Chin Pawlpi Hotu Pu Fung Dun Interview Tuahnak

CT: : Na thuhla tawi ( Hminpum, suahnak khua, nupi fanau le unaupawl ) in sim aw?

FD::  Ka hmin cu Fung Dun. Mirang hmin tla ka nei lawk nan ka hmin ngai hnak in mirang hmin an thei tamsawn ruangah ka duh nawn lo ih ka pu ih i sak mi ka lai hmin lawng ka hmang.

Ka suahnak cu Falam in Rih zin feh ih khua hmaisabik Cerhmun khua asi. Unau thum lakih nauta bik ka si. Ka u le cu Pu Hlawn Mang le Pu Ngun Hlei Thang an si. Ka nupi cu Bawi Zing asi ih nausuak sazama asi.

CT: : Na fanau pawl ih tlawng kai mi le an hnatuan?

FD:: Nunau pathum cu hnatuan phah in tlawng an kai lai rero. Pahnih in Licensed Practical Nurse an theh zo ih tu Registered Nurse an kai bet lai. Pakhat cu LPN a kai lai rero. Mi pa pawl cu mivai/ramleng suak tambik ih thiam mi Shushi Bar nei in an tuan hruthro ko.

CT: : USA ah ziangtin, ziangtikah na rak thleng,Tu na umnak khua?

FD:: 1996 ah Guam ka thleng ih 2001 ah Washington DC,  2003 ah DC ih sin Seattle(Kent), Washington State ah ka vai ih tutiang kan umta.

CT: : Zirnak lam ah ziang tiang  na thleng?

Health Assistant ka theh hnu 1978 ah BA (History) ka ong. US ka thlen hnu BS in Organizational Management kumhnih sung Columbia College, MD ah 2003 tiang ka kai.

CT: : Party – Council san lai ah Falam ih na hnatuan pawl le ziangmi kan miphun hrangah na rak tuah?

FD:: Hmaisabik ka hnatuan mi cu Health Assistant (Khuate sibawi) asiih kan Laimi pawlih harhdamnak le thianhlimnak kan tthanso theinak ding bik asi.

Party-Council san lai a voi hnih nak Council ah  Chin State Council member (Part-time) 1978 in ka tel ih 1981 kum ih Falam Township Party Unit hrilah Party Secretary in hril ruangah Council member cu ka suahsan. Party Secretary term khat kumli ttheh tiang ka tuan.

CT: : Upat hnu ah USA na thleng sikhawh, kan Lairamte ziangtluk in na ngai theu?

FD:: Kan Lairam te ngaih a rehdeuh pangah tiah laitlang thawi bangawbik le  sokhlei phun zakim parnak Seattle, WA ih ka cer nak san asi. Mai suahsemnak le tthanlennak cu hngilh ngaingai a rak theih lo a si hi.

CT: : Na ngai bikmi in sim aw, Lairam ngai in na lunglen caan ah ziangtin na  hnem aw?

FD:: Ngathliar, survawrh le ramtawih asi bik. Cun ei dingah cun hritezik (hruitezik). Tahan bazaar ka thlen ih ka lei lo cang a um dahlo. Lunglen hnemtu ah laihla pawl ka ngai theu. Ka mawtaw sung khalah laihla a tam bik.

CT: : USA thleng kan Laimi ah rinsanmi suanvawr pakhat na si ih, USA ram ah na fate pawl an thanlen tikah ziangvek mizia in tthanglian haisehla na duh bik?

FD:: Pathian duhdawtu le lainunphung duhdaw thiam ih a tthangso mi si ter cu ka duh.

CT:  Chinmi ( Laimi ) sinak ah na ngaisan emem mi a um maw, ziang? Na uar lo emem mi teh a um le in sim aw?

FD:: Chinmi (Laimi) pawl hi Pathian zumtu kan si nak hi ka ngaisang bik. Mirang lakih thu ka sim tikah laitlang ah zianghman a suak lo nan Bawi Zisuh kan nei tiah ka sim theu.

Laimi iksiknak neituk le mai ttuan lo ruangih zabeng mi dungtun  sanmen pawl hi ka uar lo bik pawl an si.

CT: Mi tampi in Lairam hnakin Laimi kan duhdawt sawn a tul an ti, kan Lairam deldite maw kan va duhdawt ke, lole hmuntin ih um kan Laimi?

