Master Hre Dun Kan Tawng Leh Thei Hi!

Kan Chin milak ih Karate Master hminthang kan neih mi  Rev Don Hre Dun cu Mizoram Champhai District Karate Association cun “Rising Day” vei 11^th nak Champhai Kahrawt YMA Hall ih an neihnak ah an sawm ih an sawmnak ngaipawimawh in 28.5.11 ahkhan a va hmanpi ngah.

Rev. Don Hre Dun hi international hman ih Award rak dawng ve ban kan Chin milangsar pakhat a si.

Tuitum Champhai ih an sawmnak ah shownak malte a neih sak. Master Don Hre Dun  hi Pathian hnatuan ih a nun hmangtu a si ih a rawgbawlnak khalah mihipnak ah tiin Show a nei phahphah theu ih a Show zoh duh ah mi tampi cun Pathian thu an ngai phah theu.

Hmun tinah lung cang sah kiak tivek leh a phunphun a Show tikah tlangval sualpawl le zu in pawl khalin cumi zoh dingin an feh ih a Show hlan ah Pathian thu a sim ta theu.

Cutin, Pathian ih a pek mi a talent cu Pathian hrang lala ah a hmang sal theu.

Rev. Don Hre Dun hi Falam Baptist pi ah pastor tuan in hmun dangdang khalah feh in thuthangtha phuansuahnak a nei vivo.

Cuihleiah Pathian hla khal a phuah bet. A duhdawttu le a ngaisangtu pawl cun an rinsan zet ih a cangvaih daan hi danglam zet in an rel theu.

Amah a hmutu le theifiangtu pawl cun mi nunnemte a sizia le zawnlungzet ih cangvaih daan pawl mi a zirh thu khal an sim theu.

Camkhat sung Champhai ih caan a hman nak ah unau Mizo pawl cun sunglawi takin an rak sunsak.

 

Suu Kyi In Ramsung Tlawn Tum

Kawlram mipi zalennak dinghrang ih zuam rerotu Aung San Suu Kyi cun tlawngkai nikhat niih Hong Kong phunsang tlawngta pawl thawi video langih biakrawn awknak an tuah nakah ramsung tlawnnak a neih thok ding thu a sim lang.

Famkim Siarbet

Mipa Pawl In Sunghruk Nei Mal

Ni (7) sung khualtlawn veivahnak ding hrangah mipa cun bawngbite sunghruk (underwear) pa(3) lawng an ken lai ah nunau pawl cun pa(10) lenglo an keng tiah British servey cun an sim.

Mipa pawl cun bawnbi kan daihaw lo tiah mi za ah mi 12 hrawngin an rel ih hotel ah sawp kan tum phah tiah a simtu mi 15% lenglo an um.

Mipa thenkhat 37% pawl cun swimming trunks hruk an tum ruangah an keng mal tiah an sim bet. Mipa 98% pawl cun holiday an hman tikah an thuamhnaw neihsun an ken lai ah nunau 61% pawl cun an thuamhnaw neihsun le ceiawknak item pawl an rak keng tiah an sim bet.  Holiday hman caan ah mipa 7% hrawngin angki thar an lei lai ah nunau 47% pawl in an rak lei vet.

Hram: AFP

Hute le CT palai Chating…June 5 zan??

CT: Hi, Hute na dam maw?…na va reh ve?

Hute: Na dam ti, Email umlo nak hmun ah 2 week kan um ih.

CT: Aw si ngai.

Hute: Tu hi Malaysia lam ah Pathian thangthat hla concert kan nei thei ding a bang ih.. Singapore ah kan thleng zo..2 days hrawng cun Malaysia ah kan thlen ding

CT: Aw…gospel concert/ show cu ziangtik hrang?

Hute: June 5, 2011 Sunday zan ih tuah ding mi a si.

CT: Zo pawl..?

Hute: Sung Tin Par , Sangpi, Steven Lian , le kei mah kan si hmang…Mi dang tla an tel, ka theihlo mi an um ding.

CT: Himi ho zo pawlih tuahmi a si..?

Hute: FRO pawl an si.

CT: Hmun khat ah nan feh theh maw?

Hute: Ai, feh hlah..Kan nih kha Singapore lam in kan ra ram hmuh phah nak ah kan ti ih..Cun, kei le Steven Lian, Sung Tin Par cu June 3 ah kan thleng ding ka zum.

CT: Nan fehsuksonak sumpai an lo tum maw?

Hute: Aw in tum theh so khaw.

Hute: E, pakhat. Tuitum awnmawi tumtu ding hi Cung Aung ih hohanak ding a si. A mah hi Philipine ah tu fang music thawi peparin Master course a zir rero lai a si. Tui tum a tumtu ding lakah kum 11 ih sin kum 17 tiang nau hak tete tla an tel ding ( Cung Aung ih tlawng ta pawl ).

CT: Himi hrangah ziangtluk nan timlamaw?

Hute: A hmun ih rak practice tla  an um ih kan umhmun khalin nasazetin kan timlam aw. Cun, kan sak ding mi hla kha Kan kuat cia ih an rak bei nasa hmang.

