David ih Thusuhmi

June 1

Tlawngkai Nihnih

David Ih Thusuhmi

Siar:

Saam 8

Milai hi ziang so a si ih na theih ringring?

Mihring hi ziangso a si ih a zawn na ruah? -Saam 8:4

Kumkhat Sung Baibal:

- 2 Sansiar.15-16

- John 12:27-50

A

frican thufim pakhat cu “Thusuttu  cu lamzin a hlo lo ding” ti a si. Famkim Siarbet

MINO LE KHRISTIAN NUNMAWI

MINO LE KHRISTIAN NUNMAWI

Thusim 11:9-10; 12:1; Thuf. 1:7; IITim. 2:22

By. Rev. Sui Nei Piang

Mino pawl hi a tha zawng ih kan hman-awk duh ahcun Kawhhran lawng si loin khuatlang nun tiang ti nuam thei kan si. Khristian nunmawi neih ding ahcun Pianthar hmaisat a tul. Baibal ah a thazawng ih Pathian mi theih/hman pawl kan zoh ta hnik pei:

1. David Siangpahrang:

Goliat in Pathian nung le Pathian a mi theih a zuamtai ruangah A cahnak in a do ih a neh. Curuangah David cu an hnam runtu Miropi ah a cang ti kan thei. Raal a neh hlan ah Samuel in Sahrik a thih hmaisa.

David ih nun:

1. Tanghma sial lo lungput dik a nei (ISam.30:24).

2. Mi ih hmuhsuamnak a thazawng in a pom thiam (IISam. 16:8-10).

3. Dunglam thu le hmailam thu a theithaim (IISam. 9:1-10).

4. Pathian hriakthih cia mi pawl a tih (ISam.24:5-6).

. 5. Sualsir nun a nei. Ka sualngai tin tangdornak a nei (IISam.12:13).

6. Biakinn a ngaina (Saam 27:4).

7. Pathian a tih. Ka hlawhtlinnak Pathian a si ti a thei fiang (ISiang.2:2-3).

Joseph ih Nun:

Joseph nun hi zirtlak tak a si. Unau pawl ih iksiknak cu thungrul loin a tuar tento men ih sal vekih an zuar hnu khalah ti duhdahnak phunphun, phiarnak phunkim pawl rin-umtak ih a tuar thei ruangah Ezip ram lalnak lukhum a co thu kan hmu. Pamnak nasatak a thlen khalah leitlun mi tampi nunnak humhimtu a si.

Kan thupi ah “Mino le Khristian Nun Mawi” ti a siih Kawhhran pawl ti nuam ih tinungtu bik pakhat cu Mino hi an si. Lehlam ahcun kawhhran ti nuam lotu le tibuaitu an si thei.

Kawhhran ih Mino mawhphurhnak panga:

1. Siat Ni caan ih mawhphurhnak:

Thlaanlaih, Khawhar riahpi, Zualkawh, Mithi inn ih riahpi le a tulmi tuan le zaan men pawl hi an si.

2.   That Ni ih Mino mawhphurhnak:

Nupa neih-awk caan le puai tuah caan ah kut le ke bik cu Mino hi an si. Kawhhran daan ih Nupa  neih-awknak hi sunloih thiam sehla, daan lo ih nei-aw pawl ih thiik ding tlakin.

3.   Kawhhran tlanghna tuan caan ih Mino mawhphurh.

Kawhhran sung ih hnathlang caan ah Mino hi mawhphurhtu bik an si.

4.   Kawhhran Zai-pawl:

Mino pawl in tan an lak le Zai-pawl tha hi neih a theih. Zai-pawl hi Kawhhran tinungtu le tinuamtu tla an si.

5.   Pathian biakkhawmnak ah:

Mino in khawm an thlahdah caan le Kawhhran a nguicau theu. A sung thilri le tonak   zem… ziangtinkim hi Mino tuanvo a si ti theihthiam a tha.