FD:: Khuitawk hmun ih kan um khal le kan laimi kan duhdawt hmaisa a ttul. Laimi na duhdawt ah cun lairam dildel te khal na duhdaw ko ding.

CT: : Falam khua ih Falam hotu lubik  na rak tuan lai ah Falam khawpi ziangvekin ceimawi or tthansoter na rak tum dah?

FD:: Hlan lai Falam bang ih hmuntin ramtin ih sin “Falam Par” tlantu an tam deuhdeuh ding ka rak beisei. Curuangah Party  Unit in kan penghrang hnatuan tu ding Council hril tikah cathiam, mifel le mi taima ttuanduhnak thinlung nei pawl Council ih ttuan ter ding ka rak tumtah nan a tawinak cun thu a phunphun ruangah a rak cang thei lo.

An hmin khal sim mai sehla kha lai ih kan neihmi sungin Pu Kap Tial le Dr Than Bil Luai tivek khuazuam /taima pawl thawn  ttuankhawm sehla ti hi ka rak saduhthah mi a si. (Tuisun nitiang zohman ka sim dah lo vekin an mah pahnih khal hi thu hi ka ruah dah ve lo.) Falam khuapi ceimawi dingah cun meisa le tidai thupi bik a si ih pursum leilawn nak kan zinpi Rih zin hi in thohsuahtu asi tin ka ruat.

CT: : Tuni kan Falam khawpi ziangtin thangso dingin sunmang na nei?

FD:: Falam khawpi tthangso ding ah khuasung um tu le ram leng um kan ttan tlang a ttul bik. Ramleng suak kan zaten kan neihsun te kan pek ngam ih kan kuat thiam a ttul . Meisa, tidai le Rih zin khal kan tawl rel sal a ttul. Sungkhat sisehsenpi/tlangpi hrangah siseh kan pek rori a ttul. A pawibik ka timi cu Falam mi hin pek lamah kan tlasam tuk lai.

CT: : Chin pawlpi cangsuak dingin ziangtin nan rak cangvai ti in ruah hnik aw?

FD:: US ka thlen ve ten pawlkom a um maw ti hi ka vei bik mi a si. Kan thlen hlan ah  pawlkom an rak um nan laimi zatei pehzom awk ngai ngai a rak um lo.US saklam ih um pawl in Dawngpui tin 1985 hrawng in an rak tuah theu vekin thlanglam um pawl khal in 1995 hrawng in Fanger an rak tuah ve nan pehtlaih awknak a rak um tuk lo.

Washington DC ka thlen veten Falam mi  tawkfang nawn an um nan pawlkom a um lo ruangah pawlkom dinding ka sawm ih 2002 April 12 ni ah Falam Pawlkom (National Capital Area) tin kan din suak ih Hotu ah Pu Defence Lalawng le Sungtuan ah kei mah thawn EC pasarih kan si. Hi pawlkom hin mipum cazin kan la ih Falam Address book le Chin tong ih biak khawmnak thla khat voihnih kan tuah thok thei.

( Culawng siloin November 22, 2002 ah Chinmi zatekom ih tuah mi Chin Community of USA (DC Area) dintu khal ah ka tel ve.) Cuisin state dangdang ih um laimi pawl thawn telephone siseh, ton khawmawknak a um tinte hi thu hi kan rel ih kan zaten kan duh cio nan hmunkhat ih tonkhawmawk nak a um hlan cu tuah suak thei a si lo. Culaifangah Lailun Foundation ih hoha nak in Chin Calai Seminar Atlanta khuapi ih an tuah tikah cuitum ih pawlpi dinsuak ding in ka pok.  Asinan LF ih tuah mi a si ih US um Falam mi kan huap thei lo ding titu pawlin  in neh ruangah Tungzing Kawmiti tiang lawng kan din thei ih hotu ah Dr. Lai Sum le asangtu ah kei mah thawn Kawmiti pasarih kan si.

