Na Khawl Maw, Na Ret Khawm?

November 1

TlawngKai Nikhat

Na Khawl Maw, Na Ret Khawm?

Siar:

Thusimtu 5:8-17

Himi khal hi thil ttha lo ngaingai a si, a ratlam vek cekci in a kir saal hi; hna kan ttuan, thli kan dawi ih a kaih kan tum; cuti lawngih hna a ttuan hi ziangso a hrangah miatnak a um?    – Thusimtu 5:16

Kumkhat Sung Baibal :

- Jeremiah 24-26

-   Titus 2

Ka pasal thawn inn le innhmun zuarnak hmun ah kan feh ih inn pakhat kan zoh. Cuih inn cu thilri in a khat ttheh ih kan mang a bangzet. Famkim Siarbet

Bush Ih Cauk Nganmi Tlangzarh Cing Ding

Bush Ih Cauk Nganmi Tlangzarh Cing Ding

US President, hlun George W Bush ih cauk nganmi ” Decision Point” timi cu hmaithla tharah tlangzarh suak a si thlangding. Bush in himi cauk sungih ca a ngantel mi pawlah kum 2001 September ni 11 ih New York khawpi ih World Trede Centre Al- Qaida misual pawlin Vanzam ih an ttaihsiat ttumah misual pawlih Vanzam kha kapthla dingin thupek nak a suah man zothu khal a ngantelih, Pennsylvania ih Vanzam tlami tlacu a mai thupek nakih kahthlak mi hmangtiah a rak ruahlawk thukhal a ngantel.

Asinan Bush in kahmi Vanzam kha  Vanzam sungih to khualtlawng mi raltha pawlin Vanzam  sungih misual pawlkha  an sual ciamco ve ruangah  misual pawlih tumtah nak vekin White House kha ttaihsiat ngahlo in hmun dang deuhah a tla tiah a theisuak sal thukhal a ngantel.

President, Bush hin himi thupawl ih hleiah Hurricane leh  a mai lal laiih America ramih sumpai harsat nak pawlkhal a ngan telih, a tleirawl laiih zu a in natsat thu leh a bansan sal danpawl khal a ngantel.

China PM Leh India PM Kawmaw

Tuikar tlangkai ni nga ah khan China Prime Minister, Wen Jiabao leh India Prime Minister, Manmohan Singh cu Hanoi ah  Minute 45 sung an kawmaw ih, ram pahnih karlakih hmuhthiam awklo nak thuhla dang pawlcu ret ttha hrihin India leh China karlakih rualrem awknak leh pehtlaih awknak tha neihthei danding thu an reltlang.

India Prime Minister, Manmohan Singh cun  China Prime Minister, Wen Jiabao ih hnenah J&K ih um minung pawl hrangih China in Visa hramte a tuahsak ttheu micu India cun a ngai thiamlo  zet a si tiah a simih, himi ruangah  J&K ih um minung pawlin buainak an tuah mihi China in a tanpi tiah kan ruat a si a ti.

China PM khalin himi thuhla khal rakzoh fiangsal a tum thuleh ram pahnih duhdan veve thlunthiam aw ih rualrem tei um tlang a duhthu a simve ih China PM hin tuikum  sungih India ram tlawn a duhthu khal a simtel. ram hotu pahinh hin ram pahnih karlak rualremawk nak thuhla rel dingih ram aiawhtu pawl tonawk nak tuah an rem ti veve.

Washington Bomb Tumtu FBI Pawlin Zingzoi Vivo

Relzo vekin US ram khawpi Washington  DC leihnuai tlangleng lamzin pawl bomb ih puahsiat tumtu tui kandung tlawngkai ni 4 ih an kaih mi Farooque Ahmed ih thuhla leh a thilti tumi pawlcu FBI pawlin nasa zetin an zingzoi vivo ih, hi pa hin US ramsung lawng silo hmundangih US ralkap leh hmun pawimawh dangkhal siatsuah thluh a raktum asi tiah FBI pawlin an theihsuak thu an sim.

Farooque Ahmed ih thuhla an zinzoi mi an tarlang nakah FBI thupuangtu, Charles  Davaub cun  Frooque Ahmed hin kum 2008 leh 2009 karlakah ralthuam  tamzet a sekkhawl tiah a simih, a tumtah vekin Washington khawpi rak siatsuah ngah sehla hnakum ihsin  Afghanistan leh Pakistan ramih US ralkap pawl siatsuah a tum tiah  a E-mail leh a ca pawimawh an kaih misung ihsin a hmuhfiang thu a sim.

relzo vekin Frooque Ahmed kum 34 mihin Washington  DC leihnuai tlangleng lamzin pawl Bomb siat dingih voi 4 lai a rakzoh thup rero zo ih a sinan kaihngah a si.

