Dunglam Zohnak Thlalang Sungih A Langmi

Decermber 31

Tlawngkai Ninga

Dunglam Zohnak Thlalang Sungih A Langmi

Siar:

Saam 111

Maw Bawipa, na thil tuahmi mangbangza in ka lung i awiter. Na tuahmi ruangah lungawi in hla ka sak.    - Saam 92:4

Kumkhat Sung Baibal:

- Malakhi 1-4

- Thuphuan 22

Dunglam zohnak thlalang sungah Pathian ih kut cu na hmu theibik ding tiah ka ruat. Dunglam zoh saal tikah Pathian in ziangah a tuahmi inn ah in ret, ziangah kan hnenah minung a rak hruai hngai ih thilcangmi pawl a thlenter, ziangah harsatnak le tuarnak thlen ding a siang, ziangah hmun dangdang ah in hruai ih hnattuan phunphun in pek ti hi theih a ol deuh.

Ka zoh saal tikah keimah ih nunnak rori ah Pathian ih fimnak le duhdawtnak thawn a kut ih a tuahmi thil pawl fiang te’n ka theihmi thil tampi an um (Saam 92:4). Saam cangantu ih a sim vekin Pathian in ziangtluk in atuletu i bawm, lamzin i hmuh, i tawlrel, a tuahmi pawl cu rintlak an si (Saam 111) timi in ka thin  a nuamter.

Fiang ringring lo hmansehla hmailam zoh aw. Lamzin cu kelkawi in fiang lo le ttihphannak um vek a bang tikah mangbang in na um dah maw? Hmai kum  sungih na luh hlan ah cawl lawk in kan dung kum na zoh asile Pathian in, “Ka lo tlansan lo dingih ka lo hnong lo ding” (Hebru 13:5) a timi lungawi te’n na thei ding. Cule raltthazet in, “Bawipa cu i bawmtu a si, ka thin a phang lo ding,” (c.6) kan ti thei.

Pathian ih umpinak le bomnak thukam ruat in a nasabikmi rin ngamnak thawn 2011 kum sungah na lut thei.     - Joe Stowell

Him te’n i hruaitu in,

Tuih sun ih a keneh pawl in;

A bangrepmi theihthiamnak thawn,

Ka hmailam hmuahhmuah i hruai pei maw?  - Adams

Dunglam caan ih Pathian ih lamhruainak in                                       hmailam hrangah raltthatnak in pek.

Soisel ih na um lonak dingah Mi dang va soisel hlah

Soisel ih na um lonak dingah Mi dang va soisel hlah

Bicycle Cuang Vek Nunnak

December 30

Tlawngkai Nili

Bicycle Cuang Vek Nunnak

Siar:

Hebru 11:32-40

Zumnak an neih ruangah hi mi pawl hmuahhmuah hi ziangtluk in ciin ringring tlak an si!    – Hebru 11:39

Kumkhat Sung Baibal:

-   Zekhariah 13-14

-   Thuphuan 21

Albert Einstein in a fapa hnenah ruahnak peknak cakuat a nganmi sungah: “Nunnak cu bicycle cuan vek a si. Tlu lo ding cun na feh vingvo a ttul,” a ti. Famkim Siarbet

Kristian Leh Muslim Buai

Kristian Leh Muslim Buai

Mizan sunih Nigeria ram saklam khawpi pakhat Jos  ih Muslim leh Kristian karlak buainak suak ruangah minung 14 an thiih, midang tamzetin hriamhma an tuar. Himi buainak a suah naksan  bikcu Jos khawkiang Maiduguri khuaih Krismas urlawk zan tuithla ni 24 zanah khan Mulsim pawlin Kristian biak Inn an siimih minung 4 an thatih, himi ruangah buainak hi sosang vivo in  midang 32 an thihbet hnuah mizan sunah minung 14 an thibetih, an zate cun himi buainak ruangah minung 46 an thi a si.

Himi buainak a suah ruangah an ram khawpi dangdangah kilhim naklam thazetih tuah a siih, Muslim pawlin himi buainak hi tikcu remcaangah hmangin Bomb puah an tumti theih a si ruangah Bomb phelhthiam khal hmun tinkimah kuat an si.

