Khuate Hla Sam Kuhsung

Chin Nonawn Calai Pawlkom Seminar

By: Pu Thang Dum

Nonawn thangthar rual nan thin nau ter hngin reu hlauh.

Cunghlum mang bawi hin sang sin tum ding a tim liau_____.

Chin nun mawi iang nei Judah nun phung iang Na hlah maw.

Leitlun ram  kip ah laicin sempi tho thlang auh_________.

Leitlun ram eng tiang Chin hmin than ter si aw ngai.

Calai tial thawn len mawi sin zuam pi cio auh_____.

Khuahlan lam kan pu than lei ih ria cem cawk Sihlah.

Ai len rawl canglai sensinn hrim thar mino in______.

Khuahln ee kan pu than ee

Lei I ee ria can cawk sihlah ee ee.

Ai kan ce rawl cang lai sem sin ee hrin thar mino in ee haw.

Leilung TLun Minung 7,000,000,000 (Billion 7) Kan Kim Ta!

Tuisun rori ah India Lucknow kiangih Mall khawtebehrek ah Devi nu cun nunau fa a nei ih cumi thawn kawm in leitlun minung billion 7 kan kim tiah NGO zingzawitupawl cun an phuang.

Hi fanu nausen hin leitlun nunaupawl an thupitzia a langter ding tiah an sim bet. Leitlun mipum billion 6 kan rak kim t’um ahkhan Bosnian ih refugee tei fapa cun mipa pawl ih thupitzia a rak langter zo a si.

Billion 7 timi cu aw!

Billion 7 cu ziangtlukin a tam ding tile cu leitlun ih minungzaten kutsih khawm sehla kan tlun ih thlapa tiang khi kan thleng ding.

Kan thleng ding timen lawngsiloin vei 7 tiang kan kual thei bet ding tiah an sim. Cuiumzia cu leitlun ih minung billion 7 cu a sangsangten “hello” ti tum awla kum 222 lenglo na rei hrimhrim ding an ti bet.

Minung hin thlifim kan hip daan:

Mipa, nunau tiloin kan zaten kan mah le remtidan ten thaw kan thaw cio.

Thlifim kan hip daan hi mipakhat hin minit pakhat te sungah liter 8 lenglo kan hip ti a si. Mipakhat in nikhat ah thlifim 80.6 litres lenglo kan hip ih nikhat ah kan zaten litar 80.6 trillion lenglo kan hip tinak a si cu.

India milianbik Mukesh Ambani hin leitlun ih minung zaten a sangsangten rawl in pe ding bang sehla ni  5 tiang hrawng lawng in dar thei ding ti a si lala. Email hmang in leitlun ih mi zaten hnen ah “hello” timi cafangte hi kuat ding si awla 3G account tuah a tul ding.

Indonesia Foreign Minister Kawlram Ah Feh

Kawlam ih ni 3 sung cambang ding ih Indonisia cozah in an thlah mi Indonesia foreign minister Marty Natalegawa cun Kawlram ah feh in kum 2014 ih Asean chiar dinhmun kai ding thu thawn pehparaw in Kawlram hruaitu pawl thawn thu rel tlannak nei ding ah a kan dung tlawngkaini 5 ah thleng.

Indonesia foreign minister Marty Natalegawa cun kan dung zarhteni (Saturday) ah Suu Kyi ih umnak a inn ah feh in thu relkhawmnak khal an nei. Marty hi Kawlram ah ni 3 sung a cam ih a ratnak san bik cu Kawlram in a ralai ding mi kum 2014 ih Asean chairman dinhmun kai thei ding in ram sung buainak pawl a reh zo maw ti zohhliah ding ah a si. Marty cun a cam sung ah Kawlram president Thein Sein, Kawlram parliament nahyahkah U Khin Awng Myint le parliament ih mi cungcuang pawl thawn khal tawngaw in thu relkhawmnak an nei.

Kawlram a suansan hlan Pathianni (Sunday) ih thuthanglatu pawl in an kawmnak ah Marty cun Kawlram in hi Asean chairman sinak kai ding in timlamnak nasa tak anei ti a hmuhsuah thu a rel ih an ram a thlen tik khal ah Asean boardmember pawl thawn a thu theihmi le hmu mi pawl an ngaihtuah khawm ding thu khal a rel tel bet. Marty cun Suu Kyi thawn zaing thu an rel ti mi cu kimcang in a tarlang lo ih asinan a hlawkpi thu cu a rel.

