Thinharnak Cazin

July 1

Tlawngkai Nili 

Thinharnak Cazin 

Siar:

Matthai 6:25-34

 

Thaisun hrangah donhar in um hlah uh.    -Matthai 6:34

 

Kumkhat Sung Baibal :

-   Job 20-21

-   Tirhthlah 10:24-48 

Suncaw ei tikcu ah thing daihneem tang ih ka mawttaw sungah donhar in thuhla phunphun ka ruat rero. Famkim Siarbet

New Delhi Prospect Burma Tlawng ih Coordinator Thar Dr. Run Bik Lungawipinak

New Delhi, Janakpuri, Asalatpur veng, Prospect Burma Tlawng ih Coordinator thar lak ding ah June 5, 2010 (Sat) Ni ah Mirang 3 in Interviewnak mi (5) an tuah.

Cumi (5) sung ihsin Dr. Run Bik cu a thiamnak le experience pawl thawn an zoh tikah a tling a si tiah New Delhi ih Prospect Burma ih Coordinator thar dingah lakluh cih a si.

Hi mi tlawngah computer le mirang tong a phunphun an zir.

Tlawngta (60) lenglo in mirang le computer zirnak kumtin an nei theu. Himi Prospect Burma hi Pi Suu Kyi laksawng dawnmi sumpai thawn tuahmi a si. London ihsi zoh mi a si. CT team pawl khalin kan lungawipi zet a si.

Capoh!

Thlarau Nun Cau

pakhat pa a thlarau nun a cau thei tuk ih thlarau cahnak dingah rawlulin thla a cam, a ril a rawngtuk ih a nupi in lakphakti te ka lo tuah kei na in thei kei maw? Ziangah cuvek in sut hnuaihni zamrang in tuah lohli aw la, ka in kei cu kathlarau nun hmuah na ti cau thluh a ti.

Hitin Tuar Hrih Ko Seh

Evan pakhat Pathian ih mi hman deuh mai cu nupi hmeltha deuh mai a nei, a nu pi lam cu an lian deuh ih an tul nak ziantgkimah an sawmdawl thei. A nu le an hnenah a um ve an nu in a nu a hmu thei lo rawl ei pi ding hman a duh lo a nu cu harsatnak phunkim thawn a khat a fapa in le a run ngam lo, a tawpah Even pa cu thla a cam. Bawipa na sunlawinak ding a si ah cun ka nu cu hi ti in tuar hrih ko seh a ti.

Tetti Kan Tul Lo Pawl

Pakhat pa a piang tharih tetti a khan a sualnak hmuah a phuang, kei cu ka sual tuk kan zawhte tibur fah tu khal kei mah, ka nu le pai ti hangih uite busul ( uite me) rak thlaktu khal kei mah a ti . Karkhat hnu ah a tlu se leh sal, a thla leh ah Evan dang an khuaah an ra sal ih a piang thar sal la la, a rualpi pawl in teti khan leh aw an ti cupa cun Tuitumih ka pianthar cu tetti khan tul lo pawlin si ka pianthar a ti.

Mirang Vate Si Duh

Lairawn khua pakhatah tlangval pa thingai cawleng thawn a phurih in a thlen vete a rilrawnag lu tuk ih an coka ah alut hngal thilbel a ongih zianghman a um lo a thinheng lu tuk cun mirang fate si ka caktuk aw a ti , a pa ih a rak theih ih na ning a zak lo maw? Nang mah lawng maw mirang fate si duh na nu le kei khal mirang fate si kan cak tuk ve ho khaw a ti.

An Va Aa Ve

Lai mi pakhat Delhi ah UN dilin a um vaipawl hi an va aa lawmam ve aw an ram rori ih UN dilnak um ih a dilnak cang khal an thiam lo laimi in ramdang kan feh khelh thluh ding a si hi a ti.

Tuu le Beram

Tahan kiang te laikhua pakhatah Evan pa in thu a sim putar pakhat in a rak ngai ve. Putar  pa cun saya pa thu ka lo suh thei kei maw? A ti sut thei ee ziang thu maw? Mi tui na sim mi Tuu na ti mi le beram kha an bangaw maw a ti ka pu an bangaw ho khaw a ti, putar pa in cu ti a si ah cun ka fiangfai ngah a ti.

Thawngtlak Tlai Deuh

Pakhat pa a sualnak ruangah thawng kum 6 an thlak, thu a ruat rero ih Aw!! Tui hlan kumruk 6 ah thawng rak tla zo sehla cu tu ah cun ka suak zo ding nan si khaw aw a ti.