Himi buainak a suahtirnak tuithla ni 24 zanih thilthlenghi zopawl hmanin an timi a sithu an simlo nan Mulsim Tapung pawl an siding tiah zum a si.himi buainak a suah hmai sabik nak hmun  Maiduguri khua ih  um miphun pakhat Boko an timi pawlhi khawthlanglam ram pawl umdan vekih khawsa an siih, Curuangah Muslim pawlin an ngaihlo ih an karlakah buainak a suakphah ringring.

Nigeria ramih Kristian leh Muslim pawl karlak buainak a suah ruangah nikum sunglawng hmanah minung 800 hrawng an thiih, tuikum March thla ih an karlak buainakah minung 109 an thizo.

Leitlun Ih Nunau Rit Bik Rawl Ei Tam

Leitlunih nunau ritbik Donna Simpson kum 43 micun  tuikum Krismas ah khan ei leh in a uar nasa ih, Sai ar tum zetzet 2, Ham 6, Alu Kg 7, thlaihnah Kg 10 lenglo, pawlcu voi khatah a ei thluh ih, cumi hnuah rawl ei khawhih eimi Dessert tamzet a ei betih, a mahkhalin tlai a ti awkzet thu a sim.

Donna Simpson kum 43 mihi feet 5 leh inchi 2 ih sang a siih,  Kg 292 ih rit a si. a hnipuan hruhmi tumlam hi xxxxxxL a siih, Krismas na  nana ah cun ei leh in supawk a tumlo thu a sim. Krismas zan zarhte zanah khan  a fanu kum 3 mi Jacqueline leh a fapa kum 14 mi Devin thawn  nuam zetin tikcu an hmangve ih, a mahhi US Jersey ih um a siih, zarh tinten  ei leh in a lei nakah  Pound 500 hrawng a cem ringring. a mah kilkhawitu sibawi pawlcun ei leh in a supawk lo ah cun a dam reilo ding an ti.

US Vanzam in A Kap

Tuizing khawvang zawngah khan  Pakistan ram saklam North Waziristan kiangih Tapung pawlih umnak hmunpi Camp cu US ralkap pawlin an raldo nak Vanzam pilot umlo Drone Missile in voi 6 an kapih, minung 24 an kapthat. Hi Vanzam hin Tapung pawl Motor thawi an tlanlai khal a dawiih, a kap. himi kiangkap ih Tapung pawlih umnak Camp hi US ralkap raldo nak Vanzam Drone hin tuikum sungah Missile in voi 110 a kapih minung za lenglo a kap thatzo.

Australia Ah Tidai A Lian

Australia ram saklam Queensland ah tidai a liam ciamco ih minung tamzetcu hmunhim lamah thiarsuak an siih, lamzinpi 300 hrawngcu fehtlang theihlo ih khar an si. Queensland Cozah thu neitu pawlin  an sim nakah hi tidailian hin  nihawici ( Nicia) leh pat cinnak hmun kauzet a siatsuah tiah an simih, himi tilian ruangah dollar Million tamzet an sunding thukhal an sim.

Himi tidai lian hi a liamcia kum 150 hnulamih Queensland khawpi Brisbane ih tidai lian rapthlak bik a si thu an sim. ruahpi sur tamtuk ruangih tidai lian in khaw tamzet a ciimpil zoih,  Theodore khua ih in sungsang 350 pawlcu Helicopter hmangin hmunhim lamih thiarsuak an si.kut hnatuan lo neitu pawl kawm khawmaw hotu pwlcun himi tidai lian ruangah paisa dollar Million 403 hrang an  sun dingthu an sim.

Iran Cozah in Khai That

Irna News Agency in a sim nakah Iran Cozah in an ram zohthup tu leh thlingthla tu ih, Isreal Intelligence Mossad hrangih hnattuan ih a puhmi Ali Akbar Siadat cu an khaithat tiah a simih, Ali Akbar Siadat hi thawng an thlaknak hmun Tehran khawpi ih Evin Prison sungah awhthat a si tiah a tarlang.

Iran Cozah in Ali Akbar Siadat an awhthat nak sanhi Isreal Intelligence Mossad hrangih kum tampi hna rak ttuanih Iran ralkap umdan leh thiti dan pawl zohthupih Isreal Cozah hnenih a thuptei kuat ringring tu a si ruangah tiah a tarlang.