Indonesia ram hi tu dinhmun ah cun Asean chairman sinak kaitu ram a si ih Eastern Asean ram pawl hmuahhmuah aiawh in US ih an neih ding mi meeting ah feh ding khal a si.

Myanmarnews.net, VOA

Irawmsuak Thufim

Irawmsuak Thufim

Salai Mazawn

1. Dinhmun tha ih na um theinak dingah tumruhmi si aw la, na tumtahmi le na tuahmi ah fek zetin tuah aw.
2. Fimnak hi minungpawl hrangah ralvennak ralphaw tha bik a si.
3. Fimnak hi Cung Nung Bik Lalpai pekmi a si ih, kan hmuhmi le kan theinak ihsin fimnak kan zir thei.
4. Mi mithmai zohthiam hi thlawsuah pakhat a si.
5. Na hmin thi thei nawn lo ding ih na duh a si le Pathian le ram hrangah thinsen suak tiang in hnatuan aw.
6. Na duhnak ai in diknak kha lalter sawn aw.
7. Rimhmui le ceiawknak tha le mangkhung zetzet na ceiawk ai in ziaza tha le Pathian thuih  na ceiawk ah duh na nung deuh.
8. Ram le miphun, Kawhhran  cawisangtu si ding cun  na duhdawt hmaisa rori a tul.
9. Tikcu le tiluang cun kirzai  rel nawn lo hmanseh, na thuanthu cu a thawk ihsin a cem tiang an lo zoh sal theu ringring ti kha hngil hlah. Na thuanthu cun na nun a lo sersiam ding.
10. Tikcu um lai ih lehhnuah na ti asile lehhnu in tikcu a nein awn lo ding.

Metallica Stage Show Postpone A Si Ruangah Mipi Thinheng In Stage Siatsuah

New Delhi ah Metallica pawl in stage show kan dung kar October 28, 2011 ih an neih ding mi cu postpone a si ruangah mipi an thinheng ih stage parah kai in awnmawitumnak instrument le kum 2 lenglo rei ih an rak sak mi stage khal an siatsuah thluh a si.

Delhi ih Formula one (F1) tlanzuamawk nak an neih ding mi ah Metallica pawl in awnmawi thawn mipi an awi ding thu an phuan hnuah an postpone leh cu mipi an thinheng ih security pawl khal in kilkhawi thei nawn lo in stage par ah kai in awnmawitumnak instrument pawl an siatsuah ih stage khal an siatsuah cimco a si. Asinan Metallica pawl ih an awnmawitumnak instrument pawimawh zual pawl cu an himn man ih mipi thinheng pawl ih siatsuah mi cu 100000 lenglo man a si thu thuthanglatu pawl in an tarlang.

Hi show an postpone nak san cu show an neihnak ding hmunah security a that tawk lo ruangaha si ih Metallica pawl cu, “Mipi sawn nan mah nawmnak le sahimnak ding sawn kan ngaihtuah ruangah a si” tiah an rel. Asinan mipi lam cun show an nei lo hrimhrim sawn cu an thin a heng ih hivek in an cangvai ta mai a si.

Metallica pawl hi india ram ih a vei (1) nak an feh tum a si ih India mipi khal in an phur in an zoh cak tuk lai ah hivek ih thil duhum lo tak a thleng cu pawi an ti thu Metallica pawl cun an rel.

Ahnuaiah Video thawn an buai lai zoh theih a si;

Yangon Ah Bomb Puak

Yangon khawlipi ih Myo-Daw Khan-Mah ( City Hall) ah mizan zarhpi ni ah bomb vawihnih rori a puak thu bomb a puah lai mit ih a hmutu Rakhine mi pkhat cun a sim.

A puak hmaisa deuh cu zanlam 7:45 ah a puak ih neta sawn cu zan 9:00 ciah ah a puak. “Nahzi pakua ih a puah laiah cun Sule, kawl pathian biaknak kiangah kan rak um, a ring tuk” tiah a sim. Tuittum ih bomb puahtu hi (Mai-sin-Lin-Yi) phuaih pawl an si a zum thu khal a sim bet.

“Nahzi pakua ih a puah laifang ah kannih cu kaih 100 hlatnak hrawng ah kan um ih Sule seti kiang ten kan rak zoh ih fiangten kan thei. Palik 100 pawl in khawpi cu an kulh hngal ih mipi pawl cun a kiangkap in an zoh vialvial” tiah khal a sim tel bet. Tuah (Ban-Duh-Lah) pangpardum lam le Sule seti umnak lamzin pi cu hi bomb puak ruangah mipi feh lo ding ah kham an si.

