2010 ih Leitlun mi thinlung nehnak huham nei bik pawl

Leaders	Heroes
Luiz Inácio Lula da Silva	Bill Clinton
Admiral Mike Mullen	Mir-Hossein Mousavi
Ron Bloom	Temple Grandin
Dominique Strauss-Kahn	Nay Phone Latt
Sarah Palin	Phil Mickelson
Jon Kyl	Graça Machel
Annise Parker	Sachin Tendulkar
Jenny Beth Martin	Liya Kebede
Recep Tayyip Erdogan	Zahra Rahnavard
Manmohan Singh	Serena Williams
Mark Carney	Karls Paul-Noel
Sheik Khalifa bin Zayed al-Nahyan	Valentin Abe
Scott Brown	Will Allen
J.T. Wang	Kim Yu-Na
Barack Obama	Ben Stiller
Yukio Hatoyama	P. Namperumalsamy
Nancy Pelosi	Chen Shu-chu
Salam Fayyad	Didier Drogba
Glenn Beck	Reem Al Numery
Tidjane Thiam	Tristan Lecomte
Christine Lagarde	Kiran Mazumdar-Shaw
General Stanley McChrystal	Jet Li
Bo Xilai	Chief Master Sergeant Tony Travis
Sister Carol Keehan	Rahul Singh
Robin Li	Malalai Joya
Artists	Thinkers
Lady Gaga	Zaha Hadid
Kathryn Bigelow	Douglas Schwartzentruber and Larry Kwak
Valery Gergiev	Atul Gawande
Ashton Kutcher	Victor Pinchuk
Taylor Swift	Deborah Gist
Carlton Cuse and Damon Lindelof	Steve Jobs
Lea Michele	Lisa Jackson
Simon Cowell	Edna Foa
Elton John	Paul Volcker
David Chang	Matt Berg
Chetan Bhagat	Michael Sherraden
Ricky Gervais	Tim Westergren
James Cameron	Sonia Sotomayor
Conan O’Brien	Elizabeth Warren
Oprah Winfrey	Michael Pollan
Robert Pattinson	Jaron Lanier
Suzanne Collins	Lee Kuan Yew
Neil Patrick Harris	Kathleen Merrigan
Prince	Tim White
Jerry Holkins and Mike Krahulik	Elon Musk
Neill Blomkamp	Jaime Lerner
Marc Jacobs	Amy Smith
Banksy	Amartya Sen
Sandra Bullock	Sanjit ‘Bunker’ Roy
Han Han	David Boies and Theodore Olson

Leitlun sakhuanak pahbal tu ram 13

Leitlun sakhuanak hrangih dan International Religious Freedom timi 1998 kum ih an tuahmi pahbal tu tiih tui kum ih US roreltu pawl ih an hril mi ram pawl ah kan dung kum ih a rak si cia zo mi ram 8 pawl hlei ah a dang ram 5 pawl an tel bet.

Kan dung kum ih a tel cia zo mi ah ;-Burma, China, Eritrea, Iran, North Korea, Saudi Arabia, Sudan, leh Uzbekistan an siih tui kum ah ;- Iraq, Nigeria, Pakistan, Turkmenistan leh Vietnam pawl an tel bet.

Hi ram pawl hlei ah ram 12 pawl cu zoh rero an si hrih lai. Cui ram pawl cu ;- Afghanistan, Belarus, Cuba, Egypt, India, Indonesia, Laos, Russia, Somalia, Tajikistan, Turkey leh Venezuela pawl tla an si.

