Burma le Mizoram Lamzin Hrang Rs.666 Billion Hmang Ding

India khumpinu cun kawlram le India sumpaileilawnnak ih pehtlaihawk that sinsin nak ding ah tiah lamzin tuahnak ding ah Rs.666 billion a hmang ding tiah Mizoram Chief minister Pu Lalthanhawla in a phuang.

Sumpai zamrangte ih peksuah ding khal tumtahnak an neih ih hleiah hi lamzin tuahthat a si hnu ahcun Mizoram ih umpawl in sumdawnnak ah nasa zetin an hlawlpi ding tiah ruahnak an nei bet a si.

Chile Linghnin ah Mi 120 Lenglo thi

Talca, Chile: Tuini February 27, 2010 ah linghnin cakbik ti’h ruah cun Pacific tlangtluan cu magnitude 8.8 tluk ih cakin a hnin tikah Chile khawpi sung ih inn ropi zetzet pawl le zung thupi zetzetpawl a nuaisiat theh ih hleiah mi 120 lenglo an thi felzo tiah an president Sebastian Pinera in a sim.

Aram mipipawl cun kan dunglam kum 50 hnuih linghnin rapthlakbik a si ding tiah an zum bet. Zingzawitupawl cun Asia khawmual thenkhat le Australian, New Zealand pawl khal a nuai lai ding an zum thu an sim bet. Culawnghmansiloin US ram ih ni tlaknak lam ram 53 tiang in a nuai lai ding tiah zumnak an nei bet.

Tui tum Chile ram ih linghnin hi a vekhatnak a si lo, kan dung May 22, 1960 khalah magnitude 9.6 tluk ih cakin a rak hnin ih cunah mi 1,665 lenglo an rak thi ih hleiah million 2 lenglo innlo in a rak ret dah tiah an phuang.

Ttonttaihnak Sungih Cahnak

February 27

Zarhte Ni

Ttonttaihnak Sungih Cahnak

Siar:

Matthai 20:20-28

Asinan nannih lak ahcun cu bangtuk cu si hlah seh. Nanmah lakah pakhatkhat in midang hnakih thupit a duh ahcun midang pawl ih hnen-um a ttuan a ttul.   -Matthai 20:26

Kumkhat Sung Baibal:

-   Mipumsiarnak 17-19

-   Marka 6:30-56

Zo khal mi ttawnttai si cu kan duh cio lo. Curuangah micak si theinak kan hawl. Mihrek cun thinlung cangvaihnak in a dik loin mi neh kan tum. Mihrek in an fimnak cu mi thihnak ah an hmang. Mihrek in an thiltitheinak thawn mi uk an tum. Cucu ruah daan dik lo a si Famkim Siarbet

Thupek Thar Sungah

February 26

Tlawngkai Ninga

Thupek Thar Sungah

Siar:

Daanpeksaalnak 6:1-9

Jesuh in, “Bawipa na Pathian cu na thinlung zate, na nunnak zate le na ruahnak zate in na duhdawt pei” a ti. – Matthai 22:37

Kumkhat Sung aibal:

-   Mipumsiarnak 15-16

-   Marka 6:1-29

Herman Wouk in Leitlun Raalpi veihnihnak (W0rld War II) ih thuanthu “The Cain Mutiny” cabu a nganmi ah, “Mi pakhat Pathian thluntu a can tikah ziang a cang Famkim Siarbet

Bangalore Chinmi Pawl Ih CND Hman Daan

Ni 20 February 2010 ah a vei 62 nak CND cu leitlun khaw-mual dangdang ah hman cio a si. Bangalore Chinmi pawl ih hman daan hi a dangdai bik maw…?

=============================

Pathian lungkim pinak in Chinmi ziangmawzat cun mai suahseemnak Chinram tan in mi ram ah fimzir ding le hnat’uan ding in kan suak cio hai ih tucun leitlun killi ah kan thleng thluh thlang. Cuvek thotho in leitlun pumpi ih IT khawlipi Bangalore ah tla Chinmi ziangmawzat pawl cu fimnak zir ding ah le hnat’uan ding ih thleng a za tel in kan um ve.  Bangalore ih thleng Chin hnahthlak sung in Pawlkom phun nga lai din a si.

Kan Chin miphun humhim awk le bawm awknak ding hrangah ti’n Bangalore Chin Fellowship (BCF) tla a liam ciami kum li ah khan rak din a si zo.  Bangalore ih Chin hnahthlak Pawlkom lak ah BCF ah Chin hnahthlak telkim biknak hmun a si.