Asinan a kiangkap ah thuthanglatu le kilhimtu ralkap pawl cun kilhimnak nasa tak in an tuan ih hi bomb hi (Myo-Daw, Khan-Mah) ih retmi (Mai-Sin-Lin-Yi) pawl ih puahmi a si thu acozah cuna tarlang. Bomb puak ruangah hliamhma tuar le thi zohman an um lo.

Tipalhnak ihsin Humhim awk

October 31
Tlawngkai Nikhat

Tipalhnak ihsin Humhim aw

Pathian Thlarau ih hruaimi pawl cun “Jesuh cu siatserh si ko seh,” an ti thei lo dingih Thlarau Thianghlim ih hruaimi pawl lawngin, “Jesuh cu Bawi a si,” an ti thei ding. – 1 Korin 12:3

Bible Siar Ding: Johan 13:1-20

Hih ni netabik caan ahhin Jesuh ih Bawi sinak le dinhmun cuh dingih a zuam awtu thlarau sia le mibumtu thlarau sia tampi cu hih leitlun ah thlah an si. Minung tampi in hih thlarau siava pawl luh theinak ding Theology Thar, Ruahnak Thar le Christian Science tivek pawl ihsin saangka an on sak. Hih khawsia biaknak sual pawl in Pathian Ttongkam cu an hnong.

Annih pawl cun kumkhua hremhmun thu le Jesuh ih Pathian sinak kha an el. Hih thuzirh sual a pomtu mi zovek hmanin Thlarau Thianghlim ih baptism an co ti na thei dah lo ding. Thlarau Thianghlim ai ah Mary sawn a betu pawl in Thlarau Thianghlim baptism an cohlang ti khal na hmu dah fawn lo ding.

Mi zokhal in amah ih tuahttuannak in rundamnak a co an ti na thei dah lo ding. Cule Jehovah’s Witness rinnak neitu pawl in Thlarau Thianghlim baptism an co ti khal na thei dah kel lo ding. Cuvekin biaknak dik lo cult tapoh cun Jesuh Khrih cu Bawi a si ti’n an pom thei lo.

A thupibikmi cu na nunnak ah Jesuh cu Bawi ih na ret ding hi a si. Mi tampi cun tidamnak thutak kha thupibik ah ret in rinnak ruang aw lozet in an um men thei. Mi tthenkhat cun tidai ih baptism thu lawnglawng an sim uar thei men. Asinan Bawi Jesuh Khrih khaisang cu ka tipalh dah lo ding; Amah cu Bawi le Khrih tiih sunloih ding hrimhrim a si. Kannih cu Thlarau Thianghlim in kan khat ih kan duhmi umsun pakhat cu Amah sunloih ding lawng hi a si. Thlarau ih khat ringring ding le Khrih ih phuanlangnak cotu kan si ding a thupi ngaingai.

Pathian ih thu in pekmi cu, Thlarau khah nun neih ding hi a si (Efesa 5:18). Kannih hi khuat sungih tidai khat ding men fang khal kan si lo. A khat ih a liammi vek si ding kan si. Thlarau ih a khatmi le a luangliammi kan si lo hi riahsiatza ngaingai a si. Duhdawtmi zumtu unau, a luangliammi nunnak hnuai ih a ummi na si lo zia hmu fiang thlang aw.

Jesuh cu Thlarau in baptism petu a si. Na tim na tuah aw zo asile Thlarau Thianghlim thawn na nun a lo khahter ding.

@Smith Wigglesworth

1-2, Nove, 2011 Champions League Time

Tuesday 1st November 2011

Home team	Score	Away team	Venue	Time	More information
BATE	vs	AC Milan	Dinamo Stadium	17:00	Not Started
Zenit St Petersburg	vs	Shakhtar Donetsk	Petrovski Stadium	17:00	Not Started
Arsenal	vs	Marseille	Emirates Stadium	19:45	Not Started
Borussia Dortmund	vs	Olympiacos	Signal Iduna Park	19:45	Not Started
Valencia	vs	Bayer Leverkusen	Mestalla	19:45	Not Started
Apoel Nicosia	vs	FC Porto	G S Pancypria Stadium	19:45	Not Started
Plzen	vs	Barcelona	Synot Tip Arena	19:45	Not Started
Genk	vs	Chelsea	Cristal Arena	19:45	Not Started