AP

Dingfelzet In

April 30

Tlawngkai Ninga

Dingfelzet In

Siar:

Thufim 12:17-22

Bawipa in thuphan pertu pawl a hua;

asinan miding rintlak pawl cu a lawm.    -Thufim 12:22

Kumkhat Sung Baibal:

-   1 Siangpahrang 8-9

-   Luka 21:1-19

April 30 ni hi National Honesty Day timi America ih “Rampi Dingfelnak Ni” a si. Theih laartuk lemlomi Ni sihmansehla a thupizetmi ni pakhat a si. Famkim Siarbet

Germany ihsin India tiang ke in feh tum

Germany ihsin India tiang ke in feh tum

Kan dung zarh ihsin Germany ram mi Marcel Stawinoga (kum 26) cu a naupa Marlon (kum 21) thawn Germany ram ihsin India ram tiang ke-ih feh dingin an pok. Marcel le Marlon hin 7,500 kilometers lai an feh ding ih, Germany ihsin Balkan, Turkey, Iran, Pakistan an pal dingih, netabikah India ram Kolkota khawpi ah an khualtlawnnak cu an cawl ding. Ke rori ih khualtlawn an tumnak hi a malbik thla (6) lai a rei dingih, India ihsin vanzam in tlun sal an tum. Marcel le Marlon hin an khualtlawnnak lamzin tluan ah ziangvek harsatnak le nomnak an tong timi cu cabu ih ngan an tum thu an sim. – dpa

Malaysia acozah in Taxi mawngtu hman a tum

Malaysia acozah cun kan dung April 17, 2010 ah Kuala Lumpur khawsung ih taxi mawngtu (150) hrawng cu ko khawm in, mi sual hawlnak le ram dangmi kaih khihnak ah palik le rela pawl bawm dingin bomnak a dil ih, a rei hlan ah hih taxi mawngtu pawl hi training thazet pek ding an si thu home ministry cun a sim. Palik thuneitu pawl cun taxi mawngtu pawl cu passenger (taxi parih totu) pawl cu ziangvek minung an si ih, an umnak kiangkap ah ziangvek boruak a um ih, ziang an tuah theu? timi pawl zingzawi dingin hman tlak an si thu le ram dangmi phurtubik an si ruangah misual (rukru, minung thah le fir thubuai) hawlnak dingah tuanvo an neih thu an sim ih, a tul daan ih zirin rela le palik cu ziangtiklai khalah ko dingin siseh, anmah khalin misual pawl kaihnak ah bawm cih thei dingin an forh hai. – The Sun

Hnam awk ruangah thla khat thawngtla

Kan dung tlawngkai nikhat ni ah United Arab Emirates ram khawpi Dubai ah British tlangval le fala cu an hnam awk (kiss) ruangah thla khat sung thawng thlak an si. An pahnih hin 2009 November thla ah Dubai palik pawl cun an rak kai zo ih, thuthennak cun ‘mipi lakih an hnam awk cu Dubai khawsungih nupinu pakhat le a fanu nunau nauhak in an rak hmuh ruangah’ nunsim tlak a si tiah thu an then sak. – Reuters

Romeo cawngtu kaih a si

Germany ram ih nunau pakhat cun misual in a umnak inn lenglam ihsin inn par a ra kai tum tiah palik a ko ih, palik pawl cun cuih inn parih kai tumtu cu an kai. Asinan thuhla an suhfiang tikah cupa cu fala nu ih ngaihzawng (darling) a rak si ih, zu (wine) le pangpar thawn inn par kai a tum ruangah reipi a talbuai ih, culai fang ahcun a fala cun palik a rak ko a si ti an hmusuak. Asinan palik pawl cun ‘Romeo’ bang duh ruangah tiah an kai thotho. – dpa

Nunau hrang nitin minute 45 feh sukso ding

Canada ram Quebec Laval Universsity ih Siibawi pawl cun nunau ni khatah minute 45 sung ke-ih feh sukso theutu cun ‘nunau thlatin tikcu’ an neihmi a reh tikah (menopause) an taksa ah ziangvek danglamnak an tong tuk lo dingih, a hleice-in thau tuknak (obesity) le rit tuknak (over-weight) an tuar lo ding tiah Healthy Living Magazine ah an ngan. An hotu Dr. Pascale Mauriage cun nunau hmuahhmuah in nikhat ih minute 45 sung lamzin (asilole innsung) ih feh ringringnak in an upat hnu hrang nun nomnak an cohlang thei tiah a ti. – Times