Kan BCF ih tumtahmi cu Chin miphun humhim awk, bawm awk ton ding le kan nunphung pawl hlolo ding ih kil t’hat ding a si vekin kan Chin miphun thuanthu ih hngilh theih ruallo mi Chin National Day (CND) tla tui kum ihsin tuah thok a si.

Tui kum ih CND kan tuah hi kan Fellowship hmin in kan tuah hmaisa bik kum a si vekin Bangalore thleng Chin hnahthlak pawlkom dang lak khalah a tuah thei hmaisa biktu kan si kan tile tam kan suallo ding.

Kan CND cu Febuary 20, 2010 (zarhte ni) ah Baglore Peace Center ah nuam tak in sun nihlawh in caan kan hmang tlang hai.  Pu Satin Thawng(Salai Jimmy Thawng) tla in in ra telpi thei ih kan nuam in kan hna a ngam zet fawn.  Kan Caan hman daan hi hmun hnih ah kan t’hen.  A hmaisa cu khawmnak in (rawl-ei hlan) le a neta cu leknak (rawl-khawh) in caan kan hmang.

Kan khawmnak cu Pu Armstrong Biak Sin in in hruai. Professor Khuang Bil Thang in thucah tawi simnak in nei.

Salai David Lal Ceu le Mai Rozaaung Falam in pakzai saknak an neih vekin Salai Buan Thawm Thang le  a rualpi Salai Biak Lar in hlamawi saknak in neih sak hai.

Cun Salai DL Senling in 2008-’09 sung ah kan BCF ziangvek cangvainak kan nei tile kan BCF sung in tui kum ah degree ngahtu ding mi 66 an um ding ti list a lakmi pawl an hmin in siarnak le simnak a neih thluh hnu ah Rev. Moses Ngun Sui Luai in degree latu ding pawl hrangah thlacam saknak a nei ih himi thluhah kan BCF 2010-2011 hruaitu ding pawl:

Hotu                                         : Rev. Moses Ngun sui Luai

Bawmtu                                    : Pu Biak Sin

sungt’uan                                 : DL Senling

Bawmtu                                    : Salai T’ha L:ian Ci

Sumkiltu                                  : Salai J. Lalawmpui

Sumlut suak kaitu                : Salai George Falam Sant’hamang

Sumcektu ding                       : Prof. Khuang Bil thang

Pa Ram Lian Ham

Salai David Sang Ve

A tlun lam ih Upa pawl hmaiah suak ter in Rev. T’in Luai in thlacamnak a nei ve. Cun, DL Senling in Chin National Day hmuh daan a tlaangpi’n phun thum in a um thu a sim ih ziangruangah Chin National Day kan tuah a t’ul ti tla minute kul sung simnak a nei.

Myanmar kumpi in kan Chin calai le thuanthu hi zir ding in tuah saklo ruangah kan mino tampi nih kan mai thuanthu kan thei nawnlo hi riahsiat umza tak a si thu le mi Miphun thuanthu kan va theihlo tla le mai Miphun thuanthu tal kan theihlo cun ningzah mulphonak kan ton thei thu pawl tla simnak a nei.

Pu Jimmy Thawng in Bangalore thleng Chinmi pawl hnenah ziangtin Chin timi a ra, Chin pawl hi miphun U kan si, Pathian in leilung a sersiam ah Chinram hi kanmah Chinmi pawl umnak dingah a rak tuahmi a si.

Kan Chin pipu pawl Chinram ih an ra thlen hlan ah Chinram ah minung kehneh pakhat hman a rakum dahlo ding a zum thu, lilawn anmah te’n an dawn, thingkung hnuai le puukkua ah um in umnak ding inn sak in Chinram khua an rak saat thu, Falam peng Chinmi pawl cu Chin hnahthlak lak ah kaipa kan si lai ko, hmailam khal ah kan thuanthu hngilh lo’n khaipa dinhmun kai vivo dingtu kan si thu, Falam peng Chinmi nih Calai hmunkhat te’n kan feh sal ding, Chinmi sung in Awnmai paihtu pawl in Awnmawi pawlkom din ding, Falam khaw thar din ding, mino le fimnak thu, mino pawl cu sodeng pai’ kut ih thir tum vek nan si, nan mit le nan hna kau pi’n nan ming ding,

sanman mi thil t’ha thar sersuah tum ding, mi thu lawnglawng cawn ding a silo– creative mind neih ding, nan fimthiamnak in mi t’henthektu si lo’n finkhawmtu  sawn si ding, “Study To Be Useful For Our Nation.” Salai Jimmy Thawng in a irhawm sungsuak thu pawl mino hnenah cahnak in nei ih mino pawl thinlung ah a thusimmi a nun zia cu a thungaitu pawl ih mithmai zohnak in an thinlung ih a lut zia cu el theilo a si.