Ruun Suak

June 30

Tlawngkai Nithum 

Ruun Suak 

Siar:

Kolose 1:12-22 

Amah in kannih in uktu thimnak huham sung ihsin in ruun suak ih a fahniang uknak sungah in luhpi zo.   – Kolose 1:13 

Kumkhat Sung Baibal:

-   Job 17-19

-   Tirhthlah 10:1-23 

South Africa ram mi pakhat cu mi pakua pawl in a thil neihmi an ra long ruangah a mang a bangzet. Famkim Siarbet

Kawlram Hrang Vanzam Lei Bet Tum

Kawlram ih mimal neihmi Vanzuang pawlpi pahnih cun khualtlawng sukso antam lai fang ih hman theih dingin  vanzam leithar ding an tum thu an phuang.

Air Bgan hin Bangkok, Phuket, Siem Reap, Kuala Lumpur le Singapore ram pawl zuang dingin Vanzam A-320 a thar pahnih lei a tum ih a ramsung ih zuang dingmi hrang khalah AIR 72-500 pahnih khal lei bet a tum.

Air Bagan hi tufangah vanzuang phunruk neiin a zuang suak. Cui pawl cu ATR -72 pahnih, ATR-42s pahnih, Fokker 100s pahnih, Airbus A-310s pahnih pawl an si.

Air Mandalay khal in ATR-72s pahnih lei thar a tum bet thu a phuang ve.

Tuikum thok ihsin Kawlram ih ramdangmi khualtlawng ra vak hi zatek 39 in a kai sang zo tiin Pacific Asia Travel Association cun a tarlang.

Adanglam zetmi Sai Var Kawlram ah an kai

YANGON (AFP

Adanglam zetmi Sai var Kawlram nitlak lam Rakhine pine, Maungtaw  ih an kaih ngah thu Kawlram acozah thuthang New Light cun a phuang.

Hi Sai var hi a nuu a siih kum 38 tluk ih upa a si. A sanlam cu meter 2 tluk ih sang a si. Kawlram ralkap a cozah cun khawitawk hmunah a ret ding ti fiangten relnak a nei hrih lo.

Kawlram ih phungki bia pawl ih an zum dan ahcun hivek Sai var a ramsung ih a um tikah ram pi kaihruai awknak a thleng aw theu tiih an ruah thupi zetmi a si.

Paul ih Thinlung

June 29

Tlawngkai Nihnih 

Paul Ih Thinlung 

Siar:

Filipi 1:12-21 

Ziangtik caan khalah le ahleice in atufang hrimhrim ahhin raal-tthatnak thawn khat tahrat in ka nun ah siseh, ka thih ah siseh, ka thinlung ka taksa zate thawn Khrih hi upat hmaihngalnak pe thei ningla ti hi a si.   – Filippi 1:20 

Kumkhat Sung Baibal:

-   Job 14-16

-    Tirhthlah 9:22-43 

Khristian thurosiah thuanthu in Paul cu AD 67 hrawngah Rom khua ah a lu tan in an that ih an vui a ti. Famkim Siarbet

Tur Nei Nun

June 28

Tlawngkai Nikhat 

Tur Nei Nun 

Siar:

1 Samuel 13:7-14 

Samuel in Saul cu, “Na tuahmi hi aat-thlak thil a si. Bawipa na Pathian ih thupekmi na thlun lo a si” a ti.  1 Samuel 13:13 

Kumkhat Sung Baibal:

-   Job 11-13

-   Tirhthlah 9: 1-21 

Oklahoma ramtthen ih Picher khua cu atu ahcun a um nawn lo. Man can nei lozet ih a cangvai dahmi hih khua cu 2009 kum alai hrawngah minung 20,000 lenglo hnattuan nei lo ah an cang. Suan (lead) le canphio (zinc) sii tampi a suah ruangah 1925 kum kiangkap ahcun Picher khua hi sumsawlam ah a tthangsomi khua a rak si. Leitlun Raalpi a veihnih tein US raal hriamnaam hrangah leilung sung suak thil an laihnak hmun a si. 

Leilung sung suak thil a cem cun khua khal a hlo ve. Cutawk ih harsatnak tumbik cu suan le canphio sii in lennak a rak ken vekin baal le hnawm khal an rak keng. Cumi pawl thianternak zianghman tawlrel a si lo ih acozah khal in a mawhphurh.       

Minung nunnak khal Picher khua vekin a cang theimi a si. Sumpai tthansonak hi a tthatuk a bang ruangah tlaksiatnak a suahter theizia ruah ban a si ttheu lo. Thlaraulam harhdamnak a siatter theimi tuahnak le buainak pawl kan rem saal thei lo asile siatnak in a thlun cih ding. Saul siangpahrang ih nunnak khal cuti vekin a cang. A thok ahcun siangpahrang ttha asinan hlawhtlinnak a hawl tikah tlaksiatnaklam a tuah kha a thei aw lo. Pathian ih thupek ngai loin aat-thlak thil a tuah (1 Sam.13:13) ih a uknak a sungral (c.14).

Hlawhtlinnak kan hawl tikah Pathian Ttongkam Bible ih lamhruainak fiangte’n kan thei lo asile kan thlarau a balhter kha kan raalrin a ttul. Pathian ttihzah nun in tur nei nun cu a neh thei.     – Dave Branon 

Bawipa in thu in pek,

A Thu thlun dingah in sim zo;

Kanmai’ tuah daan cun kan hlawhtling lo ding a fiang,

A Thu kan ngai lo asile cu!  – Bosch

 Pathian tel loin zohman a hlawhtling thei ngaingai lo ding.

Tihaal Taktak

June 27

Nipi Ni 

Tihaal Taktak 

Siar:

Saam 42 

Zukneng in zo tidai a ngai duahdo vekin, Maw Pathian, Nangmah ka lo ngai duahdo a si.    – Saam 42: 1 

Kumkhat Sung Baibal:

-   Job 8-10

-    Tirhthlah 8:26-40

 Na ti a haal ngaingai dah maw? West Africa ram Mali ih um ka naunu Kathy ka va tlawng dah. Sunhnu veikhat cu khurkhua zoh le cuan dingih kan feh rerolai ah khuasat lam 100’F (38’C) tlunlam tiang a kai ih ka dang hmuah a caar ttheh. “Pakhatkhat in ka duh,” ka ti tikah Kathy in tidai thianternak rak ken a hngilh thu i sim ih ka bei a dong nasa. Hlat deuhdeuh kan feh tikah tihaal ih thih timi hi ziangvek a si ding timi thu ka ruat deuhdeuh.           

Netabik ah Kathy in, “Khuitawk ah kan feh ding ti ka thei zo,” a ti ih ramdang mi pawl ih hnattuannak zung ah i fehpi. Inn sung kan lut tikah thil mawibik ka hmuhmi cu tidai daiternak water cooler a si. Cahnah ih tuahmi khuat fate in tidai cu khuat khat hnu khuat khat ka in rero. Ka taksa sungih tidai a cemnak a reituk ih a ai-rawl dingin tidai tampi in ka ttul.             

Saam cangantu in taksa ih tihaalnak cu thlaraulam tihaalnak thawn a tahtthim: “Zukneng in zo tidai a ngai duahdo vekin, maw Pathian, Nangmah ka lo ngai duahdo a si (Saam 42: 1)” a ti. Saam cangantu in nasatak ih a haalmi cu Pathian, a nungmi Pathian a si (c.2).            

Hih leilung ih pek theih lomi haalmi pakhatkhat na nei maw? Diriam thei lomi cuih haalnak cu thlarau in Pathian a haalnak hi a si. Na di a lo riamter theitu hnenah va tlan aw. Tihaal pawl cu an tihaal a riamter ih rilrawng pawl cu rawll ttha in a cawm hngai a si (Saam 107:9).    - Cindy Hess Kasper 

Thudik ka haalnak cu ka di i riamter,

A Ttongkam, a nungmi sang thawn i cawm;

A zaangfahnak ruangah dangcar ih tihaal ka thei nawn lo,

Tawp nei lo a thukmi tikhur, ka ttulmi i pek. – Sanders 

Thlarau tihaalnak cu a nungmi tidai Jesuh lawngin a riamter thei.

 

Mawhpalhnak Tampi

June 26

Zarhte Ni 

Mawhpalhnak Tampi  

Siar:

1 Timote 1:12-17 

Bawipa in a zaangfahnak tlamtling i run burh ih zumnak le duhdawtnak i pek.     -1 Timote 1:14 

Kumkhat Sung Baibal:

-   Job 5-7

-   Tirhthlah 8:1-25 

Hnattuan siouhtu mi pakhat in, “Kaih na tong dah maw?” timi thusutnak kha, “Tong dah lo,” tiah a let. A pahnihnak thusuhnak cu, “Tong dah,” tiah a lettu pawl hrangah tumtah in an sutmi a si ih, “Ziangruangah?” ti a si. Cupa cun, “In kai ngah dah lo,” tiah a let. Ziangahtile mawhpalhnak tampi a neih kha a thei aw!   