Mit kaai hrangah mitkharh tul

US ram ih harhdamnak thuthangca laarzet pakhat American Journal of Opthalmology cun kan dung tlawngkai nihnih ni ah ‘nauhak lai ih mit kaai deuh hrangah upat hnu ah mit kharh an tul lohli’ tiah a ngan. A hleice-in nauhak lai ih mit kaai (strabismus= cross-eyes) deuh pawl cun a rei hlan ah hmun hlapi hmuh thei lonak (nearsightedness asilole shortsightedness) an nei duh tiah nauhak 135 ih harhdamnak cazin zoh in an hminsin. Siibawi pawl cun mit kaai deuh pawlih mit um daan an zirnak ah ‘an mit khatlam in thil dang a zoh lai ah, a dang pakhat cu a tlan lawng si loin lenglam ah malte in a ra suak theu tiah an ti.

Lung (heart) hrangah sup awk a cu

Mi tampi cun lung (heart) natnak kham awknak dingah siti (cooking oil) le carbohydrates tamnak ei le in pawl an hrial nan, rawl dawr ih ei ding an tuahnak bik sauce a phunphun ruangah ‘siti’ malte ei cingin lung natnak ngah a ol thotho tiah Denmark ram, Aarhus University Hospital ih Dr. Marianne U. Jakobsen cun a sim. Dr. Marianne le a rualpi pawl cun lung natnak tuar rerotu mi (250) ih dinhmun ihsin siti le ei in dang sup awk hnak in, sauce a phunphun, pasta le cini (sugar) sup awknak cun thil tha a suahpi sawn tiah an ti. – Reuters

“Chin Today” Zarhtin Thuthang Ram (4) Ah Hard Copy In Kan Suah

CT Calai tawlreltupawl, correspondent le thurawn upapawl ih lungkimnak vekin ‘Chinland Today’ cu “Chin Today” tiah kan thleng. Himi thleng ding thu ah CT palaipawl cun thurelkhawmnak vei tamzet an nei. Aneitabikah, Chin Today tiah mitamsawn lungkimnak vekin thlengfel a si.

Kan thlengnak sanbik pakhat cu Chinland (land) timi cafang a sau ih, a sullam a fiak sawn ruangah Chin timi (khaikhawmtu) ah kan lungkim sawn. Chinland timi tongfang cun “Chin ram, thlawh-lai lohma lam a khihhmuh ih Chin timi cun Chin mipi, Chin miphun, fimthiamnak Calai, nunphung le Chin mipi pawlih dinhmun a khihhmuh sawn ruangah Chin+land ti hnakcun Chin timi ah a khaikhawm kimcang sawn ruang ih kan thlengnak san khal a si.

Himi thuthawn pehparaw in mipi hnenah thurawnnak le caan kan lo pek thiamlo nak parah ngaithiam kan lo dil. Cun, Chin Today Zarhtin Thuthangca hi ram li USA, Australia, Malaysia le India ram pawlah vei (4) lenglo kan suah zo.

A rei hlanah Canada, Norway le Denmark ram pawl ah suah ding in tumtahnak kan nei bet. CT ngainaatupawl le kan CT Zarhtin thuthangca in leksaktupawl hnenah le catbang lo’h website in lengtupawl hnenah lungawinak tampi kan nei.

Website khalah “Chin Today” tin a reihlanah kan thleng ding. Kan Chin mipi hrang calai thansohnak hnatuantu kan rualpi Sur Bung Tlang thuthang hotupawl le Falam Times hotupawl ih thuthang in hlawmnak thawn khawmual kip ih kan Chin mipi pawlin olsamten’ thuthangca le theihternak thu a phunphun an siar thei ih SBT & FT pawl hnenah lungawinak kaa ih simcaklo kan nei.

