2011 Chin Milarbik 5 Pawl

Chinland Today cun 2011 sungih milarbik 5 pawl a hril suak. Ramkhelhnak (politician), sakhuanak, Pathian thangṭhatnak hlasak, leitlun duhdawtnak (love song) hlasak tiin ṭhen an si.

An hlawhtlinnak le an cangvaihnak pawl zoh tikah Chin mipi hrangah thuanthu in ngan sak tiih theihmi pawl an si.

Ram sung ramleng huap ih theihtawp mipi thusuhnak le zingzoinak khal neih a si. Rampi huap, Chin mi huap ih mipiih an theih larnak, ramlengsuak mipi pawl ih an theihlarnak pawl khal siartel sak cih an si.

Ramthukhel

Chinland Today cun ramthukhel panga pawl cu a tanglam vekin a hril suak. Nikum, 2011 ih an cangvaihnak le mipi hrang ruat ih an kekarnak pawl zoh tik ah anmah le tuah ṭuannak cio ah hlawhtlinnak tamzet an nei.

Culawng siloin, Chinland Today cun hi ramthukhel pawl hi online zawng khalin an cangvaihnak pawl a zohhliah tikah kan Chin mipi tamsawn ih theih lar mi an si tiih au aw tambik pawl an si.

Dr. No Than Kap
Dr. Ngun Cung Lian
Dr. Sui Khar
Dr. Za Hlei Thang
Cherry Jahau

Sakhuanak:

 

Pathian thuthangṭha sim ih rampi, Chin ram, ram leng suak pawl telin siar an si. An tuahnak ih an hlawhtlinnak le mipiih an theih lar dan ihsin hrisuah mi an si. Chin mi Bible, Chin ṭong ih in letsaktu Dr. Timothy Sui Lian Mang le Dr. Hre Kio par khalah Chinland Today hminin kan sunlawihnak le kan cawimawinak kan tarlang duh a si.

Evan. Dr. Tha Nei Fai khal kan Chinmi lakih thuthangṭha simthiam bik pakhat ti lawng siloin Chin mipi hrang hlafing 500 lenglo phuahtu a si. Cun, Dr. Ro Hmingliana le Dr. Van Ram Uk khal Chin mipi hrang an thuthangṭha phuansuahmi le thlarau nun cawmtu an sizia pheh rual a si lo.

Dr. Timothy Sui Lian Mang
Dr. Hre Kio
Evan Dr. Tha Nei Fai
Dr. Van Ram Uk
Dr. Ro Hming Lian

Pathian Hlasak:

 

A hnuai ih Pathian thangṭhatnak hlasak thiam panga kan hrilsuah mi pawl tla, nikum 2011 ih Pathian thangṭhatnak hlasak ih an vah sukso le an umnak cio ih thangṭhatnak hla an saknak ruangah mi tamzet ih thlarau nun caurau a harh terih piantharnak tiang a cotu tla an um a si.

An aw zaihla pawl Pathian hnenah hlan in thangṭhatnak hlasak in ramsung le ramleng tiang feh in zaihla thawn Pathian hnaṭuannak in caan an hmang.

Mai Far Men Par
Tluang Za Uk Group
Sangpi
Van Duh Thang
Biak Hlei Sum

Love Song:

 

Leitlun duhdawtnak hlasak thiam panga kan hrilsuah mi pawl hi kan Chin mi lak ahcun an mikhuallo nasa. An panga hin duhdawtnak hlasakin an caan tamzet an hmang ih Chin mino lungleng vansang le lungkuai ziangmawzat an aw zaihla hmangin an leem thei.

Kan Chin-mi umnak leitlun kilkip ah fehin mangṭam harsa tuarpawl tiang run suak dingin awzaihla hmangin hlasaktu tla an si. Kan mipi in awi ṭheutu pawl hi cawisan hlawhtlak zet an si.

Sung Tin Par
Solomon Menrihai
Ma Kim
Van Dawt Cin (Moe Moe)
BJ

(Visited 158 times, 1 visits today)

Comments

comments

6 Comments

  1. van dawt cin a dawh tuk ee ka ham

  2. Kan thangso nasa. Pi dem dem ro ri

  3. Sorry for all politicians, “Absolutely No Tha Nei Fai” but I like Dr Hre Kio, I also like Mai Far Men Par and Tluang Za Uk Group, everyone likes Solomon MRH & BJ (That’s it).
    Do not mention any politicians on this point any more, everyone sick and tired of those politicians because “huat an tlai tuk”

  4. Agood practice.

  5. Ka run tarlang ve menmen,
    1. Dr.Than Bil Luai
    2.Dr. Hre Kio
    3.Dr. No Than Kap,
    4.Dr. Lian Hmung Sakhawng
    5.Dr. Thang Tin Sum pawl hi an si ve ko.

Comments

%d bloggers like this: