US Mino Pawl Lamzawhnak An Nei

US khawlilainak hmun National Mall ah tleirawl tetepawl cu tawngaw khawm in daan lo ih US ra lut an tam tuk thuneitupawl in zamrangten tuah tha ding dil  ah US thantar a phunphun hawi phah in le nauhak, sungkua pawl khal telin lamzinpi thler thum khat in lamzawhnak an nei. US president khalin a tumtahmi pawl a relnak ah immigration system thu hi thupibik lakih a relmi pakhat a si.

Tleirawlte pawlih an dilmibik lakih pakhat cu daan lo ih US ra lut pawl thu le Immigration systems ih harsaknak dangdang pawl zamrang theibikih cingfel ding hi an dil mi cu a si.

Mipi thenkhat cun daan lo ih ralut ih zirsang zetzet ih cang pawl cu an ram ah kuat sal lo in US ah an thiamnak hmansak thei sehla a tha sawn ding ti’n an ruat.