CT Hard Copy ih ca a suahnak kum (5) lenglo a ti thlang ih kan dunglam kum ahcun New Delhi ah nasa zetin kan suahih Mizoram khalah kan suah bet thotho.

Ram leng umpawl hrangah Online ah siar thei ding in (group mail) pawlah kan rak hlah bet. Atu ahcun fala tlangval cangan thiam pawl ih sumtualrawn ah an tuah ih nitin CT website ah lengtu kan neih phah nak khal a si.

CT Cahlap ih suahmi Weekly News (Zarhtin Thuthangca) hi, USA ah $ 2, Malaysia ah Rm 1, Australia ah $ 2, India ah Rs-10/- tiin kan zuar. Atu ih Zarhtin Thuthangca ih kan Chief Editor cu Salai Biak Chhawn a si.

Himi Cahlap man kan dawn summi sumpai thawn mirethei harsapawl bawm kan tum ih a tu ah a vei (5)nak ca kan suahnak ding a kim thlang.  New Delhi ih kan suahmi copy 150 lenglo in bawmtupawl hnen khalah lungawinak tampi kan nei.

Cung Hlum Mang Bawi umpinak le lungkimpinak thawn copy tam sin suah le zem kan tum ih nan umnak hmun ih an lo zorh tikah lungawi soparten’ in rak leisak dingah zangfah kan lo dil. Cun, CT pehtlaihnak chinlandtoday@yahoo.com/www.chilandtoday.info ah thurawn le nan duhzawng ih ke kan kar sinsin theinak ding ah comment le cakuat in kuat thei a si.

Leilung Ziangtin a Thok ti Tidai khal Pakhat ihsin Hawl Ding

Scientists pawl in tikhal le thildang cawhrawi mi ni heel ih fehtu leilung fate pakhat parih an hmuh miin ziangtin leilung pi a rak thawhkeh timi an zingzoi theih ding an zum.

Hawaii ih vansang zohnak infra-red telescope hmangin, tidai khal fate Mars le Jupiter karlak ih leilung fate ah tikhal thawi cawhrawi mi thil, 24 Themis tiih a hmin an koh mi an hmusuak.

Scientist pawl hin khuahlanlai kum billion lenglo laiah nihel tu leilung pawl le Arsi meinei pawl cu nasa zet ih an rak hnawt aw ih cutin tidai le nunnak pawl an rak semsuah tiih an zumnak khal hi an thil hmuhsuah miin tampi a ti fiang bet ding ti khal cun an sim.

Remote-control robot in thinlung at bawlnak tuahthei

Minung kut tello in cet lawng hmangin thinlung tur awn tha lo mi at bawlnak cu Leiltun ih a veikhatnak tuahsuak a si.

Dr Adre Ng hin mina operation an tuahnak ah a kuttel lo in Robot hmangin a lenglam ihsin tuahnak a neiih sml 1 sungah felfai ten a tuah thluh thei. Mina lungtur hman lo khal hmanten a um sal. Hi a hmuhsuak mi hin khawdang, ramdang, hmun dang khal in sibawi pakhat in mina a zoh thei thlang ding tinak a si tikhal cun British Hospital ih Doctor Ng cun a sim.

Robot hmangin at bawlnak hi ram neinung pawl ahcun a lar zet zo nan Dr Ng cun keimah hi a hmaisabik nak hrangih Remote Catheter Manipulation System hmang tu ka si a ti.

- Reuters

Kum 70 Sung Ti le Rawl Ei Lo Ti Awtu

Scientists pawl hin kum 82 ih upa putar cu kum 70 sung ti le rawl ka ei lo tiih a ti awk mi fiangfai te ih thei dingin a taksa an zingzoi.

Prahlad Jani zohfel dingin India’s Defence Research Development Organisation pawl cun Ahmedabad zato ah an ret. Tui a sim awk mi a dik a si ahcun nunnak ziangtik rei tiang kan tuar thei timi in  mipi zirhnak a pek thei ding khal an zum.

Famkim Siarbet

Next Page »