Kan hunserh a cem in thaithawh kan zate’n kan ei tlang hai ih paihcaw Chin le Lukham vuak awk leknak kan thok.  Cun, Korea pawl le kan BCF Bumpuluih sit tlangnak tla kan nei ih kan caan cu zaanlam nazi pa nga ah khawplo cing te’n kan bang.  Hi ni ih ratu zate’n zohman a sir aw kan umlo.  Hlawknak kan ngah thluh hai.

DL Senling

Chin Fala le Mizo Fala Bum Tuar

New Delhi: Mizoram ih Chin fala pakhat le Mizo fala pakhat cu Delhi ah hnatuan tha tuan ding ah Mizo pawlin kan dung zarh ah an ko asinan Delhi an thlen taktak tikah hnatuan pangai siloin bum le minung zuarawknak sawn riangri a rak si. Mizo nu Nunui (Khawzawl) le Chin fala Emily Mawite (Zo Khaw Thar) cu Delhi Mizoram House ih um ding ah pu Lalchhandama in a ko.

Kan CT Palai hnen ih an sim daan vek asile, Mizoram le Delhi ih sumdawng Zung Mang (Tili), Hma Ngaih, Suite le Lal Sui Nei pawl hnenah Nunui le Mawite cu pi Rinpuii in Delhi ih pu Lalchhandama ih hnatuan saktu ding ah a kuat. Mizo nu Pi Rinpuii cun Mawite le Nunui hi thlakkhat ah Rs-1500 in nan thlahlawh nan thawk ding ih thla (6) hnuah hlawh man pun nan si sal ding a ti. Asinan, Mizoram ihsi Delhi lam pan ih an pawhsuak zikzawng ah thlakhat Rs-800 nan hlawh ding ih lengsuak theiloin kum (3) sung nan um ding tin a sim sal.

Cutikah Mawite le Nunui cun pi Rinpuii ih thu tawlreldaan an ringhlel cih. Thil umzia theithiamlo le mangbangzet cing cun Delhi an thleng.  An sim vivonak ahcun, Delhi an thlen hnu reilote ah an zum hnakih rapthlak in zuarmi dinhmun ih an rak thlen thu an thei aw.

Cutikah Pu Lalchhandam tawng duh lo in an pahnih lungrualin inn dang ah an tlan. Asinan, Pu Lalchhandama cun Nunuii le Mawite a hmuhlo ruangah an mah thlahtu Zung Mang le Hma Ngaih riangri silo takin hek tahratin thawng a thlak ih hleiah Rs 7000 Nunui le Mawite a kuatnter mi an kuan theilo ruangah Zung Mang le Hma Ngaih in an kuat sak bet.

Lalchhandama le Pi Rinpuii ih hnatuan diklo cingfel ding ah Delhi ih miphun duhdawttu Salai Ral Kap Tluang, James Kim, Pu Hrang Kai Thang, Sui Len Mawi le Mai Judith Van Lal Hnem pawl cu Palik zung ah an feh. Thuhla fiangsin ih zingzawi a si tikah Delhi palikpawl cun Zung Mang le Hma Ngaih thawngthlak nak ding sullam an theilo ruangah an suah sal.

Kan palai ih sim vivo nak ahcun “Lalchhandama ih tongkam tampi ihsin diklo takih hnatuantu a siziapawl a langter” tiah a sim. “Hivekih Mizo le Mizo, Chinmi le Chinmi mah le mah mawilo le daanlo takih an tuahmi hi Delhi palikpawl khal cun theithiam in Lalchhandama hi an dem zet a si” tiah a sim bet.

Tu ah Nunuii le Mawite cu hnatuan dang an hmu zo. An sumpai a cem theh ruangah Jame Kim in an hnatuannak hmun tiang feh theinak sumpai a tum sak ih hleiah mai fa bangih a rak zohtu Nu No Tin Tial le Pu Hrang Kai Thang cun an hnatuan feh liam tiang in an thlah.