Gmail Thu Ka Theih Duh Mi A Um

Gmail offline tuah duh si tuah thei lo pawl hrang

Kan dungah ka rualpa in Gmail Offline ka tuah tum ih ka tuah thei lo, ziangah si pei ti ah in sut.
kei khal ka mail ah Offline tuah a thei lawk ih ka tuah rero ko, a si nan thil dang ka tuah ka tuah tikah cun.a thei ve nawn lo. ziangruangah ti khal cu ka zoh dah cuang lo.

Ka rualpaih in sut takah cun, ziangruangah si pei ti ka zoh sal. Offline kan tuah thei lo nak hi ziang dang si lo in, Browser pakhat ih gmail 2 – 3 ong thei dingih kan tuah ruangah si. Cui kan tuah mi cu kan phel sal a si len Offline kan tuah thei ding a si.

A phel dan cu…

1) Setting  ah lut.
2) Accounts and Import                  Click
3) Other Google Account settings   Click
4) Multiple sign-in  Off – Edit           Click
5)  On – Use multiple Google Accounts in the same web browser.
ti si lo in.
6) Off – Use one Google Account at a time
ti nak sawnah click aw la save aw.
kha ti cun Offline mail cu na tuah thei ding a si.

Gmail accounts na delete duh maw

Thenkhat cun mail an neitam tuk ruangah leh thildang dang ruangah buai thlak ti in gmail Accounts delete dan mi an sut theu.
cu ti vekih gmail accounts na delete duh a si len.

1) Setting  ah lut.
2) Accounts and Import                  Click
3) Other Google Account settings   Click
4) Multiple sign-in  Off – Edit           Click
5) My products – Edit                         Click

Delete Account

Close account and delete all services and info associated with i….
ti mi na click cun.
Tap phah in, hi mi ka gmail ka duh sal na ti rero khal aw la
A thei nawn lo a si.

A mak maw…
Google let ling zawngin na tuah dah maw?
Letling zawngin kan tuah hnik pei aw.
Bars   ah  https://www.google.com/ ngan Enter

Google ah
elgoog ti in ngan aw la. Enter hnik aw.
buaithlak mei mei maw le ti.

Gtalk zo in a rak hmang?
Kan computer ih Gtalk kan um lo sungah zo si rak hmangtu ti kan theih duh a si len.
Theih thei dan a um a si.

Start >> Run >> regedit  ong  Ctrl+F hmet
Find what ti nak ah @gmail.com ti lawng ngan aw.
theh cun  Google Talk hnuaiah  Accounts ti mi  folder ti nak ah na thleng dingih.
Accounts folder ah zo in a rak hmang ti mi pawl na thei thei ding a si.

British Music Industry-i Miropi Adele

Tunlai-i mi theih hlawh tak leh a hla khal mi tampi ih an duh emem Adele cu guardian thuthangca in Music Power 100 a tuahnak ah UK mipi cun thil titheibik ah an thlang. Adele hi hitivek in cawimawinak dawng awm a si maw??? tiin critics pawl cun an rel khawm rero.

A awm lo lem lo, music world ah hin a hmin kan theihnak  khal a rei hrih lem lo ruang ah a rel thaim cu ahar deuh. Kum 2008 ah khan a album hmaisabik a suah i, tui a album hit em em 21 hi album pahnih i suah a si.

Music industry i mi hrang(mi theih hlawh) ve tak simon Cowell,Jay-Z leh Damon Albarn pawl hman in an tluk lo riai asi.A dangzawng ih kan thlir asi ah cun Adele hi tunlai tak ah phei cun a ropi asi. A album 21 hi ram 15 top 10 ah pakhatnak asi i, copy tan 6 (6 Million)a khawng zo asi.A pahnihnak ah cun mi pahnih-Lucian Grainay leh David Joseph an um i,Simon Comell cu pathumnak asi.Top 10 pawl kan rak zoh ta pei.

Top 10 Chart

1.Team Adele:Label executive:Richard Russell,XL Recordings,Manager:Jonathan Dickins,Publisher:Paul Connolly,Universal Music Publishing Group,Radio plugger:Brad Hunner,Radar plugging.
2.Lucian Grainge:Universal Music Group and David Joseph:Universal Music UK
3.Simon Cowell:Managing Director,syco
4.Nigel Harding:Boardcaster,Music policy executive,Radio 1
5.Person or persons unknown:Retailer:iTunesUK
6.Chad Hurley,Steve Chen and Jawed Karim:Digital media:sounders,You Tube
7.George Ergatouds:Broacaster,head of music,BBC Radio 1 and 1Xtra
8.Larry Page,Sergey Brin and Eric Schmidt:Digital media,co-founders,Google and their executive chairman
9.Simon Moran:Live music promoter,manging director,SJM Concerts
10.Jeff Bezos:Retailor,president and CEO,Amazon.com

Salai Sen Ro Sang Interview

Profile:
Hmin  ngai                  : Salai Sen Ro Sang
Cafung hmin                : S.Laisak,Tilum
Suah ni                        : 1973 kum Vansar thla ni 15
Suahnak khua              : Tilum, Falam peng
Nu le pa                       : Thuam Nei Kim & Bil Luai Thang
U le nau                       : Suahpi mipa(2) le minu (3) ka nei.Ka nau pa
Salai Van Nei Lian hi ca ngan
a paih zet ih cafung hmin Salai Mupi
hmangin ca a ngan ve theu.
Innsungsang                : Ka nupi hmin cu Zing Sui a si ih, fate (2) kan nei.
Qualification               : B.Th.,M.A(History)
Hnatuan                      : I.P.C.M Kawhhran ah Pastor ka tuan.
Umnak khua                : Tahan-Kalaymyon ah ka um.