Wednesday 2nd November 2011

Home team	Score	Away team	Venue	Time	More information
Trabzonspor	vs	CSKA Moscow	H. Avni Aker Stadium	19:45	Not Started
Lyon	vs	Real Madrid	Municipal De Gerland	19:45	Not Started
Bayern Munich	vs	Napoli	Allianz Arena	19:45	Not Started
Inter Milan	vs	Lille	Stadio Giuseppe Meazza	19:45	Not Started
Villarreal	vs	Man City	El Madrigal	19:45	Not Started
Ajax	vs	Dinamo Zagreb	Amsterdam ArenA	19:45	Not Started
Man Utd	vs	Otelul Galati	Old Trafford	19:45	Not Started
Benfica	vs	Basle	Estadio da Luz	19:45	Not Started

Suu Kyi In BAYDA Institute Library Awnnak Puai Ah Telpi Ding

Kawlram khuapi hlun Yangon, Thingangyun Township ah October 31, 2011(Monday) nazi 10 : 00am ihsin 12 : 00pm tiang BAYDA Library awnnak puai an neih ding mi ah NLD hruaitu Suu Kyi cu a tawlreltu BAYDA Institute pawlkom pawl cun hi puai ih telpi ding ah sawm nak an pe.

Hi BAYDA Institute ah Course Completion Ceremony of Capacity Building/ Political Science CB/ PS pawl thla 8 sung training neih a si ding ih Suu Kyi cun awnnak puai an tuah ding mi ah a telpi ding in a rem ti zo ih tlawngkaini 1 ah a hmun ah feh in a tawiawm ding a si. Suu Kyi cun an sawmnak ruangah lungawithu a sim ih hi vek ih Kalwram mipi hrang an hnatuannak par khal ah a lungawi thu a sim. Suu Kyi cun, “Hi vek ih nonawn zirlai pawl hrangih training ropi tak an tawlrel thei cu a lungawi um tuk” tiah a sim bet.

Hi hmun ih telpi ding ah BAYDA Institute ih an director U Myo Yan Naung Thein cun zalnenak ngaipawimah pawl hmuahhmuah cu sawm an si thu le Kawlram a thansoh thei nak ding ih hnatuan rerotu pawl hmuahhmuah khal sawm an si thu thuthanglatu pawl hnen ah a sim.

Mifim Pawl Anka

1. Pathian ttihzah tuih hnenin fiimnak a suak. Psalm 37:30 2. Mifiim pawl nih cu ruat ttha hngai seh lah a tuum mi Pathian Duhdawtnak cu thei hngai seh. Psalm 107:43 3. Pathian ttihzah cu fiimnak ih hram thoknak, a thu thluun cu theih thiamnak. Cu tiih a tuahtu cu kumkhua’n thangtthat a si ding. Psalm 111:10

4. Pathian ttihzah cu fiimnak ih hram thoknak. Mi aa nih fiimnak leh thu zirhnak ziang an siar lo. Thufim 1:7
5. ”Ka fiim” ti’n ruat aw hlah aw. Pathian ttihzah aw lah sual kian aw. Thufim 3:7
6. Fiimnak tlaansan hlah aw lah a lo humhim ding. Duhdawt aw lah a lo kilveeng ding. Fiimnak laak aw, fiimnak cu a saangbik(a thupi bik). Na neihmi hmuahhmuah peek thluh ttuul hman seh fiimnak cu laak aw. Thufim 4:6,7

7. Jesuih Duhdawtnak kan sungah a tthang sinsin, A Duhdawtnak kan hnenin a luang suak sinsin. Our Daily Bread
8. Thilthar thawh hnakin thinthar kan ttuul. Our Daily Bread
9. Pathian theihnak nih kan thinlung ah ”Hla”, kan hmai ah ”Hnih mithmai” a ret. Our Daily Bread
10. Pathian tumtahnak nih hlawh tlinnak ah mi a thlen ringring. Our Daily Bread
11. Khrih-fa pawl ih kan nun san cu thlarau-hlo kaih ding lawng hi a si. R.A. Torrey
12. Rualpi pawl thawn HELL feh tlaang hnak in mah te lawng ih Vanram kai ka duh sawn. R.A. Terrey
13. Jesuh hrang ah tampi na ttuan le Jesuh nih tla na hrang ah tampi a lo ttuan sak ve ding. R.A. Terrey
14. Ziang ah ral an sung ttheu ti le ral do caan a cuut ding tiang an hngak ttheu ruang ah a si. R.A. Terrey
15. Ral do caan a cuut hlan in khuk bil ih thla a cam cia ttheu-tu pawl nih ral an neh, an hlawh tling. R.A. Terrey
16. Thla cam man lo ding khop in kan buai ih huuham nei thei lo’n kan buai. R.A. Terrey
17. Thla cam uh, thla cam uh, thla cam uh. Bawipa nih a lo pek lai hlan lo cam uh. R.A. Terrey
18. Thil hmuahhmuah duhdawt-nak thawn tuah aw. Og Mandino
19. Ka thin lung sung ah man pek ttuul lo’n na um thei. Duhdawt-nak na nei le. Samuel Lover
20. Poisa lo in ka nung thei na’n duhdawt-nak tel lo’n ka nung thei lo. Judy Garland