A hmin cu Chin Pawlpi siseh tin Atlanta ih sin kan sak suak ih state dang khal mah le state ciar in Chin pawlpi dinding kan rel. Thurel nakah Pu Hrang Thawng khal a tel ih Battle Creek ih Chin pawlpi in puaila in in sawm uh tiah kan dil vekin Battle Creek ih ttuanvo neitu le mipi pawl thuthiamnak in inntek tuanvo an la ih kan tumtah vekin Chin Pawlpi(USA) cu Battle Creek ah November 30, 2002 dinsuak asi.

CT : : Chin Pawlpi-USA hi kan Laimi khaikhawmtu le rinsanbik mi pawlkom a si, hmanseh ziangruangah Laimi ( Falam ) ramdang um mi pawl thawn tuantlangnak ngaingai nan nei lo, nan connected lo a si pei? Hohatu dingbik nan si fawn?

FD:: Asi. Ttuantlang thei sehla ti tumtah cu kan neinan kan hlensuah thei hrih lo mi asi. Hmailam ah cun kan pehtlaih aw thei ding kan beisei ko.

CT: : Chin Pawlpi-USA  hi Nangmah hotu na tuan in  hna tampi an tuan thei ti a si, ziangtin kan miphun hrangah na zuam?

FD:: Pawlpi hnatuan hi mi pakhat zuamnak lawng ih cang thei mi a silo. Hotu pakhat si cun Leaders do it first…an ti vek ih ttuanhmaisabik tu si cu a ttul. Ttuanpi pawl thawn siseh mipi siseh mah rori ih tuletu thurawn ih ttuan vutvo a ttul. A cangcang ah cun an tawtawh deuh khal a ttul. Kan miphun le ram hrangah tiih pumpek awk ngam, ttuanpaih, zuam, le taimak a ttul.

CT: : Hmailam Chin Pawlpi vision in sim thei pei maw?

FD:: Chin Pawlpi hin kan Chin mi hrang rolung bun thei ding tumtah nak a nei. Hivek ttuansuak ding cun mipi kan zatei ttanrual a ttul. A cipciar cu tuahsuak hrih lo a siih nehhnu ah si deuhseh.

CT: : Laimi hotu mi pakhat si ahcun calai hi uar tengteng a tul or hotu cu calai misazet a si theu tiah na ruat maw?

FD:: Calai uar hi a tha bik nan hotu si ruangih uar tengteng ttul ticun ka hmu lemlo.  Hotu lakah calai milesa zet an tam vekin hotu zaten an si kher cuang lo men thei.

CT: : Kan calai na sunmang? Mino calai duhpawl hrangah ziangtin ruahnak in pe duh?

FD::  Ni khatkhat ah phunsang tlawng tiang zir thei siseh ti hi a si. Ramdang thleng pawlin kan tesinfa pawlin an run kilkhawi vivo thei nak dingah ttuanvo kan nei.

Mino calai duh pawl hin ca tampi ngan sinsin ih cabu, mekazin le thuthangca tivekin a phunphun ih suah ding a thupi zet.

CT: : “O” le ” AW” ahcun na buai zik lo ti aw?

FD:: Buai lo lawlaw. “O” lole “AW” ih an ngan khal le an ti duhsan ka thei thluh.

CT: : Calai ih thupitnak na theihmi ziangtin a si?

FD::  Calai a hloh a sile miphun kan hlo tinak a simai. Kan Chin sannikhuk tunghmun dingah kan calai kan dinsuah deuhdeuh a ttul.

CT: : CT hmuandumpi ah na rak leng man dah maw?

FD:: Kan rak tawivak ve theu. Santhar mino pawlih thiamnak le zuamnak hi ka uar zet.

CT: : Kan Chinmi hrangah cah lo theih lo a thupi tuk tin na ruah mi?

FD::  Fimthiamnak zirsan lamah tu hnakih kan zuam a ttul. Ahleice in mino pawl hnatuan tum mai loin nan thlennak kipah fimthiamnak zir hmaisa uh. Cun hnatuan ding kan neih mi ah tun awlo ih kan ttuan tlang a ttul. Chinmi hminsiat tertu siloin cawimawitu sihram uhsi tihi asi.

CT: : Na caan sunglawi in pek ruangah kan lungawi, kan Laimi hrangah thazang thar laknak a si kan zum.

FD:: Kei khal ka lungawi. Tthathnemnak um sun a um le Pathian sunlawihnak ah si hramseh.