Ka Online Fala II (Pehnak)

Ka Online Fala kha II

By: Hniangsinpa

(Pehnak) Ka Online fala cu, amah lawng a si lo… a kiang ahcun, mipa kum upa lam pakhat  a rak um ih, a zuk ih tha ka rak tinak men cu…  a thupi bik cu a kiangih ka hmuhmi, kum upa lam cu zo ha a si ding????? Ti cu ka thin i ti bangtu bik a si. … an hnen lam cu ka hei pan vivo ih, hni siamsi le mithmai pan zet pu cingin, “A cem netnak ahcun kan hmu aw ngah maw?” tiah in ti. Kei khal cun a tongkam rul tawk fang dingin ka sawn ve… (Thu ka rel sau duhlonak san cu, a kiangih um kum upa lam cu a pasal a si ka zum ruangah ka halhsik a si bik ding).

Cafeteria lam pan cun  kan thlun aw hai ih, kan thlen lai khal ka thei lo… ka lungsung i kap tu bik cu, a sinak ngaingai theih ka duh a si bik ding… “Ka pu, nang teh ziang so na cah ding?” tiih waiter in i run ti cun, ka thir dukdi ih, “An cah vek kha a si ko” tiin ka hei sawn. Kan ei le in ding an tuah sung ahcun, ka online fala cun, “Hniangsinpa, hi hi ka pa a siih, cun ka pa… hi hi Hniangsinpa, ka lo sim theu mi kha a si” tiah theihterawknak a vun tuah cu!!! Ka lungawi, ka lam zik rori….

Ka thawpi cu ka vun suah hlunhlo ih, cutiih ka Online fala in a pa a si thu a vun sim hnu cun, Beer si maw, Whisky simaw a tul lo, keimai tawkten ka pio kawng a si bik ko…. Ka Online fala nu cun, a sentet lai ihsin a nu in a tlan hloh san thu le, a pa cu a hrangih nu  le pa a si thu sim phah ih, an ram ih Company tum, LK Corporation ih Chairman a si thu vek pawl cu in ruah rero. A tawng thawt lai fangah kan eiin cah mi cu a ra thleng ih, a hlan ih helhhawlh ruang ih thil dang khal ei thaw lo khawpih nazi tampi ka rak umnak cun, ka ril a ti rawng ciamco ih, rawl khal a thaw a si ding… Laipacang ei zat rori ka vun ei ve cu teh!!! Nuam zet ih kan kawmawk rero lai ahcun, nazi in len mi a rak hngak thiam fawn lo, kan mai umnak cio cu kan pan a tul… saing lo zet cingin kan then aw hai.

Ka room ih ka luh hnu cun, tak khawlhnak ding hrang ti hlum cu ka vun hmet ih, lawngte in ka vun ciah aw ta… Ka theh cun, Towel ka lak ih, ka tai ahcun ka hren. Sangka an run kingih, “Room Service” tiin a run au… Ka va ong ih, ka hnipuan bal le ihkhun phah pawl cu a lak ih, a thar in i thleng sak. Ka ihkhun par ahcun ka zau huahhi ih, ka lukham kiangih Phone cu a rung on… Hello ka vun tiih, khat lam ih rak kai tu cun, “ Mi na va phone duh lo ve… in hmu ngai ngai ih, online ih kan biakawk na sir deuh a bang?” tiin ka Online cun i rak ti… “ Lam lam, ka lo phu lo tukih, cunah ka lo biak ngam lo sawn a si” tiah ka hei lem ve… “Asile, na mi duh zawng ka si maw?” tiah i rak ti… Cui thusuhnak tawi le famkim, ka theih mi hmuahhmuah lakih mawi le sawn ol si, sawn har fawn si cu a um ding khin ka ruat dah lo… sawn lo ih ka um rei deuh ruangah a si ding…”Asile, ka theithiam zo.. phone ka ret din gmaw” tiah aw no fawn, hnoh fawn cun run ti lala ih…”Ai ai ret siang hrih hram aw hlah…ka lo duh tuk… ka lo duh tuk” k hei ti ve…

Khat lam ihsin aw mawi fawn, el duh khal sehla, el sian lo ding mi cun, “I duh ngai ngai a si le… tuizan ah na hnenah ka ra riak ding…” i run ti la la… ce le heu… ziang tin ha maw ka ti ding… ka el siang fawn lo… ka aw ngam fawn lo… a har a si hi…. Tong ding ka thei lo… kan khuahlan pupa in, “kiosa lak hman ih zam lo Laipacang” an ti theu mi cu, kei mai ruangah a thu ti danglam a tul pang kei tiin ka thla a phang thup fawn… ka vun aw tum ngaingai ih, ka ngam ciah fawn lo…. Ka bawp thak lo cu ka kheuh rero ih… uhm…uhm.. tiin …….

Ruat Hnik Aw

February 25

Tlawngkai Nili

Ruat Hnik Aw

Siar:

2Peter 1:16-21

A hnattuan a zahpi lotu le Pathian thutak Thuthangtha cu dikzet ih a sim fiangtu si dingah Pathian lungkimnak ngah dingin zuam aw.   – 2 Timote 2:15

Kumkhat Sung Baibal:

- Mipumsiarnak 12-14

- Marka 5:21-43

Ka rualpi pawl thawn Luka 15 sungih ngaidamtu a pa hnenah a ra kir saalmi fapa tlanhlo ih thuhla le zuk an khawlmi pawl zoh tlang ding kan tum. Famkim Siarbet

Levi Sap Nei Thang Tei Sungza Kawlram Ah

Levi Sap Nei Thang tei sungkawza cu USA ihsin kawlram ah mipi hrang ih an hnatuan sunzawm vivo ding ah 22 Febuary 2010 zanlam nazi 5 ah an thleng sal. An colh bangreh man hlan ah an sungzaten’ Yangon Childrent Hospital ih nauhak damlopawl vehnak an nei cih.

Sibawipawl le Sayamahpawl ih sizung hmanrua neihsunte in nauhak damlo ziangmaw tizat daihawklo zetih an enkawl an hmu tikah childrent hospital hrang ah US$30,000 Superintendent Dr. Aung Kyi Min hnenah an hlan. Kan dung kum 16 September 2009 khalah US$ 200,000 an rak hlu zo.

Sibawipawl cun ‘nauhak pa (10) sung ih pa (4) cu peneumonia thawn an damlo’ tin an sim. Tuitum ih sumpai an hlumi cun sizung hrangah hmanrua thatha tampi a lei thei bet ding ruangah sibawipawl an lungawi zet.

“Nauhak damlo besia tampi kan hmuh tikah kan thin nuam lo men lawng siloin an kiang ah um kan duh ringring” tin Sapte ih insangpa in a sim.

Tuisun date 24 Febuary 2010 ah Naypyidaw ah ramsung upapawl thawn ‘Chin state development’ nak ding thuhla reltlang khawmnak zinglam nazi 9:00AM ihsin zanlam nazi 8:00PM tiang an nei bet. Meeting khal tluangten’ an theh thei ih hleiah thaisun ah Yangoon lam pan in an zam kir sal ding tin thu kan dawng.

UN Palai Pawl le Kawlram Ralkap pawl Hi!

UN cun Kawlram ralkappawl in a mipi a hmuhsuamnak cu tawpter ding ah nasa zetin kan dunglam kum ihsin a zuam rero nan tuini tiang a hlawhsam hrihlai a si. Kum 2006 ihsi  UN Special envoy Ibrahim cu kawlram tuah thatnak ding thu ah vei (6) lenglo Kawlram ah  a feh nan mipi hrangah ziangpipa thathnemnak a suahpi theilo.

Tui neitabik khalah UN Palai Thomas Ojea Quintana cu kawlram ah a feh sal ih NLD hotu lubik pakhat Tin Oo thawn khal nazi pakhat lenglo thureltlangnak Yangoon ah 18 February 2010 ah an nei. NLD hotu sang Pi Suu Kyi khal tawn a tum nan ralkappawlin an sian lo.

NLD hotupawl khalin an rak tawng ih hleiah ramsung hotupawl thawn khal thurel tlawngkhawmnak an nei. Tui kum 2010 hrilawknak ding thu thawn peparaw in Thomas Ojean cun mipipawlih duhmi hruaitu hriltheinak le duhmi thusimtheinak pe hram uh tiah ralkap acozah a nawr zawk rero.

UN Palai Quintana cu kawlram ah ninga sung a cam ih a tawn duhzetmi Pi Suu Kyi a tawn theilo ruangah lungsiilo zetin a kirsal. Quintana cun ziangruang ah acozah ralkappawlin Suu Kyi in tawngter sianglo timi khal a thei lo. Ninga sung a cam sungah politice ruang ih thawngtla upa 15 lenglopawl khal thurelpinak a neihpi.

Tui kum hi ziangtik thla ciah ah Acozah ralkap in Kawlram hrilawknak sangkapi a ong ding ti zohman ih theih a silo. Rakappawl cun fel le thaten hrilawknak kan tuah ding an ti ringring ko nan a ni le thla an sim duh hrihlo. Ram sung ih mi thenkhat cun “88” kum bang in 10-10-10 ah teh an tuah tum a si pei maw ti khalin an ruat.  

Turkey Ram Cozah Phiar Thup Tum Tu An Kai

Haiti Ram Linghnin Ruangih Mithi 3.00.000 An Kim Zum

Next Page »