North Korea Ralkap Pawlin South Korea An Kap

Tihni sunah khan North Korea ralkap pawlin  South Korea ram khawpi Seoul saklam  Hwacheon khua ih South Korea ralkap umnak cu an kapih, South Korea ralkap pawlkhalin  Rocket leh meithal dangthawm zamrang zetin an kaplet tiah an simih, mithi leh hriamhma tuar ziangzat an um ticu an simlo.

South Korea Defence Ministry cun  an ram ralkap pawlhi North Korea ralkap pawlin an kap si tiah Reuter News Agency an simih, South Korea leh North Korea ram hi miphun pakhat ttongkhal bangaw mi an sinan an aihal aw zetih, asinan kah awknak taktak cu kum 2006 hnulamih a voi khat thlensal nak a si.

Obama ih Nupi Hmin Ngan Sual

White House Press Office thusuah mi pakhatin  a tarlang nakah US President, Obama ih nupi Michelle Obama ih hmincu ngansual a si ruangah US Cozah a lungawilo zet tiah a tarlang. kandung tlwngkai nihnih ih Ca an suah nakah Michelle ih hmin ngan nakah L pakhat lawngin an nganih, asinan  reilo te sungah White House in an remttha sal.

Thianhlimnak Famkim

October 31

Nipi Ni

Thianhlimnak Famkim

Siar:

Hebru 10:1-18

Ziangahtile cawcang thiisen le me thiisen in sualnak cu a tlengh fai thei ngaingai lo. - Hebru 10:4

Kumkhat Sung Baibal:

-   Jeremiah 22-23

-   Titas 1

Happy birthday to me. Happy birthday to me. Happy birthday to me-ee. Famkim Siarbet

KAN NU FALAM HNEN IHSIN CAKUAT

KAN NU FALAM HNEN IHSIN CAKUAT

Duhdawtmi Ka Fale Hnenah,

By- DL Senling

Ka duhdawtmi ka fa na dam maw? Na hrangah zingzaan in Biakinn pi ahkhan thlacamnak ka lo neihsak ringring sokhaw. I ngaihven lole pehtlaih lonak a rei tuk thlang ruangah um thei nawn loin na hnen ah hi cahi ka run ngan. Ka ca na siar le vete’n a zamrang thei bik in pehtlaihnak i nei hngalh hram aw maw. Ka sungsuak ka fa na si vekin na theih ding ih t’ha ka timi ka thinharnak le ka tuarnakpawl tla ka lo theiter.

Mifim na si vekin na siarmi le na theihmi parah thu na ruat t’heu ti khal ka thei. Ka fa, kan harsat le farah ruangah tangka le fimnak hawl dingin na nu i fehsannak na hngilh lo vekin ram le miphun cawisangtu khal Pathian lawng a si ti khal hngilh hram aw hlah maw. Tucun, ka hnipuan tla an t’et thluh zik thlang. Thuam awknak hnipuan dang ka lei thei nawn lo, na umlai ih ka neihmi kha tu tiang in ka hruh lai. Ahlan vekin mikhual, tlawngtu le paltu tla ka nei nawn lo. Kan inn zin kha zawh nawnlo ding in ziin dang an ceek.

Ka farah ruangah ka venghnen pawl in, “Hlanlai ahcun vandeng tiang in na rak parmawi in na rak hmui zet na’n tu ahcun kan lo hleih rero zo thlang,” tiin an thinlung te’n in hmuhsuam ih in zuam rero. Na theih vekin ka neih zomi pakhat hnih cu in lon zo lawng si loin a dang lon a theihmi hmuahhmuah tla pakhat hman taang loin lon thluh in tum. Kan innhmun ramri hawi kulhnak tla kha ka venghnenpawl in nuam tete’n in rak nawr.

Zarh khat ih vei khat Chin t’ong ih thuphuan t’heumi tla kha a hram in an phawi zo. A hnah le a hram a vuai ngaingai hlan ah nan phun sal a t’ul. Khuate berek le zianghman neihmi neilo ih ka rungcan ding tla poi tinak an neilo. Cumicu ka innkiang venghnenpawl ih duhthusam le sunmang tla a si. Curuangah vei tampi kutzung ih siar cawklo in ka mitthli cu cerhti bang in a puut ih ka lukham parah a luang. Asinain, tucun, fanu mifim le fapa milian tampi ka lo neih thlang ruangah ruahsannak ka nei lai.