August 30, 2010

Rundam Cia Mi

August 31

Tlawngkai Nihnih 

Rundam Cia Mi 

Siar:

Efesa 2:1-10 

Sikhalsehla Pathian ih in zaangfahnak cu a tlamtling ngaingai ih… kan sualnak sungah thlaraulam in mithi cia kan si ko nain Khrih thawn nunnak ah in thoter saal zo. Pathian ih zaangfahnak thawngin rundam mi nan si.     – Efesa 4:4-5 

Kumkhat Sung Baibal:

-   Saam 132-134

-   1 Korin. 11:17-34 

Lauren cu ttihphang phah cingte in tiva parih mi pakhat te tomi lawng parah a to. Famkim Siarbet

A vei hnihnak Chin Christian Youth Combine Service Mebourne, nei sal ding

CT| Melbourne

Australia um Chinmi pawl cun Pathian hmunkhat  te ih thangthat  tlang khawmnak nei sal dingin Melbourne thleng Chinmi Kohhran le Fellowship tin ihsin palai mi 24 pawl cun thurel khawmnak 28^th August, 2010 ah Chin Christian Fellowship biak inn ah an nei.

A suak khawmtu Melbourne ih Kohhran le Fellowship 13 palai pawl cun November 20, 2010 ah awnmawi thawi thangthat khawmnak nei siseh tiin an lungkim khawm ih Kohhran le Fellowship tinin hla 3 cio sak ding khal in an rel.

Hi thurel khawmnak ah Melbourne ih Kohhran le Fellowship 13 lak ihsin 11 pawl ih palai pawl in thurel khawmnak an nei. Chin Christian Fellowship thalai pawl in tuikum khawmnak ding hrangah zaanghlei cawiih inn tek tlawm ngai hna tuan dingin dilnak an neiih an dilnak khal siansak an si. ‘Ni kum ih kan kan hman mi Christian Youth Combine Service Mebourne ah Pathian in in umpiih tuikum khal Pathian sunlawinak asi thei ding kan ruahsan asi’ tiin Lian Hnin Mang, CCF thalai hotu le Christian Youth Combine Service Mebourne ih Meeting hotu cun a sim.

Melbourne  ah Kohhran le Fellowship 13, Emmanuel Christian Church Melbourne  (ECCM), Victoria Chin Baptist Church (VCBC) , Lai Christian Church Melbourne (LCCM), Melbourne Burmese Christian Church (MBCC), Melbourne Chin Church (MCC), Grace Community Church (GCC) , Zotung Fellowship Melbourne (ZFM), Victoria Matu Christian Fellowship (VMCF), Chin Christian Church (CCF), Zomi Christian Fellowship (ZCF), United Pentecostal Church (UPC), Mizo Christian Fellowship Melbourne (MCFM), Chin Baptist Church (CBC) pawl an um.

Chin Christian Youth Combine Service Mebourne a veikhatnak cu November 14, 2009, ah Emmanuel Christian Church Melbourne pawl khawmnak ah awnmawi thawi thangthat khawmnak neih a si.

A veikhatnak ih an rak neihlai zuk – Chin Christian Youth Combine Service Mebourne a veikhatnak hinah click aw..

Vic Team aiawh Chinmi Jerry San Luai Thang Jahau – Vice Captian ngah

CT| Melbourne

Australia ramkulh Vitoria aiawh ih futball leknakih Chinmi tel hmaisabik Jerry San Luai Thang Jahau cu Victoria aiawh ih futbal lek dingin mani sun 29^th August 2010 ah Newcastle lam panin, a mah akilkhawi tu, a ni Mai Rebecca Ngun Cia Kil le an tlawng ihsin amah kilkhawi tu dingih an thlahmi an sazamah Jenny thawn an zuang. Jerry hi tlawngta mi 4500, Australia, Victoria state sungih thiamhlei mi 13 hrilmi lakih hrilmi a si hleiah an team vice captian ding khalah hril a si.