Hminsin: Himi hmuahhmuah ti-hlawhtling ding cun Mino pawl Mi Piangthar, Pathain tih mi, Fimkhur  takih nungthiam mi Mino kan si a tul. (IITim.2:21)

I  KHRISTIAN NUNMAWI ZIANGRUANGAH NEIH A TUL

1.   Kan nun hmangin Bawipa sunlawihnak langter dingah. (IIKor.3:18;IKor.6:20; Mtt.5:16)

2. Mi in Pathian an zum theinak dingah. (IPeter 3:1- Nunau pawl hrang a si deuh)

3. Mi ih siar le zohmi kan si ruangah. (IIKor. 3:2)

4. Zohthimtlak nun neih ding hi kan Baibal ih in zirh daan a si. (ITim.4:12; Titus 2:7; Filip 2:15)

(a) Kan tongkam le kan ei-in ziangkim suup-awk a tul.

(b) Ziaza um daan, tlan daan, kan cei-awk daan.

5. Jesuh keneh thluntu kan si ruangah. (1Piter 2:21)

6. Milai mithmuh khal ah dik le tha ih um a tul ruangah. (IIKor. 8:21)

7. Lenglam nun mawinak lawng ruat lo ih sunglam nun mawinak thawn nunpitu kan si theinak  dingah. (ISam.16:7; Thuf.21:2; Rom 2:28-29)

II. ZIANGTIN KHRISTIAN NUNMAWI KAN NEI THEI DING?

* Jesuh Khrih thinlungput vek thlunnak in (Filipi 2:5:IKor.2:16)

1. A thlahtu pa ih hnatuan nuam a ti bik. (Jn. 4:34; 9:4)

2. Pathian duhzawng lawngin a nung. (Heb.10:7)

3. Mihlo duhdawtnak thinlung a nei. (Luk. 19:10; 4:18)

4. Sal thinlung a nei. (Filip 2:6-7)

5. Tangdornak thinlung a nei. (Filip 2:8)

6. Ngaidamnak thinlung a nei. (Jn.8:11)

7. A Tongkam in mi nun a neh. (Jn.4:41-42)

8. Zirnak dik lo a do. (Mtt.23:13-14)

9. A nu le Pa ih thu a ngai. (Lk.2:51)

10. Mi zaangfahnak thinlung a nei. (Jn.1:17)

11. Pumhlum pek-awknak a nei. (Gal.1:4; IPiter 2:24)

12. A thiamthu a rel duh lo. (Mtt.27:14)

13. Biakinn a ngaina. (Jn. 2:13; Lk.2:49)

14. Remnak nei dingin a nun a pe. (IIKor.5:18-19)

Hminsin: Ziangkim kan tuahmi hi Jesuh thawn lo cun Khristian nun mawi neih a theih lo a si.

Laitlang Ih ThilMak Thleng Mi Hi!

Minung bang tuk fate pa(8) a hring suaktu vokpi hi

Cun a hnuai ih vui bangtuk hring suaktu hi Hmawng Tlang ah a um an tiih ka zoh nasa.

Mak ka ti ngai ngai.

Kan leitlun ah thilmak a thleng rero a si hi!

Leadership Training Kan Nei Ding

HRUAITU SINAK

Leadership tih um zia hi theifiang vek cu kan bang na’n relfiang ngaingai ding hi cu thil harsatak a si. Mi thenkhat in an sim theu mi pahnih in tarlang hnik sehla…

1.         Leadership cu mipi pawl hmang ih thil ti hlawhtlin daan hi a si. Hruaitu cun mipi hlawhtlinnak dingah anmah mipi tha sor ih lak thiam a tul an ti.

2.         Leadership cu mipi le tikcu caan, zumnak, ruahnak, hruaitu dinhmun le thildang ruahmannak thiamtak ih lakkhawm ih thilti hlawhtlin hi a si an ti.

* Hruaitu in hmanrua a phunphun le a dangdang lakkhawm a tul zia a tarlang.)

* Mihrekkhat cun hruaitu cu mipi pawl an duh lomi tuahter ih cuih an tuahmi cu ngaina ko ih lungput neiter hi a si an ti.