Ali Akbar Siadat hi kum 2008 ih Iran ram suahsan a tum laiih kaihmi a siih, Irna News Agency in a sim nakah Ali Akbar Siadat hin  Isreal Intelligence Mossad hrangih hna an ttuan thu leh ca a kuat tintei Isreal Cozah in Dollar 60,000 an pek ringring thukhal a puang tiah a sim. himi ih hleiah Mossad hnatuan tu pawl thawi Turkey, Thailand leh Netherland ram pawlih an tonawk thupawl khal a sim tiah a tarlang. Iran Cozah hin kum 2008 khalah Telecom Engineer Ali Astari cu Isreal Intelligence pawlthawi hna ttuan tlangah puhin a rak thatzo

Zapi Lungkimmi Tahfung

December 29

Tlawngkai Nithum

Zapi Lungkimmi Tahfung

Siar:

Daanpeksalnak 4:1-10

Ziangbangtuk a tummi miphun a si khal le tuihsun ih ka lo zirhmi daan vekih a dingmi daan cu zohman in an nei zik lo.  – Daan. 4:8

Kumkhat Sung Baibal:

-   Zekhariah 9-12

-   Thuphuan 20

Internet an tuah thok peklai ah a hnokzetmi Web sersuaktu pawl in anmahte an thlun dingmi daan pawl an tuah. Asinan a buai sinsin. Famkim Siarbet

Kum Hlun Zoh Saalnak

December 28

Tlawngkai Nihnih

Kum Hlun Zoh Saalnak

Siar:

Saam 77:1-14

Maw Bawipa, na thil tuahmi mangbangza pawl ka ciing ringring ding. A cem ciami khuaruahhar na tuahmi pawl ka vun mang saal ding a si.   – Saam 77:11

Kumkhat Sung Baibal:

-   Zekhariah 5-8

-   Thuphuan 19

December zarh netabik cu thuthang thantu le siartu pawl in a liam ciami kum hlun sungih thilcangmi thupi pawl zoh saalnak caan a si. Milaar pawl ih nehnak le sunnak pawl, vanduainak tumpipi pawl, sumpailam sawmngiarnak, hminthang le hruaitu pawl thihnak, tivek thilcangmi sungin mangbangza a sibikmi pawl cu tluntabik ah tarlang an si ttheu.

Kum hlun ih na nunnak na zoh saal tikah ziang pawl an ra lang? Pathian hnenah thusutnak a lo neihtertu rin lo thilcangmi a um maw? Cumi in Pathian ih tthat zia thuk sinsin in a lo tonter maw?

Saam 77 hi Pathian in i taansan zo hmang tiah a ruattu mi pakhat ih ninghannak ttah hla ngankhummi a si (cc.7-9). “In duhnak cu a cemta rori ding maw? A thukamnak hi ziangtik hmanah kim ti a nei lo ding maw? (c.8). Maw Bawipa, na thiltuahmi mangbangza pawl ka ciing ringring ding. A cem ciami khuaruahhar na tuahmi pawl ka vun mang saal ding a si,” (c.11) a ti. A rinnak le a ruahsannak  thar a thawh saal ih, “Nang cu mangbangza tuahtu Pathian na si. Miphun tampi hnenah cahnak na langter,” (c.14) a ti.

Kum hlun sungih na tontehmi thil thupi pawl ngan suak aw. Na harsatnak ngan ding ttih hlah; Pathian ih a lo umpinak ruat saal aw. Harsat caan ah Pathian ih rintlak sinak kan hmu thei.   - David McCasland

Dunglam thlir in kan zoh hliah tikah,

Tuih kum sungih kan tonmi hmuahhmuah ah;

Kan lo thangtthat Bawipa, Na tuahmi pawl hrangah,

Rin tlak na sinak cu a lang fiang. – Sper

Kan nunnak ih harsatnak kan tonmi pawl in                                                 Pathian ih rintlak sinak tong ngah dingin caan ttha in pek.

Neitu Taktak

December 27

Tlawngkai Nikhat

Neitu Taktak

Siar:

Saam 95:1-7

Pathian in van le leilung ziang hmuahhmuah Khrih sungin a tuah ih Khrih hrangah finkhawm ttheh dingin a tuah a si.   - Kolose 1:16

Kumkhat Sung Baibal:

-   Zekhariah 1-4

-   Thuphuan 18

Biakinn ah mawttaw cawlh lawknak hmun daih aw in a nei lomi kawhhran pakhat ih thu na thei dah maw? An Biakinn sir ih inn cu Nipi Ni tinte a phitmi Famkim Siarbet

A Ti, An Ti

December 26

Nipi Ni

A Ti, Kan Ti

Sia:

Jeim 1:21-27

Bawipa nan Pathian cu duhdaw uhla a thu ngai in rinsan tlak in nung uh.   - Daanpeksalnak 30:20

Kumkhat Sung Baibal:

-   Haggai 1-2

-   Thuphuan 17

Ka nupi in kan tunu te Eliana ih thu hiti’n i sim. Eliana cu nauhak lehnak zuklem pawl thawn a lek rero ih inn sungih hmun dang a feh duh tikah a pi in, “Eliana, na lehnak pawl ret hmaisa ta aw,” a ti tikah Eliana in, “Caan ka nei lo,” Famkim Siarbet

Mangbangza!