Famkim Siarbet

Tlang Ttong (Common Language)

August 30

Tlawngkai Nikhat 

Tlang Ttong 

Siar:

Tirhthlah 17:22-32 

Pathian nan biaknak hmun pawl tla ka zoh ih biakttheng pakhat parah “KAN THEIH LOMI PATHIAN HNENAH” tiih nan nganmi ka hmu. Cuti ih nan thei lo nacing ih nan biakmi Pathian cu atu nan hnenih ka phuanmi hi a si.     – Tirhthlah 17:23 

Kumkhat Sung Baibal:

-   Saam 129-131

-   1 Korin. 11:1-16 

Mino hnattuannak in tlawngta pawl cu Jamaica ih mino zirhnak hmun ah an va Famkim Siarbet

Hla Sak Loin Ziangti’n Kan Um Thei Ding?

August 29

Nipi Ni 

Hla Sak Loin Ziangti’n Kan Um Thei Ding? 

Siar:

Saam 146 

Ka nun sung hmuahhmuah Amah ka thangtthat ding; ka nun sung cat loin ka Pathian hnenah hla ka sak ding.     – Saam 146:2 

Kumkhat Sung Baibal:

-   Saam 126-128

-   1 Korin. 10:19-33 

Robert Lowry cun Pathian thusim hi a nun sungih a tuah tambikmi ti’n a thei. Famkim Siarbet

Fimnak Ih Khulfung

August 28

Zarhte Ni 

Fimnak Ih Khulfung 

Siar:

Johan 8:1-11 

“Cule a thupekmi cu kumkhua nunnak a si ti ka thei. Curuangah ka simmi hi ka Pa in sim dingih i fialmi a si,” tiah a ti.   – Johan 12:50 

Kumkhat Sung Baibal:

-   Saam 123-125

-   I Korin. 10:1-18 

Farasi pawl cu mipa thawn an sual laifang ih an kaihmi nu an run hruai ih Jesuh Famkim Siarbet

A Hlatpi le A Naite thawn

August 27

Tlawngkai Ninga 

A Hlatpi Le A Naite Thawn 

Siar:

Matthai 15:7-20 

Thil tthahnem lo a hawl rerotu ka si lonak dingah i kilkhawi aw. Na thu tiamcia vekin ka parah ttha hram aw.     – Saam 119:37 

Kumkhat Sung Baibal:

-   Saam 120-122

-    1 Korin. 9 

Kan innhmun cu a dai ttheptthep. Tual ih hna ka ttuanlai ah kan uico Maggie cu ka kiang ih hrampi parah a bok. Thinghnah ro rung caang hrephri in thil a Famkim Siarbet

Surbung Tlang Thuthang Special Issue

Surbung Tlang Thuthang Kan Lungawi!

Kan Chin, thuthangca fiangfaizetih ngantu Pu Khuang Lian Sum ih nganmi Surbung Tlang Thuthang hin mipi kum hnih sung in rian rero laifang a si.  A thuthang nganmi hi Rihli tlangcabawm ah siar nuam takin update a nei thei ringring.

Asinan, cangantu/ News update tu pawl ih hlawhmi cu lungawinak le lawmnak awkam siloin cuk khat te, cuk sual hman ah “na ti sual” ti a si ringring. Cuvek sawiselnak a thawngtel lakah huaisen tak le pacang takin mipi  fimnak le theihkohnak a phunphun in pe.

CT thawn Chin mipi kan riantlang nak ah implement partner kan sinak ah CT tawlreltupawl khal kan lungawizet a si. CT tawlreltu pawlin lungawithu kan sim nawn sal.

Miss Universe 2010 Ah Miss Mexico  Hril A Si

Tihni zanih Miss Universe 2010 hrilnak United States Nevada ih Las Vegas khua  Mandalay Bay Events ih an tuah nakah  Miss Mexico, Jimena Naverrete kum 22 micu 2010 Miss Universe ah hril tlin a si. kum 2010 Miss Universe ngah tumin  leitlun ram dangdang ihsin fala hmelmawi leh zei  Fala 83 an telih, Miss Universe hril a voi 59 nak hi leitlun ram dangdang  ram 190 mipi pawlin TV ihsin an rak thlirve.

Miss Photogenia leh Best National Costume laksawngcu Miss Thailand, Fonthip Watcheratrakul in a ngah ih, Miss Congeniality hrangah Miss Australia, Jesinta Campbell cu hril tlin a si. Miss Jamaica, Yeudi Phillipps kum 23 cu 2 nak a siih, Miss Australia, Jesinta Campbell kum 19 micu 3 nak a si. Miss Ukraine in 4 nak a ngah ih, Miss Phillipine cu 5 nak asi.

Miss Universe thar Jimene Navarrete hi Miss Universe  lukhum rakco laitu Venezuela ram fala mawi Stefani Fernandez in Miss Universe lukhum ropi cu a khumter.

US Raldo Nak Vanzam In Missile In An Kap

Mizanzing khawvang zawngah khan  Pakistan ram North Waziristan bial Darga khua ih Taliban pawlih umnak Camp cu US Ralkap raldo nak Vanzam Pilot umlo Drone in Missile in a kapciamco ih, a hmunah minung 13 a kapthat.

Pakistan ram Cozah thupuangtu in a sim nakah US ralkap raldo nak Vanzam  Drone in Missile ih a kah nakih mithi pawl sungah mipa 4 nunau 5 leh nauhak 4 an thiih, mithi pawlhi zo an si ti leh ziangpawl an si tikhal theihfiang nak a um hrihlo tiah an sim.

US ralkap pawlin Drone Vanzam ih Missile hmangih an kahnak hmunhi Taliban hotu pakhat Jalaludin Haqqani ih umnak Inn a si tiih theih nak hmun a siih, an kah laifang ah hin a mah a um leh umlo theihfiang nak a umlo.

Tiger Woods Tei Nupa Then Aw

Leitlun ih Golf lek thiambik Tiger Woods leh a nupi Elin Nordegren cun an thenawk fel thu an puangih, Tiger Woods tei nupa thenawk thuhi Florida ih Bay County Circuit, Judge Judy Pittmen Biebel ih hmaiah tifel a si.

Tiger Woods tei nupa thenawk nak thuhla hi Internet ih an mai Website sungah tarlang a siih, hreh um tizet cingin an thenaw tiah an tarlang ih,  hmailam  tikcu caanih an fehnak ding thuhla khalah duhsak nak an hlan aw  veve ih, an fate pahnih Sam kum 3 mileh Charlie kumkhat leh thla nga mi khal a kilkhawi sawngaw vivo dingin rem an ti tlang tiah an tarlang.

Thuhla fiang ngaingai cu a um lonan  a nupi Elin Nordegren in  Tiger Woods hnen ihsin paisa dollar Million 100  hrawng a suahpi dingah zum a si tiah an tarlng.

Relzo vekin Tiger Woods hi nikum  November thla ah khan an mai Inn kiangah motor in a bahsual ih khami hmu ihsin fala dangdang thawn an kawpaw ringring tiah theihsuak a si ruangah, a nupi hnenah a rin umlo tiah hmuhsuak a siih, Asinan Tiger Woods hin a nupi leh a nupi ih sungkhat pawl hnenah ngaithiam a dilnan an nupa karlak boruak hi a se sinsin ih, tui thenawk nak thu an puan khalhi tuihlan ihsin thuhal buai rak umcia ruangah a si tiah BBC cun a sim.

Somalia Ram Khawpi Ah Tapung in MP Pawl Kapthat

African Union rualrem nak  ralkap thupuangtu in a simnakah mizansun ah khan Somalia ram khawpi Mogadishu ih President ih umnak Inn kiangte ih Muna Hotel cu Islamic Al- shabab Tapung pawlin  Cozah ralkap hnipuan hruh in   meithal thawn an luh khumih a sungih um mipi pawl an kap ciamco in minung 15 an kapthat ih, mithi pawl sungah MP ziangmaw zat an kapthat tel tiah a sim.

Somalia ram Cozah ralkap leh Tapung pawlhi tihnisun ihsin an kapaw ciamco thokih, Somalia ram ralkap pawlhi African Union  rualrem awknak  tuahtu ralkap pawlin an bawm. himi Hotel hi an khawpi sung laili fangih um a siih, thazet ih kil ringring mi a si ruangah mi pawimawh upa leh ramdang mi pawl thlen theunak hmun a si nan, Tapung pawlin Cozah ralkap hnipuan an hruh ih an luhkhum ih an kap thei thotho.

Pakistan Ram Bomb Puak

Mizansun ah khan Pakistan ram thlanglam Peshawar khawpi ah Bomb a puakih minung 38 an thiih, midang 50 lenglo in hriamhma an tuar. hi mithi pawl lakah South Waziristan bialih MP hlun Maulana Noor Muhammad khal a thitel.