* Hruaitu kan timi cun a mipi pawl a hruai ih a dung in mipi pawl in an thlun, mipi khal hruaitu parah an thum aw.

1. Hruaitu in a tanglam vekih sinak a neih a tul

(1)        Mipi,  Kawhhran le ram duhdawt taktak thleidannak nei lo a si a tul.

(2)        Mipi hnak ih theihnak le hmuhtonmi (experience) neitu si a tul. Cu lo cun mipi pawl fehnak  thei loin a hruai pang ding.

(3)        Hruaitu cun tumtahnak le summang (vision) a neihthat a tul. (Thuf. 29:18)

(4)        Hruaitu cu Milaw, mi taima (tuan taktakTu)si a tul.

(5) Hruaitu cu hnatuan dingmi hlawhtlinnak dingah Mipi thatho dingih tiphur thiam a tul.

(6) Hruaitu cu mipi thawn nelaw tak ih pawlkom awknak neih ringring a tul.

(7) Hruaitu cu mi tirhsiang (pe siangtu) si a tul.

(8) Hruatitu cu a um lo caan ih a ai-awhtu ding amah vek mi a sersuah a tul.

(9)        Hruatu cu tikcu dikzet ih hmang thiamtu le  (soiselnak a phunphun)tuarthei tu  si a tul.

(10)Hruaitu cu diknak (thudikah) ih mi raaltha a si a tul. Miih ti daan thlun vivo men hruaitu cu  mi a ti buai. Thuti tluknak tuahngam lo a siih hruaitu si a tlak lo.

(11)Hruaitu cu thinsauzet ih thuruat thiam le beidong maimai lo a si a tul.

2. HRUAITU THU NEI DUH

1) An thu an duh ih midang thu an ngaihsak lem lo.

2) Anmai ngaih daan lawng a thabik ah an ruat.

3) Amai’ thu thluntu lawng an duh ih an thu a eltu cu raal vekah an ruat.

4) Midang ih thuron pek an ngaisaang lo.

5) Mah hnak ih niam deuh thawn kom-awk an duh tuk lo.

6) Hlawhtlin lo le anmai’ thupek vekih fehpi lo ruangah an ruat.

3.         MIPI HRANG RUATTHIAMTU HRUAITU

1) Mipi pawl ih ngaih daan le rem theihnak a hmang tangkai.

2) Mipi pawl thu ti tluknak le ruahmannak a ngai poimawh.

3) Thu titluknak a tuahmi mipi a simfiang ih member lam siin thuron peknak a lungkim pi.

4)A kutthuai pawl an hna an thiam ti a theihfel hnu cun zalentak ih an hnatuan ding zin a sial sak.

5) Thil thar thatha a ruatsuak theu ih thil hlun a tikelmi thleng poi a ti lo.

6) A huho ih thil ti khawm hi hlawknak a si ti a theifiang.

4. hruaitu laLnak thinlun le siahhlawh thinlung nei pawl:

Bawi Jesuh in zohthim ding thatak in taan mi a um (Filip 2:5). Hruaitu hi lalnak thinlung le siahhlawh thinlung nei kan um.

Lalnak thinlung nei pawl: Siahhlawh thinlung pawl:

1. Amah le mah a zum-aw ih a rinsan aw.                  1. Pathian a rinsan.

2. Amai’ duh daan le ngaih daan hi thabik ah a ruat. 2. Pathian ngaih daan thawn a khaikhin aw.

3. Amah in thu ti tluknak a tuah mai theu.                 3. A rualpi ih duh daan a thlirthiam.

4. Thu pek (Order) hi nuam a ti.                                 4. Pathian thuawih a lungawi pi.

5. Mi bukpak thatnak a hawl.                                     5. Pathian le minung a duhdawt.

6. Mahte din nuam a ti.                                               6. Pathian thawn um tlang le hnatuan tlang                                                                                                                                nuam a ti.

