Laitlang Ah Khawkhat A Kang Ral
March 18, 2010 by youthlife
Filed under Chinmi thuthang, Lawrkhawm
Tui March 11, 2010 ah Lungkhin, Hakha khua pakhat cu hramlak meisa ruangah a kang siat ral theh ih mipi 1000 lenglo inn neilo in an um phah thu Sapte ih website “I Love Myanmar” ah a tarlang.
Chinmi cun kan pasiat le paam tawn phang ah kum khat hrang daih fang kan khawl theu, cuvekih an khawlmipawl khal cu a kangral theh. Lungkhin khua ih um kan pi le pu unau thenkhat pawl cu mithli thawn caan an hmang rero.
Kan Laitlang tluan hotu General Hung Ngai khal hivek thawm a theih tikah um men theiloin Lungkhin khua ah feh in vansiat a tuartupawl hnen ah fangfai bags 40 lenglo a pe. Culo thuamhnaw le neihsianlo thil dang khal pek rero lai an si.
” Ziang tin kan bawm ve thei ding…sumpai a silole thlacamnak thawn, thlacamnak thawn kan bawm theilo asile mipi hnen ah theihternak kan pe cio ding pakhat te tal kan tuah ve ding…A tuah theilo kan um pang a va si hman ah kan thinlungte tal ah Lungkhin khua a kangral ti taang hramseh! In Riantu CT Pawl
A cang zo mi cu cang zo si seh la , U nau khat si nak lang ter nak ding ah tin ka ruat . U nau khat le khat bom aw thiam nak si hram seh ,
a va poi ngai em ve ti,
kan tithei daan cio in bawm uhsi law…
Hemi khuami pawlkhin ralrin nak a mal ticu theifian a si zo ih. Harsat nak ton caan ahcun bawmawk nak hi a thu pi bik a si. Mi harsa kan bawm micu Lei le Van thlasuah cotu cu kan si, Milian hmingthang zarto kha cu satan kutsung ah kan um tinak a si ih. Mi harsa cu bawmcia uh si
Harsat can le nuam can ah Pathian thangtthat tu cu Pathian fa kan si. Leitlun har sat nak tuarkha cu ahar na’n kan thlarau hrang ah a ttha.
A thupi bikah thlacam nak te’n bawmcio uh si.