va tuah aw; cule ra saal awla na laksawng cu Pathian hnenah pe aw.

- Matthai 5:23-24

Bible Siar Ding: Matt. 5:13-26

Switzerland ram ih ka umlai ah Bawipa cu zaangfahnak tumpi thawn hna a ttuan ih mi tampi in damnak an hmu. Goldiwil ih ummi Brother Reuss thawn hotel hmun khat ah kan caam tlangih palek (police) pahnih cu keimah kai dingin tlunlam in an run thlah. Mawh in phurhmi cu license nei loin minaa a damter ti a si. Mr. Reuss in an hnenah, “Atufang hi hi tawkah a um lo, peng hnih hrawng hlatnak hmun ah a khawm laifang si, asinan nan kaih hlante ah thil hrekkhat cu lo zohter taa ka duh” a rak ti.

Brother Reuss cun palek pahnih cu an umnak area ih hmun pakhat, an theih fiangzetmi inn pakhat ah a fehpi. Ziangahtile atu le atu an feh ttheu ih nunau pakhat thawngtla leuhleuh nu, zuu a intuk ruangah buainak tuah ringringmi nu ih umnak inn ah a si. Cumi nu hnenah a fehpi hngaih ih an hnenah hiti’n a sim: “Himi nu hi nan kaih tummi pa ih thuthangtha simnak le thlacam saknak ihsin thluasuah dong mi tampi sung ihsin pakhat a si. Himi nu hi kan pumkhawmnak ah zuurizet in a ra thleng. A taksa hmuah a kekkuai thluh, hmun hnih lai ah tuahmawh a tuar. Cuti dinhmun ih um a silai ah evangelist in a parah a kutsuang in thla a cam sak tikah a hung dam felfaimi a si,” a ti.

Nunau nu khal in ka sim thluh hnu ah, “A si, Pathian in i rundam. Cumi ni ihsin atu tiang hi zuu for khat hman ka in nawn lo,” ti’n thu rak thlak in a sim ve.

Palek pahnih cu keimah kai dingih warrant pekmi an si na’n, “Siibawi pawl khal in hivek hi tuah ve hngai seh!” an ti ih in fehsan. Cuih hnu cun an ra saal nawn lo.

Thinlung kekkuaimi pawl damter theitu, sal taangmi pawl luattertu le a besiazet mi pawl rundam theitu Jesuh Khrih kan nei (Isa. 61:1). Kan thlarau, thinlung le taksa tidamnak hrangah a sunglawitukmi Pathian Thuthangtha hi ziang siar loin na el in na hnong ngam ding maw? A zaangfahnak cu na hnong ngam ding maw? Hih Thuthangtha hi thuh in a rak um, himi in zalennak, sal luatnak, taksa damnak, le pumhlum rundamnak a pe a si ti ka thei fiang. Jesuh in an hnenah, “Pathian rinsan uh,” a ti (Mark 11:22).

Pathian thawn nan pehzom aw ringring asile na thinlung sungah ngai nuamzetmi awnmawi a um thei ding.

@ Smith Wigglesworth

Ngui Ringring In Minute 2 Dîng Ding

CT News Mizoram | January 29

India cun zalennak a sual lai ih nunnak liam (thi) pawl hngilh lonak dingah January ni 30, 2012 ahkhin ram pumah Martyr’s Day hman a si zik ih, Mizoram acozah cun himi ni pual hin Tlawngkai nikhat sunhlan sml 10:59 – 11:00 karlakah Siren a ti awn ding ih, hnattuan ih feh hmuahhmuah khalin an hna cawlhsan lawkin, ngui ringring ih minute 2 sung cangkhai loih din ding a si.

Minute 2 a liam ti theih theinak dingah Siren hi sml 11:02 le 11:03 karlakah ti on sal a si ding. Aizawl khawpi sung ih Veng tin ah Local Council aurinnak hmang ih phuang darh dingin Mizoram acozah cun a ngen a si. Mizoram District dangah cun Martyr’s Day hman daan ding hi an DC pawl hnen ciar ah ttuanvo pek a si ih, Sub Division, Block le Village Level Office hmuahhmuah khalah hi caan hi, hmang cio dingah theihter an si zo. Fim zirnak inn tinkim khalah hi caan hi urhsun tak ih hmang ve dingah acozah cun ruahsannak tumpi a nei.

Leitlun Ih Niambik (Shortest) India Ihsin

TOI, Mail Online, The Telegraph  | January 28

Leitlun ah cun a niambik, a sangbik le a phunphun in bik sinak tah  asi theu ih kum 2012 ih mi niambik (shortest) khal ‘World Record’ thar hmuh ding kan neih leh ta.

Tu’itum ih ‘World Record’ le ‘The Guinness Book of Records’ ih ngankhum asimi cu zo dang le khawi hmun dang ihsin hman siloin Chin-mi beunakhawl tampi umkhawmnak India ram asi ih zohman in hivek an um kan zum bang cio lo a si lo maw?