CT: Kum ziat na si ihsin ca na rak siar thok? Ziang ca pawl na rak siar theu.

SRS: Kum 15 ka si ihsin ca ka rak siar thok ih Lai tong ih suak Mekazin
pawl ka rak siar theu.

CT: Ziang tik ihsin calai na rak buapi thok?

SRS: 1995 kum ihsin calai ka rak buaipi thok.

CT: Calai thawn pehparaw in cangvaihnak na rak beih zo mi pawl in ruah aw.
SRS: 1995-96,1996-97 ah Falam Zirsang Mino Pawlkom, Kalay ih suah mi
LAILUN Mekazin ah Editor ka rak tuan. Seminar paper in nganter ih  “Laimi le
Lungrualnak” ti mi ka rak ngan. Cun Writers’ Workshop ah “Article Ngan Dan” ti mi  in  nganter ih zirhtu ah ka rak tang ve.

CT: Cabu paziat na rak suah zo? Bikom(Article) teh ziangziat na rak
ngan zo? Ziangvek thu na ngan tam bik?
SRS: Cabu bu (3) ka ngan zo. 1. Hliakhlai Ve Lang Kan Calai (Lai Ca X-ray)   2000, 2. Chin Tong Ngan Dan (Chin Grammar & Composition) 2004    3. Senpi Lairel Dan (Parliamentary Procedure) Feb. 2004 ah vei 1, Aug. 2004 ah vei 1, Mar. 2007 ah vei 1 vei thum sut a si. Cahram hi ka kum hnakih tam ka ngan zo. Chin thawi laicin pehtlaihawknak nei thu ka ngan tam bik.

CT: Falam tong ih cabu  suak hi paziat  hrawng a um zo?
SRS: Falam tong ih cabu suak hi bu 1000 cu  a luan zo men thei.

CT: Chin lakah Falam calai hi a niam maw a sang deuh tin na hmu?
SRS: Chin lakah Falam calai hi a niam ce lo. Lusei an sang bik ih cu mi
theh ahcun kan tlukaw vualvo in ka thei.

CT: Calai Seminar ih umiza in simfiang aw?
SRS: Calai thuhla relkhawmnak tinak a si ih, Calai Seminar kan tuah theu mi hi thu le hla thansonak le kan tong hman dan dik zirhawknakah kan
hmang.

CT: Laimi ah cangan thiam na ti mi pawl zo an si pei?
SRS: Lai tong ih canangtu ah (Chin zate huap si loin) ca ngan thiam ka ti
mi (7) in rel sehla.

1. No Than Kap
2. Salai Ram Ling Hmung
3. E.Kyon Bill,
4. S.Hrang Kap Hnin
5. Mai Sokhlei Par
6. Timothy Sui Lian mang
7. Don Hre Dun

CT: Ziangtin cangantu tam sin an hung suak thei ding?
SRS: Cangan theitu poh in maih vei zawng ngan cio in, an ngan mi lei le siar lamah tanla cio sehla cangantu an hung suak tam mai ding.

CT: Ca ngan thiam pakhat si dingin ziang a tul?
SRS: Ngan ding dik tak theih, senpi ih thathnempi ding le tangkaipi ding thu ngan, thil vei kan neih mi calai ih canter thiam, thil ngaihtuah mi le suangtuah mi  thu le hla ih phorhsuah thiam, thu picang le thu laimi laksuah thiam.

CT: Editor pakhat si dingin ziangvek quality neih a tul?
SRS: Ca ngan mi siar tlak ih tuah phuisui(enrich) le tuah that hi
editor hna a si.

CT: Mekazin pakhat tuahsuak a si theinak dingih harsatnak pawl?

SRS: Sumpai tlaksam le cahram ngah that lo hi a si bikin ka thei.

CT: Falam calai dinhmun a danglam/herawk vivo dan (a thuanthu umdan) in sim aw.
SRS: Falam calai dinhmun hi nuam teten thanso le pitlin lam a pan vivo. A hmaisa ah  tongfang kom ding le kom lo ding, cuih sin nunphung thu, cu hnuah simthannak (information) lamah tiin a heraw vivo. Hmai lamah kiangkap kilkhawi(Ecology) lam kan tul vivo lai ding.

CT: Falam tong ih ngan mi tam sin a suah theinak ding ah ziangtin a
cang thei ding?
SRS: Falam tong ih  ngan mi cabu tam sin a suah theinak dingah senpi
ih tul mi le siar duh mi thu tampi ih ngan ding.

CT:  ’O’ le ‘AW’ buainak in a suahpi mi rah hi a tha maw a sia? a
siatnak le a thatnak?
SRS: ‘O’ le ‘AW’ buainak in rah tha a suahpi lo. 2000 kum ih calai
pawlkom pakhat C.L.F a din mi hin calai thangphawknak a thlen ih calai thansonak lamzin ah hmai  lam kan pan phah in ka thei.