Cun, nan nauhak tet lai ih thu ka lo sim t’heumi, “Kutzung pakhat lawng cun zianghman hna a t’uan suak thei ngaingai lo, asina’n, kutzung an zate’n (zung nga/hra) bawm aw thluh ih hna an t’uan tlang lawng ah hmual nei in hnat’uan khal a sawt ding.” ti ih ka lo sim t’heumi khal na ciin lai ka zum.

Ka fa, a netnak ih ka lo cah duhmi cu ra tlung thei ding ih tikcu le caan t’ha remcang na ngah le vete in ra tlung hngalh aw maw. Ih, na ra tlung thei nawn lo ding a si hman ah ka t’ulmi zalhawknak tal cu rak ngaihtuah in i rak kuat ringring thei tum hram aw maw. Na nu ka hmin a t’hat le nangmai’ hmin a t’ha, ka hmin a siat khal asile a phurtu ding cu ka fale nanmah thotho nan si. Asile, ca ih ka lo biaknak cu hinah ka cawl hrih ding. Damte le tluangte’n…

Na nu Zuuntuar Falam

Osama Bin Laden in France Cozah a Hro

Obama India A Tlawng Ding

US President, Obama cun hmaithla  November thla tirte ah India a tlawngding. India a tlawnnakah  Obama hin US President, pawlih to nakding bulih an tuahmi  Car tha cungcuang “the Beast” an timi  a kengdingih, Meithal cerek menmen ih kahtlang theilo mi Car a si.

Hi Car hi General Motors pawlih tuahmi a siih, Cadillac Car tulai ih hmanrua thilri tha danglam phunphun thawi Special ih an tuahmi a si.Himi Car hi Obama in  President, ih an laklut lai nikum January ni 20 ah khan  Pennsylvania Avenue ihsin  White House pannak ah a rakhmang zoih, Dollar 3.00.000 man a si.

A sangka kharhi Inchi 8 ih sah thir tha danglam zetih tuahmi a siih, a tukverh thla lang khal Inchi 5 ih sah Cerek ih kah khalle a cerek thlalang sungih tangcih theidingih tuahmi a si.India ramsungah ziangvekin tikcu caan a hmangding ticu an felduh hrihlo.

Osama Bin Laden in France Cozah a Hro

Al-Jazeera Website in a tarlang nakah France Cozah in an ramsung mipi pawl pun khawmnak hmun pawimawh ah  Muslim nunau pawlin an hmai langlo ih an khuh thluh micu kham dingih dan an tuah ruangah Al- Qaida hotupa Osama Bin Laden cun sana zetin an sawisel tiah a tarlang.

Osama Bin Laden cun France Cozah in dan an tuahmi Mulsim nunau pawlin an pahbalih  France Cozah in a kai a si ah cun  France mipawlin an tuar veding a si tiah a sim. Osama Bin Laden cun France Cozah in Muslim pawl a kai a si ah cun an mahkhal kaih an si ve dingih,  France Cozah in Muslim pawl a that a si ah cun an mahkhal thah an si vedingih, France Cozah in Muslim pawl hrangih an hnawksak a si ah cun an mahkhal hnawksak ih tuah ve an siding tiah a sim.

Osama Bin Laden cun Afghanistan ramih Al- Qaida pawl hrawngih mi hnawksak US ralkap pawl bawm dingih France ralkap tampi  um pawlhin  Al- Qaida pawl an hnaihnawkih, tuikum September thal ih Niger ih France ram minung 5 an rukhlo nak sankhal France ralkap pawlih thil timi phuba laknak a si tiah a sim.

Washington Khawpi Leihnuai Lamzin Bomb Puah Tum Tu An Kai

US ram khawpi Washington DC ih leihnuai tlangleng lamzin pawimawh pawl Bomb ih puahsiat thluh tumtu Farooque Ahmed kum 34 micu mizan sunah an kaiih. Amah hi Virginia State ih Ashburn khua ih um a si. a thuhla an zinzawi nakah US Justice Department cun  Farooque Ahmed hi Al- Qaida pawlthawi pehzawm awknak thazet neimi a si tiah an sim.

Farooque Ahmed hin  Arlington leh Washington DC  leihnuai tlangleng lamzin pawlhi tikcu caan remcangih Bomb siat dingin voi 4 a rak zohthup  rerozo ih, an kaih ngah hnuah Alexandria Federal Court ah hruai a siih,  Court hmai khalah zianghman thiamthu rel a tumloih  .sualnak thubuai 3 awrh ter a siih, a thubuai awrh miih thiamlo a co a si ah cun kum 50 thawngthlak theih a si.