5.         BIBLE ih hruaitu hlawhtling le tlinglo khaikhin nak

DAVID                                                                                 SAUL

1. Pathian a rinsan.                                          1. Amah le amah a rinsan aw.

2. A thinlung takin Pathian thu a ngai         2. A lenglam raithawinak a uar.

3. Pathian lungtawng si a duh .                       3. Amah thinlung duhzawng in Ram a uk.

4. Pathian duhzawng a tuah.                           4. Tisa duh daan in a nung.

5. Tangdornak thawn Israel ram a uk.                        5. Thiamnak, Cahnak, Fimnak a rinsan.

6. Pathian naih sinsin a duh.                           6. Pathian hnen in a tlan.

7. A tuah dingmi Pathian a rawn ringring.      7. A thil tuah dingmi ah Hnam-nei le Dawi-

thiam pawl a rawn

Baibal ih Hruaitu hlawhtling pawl: * Moses *Joshua *David *Solomon *Jehosaphet *Joshiah.

ROREL DAAN

Thulut (Agenda):

I. Thu rel dingih thulut: Kawhhran rorel daan, general, combine meeting agenda pawl cu Kawhhran daan vek rori a ra lutmi lawng pom ding a si. Thurel lai ih ti lo theih lo thupoi thu karlak tla lawngte Palai ih rem ti tlannak lawngin agenda ah pom theih a si.

* Local church pakhat dinhmun in zoh sehla…

1. Meeting netabik ih thu taanta mi agenda pawl.

2. Pawlpi hnen in suahpi mi agenda.

3. Nubu hnen in suahpimi agenda.

4. Mino hnen in suahpimi agenda.

5. Sunday School hnen in suahpimi agenda.

Meeting pi tikcu thokhlan ah agenda lakkhawmmi pawl cu OB pawl in meeting Palai pawl  theihter theh ding a si.

II.        Meeting caan ah mai’ rawtmi (thawhmi) kalhzawng in thu rel a theih lo. Rawtnak neitu le a   bawmtu in anmai’ rawtnak le bomnak si lo rawtnak dangah vote a pe thei lo.

III.       Mi pakhat in a mai’ rawtmi kha a sir-aw saal ih suhsaal, ti danglam saal a duh ahcun relkhawm (meeting) neih hlan ah suh saal a dil in a ti danglam thei. Asinan a bawmtu ih lungkimpinak a tul.

IV. Thu rellai ih thinheng: Meeting lai ih bulpak huatzawng le daan kalh zawng ih tongkam hmang thinheng pawl cu Chairman in a dawn (kham) ding a si. Chairman ih thu a ngai lo asile mipi vote  lak ih thu rel thei lo le vote pe thei lo ih kham ding a si.

Ro rel khawm daan

I.          Relkhawm thok daan: Ziang thu khawl siseh, rekhawm dingmi thu cu mipi hmai ah siar suah   ding a si. Siar suah a si hnu ah Chairman in relkhawm tikcu a on hnu lawngah rorel theih a si.

II. Relkhawm caan hman daan:

1.         Thu pakhatkhat rel ah mi pakhat in tumhnih hnakih tam rel lo a tha. Tumkhat ah minute 5   hnak ih rei rel lo ding.

2.         Chairman in amai’ thu in relkhawm caan a khar mai thei lo. Mipi thurel lai a dawn in a  colhter thei lo. Huatsuak ih mi tibuai a si lo ahcun.

III. Relkhawmnak ti tawp: Thurel lai relkhawmnak a rei thlang ih ti tawp duhtu an um ahcun Palai  zokhal in titawp rawt theih a si. Relkhawmnak a tawp deuh tikah Chairman in vote lak kan man  maw a ti ding ih zohman an ding lo asile relkhawnak titawp a si tiin a phuang dingih cuihhnu ah  rawtmi feltak in a phuansak ding ih vote a lak sak ding.

Hminsin:  Chairman, Secretary, Treasuere, Finance in mai’ hnatuan mi  mai dinhmun cio theih a   tha. Culole mi hna mai kuang lo nor pangnak a si. Cumi cun pawl le kawhhran buainak a suahpi theu.