CT: ‘O’ ihsin ‘AW’ ah, suisin ‘O+AW’ ih na thanawk vivo dan tla theih kan duh.
SRS: Kan Lai ca ah O le Aw hmann rawi theinak tongfang ah awtawi ah O kan hmang ih awsau ah AW kan hmang. Hi mi ah awsang le awniam thaw cun a seng lo. Aw a san khal len a niam khal len O le AW hman rawi theinak ah aw a sau phot cun AW hman a si ih, aw a tawi phot cun O hman a si. Asinan Lusei Baibal le Hla bu hmangtu ka si ruangah O le Aw ngan dan ah ka hmuh ngun mi Mizoram lehkha ziak dan ka rak cawng. Tu ahcun Lusei Baibal le Hla bu hmang nawn loin Lai Baibal le Hla bu ka hman thlang ruangah Lai  tong cu Lusei ca ih ngan hnakin Lai ca ih ngan mai hi thil tha a si tiin ka ruat ih O le Aw ngan dan ah Mizoram ca ngan dan ka cawng duh nawn loih Chin State ca ngan dan ka hmang thlang mawle.

CT: Literary Criticism hi a tulntin na ruat maw? Ziangruangah?
SRS: Literary Criticism hi calai muril a si ruangah a tul tiin ka ruat.

CT: Calai(Literature) na simfiang dan?
SRS: Calai cu milai thinlung le khawruahnak, duhzawng le huat zawng, lunglennak le umharnak, aipuannak le nomnak, duhthusam le suangtuahnak kan neih mi thunlem hla pawl cu tong suak, sak suak men lawngah cemter loin, lehhnunih siar  le sak suahsal theih dingin hloral lo dingih ca rori ih ngankhum mi hi a si.

CT: Calai hi milai hrangah ziangtlukin a thupi?
SRS: Milai nun ti thangsotu le cawikangtu cu calai hi a si.

CT: Calai lamzin na rak zawh nak parah na hmuhton mi harsatnak pawl
tla in hlawm aw.
SRS: Cabu suak mi lei le sir lamah kan daithlang tuk deuh in ka thei ih hihi kan  harstnak bik a si.

CT: Chin History nasa zetih rak zingzoitu pakhat na si vekin, Lairam
in Free land a sinak a rak hlohnak san bik hi ziang a si tin na hmu? A
mawhphurtu teh zo pawl an si thei?
SRS: Chinram in Free Land a sinak a rak hlohnak san hi Mirang pawl kha cu tingaihnak um loin hriamhrei le thiamnak ah in hlaih tuk .Cuih hnu Kawl ram independent a laknak ding ih Pinlong Agreement ih kan hotu hmin an khen (sign) ve kha mawhphurtu an si thei ding. Hmin rak khen ve lo hai sehla Mirang in in uk hrih dingih independent in peksal  thotho ding ruangah Chinland cu Free  Land ah a cangsal ding nan.

CT: Kiangkap khua(Hakha, Tedim, adt=adangtla=etc)pawl; an thangso rero
laiah Falam khawpi a rop vivonak san hi ziangruangah a si tin na ruat?
SRS: Falam khawpi a rop vivonak san hi Falam le Rih zin mawtaw a feh nawn lo ihsin a thokin ka thei.

CT: Falam khua a thanso vivo theinak dingah teh ziang pawl a tul. Ziangtin tuahtheih a si tin na zum?

SRS: Falam le Rih zin  hi 2003 Thangtsin Mekazin kawm ih tarlang mi New Planning Road vekin lilawn  don tul lonak zin thar in cek sehla. Cuih hleiah Falam-Lungrang-Muleng-Angteng-Gangaw lamzin cek suak thei sehla cu Falam khua cu a thangso tengteng ding. Hi mi thu hi Pu Van Kulh in Lairam ah Ka Tlung(2007 April 11-24) ti mi
cabu a ngan mi cahmai 27 nak ah hitin a ngan. “Falam khuapi a thancho nak ding le nun a nuamh deuh nakhnga, Falam-Lungrang-Muleeng-Angteng khua ah tleng put in mawtaw lam chunh ding hi a herh tuk. Lairam Chinland cozah nih fakpi in ruah a hau lai”tiin.

CT: Tahan ah Lusei pawl hnakin Falam mi pawl an thanso vivonak san ziangruangah a si tin na hmu?
SRS: Hih thu cu rel ding ka thei lo.

CT: Mai tong hmang duh lo Laimi pawl thu ah ziang na rel duh?
SRS: Mai tong hmang duh lo Laimi pawl cu, “Mi hmui ka hmui ti, mi thla
ka thla ti ‘pinu’ vek kan si.

CT: Laimi hrekkhat in ‘Laimi ka si’ tiah ziangruangah an tiaw duh lo tin na ruat?
SRS: Laimi hrekkhat in ‘Laimi ka si’ ti awlotu an um a si ahcun mipa si cing ih ‘minu’ si duh sawn, mi bang ngaingai lo deuh an si ding.

CT: Miphun duhdawt ti mi hi ziangvek a si? Ziangvek in miphun kan duhdawtnak kan langter ding?

SRS: Miphun dinghngettertu cu cuih miphun ih, tong le pnunphung dan hi a si ruangah kan tong le kan nunphung dan kan humual hi miphun duhdawtnak langter thei dan umsun pakhat cu a si.

CT: Tahan ih Falam le Lusei thubuai kha ziangtin, ziangruangah a rak thok?

SRS:  Pa Lal Tai nupi Nu Za Thang Mawi ih thih (4.8.2004) ruang men hlanah Lusei hla hmang loin Lai hla hman a si ruangah Lusei Thalai pawlin mithi inn thleng zo bung le bel le thilri an lak thluhsal ruangah thubuai a suak.

CT: Thlanmual thubuai teh kha ziangruangah a rak um? Khai thubuai kha ziangvekih cinfel a rak si?

SRS: Hih thu ah rel ding ka nei lo.

CT: Cu mi thubuain parah cozah in ziangvekin thuthennak a rak tuah?

SRS:Hih thu cu rel ding ka thei lo.

CT: Hlonhloh na duh mi Chin concepts lakih panga in sim aw.

SRS:

1. Miphun pi lungput nei loih hrinhnam lungput kan neih mi
2. Pathian thu hnak in leitlun thuhla kan buaipi tuk mi
3. Maih Chinmi hnakih miphun dang upat sawnnak lungput

4.Ram le miphun hrangah raltha dingih zirhaw cing hmanih kan ralthat lo laiah thlaphang le ralhrut ding zawngih sim le zirhawk kan hman mi

5. Vanram ngaihtuah in kan buai tuk ih vanram kai hlanih kan um
dan ding zirhawk kan ngaihthah pang mi

CT: Ram /miphun pakhat a thangso maw thangso lo ti theihtheinak
tahfung hi ziang a si pei?

SRS: Pursumleilawnnak, zirthiamnak le harhdamnak pawl hi a si ko lo maw? ka ti.

CT: Ram/, miphun a thanso theinak dingah ziangtin tanlak a theih ding?

SRS: Uktu le hotu pawlih lungrual teih thansonak dingih mipi in
fokkhawmnak in tanlak a theih bik ding.

CT: Upat tlak na ti mi minung hi zovek an si?
SRS:  Upat tlak ka ti mi cu:-
1. Thuphan per dah lotu
2. Diknak ngaina ih mi senpi thatnak ruattu
3. Remnak le daihnak hrangih a nun le a sumsaw hmangtu
4. Khaikhawm in ka rel le true, fair, justice in senpi thatnak ding hrang hna a taunt          hi upat tlak ka ti mi a si.

CT: Falam ih identity na simfiang dan?

SRS: Rel dan ding ka thiam lo.

CT: Miphun dang hnakin Falam mi an hleicetnak le cuanghmuarnak?

SRS: Rel ding ka thei tuk lo.

CT: Falam mi in mi kan banglonak na ti mi  pawl teh?

SRS: Rel ding ka  thei lo.

CT: Miphun hrangah na saduhthah le na sunmang pawl?
SRS:

1. Khrih zarah ziangkim ka ti thei ti lungput dik nei ih mah le mah rinsanawknak neih
ding.

2. Khuitawk hmun le ram ih kan um khal asilen. Kan Lai nunphung,
kan Lai ca, kan aw le an hloral lo dingih kilkhawi that.

3. Miphun le ram hrangah mah le ti thei tawkih tuan cio ding.

CT: Sim duh mi na neih lai le…
SRS:   Lairam ah mei nawh le mei ur hi kham thluh thei sehla. Mei nawh
le mei ur hi kan kham thluh thei asile ram a ngaw in a hnawng ding. Nikhua a dik dingih ruahti a punghman ding. Cun ramsa humhual le tiva nga karhzai dingih tawlrel khal hi a tul tuk tiin ka ruat.

40. Ziangtin kan lo pehtlai thei ding?
salaisen@gmail.com lolen s.laisaktilum@gmail.com in in pehtlai thei

Thuthangca Athupitzia : Salai Ayete (Vankau)

Thuhmaihruai

Thuthang (news) timi cu a tikcucan khelin thil rung cang tharmipawl mipi zaten theihthei dingin TV, Radio, Thuthangca le Mekazin tivek ih phunsuahmi thuhlapawl an si.

Atlangpi thu in, thuthangca (Newspaper) cu nitin asilole zarhtin pelhlo ih phuansuah ringring a si bik. Cui thuthangcapawl cun thuthar, thilthar an phawrhsuah theu ih nikhua umtudan, lehpannak le thilman tivek phuansuah a si theu.

Culawng siloin, ramthuhla, pursumleilawn thu, art le nunphung, nunthuleng le tawntawk tivek tiangin thuthangca sungah phuansuah ringring an si. Thuthangcapawl ih an sum luhnakbik cu thehlarnak (Advertisement) hi a si bik.

Tuisun ahcun, cahnah lawngin siloin Internet cahmai par khalah thuthangca phunphun phawrhsuah le zemdarh rero a si zo. Hi cahram te thawn, thuthngca a thupitzia run tarlang ve sehla.