December 25

Zarhte

Mangbangza!

Siar:

Matthai 1:18-25

Josef cu a hung tthang ih Bawipai’ vancungmi ih a fial vekin Mary cu a nupi ah a tthit.    - Matthai 1:24

Kumkhat Sung Baibal:

-   Zefaniah 1-3

-   Thuphuan 16

Thuthangttha Matthai le Luka sungih Christmas thuanthu hi kan theih thangmi  a si. Vancungmi in fala him note hnenah Thlarau Thianghlim Famkim Siarbet

Leitlun Ah Daihnak A Um Maw?

December 24

Tlawngkai Ninga

Leitlun Ah Daihnak A Um Maw?

Siar:

Luka 2:8-14

Nan hnenah hnangam daihnak ka lo tanta. Keimai’ hnangamnak ka lo pek a si. Leilung mi ih pek vekin ka lo pe a si lo.    - Johan 14:27

Kumkhat Sung Baibal:

-   Habakkuk 1-3

-   Thuphuan 15

Van a khatmi vancungmi pawl thawn do awk ding cu ka hril lo ding, asinan ka ruah ttheumi cu Bethlehem khua lenglam ih tuukhal pawl hnenah Famkim Siarbet

South Korea Ralkap Raldo An Zir

South Korea Ralkap Raldo An Zir
Tuisun ihsin  South Korea ralkap pawlcun North Korea thawi an ramri ihsi Km 15 hrawnglawngih hla Pocheon ah raldo an zir thokih,hi an raldo zirnakah ralkap tamzet, ralthuam meithal phunphun, Tank, Helicopter leh raldo nak Vanzam tamzet an hmang. South Korea ralkap raldo zirdinghi tuihlan ihsin North Korea cun a rak sawiselin a rak hro rero theunan tuah cun North Korea lam ihsin harsat nak leh buainak dang zianghman a um hrihlo ih, North Korea hin tongkam khalin ziang thuhman relmi a nei hrihlo.

South Korea ralkap pawlin raldo zirnak hmunhi an ram khawpi Seoul ihsin Km 50 hrawngih hla a siih, himi hmunah an ram President, Lee Myung Bak khal a fehih, an President, cun North Korea in kandung naite ih Yeonpyeong a kah vekih thil a tileh sal a si ahcun zaangfah nak leh dimdawih nak tello in  South Korea cun a kaplet veding a si tiah a sim.

Ram pahnih ngaih awlo zet North Korea leh South Korea karlak ih boruak sosang buainak a suahbet phangin America Cozah thupuangtu Robert Gibbs cun  South Korea ralkap pawlih raldo zir mihi tuihlan nikum lam ihsi raktum ciami leh fiangzet ih rak tlangzarh cia mi a siih, curuangah North Korea hrangah ngaipawimawh ding leh huatding zianghman a umlo tiah a sim.

Himi laiah North Korea Cozah thuthangca Rodong Simmun in a tarlang nakah America Cozah cun South Korea leh Japan lamtangih tuah in  Korea Pennisula ih do awknak suahter tumtu ah North Korea cun a puhih, China khalin South Korea leh NOrth Korea cu fimkhur tei um tlang veve dingin a ngen.

Christmas – Pathian Ih Damternak

December 23

Tlawngkai Nili

Christmas – Pathian Ih Damternak

Siar:

Johan 1:10-18

Zaangfahnak le thutak cu Jesuh Khrih sung ihsin a ra.  - Johan 1:17

Kumkhat Sung Baibal:

-   Nahum 1-3

-    Thuphuan 14

Na siibawi in aw thupizet in a lo ko ih, “A zamrang thei tawp in ra aw. Thil thupi lo relpi ding ka nei,” a lo ti asile thuthang sia a nei ti na thei. Famkim Siarbet

Next Page »