Paul in sualnak tampi a neih zia a thei aw ih, “Pathian cu i zaangfahtu a si, ziangahtile zumnak zianghman ka rak nei lo ih ka tuahmi hi ziang a si ti hman ka rak thei lo,” (c.13) tiah a ti. Amah le amah, “Misual pawl lakah misualbik,” (1Timote 1:15) tiah a ko aw.           

Hlan ahcun kan sualnak ruangah Pathian thawn a tthen aw mi le a raal tiah ruah mi kan si dah (Rom. 5:10; Kol. 1:21). Asinan kan sualnak kan phuang ih sual ngaidamnak kan ttul zia kan theithiam tikah Amah in in thianter ih mi thar ah in tuah.            

Kum reipi Pathian a thei zotu pawl cun in ngaidamnak le sualnak ihsin in runsuahnak kan hngilh ttheu. Kan nun hlun thu le atu ih kan hlawhsamnak phuang in a ngaidamnak hrangah Amah kan thangtthat tikah, “Na hnakin ka thianghlim deuh,” tiah Pathian thei hrih lotu pawl ti pang lo dingin in bawm ding.           

Thutak cu mawhpalhnak tampi kan nei cingin A zaangfahnak kan parih a langter ruangah Pathian lawng hi sunlawihnak co tlak a si! – Anne Cetas       

Kan zate’n tampi sual, tampi mawh kan si,

Kan sual ruangah mithi kan si;

Kan zate’n Na hnenah leiba kan nei,

Zaangfahnak neitu Pathian Nangmah lawng na si. – Bonar 

Tlintlaknak zianghman nei lo pawl hrangah

Pathian ih zaangfahnak cu an ziangkim a si.

BAIBAL HI RINTLAK A SI MAW? – By Hre Kio

BAIBAL HI RINTLAK A SI MAW?

(Can the Bible be trusted?)

Rev. Stephen Hre Kio, Ph.D 

Tui san ah cun zumtu Khristian (hrekkhat) khal in Baibal hi rintlak a si lo, ti ruahnak a um theu. Mifimpawl ih ngan mi a si ko lo maw? titu tla an um. Cunah a tawi zawngin Baibal hi rintlak a si, ti duhnak dot sarihin ka ngan duh.  

(1) Baibal hi an ngan pekte ihsin tuisun tiang kum 3000 lenglo a um zo mi cabu a si. Siangpahrang David san BC 1000 hrawng ihsin an ngan thok ih Zisuh san hnu kum 100 AD tiang an ngan. A ngantu 40 hrawng an si. Cabu 66 a si nain cabu pakhat a si. A tumtah mi cu Pathian duhdawtnak le rundamnak thu a si. Kum tin leilungtlun ah an lei duhbik mi cabu a si ringring. Communist China hmanah kum 20 sungah (1987-2007), UBS (United Bible Societies) hohatnakin Tuluk Baibal  milllion 50 an lei. Cabu menmen a si lo; Milai in an rinsan ruangah an lei a si.   

(2) Baibal Cathiang hi Pathian tongkam a sangtu profet le tirhthlahpawl ih ngan mi a si ruangah Pathian Tongkam (The Word of God) ih ruah mi a si. Baibal Amah in hiti’n a ti:

(i) Bawipa ih thu (tongkam) cu a dik (Saam 33:4),

(ii) Na tongkam cu thutak a si (John 17:17),

(iii) Ca Thianghlim hmuahhmuah hi Pathian ih thawtkhum mi a si (2 Tim 3:16),

(iv) Profet ih thusim mi cu milai duhnak men ihsin a ra mi a si lo; Pathian hnen                 ihsin a ra mi thuthang an phuan tikah Thlarau Thianghlim forhfialnakin an phuan mi a si (2 Pit 1:21). 

(3) Baibal Cathiang hi Jesuh in thuneitu ah a pom. Setan nehnak ah a hmang. Ni sawmli sung sualforhnak a tuar tikah Ca Thianghlim thawn Setan sualforhnak kha a neh (Mat 4:4-10). “Ca Thianghlim in a ti,” tiah voi thum rori Setan kha a ti. Zisuh hmanin thuneitu ih a ruah a si ahcun kannih in “mifim ih ngan cop mi” ti ding a si lo. 

(4) A hlan ihsin an rak simsung mi (prophesying) kha a kim ngaingai.

(i) Dan 2, 7, 8 sungah Leilungtlun ih Cozah panga (a sangsangin) an suak ding tiih a simsung mi a kim ngaingai: Babilon, Mede, Persia, Greece le Rom an si.

