Chin Pop Singer (5) Pawl Laar ViVo

Kan Chin fala kawlram pop singer (5) pawl cu Asia ram lawngsiloin leitlun pumhuap ih thlir thei ding ah Youtube le Thuthang langsarzetzet, TV pawl ah an lang rero thok thlang.

Ma Kim le a rualpipawl hi “Myanmar’s Tiger Girls” tiah hmin an pe aw.

Ma Kim hi Falam Laimi a siih kan Chinmi lakih laam thiambik le hlasak thiam bik lakih tel mi khal a si.

Kan dung naite ahkhan “Rin Um Te’n” timi music album tla an suah. Hi fala pawl cangvaihnak thlirtu Chinmi tampi tongkam kan dawn daan vek a sile, “an thiam tuk”, “an tawk lawlaw” ti hi a si.

Myanmar’s Tiger Girl pawl hin Kawlram daan pahbal ih feh an tum lo thu khal an rel tel.

Cun an hotu Nicole May khal cun nasa zetih media thawn an tanrual tumzia thu khal a sim nawn rero.

Myanmar’s Tiger pawl khalin an thiamnak le cangvaihdaan zahpi lo in leitlun pumhuap ih theih mi kan si, sinsin ding tiah an sim.

Hitivekih TV le thuthang ih an langnak ruangah Kawlram cu mi tampi ih theih phahnak ah a cang ih Kawlram pi a ti mawilawng siloin khuahkhirnak sangka an onsak ti khalin an sim bet.

Azohtu Mirangpawlih comment kan dawn daan in, hivek Kawlram sung ih an um mak an ti lawng siloin Kawlram pi hrang hrimhrim ah thuanthu an ngan sawn a si ti tiangin an tarlang.

Ahleicein duh an hlawh ememnak pakhat cu mino pawlih duhdaan ih cangvaih an thiam ruangah ti khalin an sim bet.

An sim sinsin nak ahcun kan tumtahnak kan thleng ding. Ziangkim ah tuar theinak a tul, mikip theih kan si lai ding tiah an sim bet.

TV le thuthang ih malte sung an langnak cun leitlun mipi khawruahnak le ruahsannak a hnget ter sinsin.

An (5) zuk pawl hi Yangoon kawthler khalah hmuh ding a um.

Hlasak le laam an thiam ti lawngsiloin cathiam le mirang tong thiam zet an si bet.

Kan dung naite khalah Kawl hla mawi zetzet an sak.

Hram: Rihli, Youtube, TV le News

Ka Bawipa le ka Pathian

July 31

Zarhte Ni 

Ka Bawipa le ka Pathian 

Siar:

Johan 20:19-29 

Thomas in, “Ka Bawipa le ka Pathian” tiah a ti.    – Johan 20:28 

Kum khat Sung Baibal:

-   Saam 54-56

-   Rom 3 

Jesuh cu thawhsaal ni ah a dungthluntu pawl hnenah a lang ih an khennak a kut le a ke pawl a hmuh hngai. An zum thei thotho lo, an lung a awituk Famkim Siarbet

Hnawmpen Tikulh

 

July 30

Tlawngkai Ninga 

Hnawmpen Tikulh 

Siar:

Seemtirnak 1:20-28; 2:15 

Pathian in hmunkhat ih a kom awmi tidai cu, “Tifinriat” tiah a ko. Pathian in a tuah ciami a zoh tikah a ttha a ti.    – Seemtirnak 1:10 

Kumkhat Sung Baibal:

-   Saam 51-53

-   Rom 2 

Tih ni sun ah, tifinriat cu hnawm hlonnak ah hman ding a si ko tiah a cohlangtu pawl ih thu, riahsiatza thuthangca ka siar ngah. Famkim Siarbet

British PM India A Tlawng

British PM India A Tlawng

British Prime Minister, David Cameron cu nithum sung caam dingin mizan sunah India a thlengih, an ram Cozah mi pawimawh ziangmaw zatin an thlun.

PM, David Cameron hin Karnataka khawpi, Bangalore ih HAL- Infosys leh Narayana Health City pawl a feh hmai sabikih, himi hnu ah State Governor a kawmcih.

PM, David Cameron hin tuisun ah  Chennai leh Mumbai a feh dingih, Thaisun ah Prime Minister, Manmohan Singh leh President, Pratibha Patil leh Cozah mi pawimawh dangpawl New Delhi ah a kawm ding.

==========================================

Isreal Ralkap To Nak Helicopter A Tla

Mizan sunah khan Isreal ralkap pawlih to nak Helicopter cu Romania ramah a tla ih, Minung 7 an thi.Romania Defence Ministry, in an sim nakah Isreal ralkap 6 leh Romania ralkap 1 tonak Helicopter hi Harzerim Air base ihsi an zuansuak hnu reilo te ihsin biak pop theih nawnlo in an umih, reizet an hawl hnuah Romania ram laili Zarnesti khawkiang ah Helicopter tlahi hmuh a si tiah a sim.

Helicopter tlaknak ah minung 4 ruangcu hmuhsuak zo a siih,  Helicopter hi ziangruang bikah a tlati theihfiang nak a um hrihlo ih an zingzawi rero lai.  Isreal Air Force (IAF) pawlcun an ralkap tla pawlih ruangcu hmusuak tengteng dingih hawlin Sibawi leh mithiam ziangmaw zat an kuatbet zothu an sim.

Isreal leh Romania ralkap pawlhin  Blue Sky 2010 an timi raldo zirtangnak ni 11 sung an nei ih, tuah an zirtlang rero lai.Romania ram thotho ah Isreal ralkap pawlih tomi Helicopter hi tuithla tirlam khan a rak tlazo.

=========================================

BP Company in Paisa Cem Tam Ding

BP Company in mizan sunih thusuah a tarlang nakah Gulf of Mexico tipi thuanthum hnuai ihsi Zineen put phih nak leh tipi thuanthum thenfai nak dingah  dollar Billion 32 leh Million 200 an cem dingthu an tarlangih, tuikum April thla ihsi himi Zineen put ruangah BP Company cun a paisa ngahding dollar Billion 17 a sungzo tiah a tarlangbet.

Hiti vekih paisa a sun tamtuk zo ruangah leh a cemlai dingmi a tamtuk lai ruangah BP Company cun a thilri neihmi dollar Billion 30 man hrawng zuarsuak a tumthu khal a tarlangbet.Himi Zineen put nak kua hrutpit nakih an hna ttuan leh himi ruangih harsat nak tuartu pawl bawmnak pek thuhla ah BP Companyhi sawisel a hlawh zet.

BP Company Chief Executive, Tony Hayward cun tuikum October thla ihsi a hna hi a colhsan dingthu a puangih, a mai aiawh tu dingah Bob Dudley a retcih thukhal a puang. BP Company Chief Executive, Tony Hayward hi BP Company hotu sinak in bangkhal sehla, BP Company in  Russia ramih an Company ih Non-Executive Director, hna tuandingin an sawmbet thotho.

Na Tleunak Langter Aw

July 29

Tlawngkai Nili 

Na Tleunak Langter Aw 

Siar:

Rom 1:8-16 

Thuthangttha hi ka zahpi hrimhrim lo: ziangahtile a zumtu hmuahhmuah rundamnak an ngahnak dingah Pathian ih huham a si.    - Rom 1:16 

Kumkhat Sung Baibal:

-   Saam 49-50

-   Rom 1 

Chicago White Sox ih base ball leknak hmun ah Detroit Tigers team pawl thapek ka  duhzet. An lehnak hmun feh dingah Tigers T-Shirt angki cu Famkim Siarbet

Chin Nonawn Calai Pawlkom (New Delhi) Biazai Cabu A Suak Sal

CNCP(D) Biazai Pawl

Ka Siang lo Nan

Ziangah ka siang lo cingten ka lungthinah na ra?
Ziangah ka siang lo cingten ka duhdawtnak in lak sak?
Ziangah ka siang locingten fala na biak?
Ziangah ka siang lo cingten in feh san?
Ziangah ka siang lo cing in ka mithli na tlak ter?
Cun maw!!!!

Tuteh ka siang lo cingten’ ziang na tuah lai ding?
Duat Duat
==========================
Mangtha
Mawi sirsi ee, ka duh bik cu
Duh nungnak na mitah ni bang tleu ee
Hlingbur lakih lilipar bang in

Ka hrangah khiah a har hlei ee,,
Na duh bikmi Rose par bang ning la
Na hrangah ka nunnak tiang in

Colo lengnu napar mawinak ka pamhmai
Duh lo val pom dingah ram dangah maw!
Duhhlei hluat vang si lo in sumpai vang in maw?

Ka hrang a har nan ruuninn sung lung ka dum si lo
Nan vang tual lungdumnak thlil ka nei si lo
Ka neihsun duhdawtnak na hrangah kumkhua in
Mangtha

Salai-Lm
==============================
Kan Lairam

Ka Nu lairam Ka Pa laimi
Rak ninghang hrih law
Na fapa ka thanglian lai e,,
Suphrih law ka Nu Lairam na mitthli
Tanghrih law ka Pa Laimi
Kei na fapa ‘Ni’ bang in na tlunah eng ning e
Rak hngak hrih law kan Lairam
Ka fapa ka parmawinak ,
ka rimhmuinak zo saw ka pek ding
Nang ka fapa na um si lo tlanghra,  tlangza i kaan san
Ti’n kan Lairam ten in au

Salai-lm
====================

Duhmi Hnenah

Mipi aansuak Chinram nuam Chinram dai
Ziamtheh hai maw! kawl uknak ah
Zodai ngawdai bangin
Ramnuan ramthiang ka dawt ah e
Harsa hmuhsuam tuar in vak e
Pipu aankaa Hreungen Cawnniam
Sabang ruun mawiter duh bang in
Chinram kan ruun bang bawitial sinak mawiter ka nuaam
Lairam ah e khuatial le limtial bang rak um hlau
Natuu fapawl ram kan la lai
Lairam khuapi tla thing sensun len rak um hlau
Na tuu rual pawl Chinram hrang ah
Kawkuai aankaa,a phunphun in
Na thangsonak ding ah ram kan la e
Pami khukhri rual in ka hmin soi hlau’law
Nun nem lungthin a hnin pang ding
Pualva lungthin pu in rakum ko aw ka duat
Nikhat kan ram that ah kan lengtlang ding
Boihte
Salai-clian

==========================
Thing Kuakuai

Lungrawn kan khua kan run inn le,
Ka pai runthang kan sumtual rawn;
Thingrinim le thingkawkuai thawn,
Hnim cicai maw kan sumtual rawn.

Kei semmawngte kan run innah,
Thingrinim le thingkawkuai hnuai;
Zo dang ngai lawn kei tlangsulhmalh;
Sunghno ka nu’n in cawi theu maw!

Khuasin tluang dang ka len nak in,
Ka ngai tawn ee kan sumtual rawn;
Lung ka mawl ee zureu mawngbang
Thingrinim le kuakuai ngai in,

Salai Lailung Rawn Ngai

==========================
Nimthla kau zan

Meisa a mit
Thlapa a thim
Ni khua a ri
Kiangkap a thim
Thli nem ten’ a hrang
Van siar an hlo
Kiangkap a thing
Ruahhmai a tla
Nimthla a kau
Ttek a tla
Na lungphang ih i pawm zan
ka hngilh thei ding maw duh mi
Hngilh thei hmanseh
Hngilh siang hlah nge
Zum nawn ing maw
Tawng sal ding tin
Khai zan ngel cel
Tuah tlang dang-dangah
Nangngai ih  um zan
khaw ruah har zan
Thinpit zan
Nang ngai a na
Pawm tu nei lo’n
Khua rei in hnem thei hlah ee
Hawi le daw ah
Thup te ttah zan
In theih phangah
Van tau phah in
Nimthla kau sal hram
Tawn salnak hrang
In sim sal seh
“Kei khal ka lo duh”…

Meithal
========================
“Guitar”
Lungkuai au-aw, i remsak tu,
Ka Guitar..
Lunglen mitthli luannak,
Ka Guitar..
Thinlung cafang luannak,
Ka Guitar..
Zaihla pawl ih tualrawn,
Ka Guitar..
Hri-cat lo in, na awn-mawi reh ding,
kei, ka lungphang..!

Alai (Soul Image)
=================
Darkhing Awn Bang
Darkhing awn bang…
Lungthin sung ih duhdawtnak muril….
A kuai suak zo…
Tluangza dan ih,,,
Ka lungduh “SM”,,,,hnenah,,,,
Ziangtin thleng na hen pei maw,,,?
Aw,,,Cerlian ninu..ee, ka lungduh “SM” ih,
A Duhdawtnak thinlung sangkaa,,,,,
Awn theinak tawh fung,,,,
I pek hram aw,,,aw,,,aw,,,aw,,,,,

===========================
2006
Thal caan a thleng
Lunglen a zual
Thinghnah an ro
Eng siarsi in
Zilthli hrang in
An til miarmo
Lung an ti leng

Ka vak ka tawi
Duhmi ngai in
Cawlhnak neilo
Riakmawva bang
Riang hleice maw
Thian rual lakah
Ka van duaice

Mai Cangte HK
================
Ka Nu hnianghni
Ninu Iang in a mawi hleice
Ka nui mithmai
A thim zetmi ka nunnak ah
Eng mawi petu

Cerhti thiang bang dai nuam te ah
Ka nui thlazar
Hringmi leng buainak lakah maw
Daihnak petu

Ralhruang hluan in a khoh hleice
Ka nui hruainak
Leitlun sualnak sang lakah hin
Himnak petu

Mai Cangte Hk
====================
Ninu “SM”
Ka thinlung it thatmi,,
thang tertu ninu,,
Ka lo zoh i liamsan ding maw,,?

Ninu aw liam lo in,,
Kei vallung damnak ding,,
Na tleunak i pek ta hram law,,?

Nang cu mi kip hrang ih
Tleunak petu na si,,
Kei cu ee..zawnzai fahniang maw,,?

Hmanseh ka lo duhnak,,
I co hlan sak hram aw,,
Ninu ee.. i zaangfah hram maw,,?

Maw ninu “SM”,,,i liamsan hram hlah.

Maw ninu “SM”,,, ka lo duh.

Maw duh mi,,,i ruat ve hram aw.
Maw duhmi,,,,na mawinak ka hrangah,,
Sankhuk tiang in aw,,aw,,aw,,aw,,

Hu Lian
==========================
Na Tang nuamah
A mawi hleice kan Lairamte
Thlen leh ka nuam ka nu Lairam
A duhnunnak Lailun lungkua

A lainatnak Rihli lungthin
A hlo lo ding san cem tiang in
Zangfahten’ in hruai kirsal hram
Ka nu Lairam na tang nuam ah

Dloom Eng
====================

Aw…UNHCR
Kan nu UN na hnenah kan ra cawl
Na tang hlumah in cawi in in awihram
Kan ke in kan ding thei hlan tiang in maw
In tansan hram hlah na tefa dang bang
Kawl ni suak eng mawi kan hmuh hlan tiang in

Salai N
=====================
Oh! Delhi
Suahsemnak Lairam thlansan in
Na fahniang lakah kan um
Larsannak phunkim zir phah in
Lairam in ngaiter
Na ti le rawl ei in
“A har e…Ahar e” kan lo vui theu
Na tangsungah laifahning pawl
Kan um laiah in enkawl tha hram law
Zithli thiang a hrannak Lairam
Zalennak thawn kan kirsal tikah
Maw! Delhi na dam maw? Ti le ko ding

Salai Romeo
=========================
Bawihte
Ka nunnak cu hla pakhat…
Ka lo duhnak cu Music….
Music tello hla cu ngai a mawilo
Na tello cun ka nun a nuam thei lo ee..

Salai Romeo
=============================
Za Mual Liam
Duhdawtmi nang le kei
Khuanui lairelnak in
Nuam zet in lenlaiah
Zum ban lo in mithli thawn
Zamual in liamsan maw duhmi
Kei valpa hrang tuar thiam ahar
Hnemtu tawng lo leiah
Leng dang tang cu iai in
kei lungthin ah na cam
Liam law tang dang
Na hrang rinum ten rung um lang
Duhmi na zuun tuar kei valpa
I rawn hnem aw sunmang talah
Dam sung hngilh ni umlo zamual liam valpa

By- Cdawtte
==============================
Ra Kir Sal Aw
Kan vakvai e,.
Nonawn pawltla
Tluangdang tlangza kan in
Vakvai hman ning
Pualva lunthin pu in
Sunghno kan nui hrangah
Lungkhat thinkhat ten’
Zatial kai in
Tuanbia relza uh si………
Salai….Duurhreeu
==========================
Ka Nu Ngai Nak
Maw sung hno ka nu aw…..
Mangtha ti ta lo in, in liam san maw…?
Kan lo sianglo tin in mitthli thawn maw
Na aw nem te’n voikhal tal ihun sawn awla ti’n
Maw kanu aw.. voikhat ten
Na hrang ka ti thei mi pakhat te’n
I hun simsal law…na hnihsal thei nak dingah tin..
Na awnem te hngak in ka taang nemah naubang cawi in
Hmanseh na thazang in atlin nawn lo maw in liamsan
Sunghno ka Nu aw liamlaw hnangam in
Na fahniang rual in kanlo thlah sianglo cingten
Tawnsal ding kan hnga hlap Van cung ram nuamah
Mangtha Mangtha Duhdawttu Sunghno ka Nu…..

Van Bawi Thawng (piangte)

========================
Na Ann ka ngai
Duhdawtnak ruang ih liamkuaimi man
- Ka sam sal theh ding
Mitthli ruang ih a for mi dai
- Ka hnul ro theh ding
Boruak ruangih a thleng mi van
- Ka eng ter sal ding
Harnak ruangih a suahmi kawn
- Ka phur suak theh ding
Ngainak ruang ih a uaimi zuun
- Ka par ter sal ding
- Asi le
Duhdawtnak ruangih a kuaimi lung
- I sam sal  pei maw???

-         By Hute
=======================
Na Mawi Hlei Ce
Thlim nobang aa hningg hnomi
A par that zia duh a nun dan
Tah thim theih lo a maksak zia
An sim teu mi(Bingbi)par bang
A mawi cungcuang zawi hrang pohah
(Kei ka hrangah hna ngam nak
Ka ziang kim ih ka ziangg kim nasa)

Salai Tutuk

==============================

Zawi Duh Lo
An tlan san, An liam san
Amah te lawng, Thin lung riahsia
Hnem tu nei lo, A no lai caan
A par lai caan, Zawi duh tong lo

Salai-Tu Tuk
======================
Ka Von Ngai E
Cerlian hungsuak, lenrual thawn maw!
Vah lo tlak in, biathu kan hlan,
Kan khek kan rak, kan nuam hai maw
Zodang ngai lo, kan Lairamah
Ka Nu Lai hnam, kawhhol, busul
Tanthe, khasuan, thakphen von rawi
Ei lai ka ngai kan lairam ah
LeiNu leiPa ha nei lo thawn, mitthlam rong cuang
An von bar lai, Kei sunghnofa ziang thei lawn maw
Ka ning vai nim, ka ning lai rawl,
Ka von soi theu, ziang thei lo in
Hi bang tuktuk, kan phu lo e, kan san lai ah
Ka Nui aanka, mi vannei san sunghnosan ah
Atu ahcun ka von ngai e, ka nui lai rawl
Ka vonngai e, tlaklo kai lai
Ka von ngai e, ka nui hnam rawl
A tuah cun thuanthu ah maw!!

SalaiClian
==========================
Na Leng Nak Chin Ram
Na lennak kan Lairam te ah
Na ankaa zilthli bang a hrang ee
Kei lengnu hrangah lungleng nak thli maw…..
Sokhleipar an par nak fing leh tlang ah
Lunngkuai in maw kei mah lawng
Par mai tin an par nak hmun
Nisuaknak lam in
Na aankaa nem rak kir ding caan
Cuan in maw  kei lengnu……

Duatduat
=====================
Caan
Caan khi lei thei a si hmang tin ka ruat
Nazi (Clock) tumpi ka lei nan
Caan khi ka lei thei si lo
A sun zan Nazi feh thawm  ka thei

Lei fimnak in Nazi tampi an tuah
Caan khi an tuah thei fawn lo
Caan tuah thei tu cu zo a si ding

Lei fimnak in ruat a thei lo
Caan khat hmam thatnak nei lo
Liam cia ka caan fihnung za a si

A ra lai mi khi ziang tin ka hmuak
Kawlhmeh bang caan in in ei si
Rualduh nangteh ziang tin na ruat

Hmai lam caan khi ziang na tumtah
Siatnak  thatnak lo  hril a theih si lo
A liam lak mi caan khi na pamhmai lo maw?
Salai TT

======================
A tha bik
A tleu van arsi lak ah
A eng bik mi cu ka ta
Rimhmui parduum lak ah
A mawi bik mi cu na hrang
Zaanhmuipar rim ka iai lo nan
Hip duh par dang i hluan hlei lo
Nang cu ka hrang
A tha bik na si ruang ah…

Salai TT
=========================
Lei Cuai Kho

Tahnak cuai kho
Ah in toter thianrual tla in
Tlinter in tum
Cuaikhat rori
Ka tling dah lo
Ka tling hrih lo
Atu khalah
Hmaseh poilo
Tamsawn umlai
Ka hmailam
Ka tling leh ding
Cuaikhat luan tiang
Zuam sin ko ning…
Zuam sin ning….
Salai KC Sum

================
Nun-kalbak(1)
Ninu a tho hrih lo kei cu ka thok zo
Keimah ah sinak ka nei ko
Hmanseh
Cucu ka co phu lo
A thok ah nem zairel in
A kei phun niam
Suk so zuang
Rianhrang tuan ah
Lai hlum thiam lo’n
Khualtlawngpa
Hi ti’n
Ninu tianzai rel ah
Kei ziangthawh lai ruah ah
Nau bang nuar in
Zaanmang khal ah
Kei inn tlung thiam lo’n
Ruahnak pakhat in
Cancer natnak bang ii ei
Nun hi
Kuakzual si ning la
Lungtho ka thaw in
Zuk pher pho ka duh..

Salai Hute
======================
Fala No Te
Ziang dangg ruat lo
Naa biang no te
Ka mit hmai ah
Nohnial hni tee
Duh na nun zia(dan)
Soisel bo lo
Nang co ding lawng
Kei ka ruah san
Salai Tutuk

=====================

US Ralkap Ca Thuthup Leaked Out

US Ralkap Ca Thuthup Leaked Out

US Ralkap pawlin Afghanistan ramih Taliban pawl an donak thuhla ca thuthup pawimawh Afghanistan War Diary an timi Ca pawimawh 90.000 cu a Leaked Out ih, Hica thuthup pawimawh hi Wikileaks Website ah tarlang a si.

US National Security Adviser, General, James Jones cun  hica pawimawh leaked out hi kum 2004 leh kum 2009 karlakih thilthleng pawimawh pawl hminsin nak a si tiah a simih, Curuangah himi ca leaked out hin America mipi leh an hna ttuanpi pawlih dinhmun cu  ttihnung zet dinhmunah a thlengter a si tiah a sim.

Hi US ralkap thuthup ca pawl mipi vangtlang theih ih an tarlang mi sungah  US ralkap in Afghanistan ramih Taliban pawl an do nakih Civil mi thizat an tarlang duh dahlo mi pawlleh, US ralkap pawlin Taliban pawl do har an tizia pawlleh  Pakistan in Taliban pawl an bawm ti an theihthup thupawl khal tarlang a si. Hi cahi  Website ih an tarlang hlanah New York Times,leh  The Guardian leh German ramih Der Spiegel Thuthangca pawlih hnenkhalah kuat hmaisak a si.

US ih Pakistan ram palai  Ambassador, Husain Haqqani cun  Himi ca sungih US ralkap pawlin Taliban pawl bawmtu ih Pakistan Cozah an puh nakcu thudiklo a siih, a liamcia kum 2 ihsin Taliban pawlih ruangah Pakistan Cozah cun thil tamzet an sun phah zo ih, Pakistan cun a ram sungih Tapung pawl a do rero nak zoh tikah  Tapung pawl a bawmlo zia a langfiang a si a ti, Himi thu ruangah Pakistan cun a ram sungih Tapung pawl a donak ding lamzin a ruahman cia micu a ti danglam cuanglo ding tiah a simbet.

The Guardian leh New York Thuthangca pawlcun himi ca an hnenih petu thawi an biak pop awklo thu an simih, Guardian Thuthangca hotu, David Leigh cun  an thildawn mi sungah  US ralkap pawlin Afghanistan ih Civil mi an thahnak zuk tamzet khal a telih, mithi pawlhi Raldo nak Vanzam ih an kahmi lawng silo in US ralkap pawlin hmun leh hmunih  mihuat thu rello Civil mi an kahthat mi pawlih zuk khal a tel tiah a sim. Hi Afghanistan War Diary timi ca pawimawh Leaked out hi US ramih an ca pawimawh leaked out mi sungih pawimawh bik a tlingti ih an ruah mi a si.

Venezuela Leh Colombia Sihcih Awk Nak Sat Cat

Venezuela President, Hugo Chavez cun an ram inn hnen Colombia thawi an sihcih awknak leh pehtlaih awknak pawl a sahcat thluh thu a puangih, Venezuela ram sungih Colombia ram minung Cozah hnattuan pawlkhal tui zarh colhni hlanih Venezuela ram suhsan thluh dingin thu a pe.

Venezuela President, in hiti vekih thu tluknak a tuah nak sanhi Colombia Cozah in an ram siatsuah tumtu Tapung pawl Venezuela ram sungah an umih, Venezuela Cozah in an rak humhim tiih, a puh ruangah a si.

Tu ah hin Venezuela cun Colombia thawi an ramri ah ralkap a kuat ciamco ih, an President, cun an rakkap pawlcu ralring zetih um dingin a cah. Venezuela Foreign Minister, Nicolas Maduro khalin  Colombia thawi an sumdawn tonawk nak pawl titawp thluh a si thu leh an ram sungih Colombia Vanzam zuanlut an sian nawnlo thukhal a puang.

US ram khawpi Washington ih Organisation of America States, (OAS) aiawh tupawl tonkhawm awknak hmunah Colombia ram aiawh tu pawlcun  anram Tapung Marxist Farc leh ELN pawlcu Venezuela ram sungah an um timi theihfiang nak Video zuk tamzet an phosuak ih, Hiti vekih Tapung rak humhim tu ih Colombia in Venezuela a puh ruangah  Venezuela President, cu a thin a hengzetih,  OAS hmaiih colombia ram aiawh tu pawlih Video zuk pholang mi pawlcu a lem a si ih, Venezuela cun Tapung misual lut lo dingin an ram ramri cu thazet in a kilhim sawn a si tiah a sim.

