2012 Kum Sulhnu Pawl Thlirsalnak

timthumb.php_

Ukte Thengre

2012 kumpi tla kan vuiliam cuarco thei. America rampi tla, midum-pa Barack Obama rorelnak kut hnuai ah a thar te’n an lut muarmo sal. Kan pi Queen Elizabeth II khal, a kum 60 suahcam sunglawizet in February 6th ah a rak lawm thei. Hlimhlainaklam ah leitlun santhuanthu ngan dingah Gangnam Style timi tla a rak suak.

Milian, hlasakthiam le hruaitu thar tamzet kum khat sungah an suak. Cuilakah, Linghnin le vansiatnak a phunphun khal a rak thleng ko. Mitampi helkam ih tuahtu December 21, khalah can a cem leh lo ruangah tutiang kan himdam cu a si.

Asinan, riahsiatnaklam zawngin 2012 kan thlirsal asile, The Darkest Night suah zan khalah mi tamzet kahawk thahnak a thleng. December 14, 2012 lala khalah Newtown, Connecticut ih tlawng pakhat Sandy Hook Elementary School ah Adam Lanza, 20, cun an principal, a hringtu nu le psychologist pawl siarin mi 27 a kap that ti kan thei.

Cuilakah thil danglamzet mi pakhat cu, lungruhzet kan rampi Burma, misual le mifim lak khalih dungtolh dah maimai lo cu, a thinlung thlengin zalennak lamzin a zawh hrethro mi tla kan hmu thei thlang.

Cule, 12 December ahkhan CNF pawl cu ramsung ah lut in Burma acozah thawn remdaihnak hrang an tawngaw ti kan thei. Remdaihnak ngaingai kan suahpi thei ding maw, siatnak sinsin kan thleng sawn pei maw asilole ziangvekin CNF ke a kar vivo ding timi kan thlir cuahco a si.

Chinram Vanzam Ṭumnak Falam Ah Tuah Ding  ti tikah Chin mipi hrang thuthang ha siloin rilrawng ih theidum  pakhat cuhawk bangin, ong dangin kan sim asile mah le mah sungah hmuhawkthiamlonak zik tiang a um phah a si. Asinan, a cotu ding diktak cun co dingah ruat hrih phawt sehla. 2012 sungah Chin media lam zawng khalin hmasawnnak tamzet a um rualrualin tlang ong ah buainak malte a um thu mikip theih a si.

Chin Tlang Ṭong Thu Ah Pu No Than Kap In President Cakuat timi thuthang Chinland Today in a ngan  tikah kan Chin leitlun cu a hninter a si. Lungrualte in ong pakhat hman hnakin cuhaw celcel ih buai le miphun hekdarkawknak tiang hman kan nuam a si. Dr. Hre Kio khal cun Concerns on Chin Language – Dr. Hre Kio tiin a ngan hngehnge.

Liam cia cu taan in, tui kum thar ihsin kan hmailak daan ding a thupi a si.

Comments

comments

Comments

%d bloggers like this: