Leitlun Milian Bik Hril Nak
March 13, 2010 by Khuang Lian Sum
Filed under Kawlram Thuthang, Surbungtlang Thuthang, Thuthang, Thuthar Dang
Forbest Magazine in leitlun ih milian bikpawl a zinzoi nak netabik a tarlang nakah Mexico rammi Carlos Slim cu leitlunih milian bik ah a tarlangih, kum 1994 ihsi leitlun milian bikih rak tarlang ringring mi Bill Gates cu Carlos Slim hin a hunlan a si. Tu ah cun Bill Gates cu a pahnih nakah a cang.Nikum ih leitlun sumpai dinhmun a tlaksiat ruangah, kum hmaisa hnakih leitlunih milian dollar Billion 1 neiban minung hi 332 in an tla niamih, nikum ah khan leitlun ah paisa dollar Billion 1 neiban hi minung 793 an umih, Asinan tuikum ah cun paisa dollar Billion 1 nei hi minung 1,011 an umban zo.
Hi leitlun milian bikih an hrilsuak mi Carlos Slim ih thupuangtu Arturo Elias cun leitlun milian bikih a pu an hrilcu lungawi um a tithu a simih, himi in a sumdawn nak ah tampi a bawm ding a si a ti. Leitlun milian ih an hrilsuak mi pawlhi a tambik cu US New York ih um an siih, Russia ram khawpi Mosco ah minung 50 an umih London ah 32 an um.
Forbes Magazine in leitlun milian 10 a hrilsuak mi leh an sumpai neihzat leh an ram an hna ttuan mipawl cu a hnuai lamvek in a tarlang.
1. Carlos Slim (Mexico) $ 53.5 Billion ( Telecom)
2. Bill Gates (USA ) $ 53.3 Billion (Microsoff )
3. Warren Buffett(USA) $ 47 Billion ( Investment)
4. Mukest Ambania (India)$ 29 Billion (Petrochemicals.Oil and Gas)
5. Lakshmi Mittal (India) $ 28.7 Billion ( Steel)
6. Lawrence Ellison (USA) $28 Billion (Oracle)
7 Bernard Arnauht ( France) $ 27.5 Billion (Luxury Goods)
8. Eike Batista ( Brazil) $ 27 Billion (Mining Oil)
9. Amoncio Ortega ( Spain) $ 25 Billion ( Fashion retail)
10. Karl Albrecht ( German) $ 23.5 Billion ( Super market)
Hi pawlhi leitlun milian pawlih hmin leh an sumpai neihzat, an umnak ram leh an hnattuan mipawl Forbes Magazine in a tarlang mipawl an si.
12th March, 2010
Burma ralkap Cozah in kum 2003 May ni 30 ih a kharsak zomi Aung San Suu Kyi ih hruaimi National League for Democracy (NLD) Regional Branch Office cu Burma ralkap coza in on a siansal thu NLD Party thupaungtu Nyan Win in mizan sunah a sim. Nyan Win cun tuikar tlawngkai ni 3 ihsi khan ramsung hmun dangdangah NLD Branch Office hi 100 hrawng on a sizo tiah a sim.
NLD Party thupaungtu Nyan Win cun Burma ralkap Cozah in hrilawk nakih tel dingah NLD Party hi induh in kan theiih, Asinan NLD Party cun hrilawk nakah ziangvek in kantel dingih ziangti vekin kan fehding timi thu tluknak kan rel hrihlo ih, Aung San Suu Kyi leh Party hotu dang pawl thawn reltlang khawm a ttul ding a ti.
Theihcia zo vekin Burma rampi hrilawk nakah Ralkap Cozah in dan a tuah mivek a si ah cun Aung San Suu Kyi leh Opposition Party hotu Politician hlun tampi cu hi Burma ram hrilawk nakah an tel theilo dingih ruah a si.
maw,…milian pawl,
nan neih nan hman cawk lo lai-ah,…
aw,… mi farah pawl,
ziangso ka ei ding an ti, …
hnmm,… leitlun, leitlun,…