I C J, in Kosovo Ram Pitling Ah  Pawm

The Hague khawpi ih Kosovo ram dinhmun ngaihtuah nakah International Court of Justice President, Hisashi Owada cun  kum 2008 ihsi lahran aw mahte rorel theinak nei ramih puangaw Kosovo cu  an rorel nakin International Law a kalhki lo  ruangah mahte rorel theinak nei ram siding in a puang.

I C J in hiti vekih  ram pakhat ih  a puan ruangah Kosovo ram mipi pawlcu an khawpi Pristina an minung tamzet pungkhawm in an ram Thantar, US, Thantar leh UK Thantar an zarih  Kosovo in mahte rorel theinak ram a neihcu US ih hnattuan nak rah a si tiah lungawi in an au ciamco.

Kosovo Foreign MInister, Skender Huseni cun  an ram cuhpi tu Serbia ram hruaitu pawlcu Kosovo thawi an ram pahnih karlak ih pehtlaih awknak tha leh zumawk tawnnak reltlang dingih biakawk nak neih an duh a zumthu a sim.

Himi laiah Serbia President, Boris Tadic cun  an ram ihsi lahran aw Kosovo cu Sewrbia ram sungih peng pakhat a si ringring thu leh  Kosovo ih mahte rorel theinak nei ramih a puanawk ve mai cu Serbia cun ziangtik hmanah a pawmlo dingthu a simve.

Pakistan Vanzam Tla Ah Mi 152 Thi

Pakistan vanzam leng Karachi ihsi pok suak Islamabad ih tum ding mi cu, a tum zik zawng ah tlang niamte a sawh ngah ih a totu pakhat te hman luat lo in mi 152 an thi.

Kiangkap mipipawl cun nikhua a thatlo ruangah lamzin fehnak a lang tha lo tiah an sim. Himi vanzamleng sungah U.S. mi pahnih an tel ih a tamsawn cu Pakistan mi an si thu khal an sim tel bet.

Pakistan mipipawl ih simdaan vek asile vanzam tla hmuahhmuah ah a rapthlakbik tiah an sim ih an riahsiatnak khal an tarlang bet fawn.

Vanzam khal a sawprop theh lawngsiloin mipi ruang tha te ih an hmuh mi 100 lawng a um tiah an sim bet.

Thilrem Thiamzet

July 28

Tlawngkai Nithum 

Thilrem Thiamzet 

Siar:

Jeremiah 6:14-20 

“Lamzin ttek ah ding uhla khuacuan uh. Khuahlan lamzin le lamzin  tthabik khui ah so a um? tiah sut uh! Cuih lamzin in feh uhla thlangamzet in nan um ding” a ti.   - Jeremiah 6:16 

Kumkhat Sung Baibal:

-   Saam 46-48

-   Tirhthlah 28 

Thil siatmi nangmah te’n na remh tum nai’n a remcang thei lo asile mawttaw remnak dawr hmai ih ca an taarmi: ‘Na pasal ih remmi kan rem thei’ Famkim Siarbet

Thungainak Ih Zir Dingmi pawl

July 27

Tlawngkai Nihnih 

Thungainak Ih Zir Dingmi pawl 

Siar:

1 Johan 2:1-11 

Ziangahtile Pathian kan duhdawt ti cu a thupekmi kan thlun tinak a si. A thupekmi cu kan hrangah thlun har a si lo.   1 Johan 5:3 

Kumkhat Sung Baibal:

-   Saam 43:45

-   Tirhthlah 27:27-44 

Kofi nauhak te cu Sunday School a kai tthehhnu inn a ra tlun tikah, a nu in tuih zing teh ziang thu nan zir? tiah thu a sut. Kofi cun zamrangzet le aw ringzet in, “Thungainak…kan zir lala!” a ti.  Famkim Siarbet

US Leh South Korea Ralkap Raldo Zir Tlang Ding

Kosovo Ram Thu I C J in A Rel Ding

US Leh South Korea Ralkap Raldo Zir Tlang Ding

New Delhi Nuamnak

New Delhi nuamnak

Next Page »