US Vanzam in A Kap Sal

Mizan zing khawvang zawngah khan Pakistan ram thlanglam North Waziristan Province Ismail Jhel khua ih Tapung pawlih umnak hmunpi cu US ralkap raldo nak Vanzam Pilot umlo Drone in Missile in a kap ciamco salih  minung 5 a kapthat ih midang ziangmaw zatin hriamhma an tuar. US ralkap pawlhin tihni sun khalah  North Waziristan ramkulh ih Tapung pawlih Camp cu Drone Vanzam Missile in a kap ciamco zoih minung 6 a kapthat zo.

Relzo vekin US ralkap pawlhin tui naite ihsin Tapung pawl kahnak ah Drone Vanzam hi an hmang luar ciamco ih, tuikum sunglawng hmanah himi Vanzam hmangin Tapung 300 zikte an kapthat zo.

Leitlun Ih Eiruk Tam Nak bik Ram 2 Nak Burma

A Cawl Lomi Siatsuahnak

October 30

Zarhte Ni

A Cawl Lomi Siatsuahnak

Siar:

2 Sam. 12:1-14

Hiti in ka thukham na thlun lo ih Uriah ih nupi na ruk ruangah na tefa sin hrekkhat pawl cu san khat hnu san khat ah saarthih in an thi ringring ding.   -2 Sam. 12:10

Kumkhat Sung Baibal:

-   Jeremiah 20-21

- 2 Tim0te 4

Atu le atu buainak a tuahtu nauhak pa cu a nu le a pa in thinhengzet in an kawk tikah ngaithiam a dil ttheu. Famkim Siarbet

Thutak Asilole A Palh?

October 29

Tlawngkai Ninga

Thutak Asilole A Palh?

Siar:

2 Timote 3:14-17

A hnatuan a zahpi lotu le Pathian thutak Thuthangttha cu dikzet ih a simfiangtu si dingah Pathian lungkimnak ngah dingin zuam aw.   – 2 Timote 2:15

Kumkhat Sung Baibal:

-   Jeremiah 18-19

- 2 Timote 3

Steve cu a hnattuanpi pawl hnenah Pathian thu a sim ttheu. Famkim Siarbet

Burma Ramah Oil Pipe A Puakih Minung 14 An Thi

Mizan sunah khan  Burma ram Magway ramkulh sungih Pakokko khawkiangah Oil Zineen Pipe a puakih minung 14 an thiih, midang 100 lenglo in hriamhma an tuar.

Cozah thu neitu pawlin an sim nakah Zineen Pipe ihsi Zineen putcu khawte minung pawlin tih nisun ihsin an dawngih, tihni zan khawthim hnuah  meisa an tikih an meisa tih miin Zinen hi a kangkai ih a kangpuak ih vanduai nak rapthlak hi a thleng a si tiah an sim.

Theihcio vekin kan Burma ramhi leilungsung thil mankhung phunphun leh zineen suahtthat nak hmun a siih, a sinan Ralkap Cozah hotu leh a sungkhat pawlin an bulham thluh ruangah mipi hmunthum tthenih hmunhnih cu rethei zetin kan umih.

Burma ramsung mipi sumpai laklut dan culrualih zohin kumkhat ah minung pakhat in dollar 600 hrawng lalut ih ruah asiih, hihi mipi vangtlang cun laklut a silo nan mi upa leh miliam pawlih laklut mi thawi culrual ih tehkhin a si.

Iraq PM Hlun That Ding

Iraq PM Hlun That Ding

Iraq ramih Saddam Hussein a lal laiih a mi rinsanzet mi le Saddam Hussein  kut hnuaiih, Deputy Prime Minister leh Foreign Minister, rak ttuantu Tariq Aziz kum 74 micu Iraq Suprem Court in thah dingin a thu a relcat sak. Hiti vekih thah dingih a parih thu tthennak a tuah naksan hi biaknak sakhua dangpawl siatsuahtu ah le sumdawng milian tampi  thattu ih puh a si ruangah thiamlo coter a si.

Tariq Aziz ih rualah midang pahnih  Saddam Hussein ih lal laiih mi pawimawhzet thotho Interiro Minister, hlun Sadoun Sahkir leh Saddam Hussein ih Private Secretary, rak ttuantu Abed Hamoud khal that dingin an thu relsak a si.