Baw Boih(Saw Cung Zing)
Canada

Sabit Thar

October 30
Zarhpi Ni

Sabit Thar

Asinan midang pawl cun zumtu pawl cu an hnihsan ih, “Hi pawl hi zuu an ri a si hi!” tiah an ti.
- Tirh. 2:13

Bible Siar Ding: Tirh. 2:13-41

Sabit thar cun a tharnak a langter. Cumi cu a mawizet! Cumi cun tlinnak a nei! Cumi cun midang in a thawtnak tep ve duhnak thinlung a neihter. Pentecost Ni ah mi tthenkhat in an hmu, asinan mi thawng thum cun an co, an tep ngah ih an lungawipi. Mihrek cun an zoh; midang cun ni dangih um dah kel lomi rinnak thawn an in – phuanlangnak thar a suak, vanlam sinak zate le thil thar ziangkim theihthiamnak thar an nei. Cumi cu vancung ihsin a rami, sunloihmi Bawipa ih bawi tokham ihsin rami a si. Cumi cu Pathian ih tumtah sabit thar thawn khat dingih in duhsaknak a si. Tiva thar bangin luangsuak ding le a baang thei lomi thazaang cahnak thar thawn nunter in duhsakmi a si.

Pathian cu milai taksa in a phuanglang aw – himi cu kan ttulmi le Pathian ih duhmi a si. Mi hmuahhmuah in, “Himi vek thil ziangtik hmanah kan hmu dah lo” an ti thluh (Tirh. 2:7-12). Dungthluntu pawl cu hih tharnak sungah an nuam aw; midang pawl cu cuih thu an theih tikah an thinlung a khoihzet ih, Peter le a dang tirhthlah pawl kha, “U le nau pawl, ziangso kan tuah ding tiah an sut” (c.37).

Ziangso kan tuah ding? Zum aw! Pharh aw! Cakter aw! Thil thar lutter aw, duhhiarnak thar nei aw. Kannih cu dunglam ah um in sabit thar in ding kan si, cuticun mipi cu thin diriamnak le lungkimnak an nei thei ve ding a si.

Sabit thar cun a retnak thawl thar a neih a ttul ve – cumi cu bungbel thar ttulnak a si (Matt. 9:17). A hlunmi a taang asile thah le siatbal ding si loin thlek le khiak thluh ding a si. Sabit thar le thawl hlun cu remcaang in hna an ttuan tlang thei lo ding. Sabit thar cu thawl thar thawn a si a ttul tengteng.

Thlarau Thianghlim cun kan nunnak pumhlum in thlenghsak thluh ih Amah kan bangh lai hlan lo pehzom in kan sungah nung in a cangvai ringring (Filipi 3:21).

Zumtu cu Thlarau thawn khat tahrat in ziangdang hnakin Jesuh hmuh ding lawnglawng kha hiarhaalzet ding kan si. Leitlun ih kan nunnak cu Khrih ih nunnak bangtuk a si a ttul (1 John 4:17).

Kan minunglam cemnak cu Pathian ih nun hramthawhnak a si.

@Smith Wigglesworth

ECCM leh Church Of Christ In Beunak hawl Chin mi Bawm

CT | Melbourne, Australia

29 October, 2011

Australia, Melbourne Chin mi khawmnak Emmanuel Christian Church Melbourne (ECCM) leh Church of Christ pawl cun India leh Malaysia khawpi um Chin mi beunak hawl mi harsa zual pawl bawmnak an pek thu kan dawng. Emmanuel Christian Church leh an khawmnak biakinn neitu Church of Christ pawl cun Cafe Burma ti thupi hmangin Melbourne ih um Chin mi, Falam mi raltlan pawl thawn khawm tlangnak neiin thuhla hlawm awk tonnak  23 October 2011 ah an nei.

Famkim Siarbet

Next Page »