By … Rev. Nehemiah Sui Nei Piang

Raithawinak Nung Hngilh Lonak

May 31

Tlawngkai Nikhat

Raithawinak Nung Hngilh Lonak

Siar:

1 Korin 11:23-34

Himi hi nan hrangih ka pekmi ka taksa a si. In theih ringringnak dingah ei uh.     – 1 Korin 11:24

Kumkhat Sung Baibal:

-   2 Sansiarnak 13-14

-   Johan 12:1-26

Memorial Day a thlen tinte’n ram hrangah a thimi raalkap pawl kan mang saal ttheu. US ram sungah thinlung kekkuai in ciingmang saalnak hmun hleice Famkim Siarbet

Ziangso Na Tuah Ding?

May 30

Nipi Ni

Ziangso Na Tuah Ding?

Siar:

Seemtirnak 2:1-7

“Ni ruk sung hna nan ttuan pei ih ni sarih ni cu hnattuan loin nan cawl pei.   -Suahlannak 23:12

Kumkhat Sung Baibal:

-   2 Sansiarnak 10-12

-   Johan 11:30-57

Tuih san ih thilthiamnak ruangah mi hrekkhat cu zarh khat ah ni 7, ni khat ah nazi 24 hna an ttuan thei. Inn ah an hnattuan ding an rak tlun ih an ttuan Famkim Siarbet

Ziangtik Hmanah timi Ziangtik Khalah Ttong Hlah

May 29

Zarhte Ni

‘Ziangtik  Hmanah’ Timi

‘Ziangtik Khalah’ Ttong Hlah

Siar:

Tirhthlah 9:1-22

An pumkhawmnak Sinakok Inn pawl ah a va feh ih “Jesuh cu Pathian Fapa a si,” ti thu a sim.     -Tirhthlah 9:20

Kumkhat Sung Baibal:

-   2 Sansiarnak 7-9

-   Johan 11:1-29

Ka rualpi pakhat thawn khuahlan ih Berlin phardawl kiang kan feh rerolai ah, “Himi hi ka nun sungah, ‘ziangtik hmanah’ timi ttongfang hi ‘ziangtik khalah’ ttong hlah, timi hmun pakhat a si,” tiah i sim. Famkim Siarbet

Kan Tikcu Caan A Kut Sungah

May 28

Tlawngkai Ninga

Kan Tikcu Caan A Kut Sungah

Siar:

Saam 31:1-16

Nangmah cu ka Pathian na si. Ka ziangzongza Na kut sungah a um.

-Saam 31:14-15

Kumkhat Sung Baibal:

-   2 Sansiarnak 4-6

-   Johan 10:24-42

Cedarville Phunsang Tlawng ih kum 2002 ah tlawng ttheh pawl buaih peknak ah degree a latu pawl thazaang peknak a neitu Dr. Paul Dixon in, “Nan tikcu caan cu Pathian kut sungah a um,” tiah a sim hngai. Cuih thusim cu buaih a ngahtu kan fanu Julie le an zate hrangah thu tthazet a si ti’n kan ruat.

Culai ahcun, ni 5 sungah kum 17 mi kan fanu Melissa cu car accident denkhawn awknak in vanram feh dingah a tikcu caan a kim dingih Saam 31:15 ih tican thar ruat in kan rung taang ding ti kan rak thei lo.

Kum a rung rei vingvo tikah, Pathian in zumtu hrekkhat pawl cu an nun tawi dingin khua a khanzia le mangbangza a thil ti daan pawl kan run theithiam vingvo. Heather timi tleirawl fala cu mi hmuahhmuah parah mit-hmai panzetmi zumtu a si. A kut zung ah hmasia a nei ih rulcawng ih cantermi natnak ngah in zarh khat sungah a thi. Maggie timi zumtu tleirawl fala note khal an lek rerolai ah bawlung in a hngawng a ngah ih a thi. Thomas timi nauhak pa khal ngasio in a tlunnak lamzin ah car accident in a thi. Himi pawl hi an santawi hmansehla Jesuh zumnak le midang parah duhdawtnak ro sunglawi an taanta. Bawipai’ kut sungih an tikcu caan a kim tikah an rak tiar aw cia zo.