Ram dintu (Nation-buliding)

Thuthang phuansuah hnatuannak hi felzet, dikzet le hmarngai-zawnruahnak thawn tuansuah asile rampi pakhat dinsuah rero thawn a bangaw ti a si. Cui hnatuannak cu thuthang zemdarh ih thehlar vivonak a si ruangah a siartupawl thuhla famkim a theihter ih nitin an hnatuannak ah, ding le felzet ih thurelcat theinak tiangin an tulmi thuhla famkim ten a pe thei. Thuthang zemdarhdan (Information Flow) a thatnak ram ahcun a rammipawl khalin thuhla an theihkau thei ruangah an thansoh phah ti a si.

Misenpi Thuruahdan Tuahthattu (Public Opinion Shaping)

Thuthangca cun rammi misenpi ih thuruahdan tiangin a tuahtha thei ti a si. Misenpi duhhrilnak vekih ukawknak (Democracy) ram ah tla cun thuthangcapawl ih an thilti theizia a natsattuk ruangah “Amerika rampi khi a uk rerotu cu Amerikan thuthang media pawl an si” ti tiangin a titu an um. Thuthang a cah ih, thuthangca suahtu an thiam le, misenpi ih thinlung muril tiangah ram duhdawtnak a thlen thei ih mipakhat fingfing ih thiltitheinak tiang a tuahtha thei ti a si.

Ram Kilhimtu Uico (Watchdog)

Thuthangca media pawl ih thilti theinak adang pakhat cu ram kilhimtu uico vek an sinak hi a si. Uktu cozah le kampanipawl in diklozet ih an hnatuanmi le thiltimipawl a phawrsuah ringring dingih rammi misenpi hrangah thudik le thiltha theihter ding hi thuthang media pawl ih hnatuan tumbik pakhat a si ve. Thuthang hnatuahtupawl in watchdog hnatuan hi hmualneizet ih an tuansuah thei asile daan thawn ukawknak, eiruk-doralnak, rampi ih pursum-leilawnnak le democracy ukdan dik tiang a kilhim in a hmasawnter thei ti a si.

Mipi Thurelkhawmnak (Public Forum)

Thuthang media pawl cu mipi hrangah mai duhmi phuansahnak le thurelkhawmnak hmun khal a si. Rampi a thansoh theinak dingah ziangtin, rammi pawl ih harsat buaibainak ziangtin- kan tuahtha in kan remtha thei ding ti’n mipi zaten thuruahkhawmnak hmunpi pakhat khal a si. Thuthangca hi khawruahnak thar phawrsuahnak hmun (Idea Generation) khal a si thei ih khawruahdan le hmuhdan pawl khawlkhawmnak bazaarpi (Idea Supermarket) khal a si thei fawn. Ruahnak tha le hmuhdan dik a tam lawngah rampi a thangso thei dingih cuti ih a tuahsuak theitu ding cu thuthang media hnatuantupawl an si.

Ralrinding Mallai

Thuthang  phuansuah tikah a rung cangdan le a sidan vek cekci in thehlar le zemdarh ringring ding hi a thupizet. Tualsung thil rung cangmi thil fatezet khal hi mipi hipnak ah ti’n tumzet vekin ngan a theih ih cucu, Sensationalism ti a si. Thimnak ah, kawlpa pakhat le chinpa pakhat ih buaibainak an neihmi khi “Kawl le chin karlakah buaibainak a um” ti khalin tumzet vekin ngan a theih ih kawl le chin remawklonak tiang a thlen thei a si. Rampi le khawvel huap ih thil thupizet khal thu fatezet le tualsung thuthang vekih ngan a theih. Cun, thil thupipa a rung thlenmi khal awlaizet le fatezet vekih ngan a theih ih cucu, Oversimplication ti a si.

Ralrinding Tampi

Kum 17 ka si tiang Falam khaw sungah rak thanglianmi ka siih voilekhat ah cazual, mekazin tivek tete siar ding ka rak hmu theu nan voitamzet cu siar ding um lo lawlaw in ka can ka rak hmangliam theu. Tuisun, kawlram sungah thuthangca, journals tivek phun 176 suah ringring ti a si. Cupawl teh kan chinram a hung thlengban maw? Lailam, khawte lamih um kan unaupawl in teh thuthangca hi an siarban ve pei maw? ti tla ka vun ngaihtuah theu. Ram le miphun pakhat hin a parih HUTHANGCA vek tello in teh Thinlung, Taksa le Thlarau a kilkip ih  thansoh ngaingai  a theih pei maw tiah…..?

Sirhsan: Microsoft Encarta Encyclopedia, Premium 2009

The Voice Weekly Journal (Vol.7/No.21)

Salai Ayete (Vankau)

CCYI Conference Kuala Lumpur Ah

CCYI (Chin Christian Youth International) Vice President Henry vl Hmangaih cu a Bible zirnak Philipine ram ihsin kan dung April, 2011 ah Singapore a feh. Pathian ih a pekmi a hnakruh thawn damsung thutiamnak an neih hnu ah an nupa in Kawlram ah an tlung. Kawlram ihsin CCY Aizawl siseh, Chaiphai ih kan Chin minopawl thawn tawnawknak a nei thei. Cun Tahan ah  May 7, 2011 ih CCYI Conference ah hoha in thusim fiangnak a nei. A ra dingmi hmaizarh sungah Kawlram suahsan in Singapore le Malaysia ih um kan Chin minopawl thawn thurel tlangnak a nei sal ding.