(ii) Isai 13:19-20, le Jer 51:37 sungah siatsuah mi Babilon khawpi cu zohmanin an din sal nawn lo ding ih milai zohmanih umnak a si nawn lo ding, a ti. BC 330 hrawngih ram tampi a nehtu ralbawi hminthang Alexander the Great in sak sal a tum; a ralkap 600,000 hrang an ei ding rawl a suah thluh zo. Asinan rinlopi ah a thi. Kum 2300 hnuah Iraq uktu President Saddam Hussein in sak sal a tum zet (pungsan tla a suai thluh zo: 2003) nain rinlopi ah a thi. (USA ralkap in an kai ih Iraq Cozah in kum 2006 ah an that).

(iii) Israel mipawl an ram ah an kir sal leh ding, ti hi khuahlan lai ihsin an rel ringring mi a si. Assiria ram in siseh, Babilon ram in siseh, khuazakip ihsin an kir ding ti hi an zum zet vekin an kir ngaingai. Cui simsung mi cu kum 1948 ih Israel ram a hung um ih Judah mi tampi an thenthekawknak ihsin an kir sal tikah Zentel can a cem (Luk 21:24); Israel an kir a si tiah tampi in an zum.

(5) Messiah a suak ding, ti an simsung mi, Zisuh Khrih thuhla a kim ngaingai:

      Profet simsungnak                     Thukam Hlun                  Thukam Thar ah a kim

   (i) Bathlehem ah a suak ding Mik 5:2  Mat 2:1-7;

   (ii) Fala him in a hring ding Isai 7:14 Mat 1:18-23;

   (iii) David cithlah a si ding Jer 23:5 Thup 22:16;

   (iv) Thah thei an tum ding Jer 31:15 Mat 2:16-18;

   (v) A rualpi in a phiar ding Saam 41:9 John 13:8, 19, 26;

   (vi) Paisa 30 ah an zuar ding Zek 11:12 Mat 26:14-16;

   (vii) Fei in an dawt ding Zek 12:10 John 19:16-18, 37;

   (viii) A puan camcawhfung an zuk ding  Saam 22:18 Mat 27:35;

   (ix)  A ruh an khiak lo ding                    Saam 34:20; (Suah 12:46) John 19:31-36;

   (x)  Milianpa ih thlan ah an phum Isai 53:9 Mat 27:57-60;

   (xi) A thih kum le can simsungnak Dan 9:26; Suah 12:6 Mat 27:45-50;

   (xii) Ni thumnak ni ah a thawhter sal Hos 6:2, Tirh 10:38-40; 

(6) Baibal Thianghlim hi hmual a nei ih milai nunnak thlengtu a si theu. Cabu dang hi bangtuk hi milai thuanthu sungah kan hmu lo. Paul in, “Khrih sungih mi pakhatkhat a um ahcun siamthar mi a si,” a ti (2 Kor 5:17). Asilole, mi pakhatkhat sungih Khrih a um ahcun siamthar mi a si, ti tla a ngah. Voi khat cu tikulh pakhat ah khuaram zoh duhtu khualtlawng (tourist) tampi an feh. Pakhatpa cu “Pathian a um lo,” a titu a si (Saam 51:3). Cuih tikulh ih um patarpa pakhat Baibal Cathiang a siar rero kha a hmu ih, “Ziangahso cuih cabu thuphan tampi an ngannak, milai tuahcop mi cu na siar duh rero?” tiah nautatnak mithmai thawn a sut. Patarpa cun, “Hi Cathiang hi um hlah sehla nang hi kan zanriah ah kan lo ei zo ding,” tiah a let. Hi tikulh um minungpawl nunnak thlengtu cu Baibal Thianghlim a si. Khristian an si hlanah cun misa-ei (cannibals) an rak si. 

(7) Kan Baibal in, “Zisuh Khrih kan Bawipa thawn pawlkomnak nei dingih a lo kotu Pathian cu rintlak a si,” a ti (1 Kor 1:9). Kan Baibal hi Pathian thuhla le a hnatuannak ngannak cabu a si. Pathian Thlarau ih fialnak le bomnak thawn ngan mi a si. Pathian cu rintlak a si bangin a Cabu khal rintlak a si ve.  
 

FCFS Magazine Avei(3)nak ta a si.
 

A Dikmi Milai

June 25

Tlawngkai Ninga

A Dikmi Milai

Siar:

1 Korin 12:7-18

Pathian in taksa tthen dangdang cu an umnak ding hmun ciar ah Amah ih duh vekin a ret a si.   -1Korin 12:18

Kumkhat Sung Baibal:

-   Job 3-4

-   Tirhthlah 7:44-60

Miracle timi zuknung cu sui tacik laksawng a tumtahtu, 1980 kum US Olympic ice hockey team ih thu thu ngaingai zukmi a si. Famkim Siarbet

Next Page »