Saam Hla ngantu in, “Ka rinsan mi cu Nangmah na si,” a ti tikah a nunnak cu Pathian kut sungah a um ti a thei (Saam 31:14-15). Na nunnak sungih ziangvek a ra thlen khal ah Pathian na rinsan maw?     – Dave Branon

A saangbik Vancung uktu,

Siannak neitu le fimnak ih khat Pathian;

Ka tikcu caan hmuahhmuah Na kut sungah a um,

Ziang hmuahhmuah Na thupek vekin an cang. - Ryland

Kan tikcu caan cu Pathian kut sungah a um,

A kilhimnak sungah kan thlarau a um.

New Delhi Chin Raltlan Pawl Sivai Thawn Bawm

Tuini May 27, 2010 ah kan Chinmi SaSa ih hohanak in Delhi ih sibawi thiamsang (7) pawlin DBCF biakinn ah damlopawl zohnak le sivaipeknak an nei.

Zaan lam nazi 6:00 ihsin damlo zohnak an thawk. Nauhakte ihsin pitarputar tiang zohnak neih a si. Damlo ih sibawi tawngtu mi (200) lenglo an si.

Nauhak tamsawn cu pumnaa, awmnaa, rawl-ei hiarlo lawnglawng an si.

Sibawipawl cun refugee nauhak tamsawn in rawl thitha an ei lo tiah an theisuak ih rawl tha le hanghnah hangrah ei ding ah le thingthei tampi ei ding ah an sim.

Nupinu le pitarpawl cu thanaa, awmnaa, pumpi-naa le luzing tivekpawl hi an tambik. An damlonak simsaktu ding ah Delhi ih zirsang tlawngtapawl an thlang khawm.

Chin tong a phunphun Mirang tong ih letsawngtu pawl cu:

1. Tv. Uk Lian
2. Tv. Lal Lian Bik
3. Tv. Van Bawi Thawng
4. Fl. Rosaline Tial
5. Fl. Khan Lian Ting
6. Fl. Judith Van Lal Hnem
7. Fl. Siang Men Thluai
8. Fl. Lal Run Mawi, pawl hi an si.

Hivekih sivaisemsuahnak hi zarh khat veikhat nei ding ah hotupawl in an rel cat bet. Sibawipawlin Chin refugee ei in tha lo an ei ruang ih damlonak a phunphun an tuarmipawl an hmuh tikah an zangfak zet.

A hmun ih a va fehvetu kan palai ih simdaan vek asile, damlopawl cu an mithmai ah a lang nasa tiah a sim. Nauhak damlo bezia zetzet an tampi thu kan palai cun in sim bet.

Khasuan Rang le Lungvar Mankhung

May 27

Tlawngkai Nili

Khasuan Rang le Lungvar Mankhung

Siar:

Jeim 2:1-9

Sikhalsehla a lenglam ih hmuhnak in mi na thleidang a si ahcun na sual a si. Daan in daan buartu ah a lo hmu.   -Jeim 2:9

Kumkhat Sung Baibal:

-   2 Sansiarnak 1-3

-   Johan 10:1-23

Ruth Reichl in a cabu nganmi Garlic and Sapphires:The Secret Life of a Critic in Disguise sungah New York Times thuthangca ih rawldawr pawl fakseltu kum (6) a ttuan sungih a tontehmi thuhla pawl a ngan. Famkim Siarbet

Arizona ah Chinmi Pahnih That Aw

Arizona ih Flala Dawt Cin Sung @ CinCin (19) cu Ceu Kam in 21 Many 2010 (sunhnu) ahkhan namte thawn a dawt that. A dawh that hnuah Amah le mah a dawt aw that ve.