India ram, Nagpur mi asi ih tlangkai lai a si. ‘The Guinness Book of Records(GWR)’ cun asanlam (height) cu 62.8 centimeters (24.7 inches) le a ritlam (weight) 12lbs(5.5kg) asi thu an phuang.

Ahlan ih ‘World Record’ rak ngahtu cu America ihsin Bridgett Jordan (22) asi ih a nih hi feet 2 le inches 3 ih sang 11 lbs ih rit(weight) a si. ‘The Guinness Book of Records’ thuneitu pawl cun London ihsin India ah Jyot cu a sanlam diktak a tawpnak hrang an teh leh ih ‘World Record’ thar a si thu cu an phuang a si.

… hram: DBCF Meifar (Vol.3, Issue 1)

Zuknung :

January 29 ‘Sunday Bread ‘

Sunday Bread Baw Boih(Saw Cung Zing) 1. Pathian ”Awneem”nih kan ”Buainak” a dai ter. Our Daily Bread 2. Tukforhnak tuar theinak dingah Pathian nih ralthuam in peek na’n kan hruk a ttuul. Our Daily Bread 3. A hreek lawng kan hmu. Pathian nih a zaa te’n a hmu. Our Daily Bread 4. Atun ah cu a hreek lawng kan hmu. . .a hreek lawng kan thei. . . Paul (I Korin 13:9, 12) 5. Amah na hmu dahlo na’n na duhdawt, na hmu dahlo na’n na zum. Peter (I Peter 1:8, 9) 6. Keimah i hmu lo na’n i zumtu pawl cu mi thluasuak an si. Jesuh (John 20:29) 7. Mi Fapa na zum maw? Jesuh (John 9:35) 8. Bawipa! Cu pa cu zo a si? I sim aw lah ka zum ding. Mitcawpa (John 9:36) 9. Amah cu na tong zo ih a lo biak rero. Jesuh (John 9:37) 10. Bawipa! Ka zum. [Mitcawpa (John 9:38)] a ti ih Jesuih hmai ah a khuuk a bilih a biak. Na thinlung te’n Amah na duhdawt le a dung na thluun thei. Sper 11. Pathian ih timing cu a tin te’n a famkim. Our Daily Bread 12. Maih sual a thei fiangtu nih Jesuih hnenah lungawi thu sim ding an ciing ringring. Our Daily Bread 13. Pathian nih a lo tuah ti leh Pathian hrangih tuahmi na si tih na theih awk lai hlaan lo na nunnak nih ”san” a nei lo ding. Rick Warren 5. Na huatmi hnakin na huatnak nih a lo nat ter sawn. Rick Warren 6. Na natnak heu ter hlah. Mi bomnak ah hmang aw. Rick Warren 7. Nu leh nu, pa leh pa ?hiitumnak hi Pathian ih tumtahmi a silo. Joel Osteen 8. Zozo Vanah an feh dingih zozo hellah an feh ding ti cu Pathian lawng nih a relcat thei. Joel Osteen 9. Mi zohman ka hmuhsuam dah lo. Joel Osteen 10. Mi iiksiik kan nei ih kan fahhnaat tikle kan thluasuah a kaang. Siang zetin kan peek le thluasuah a luanin a luang. Joel Osteen 1. Pathian biak lo’n ni a liam thei lo. Our Daily Bread 2. Tuarnak umlo mi zumnak cu a man hla ve lo. Our Daily Bread 3. ”Fa” kan si le, ”Ro” cotu, Pathian ih ”Ro” cotu, Khrih thawn ”Ro” co tlaangtu kan si ih a ”Sunloihnak” kan ttawm ve thei nak dingah a ”harsatnak” khal kan ttawm ve. Paul (Rom 8:17) 4. Harsatnak tuar dingah Pathian ih kawhmi nan si. . . . ”A Keneh” nan thluun thei nak dingah.  .  . . . . . Peter (I Peter 2:21) 5. Harsat caanih thinsau teih a tuar theitu zohtthim tlaak profet pawl. .. James (James 5:10) 6. Tukforhnak tuartu pawl a bawm hngai theinak dingah Amah rori nih tukforhnak cu a tuar zo. Hebru 2:18 7. A tuarnak ruangih ”Rundamnak” a famkim theinak dingah. . . .Hebru 2:10 8. Tuarnak nan ttawm vekin hnemnak khal nan ttawm ding tih ruahsannak kan nei kumkhua. . . .Paul (II Korin 1:7) 9. Harsatnak leh hremnak nan tuar cingin tuar theinak leh zumnak nan neihmi parah kan porh awkih kan lo hmai hngal pi. Paul (II Thesalon 1:4) 10. Jesuih tuarnak nan ttawm ruangah lungawi uh. A sunloihnak a lan niah nan lungawinak a saang zet ding. Peter (I Peter 4:13)

Next Page »