Saddam Hussein in kum 1980 leh 1990 kum karlak hrawngah khan Politics lamih a mah dodal theitu dingih a ruahmi pawlcu nuai cimit thluh a rak tumih, cumi sungah Shia Muslim pawlhi a dodal bikmi an raksi ih, cumi ih tlunah tui Iraq Prime Minister ttuanlai tu Nouri Al- Maliki ih telnak  Dawa Party khalhi a rak dozetmi a si.

Danglam zetin tui an thah dingmi Tariq Aziz hi Kristian a rak siih, kum 2003 April thla ih an kaih ihsin Ameroca ralkap pawlih kutah ret a si. Mitampi cun Kristian a si ruangah Tariq Aziz hin sualnak ngaingai a neilo ding tiih zumtu tamzet an umih cu ruangah thatlo dingih nawrtumtu pawlkom a dingsuak menthei tiah zumnak a um.

Misual in Germany Lawng An Kai

Somalia ram lawng rukhmang misual pawlin Kenya thawi an ramri Tipi thuanthum ah Germany ram thilri phurtu lawng an ruhlo. German ralkap thupuangtu in a sim nakah an ram thilri phurtu lawng Beluga Fortune hi United Arab Emirates ihsin South Africa panih feh a siih, Kenya ram saklam   Mombasa ihsi Peng 1,200 hrawngih hla ah  Somalia ram lawng rukhmang misual pawlin an rakkai ih an ruhlo a si tiah a sim.

Himi lawng sungih minung to pawlin hriamhma an tuar tileh mithi an um ticu a sim lo. Kandung zarhte ni khalah Mombasa ihsi Mahe panih feh Singapore lawng Oil phurtu MV York an timi cu Kenya tipi thuanthum kapah Somalia ram misual lawng rukhmang pawlin an rakkai ih an ruhlo zo, himi sungih to minung 17 khal tutiang an thih leh an dam theihnak umlo in an hlo lai.

Pakistan Bomb Puak

Pakistan ram Punjab Province  Pakpattan khua ih Sufi Muslim bawlpu pakhat Baba Farid ih thlan luhnak Gate ah Tapung misualih Bomb kammi puakah minung 6 an thiih, midang 15 in hriamhma an tuar. Palik pawlin an sim nakah hi Bomb kamtu pawlin an Bomb hi cawhnawi bawm sungah an retih  BabaFarid ih thlan luhnak ding Gata ah an retih an mah an tlan hnuah Bomb hi a puak tiah an sim.

Sufi Muslim pawlhi Muslim sakhua betu dang Shia leh Sunni pawl vekin an langsar tuk lemlo nan  Muslim Terrorist pawlhin an biaknak sakhua tidal tu ah puhin an tibuai siatsuah ringringih, Tui ttumih buainak khalah Sufi bawlpu pakhat Mufti Muneebur Rehman cun Pakistan ram Cozah hotu pawlcu an mai ramsung mipi himnak ruatlo in ramdang mi pawl ih hrangah hna an  tuansawn tiah an puh.

Hi Bomb puahtu hi ziangpawl hmanin an puahmi a si thu an simlo nan  Sufi Muslim pawlhi tuihlan ihsin Taliban pawlin an rak tibuai ih an rak siatsuah ringring rungah tui ttum Bomb puahtu khalhi Taliban pawl an si ding tiih zumnak a tumzet.

Tuithla tirte khalah Karachi khawpi ah  Sufi Muslim pawlih hmun thianghlim cu  Taliban pawlin meithal leh Bomb thawn an rak siimih minung 9 an rak thatzo. tuikum July thla khalah Lahore khawpi ih Sufi Muslim biakin cu Bomb ih puah a siih minung 40 an rak thizo.

Giri Phusing Ruangah Mi 71000 Harsa: Chin Mi 2000 Tel

Kawlram nitlaknak ih phusing a hran ruangah mi 71000 lenglo cun umnak nei lo in an um ih mi 177000 lenglo cu rawl le ti dai harsa in an um.

Famkim Siarbet

Emergency Kit

October 28

Tlawngkai Nili

Poipeng Caan Ih Hman Ding

Thilri Bawm

Siar:

Efesa 6:10-18

Atu ihsin Pathian raalthuam kha hruk uh, caan sia a thlen tikah nan raal pawl cu nan do thei dingih a net tiang nan do hnu ah nan ttanhmun nan hum ngah ding. - Efesa 6:13

Kumkhat Sung Baibal:

-   Jeremiah 15-17

- 2 Timote 2

Kum hleihnih sung lamhla ka khualtlawn fehnak kip ah poipeng caan ih hman ding thil ttulmi retnak bawm (emergency kit) ka keng ringring. Famkim Siarbet

Next Page »