Hi bomb puakhi Muslim sakhua biaknak thuhla rel khamwnak Wana khaw biak Inn ih an tokhawm laiah Bomb paitu cu Biak Inn sungah lutin a bomb paimi cu mipi lakah a tipuakih, himi hmunah minung 26 an thiih, khawpi sung hmundang thingtlang mipawl umnak hmun  Kurran ih khawtlang pumkhawm nak an tuah nak hmunah Bomb pakhat a puak salih minung 12 an thibet. himi Bomb puahtu hi zopawl hmanin an puah mi a si thu an simlo.

Nepal Ram Vanzam A Tla

Mizansun ah khan Nepal ram khualtlawng phurtu  Agni Air  Vanzam cu an khawpi Kathmandu ihsi Mount Everest tlangih khualtlawng tamzet pawl feh theunak hmun  Lukla panih a zuangcu nikhua a siat tuk ruangah a ttum nakding hmunah ttum theilo ih  an khawpi Khathmandu panin a kirsal ih, khathmandu thlanglam  Km 80 ih hla Shikharpur khaw kiangah a tla.

Hi Vanzam Agni Air ih topawl lakah US rammi minung 4 leh Britian ram mi 1 leh Japan rammi 1 an tel. mithi ruang pawl hawl dingin Nepal Cozah cun ralkap tamzet a kuat zoih nikhua a siattuk ruangah duhvekin hna a ttuancak theihlo tiah an sim.Vanzam tlaklai hmutu khawsung mipi pawlcun  khathmandu tlanglam ah a tla ih Vanzam hi a kekparh thuh tiah an sim.

Lukla Vanzma ttumnak hmunhi  a lamzin metre 550 lanwgih sau a siih,  leitlunih Vanzam tum harsat nak hmunih telban mi a si, kum 2008 khalah himi kiangah Vanzam a tla zo ih German  ram mminung 12 leh midang 6 an rak thizo.

Nitin in le ei thuhla ih cin ringring tlak

Nitin in le ei thuhla ih cin ringring tlak

- Salai Biak Chawn

Cahnak in petubik pakhat ‘ei le in’ thuhla ahhin ‘a thupibik ih an ruahmi pakhat cu ‘fibre’ a si. Fibre timi hi ‘ei le in ding lakih ‘hri le fe’ neitu a si ih, cucu protein, carbohydrate le thau (fat) vek thotho in ‘thil tha tuahtu a si ih, thil tha lo thlentu khal a si ve.’ Ticun, ei le in ding pawl cu, ziangvek tikcu le ziangvek ih tuahmi hril a tha ding’ tiah a hnuaiah tawi famkim theibik ih ngan a si.

Famkim Siarbet

Nauhak 20% lai an hna a set

Digital music player, handphone le ipod, mp3 le mp4 tham tam tuk le ngai tam tuk ruangah USA ram ih nauhak then nga ih then khat cun nikhat hnu nikhat ‘hna setnak’ (awn theihfiang lonak) an tuar tiah US national researcher pawl cun an sim.

Nauhak kum (12) ihsin kum (19) karlak cu kum 1988 le 1994 karlakah mi (3,000) lai zohfiang an si ih, kum 2005 le 2006 ah mi (1,800) lai zohfiang sak an si.

Cumi ihsin an hmuhsuahmi cu nauhak 15% ihsin 19.5%  tiang  ‘awn theihfiang thei lonak’ an nei ti a si.

Famkim Siarbet

Tarsawn Asilole Tthasawn

August 26

Tlawngkai Nili 

Tarsawn Asilole Tthasawn 

Siar:

2 Korin. 4:16-18 

Hiti a si ruangah beidong ih kan um dah lonak cu a si. A lenglam kan taksa ruangpi hi ttumsuk vingvo hmansehla kan sunglam nun cu nitinte tharsuah ringring in a um a si.     2 Korin. 4:6 

Kumkhat Sung Baibal:

-   Saam 119:89-176

-   1 Korin. 8 

Baseball lektu pawl cu ziangtluk in an no? tiih kan sut awk tikah kan kum a upa Famkim Siarbet

Next Page »