Malaysia ih CCY rinsanmi Salai Michael Van le hmin tarlan lo Chin mino thahnenngaipawl ih tawlrelnak in Kuala Lumpur khawpi ah CCYI Conference nei thei dingah timtuah rero a si zo. Himi Conference nak ding hrangah CCYI Vice President Saya vl Hmangaih cu Singapore ihsin June 1, ah Malaysia a thleng ding ti thu CT in thuthar a dawng. Malaysia ihsin CT palai in a simnak ah himi Conference thuhla hi cipciar zet in sim theih a si hrih lo nan, June 2-3 ni ah Saya vl Hmangaih le Chin minopawl thureltlangnak neih hnu ah June 4 zan ah mipi thawn Conference nei ding in ruahmannak a um.

Kuala Lumpur ih CCYI Conference tuah nak dingah Malaysia ih um mi a hleice in Chin mino hmuahhmuah, Kawhhran, Fellowship tinkim ih mipi le hohatu Pastor, Evan zate in sawm tum a si. Himi program ah Pathian hnatuan (rawngbawltu) Saya vl Hmangaih in thuthangtha simnak Mino khawm in caan serh hman a si dingih, cumi theh ah a dai in khawmnak le CCYI in kan miphun hrangah a tumtahmi le a tuan dingmipawl sim awknak le thuhla suh awknak neih a si ding tiah CT palai cun thu a dawng bet.

CCYI hi kan dung kum October 3^rd, 2010 ih rak dinmi a si. CCYI hin leitlun hmun kip ih mino Pathian thu thawn nasa zetih hmunkhat ih um ding ah lam a sial rero. Ahleice in CCYI hin awnmawi le Pathian ih mino an thansoh theinak dingah hna a tuan tiah CT palai hnenah an sim thei bet.

Billboard Music Awards

 

Kum 5 sung lai zem lo ih an um hnuah Billboard Music Awards cu tuah thar leh asi ih,cawlhni ah khan zem asi.Hi zan hi tu lai ih thuhla nei lutuk lo Taylor Swift leh Rihanna hrang ah cun zan lungawi um tak asi.

An nih hi rel hlawh an si bik.Mipa lam ah cun Eminem a ropi in Justin Bieber khal in boruak a nei tha thei lai asi.Billboard Music Awards hi kum 1989 ih sin rak tuah tan zo mi asi ih, kum 2006 lam hmu cu zem asi nawn lo.Tu kum 2011 ah hin rawn ti thar leh asi ih,a hlan vek tho2 in boruak a nei tha hle asi.Sunday  zan  ah khan hi award cu Las Vegas ah zem asi leh ta asi.

Award dang thawn tehkhin ah cun hi Billboard hi cu a dang lam deuh  asi.Billboard chat dang dang ih an dinhmun i zir in leh social networking lam ih an cangvaihnak leh an thuletnak lam thawn sawn in an pek mi  asi.hi Billboard Award zemnak ah Cee Lo Green,Rihanna,Britney Spear,Lil Wayne,Mary J.Blige leh Neil Diamond pawl in an perform tha nasa.Hi Award show hi zoh anuam in a ropi asi.

Billboard Music Awards winner lists

Album Artist of the Year    Taylor Swift
Digital Artist of the Year   Justin Bieber
Song of the Year    Dynamite by Taio Cruz
Country Song of the Year    Need You Now by Lady Antebellum
Millennium Award    Beyonce
Top Duo/Group    Black Eyed Peas
Viral Innovator Award    Cee Lo Green
Radio Artist of the Year   Rihanna
Best New Artist    Justin Bieber
Top Latin Artist   Shakira
Country Artist of the Year    Taylor Swift
Artist of the Year    Eminem
Male Artist of the Year    Eminem
Female Artist of the Year    Rihanna
Hot 100 Artist of the Year   Katy Perry
Digital Songs Artist of the Year    Katy Perry
Top Social Artist of the Year    Justin Bieber
Streaming Artist of the Year    Justin Bieber
Digital Media Artist of the Year    Justin Bieber
Pop Artist of the Year    Lady Gaga
R&B Artist of the Year    Usher
Rap Artist of the Year    Eminem
Rock Artist of the Year    Train
Alternative Artist of the Year    Mumford & Sons
Dance/Electronic Artist of the Year   Lady Gaga
Christian Artist of the Year    Chris Tomlin
Album of the Year    Recovery by Eminem
Pop Album of the Year    My World 2.0 by Justin Bieber
R&B Album of the Year    Raymond v. Raymond by Usher
Rap Album of the Year    Recovery by Eminem
Country Album of the Year    Speak Now by Taylor Swift
Rock Album of the Year    Sigh No More by Mumford & Sons
Alternative Album of the Year    Sigh No More by Mumford & Sons
Dance/Electronic/Electronic Album of the Year    The Fame by Lady Gaga
Christian Album of the Year    Awake by Skillet
Pop Song of the Year    Dynamite by Taio Cruz
R&B Song of the Year    Omg by Usher feat will.i.am
Rap Song of the Year    Love the Way You Lie by Eminem feat Rihanna
Rock Song of the Year    Soul Sister by TrainChristian
Song of the Year    Our Good by Chris Tomlin
Billboard Fan Favorite    Justin Bieber
Billboard Icon Award    Neil Diamond