Riahsiat a tuartu unau sungkhat ih ngan daan vek asile, CinCin le Ceu Kam hi an rak duhdawtaw dah asinan an karlak thu a that lo ruangah atlangvalpa in CinCin ka co lo hnak cun ka that sawn ding tiah a fala uanau pawl hnenah a rak sim.

Cincin khalin a theicia ih lengsuak ngamloin mi’ inndang ah a relh asinan ruahlopin a relhnak ah a tlangvalpa a thleng ih kam hnihkhat an biakawk hnu ah tlangvalpa in a hngawng ah a dek ih nam thawn a sun that tiah inneitu in a sim. Inn neitu cun zamrangten’ 911 a ko nan a line a rak busi laifang a si.

Cutin a hnu minit 15 ah palikpawl an ra thleng ih fala nu a thi zo ih tlangvalpa khal amah le mah a rak dawt aw ih a thaw lawng hngak in sizung ah tlanpi a si hnu ah a thaw a cem.

Tlangvalpa in that ding ih fala nu a fawnnak aw an ngai tikah mipa aw siloin nunau aw a si tiah an sim. Hi thu hi a tawizawngih lak a si. Local news ah khal ngan a si. Phundang dang ih ngan a hlawh nasa.

===========================================================

Mirang in siar ding

A man and a woman from Myanmar were stabbed to death during a fight in Phoenix Friday afternoon.

Police said Dawt Cin Sung, 17, was killed by her 26-year-old former boyfriend after the two argued over money.

The man, whose name has not been released, also died. It was unclear if his wounds were self-inflicted.

The stabbing happened about 1:40 p.m. at Canyon Woods Apartments near 27th and Glenrosa avenues, Lt. Matt Knowles of the Phoenix Police Department said.

When police arrived, they found a 31-year-old woman bleeding from her arm. She said a man and woman were fighting inside her apartment.

Police said Sung went to the apartment to visit her friend. A short time later, Sung’s ex-boyfriend arrived, according to a police statement. After the fight began, Sung locked herself in a back bedroom.

Her friend, the apartment owner, was cut on the arm as she tried to pull the man away from the door, said James Holmes, a Phoenix police spokesman.

The woman grabbed her four children and left the apartment, leaving Sung alone with her ex-boyfriend. Holmes said the children did not witness the stabbings.

Officers later found Sung and her ex-boyfriend wounded in the back bedroom. Paramedics pronounced Sung dead at the scene and took the man to a local hospital where he later died, Knowles said.

The man and woman were both from Myanmar, formerly known as Burma.

Video ih zoh duh hrang
Read more: http://www.azcentral.com/12news/news/articles/2010/05/22/20100522phoenix-stabbing-abrk.html#ixzz0p3ktQqr9

New Delhi Ah Dawr Kan Ong Thlang

New Delhi Kala pawl lakah kan Chinmi pawlin dawr pakhat an  ong thok ih a hmun rori ah kan palai pakhat feh in thutawi suhnak a va nei.

Kan dung thla April ihsin thil an zuar thok.

An room sanmi hi thla khat thawnghnih lenglo an pe.

Dawr neitu cun an khawng thei zet thu le nuam a ti thu a rel.

New Delhi Chinmi pawl umnak hmun pi pakhat Sitapuri veng lilainak hmunbik ah a siih tlangval vak sukso pawlin an lei duh zet.

“Kala pawl lala khalin in lei rero” tiah dawr neitupa cun a sim.

An zuarmi pawl hi kawlram thilri vial a si. Mi tampi ih ngaizetmi thil ei tha a phunphun a si ih man olte ih zuar a si.

Chinmi tampi cun hi dawr fate zet hi an ngai naa ih an pan ringring theu tiah a kiangkap tleirawl pawl khalin an sim.

An dawr hi zinglam nazi 8:00 ihsin zanlam nazi 10:00 tiang an ong theu.

New Delhi ih raltlan ceng zat thawnghra leng an kim zo. Mipumsiarnak cazin pakhat ahcun thawnghleinga an nai zo tiah ngan a si.

Next Page »