Falam Khua A Ropnak San: Ka Thlirdan

Falam Khua A Ropnak San: Ka Thlirdan

Dr. Sabek

Chinmi cu 100% Christian kan si. Curuangah Falam khua a ropnak san hi Bible based in view hnik sehla. Bible ah, a hleicein O.T ah, khua pakhat a ropnak san hi hmun tampi ah hmuh theih a si. Asinan tui tumah cun Isaiah bung khat sung ta lawng hi based in thlir a si ding.

Khua a ropnak sanpawl:

1)      Mipi sualnak:

Thil tha lo lawnglawng an tuah, nawhthuh an ei, ral an tho, milem an bia, Bawipa Pathian an dungtun.

2)      Hotu sualnak:

Ralthotu le rukru pawl ih rualpi an si. Nu le pa nei lo farahpawl le nuhmeipawl an ngaihsak duh lo. Mipi sualnak cu rettha hrih sehla. Ziangah ti le mipi ti mi cu hotupawl ih kaihhruainak hnuaiih um an si. Curuangah a mawhphurtubik hotupawl an si ti theih a si ding. Falam hotupawl vun tizik sehla acozah lamih hotu tuan cu rel ding mumal an um lo. Curuangah biaknak lamih kan hotupawl hi Falam Hotupawl ti theih a si (ding).

Kan dung baite ih America ram pursumleilawnnak a siat thluh tumah khan rammi mifimpawl (Pathian hnatuantupawl khal telin) sawmkhawm in thurelkhawmnak an rak nei. Cumi ah an ram pursumleilawnnak a siatthluhnak san kha hawlsuak dingin anmah le thupi ciarah tuanvo an peaw thluh. A umzia cu, Politicians an si le anmai political view in an ttuat pei ih economistpawl in economic zawngin an ttuat ding tinak a si.

Cumi lakah Pathian hnatuantupawl ih an hmuhsuah mi cu: America in missionary thlah a uar laibik can (1800s) kha USA ram a thansobik lai can a si, ti a si! Cutikah Kawhhran tinkim in sumpai harsa cing ten ramdang dangah missionary an thlah ciamco sal. Cutin an ram tundinsal an tum.

Cabu pakhat ah, ZBC thenthekawknak a rak um hlan, CCOC an rak thlah vutvo lai hrawng kha Falam khua a thanso laifang a si, tiah a nganaw. Cule ziangtik ihsin Falam khua a rung ziam thok ti a si le Kawhhran in missionary thlah a thlahthlamih thansonak (development) lam a rung uar thok ihsin a si, ti a si lala! Vainim cindan? Tlanghram thlaicindan (taungsaung saihpiuyee)? Ziang le ziang a si ta kha??

Pathian in ram pakhat a cawisannak san hi pakhat lawng a um: A hminthannak hrangah! Rick Warren cun, “If you build God’s people, God will build the Church,” a ti. Tong dangin kan sim a si le, kan ram in Pathian hrang kan tuan a si ahcun kan ram hrang Pathian in tuanvo a la ve ding!

Khaw rop hrang dam-sii (Remedy):

# Sual sir.
# Thil tha tuah zir.
# A dik mi hawl.
# Hremnak tuar pawl bawm.
# Ngaktah le nuhmei pawl tanpi.

Bawipai’ Thukam:

# Sual a sirtu hmuahhmuah a run ding.
# Ram ih a suak mi thil tha kan ei ding.
# Hotu thar in pe ding.
# Kan khawpi cu a ding mi le rinsan mi khawpi tiah kawh a si ding.
# Bawipa in kan khawpi a humhim ding.

Ka mipawl in ngaitlawm le an tisual mi bansan in Ka hnenih thla an cam cun an sual Ka ngaithiam dingih an ram Ka tidamsal ding, Cungnungbik Bawipa Pathian in a ti!!!

US Senator John McCain Kawlram A Tlawng Ding

US Senator John McCain cu pro-democracy leader Aung San Suu Kyi thawn hmaizarh sungah an tawngaw ding. US Senator John McCain Kawlram a tlawn tumnak san hi theih a si hrih lo.

June ni 2 ah NLD hruaitu pawl a tawng tum tiah an sim asinan ziangmi thu an rel ding ti an thei hrih lo. US Senator John McCain hin Kawlram ralkap pawl nasazetin a liamcia ahkhan a rak hro dah.

Cun, Suu Kyi a ngaisannak thu le Suu Kyi ih hmuhsuam palbeh a tuarnak pawl nasa zetin 2007 ahkhan press ah a rak sim dah.

US Senator John McCain cun ‘The Association of Southeast Asian Nations pawl khal a ko khawm ih Kawlram cu a member ihsin block ding tiang a lungkim.

Mizzima

Next Page »