(Lairam) Ka Fa Le Tuni Inn In An suak

USA, Canada, Australia, Norway, Malaysia, India etc….nan rual asi mi kei Lairam in thu ka lo cah duh. Ka fahniangtepawl khal rak kai hruai cio uhla, nan duhdawtnak kutnem thawn rak (dongsong) hmuak hram uh. Inn ihsin an suak ih an hrangah an tawnmi thil ziangkim hi a thar theh lai ding. Zianghman theithiammi khal an nei lo. Umtlan daan khal an thiam lo ding. Zanfahten ka rual le pawl nafa hniangtepawl kha rak duat ve uh. Ka duhdawt ngaingai ih ka duat ngaingai. Inn ahcun kafahniang le pawl khal siangpahrang an si ko.

Asinan tu ahcun thil ziangkim hi a thlengaw theh zo. Inn leng kaiten an tum ih tual ihsin inn lam thlahnak ban an phar veten a sunglawi zet mi zirnak le a ropi zetmi pekawknak an tuah thlang ding. An tuah ding mi ah hin siatsuahawk theinak thinpit beidawngnak khal an tong ding. Riahsiat ninghang zathlaknak khal an tong tengteng ding. Hi pawl phen lawng ah hlawhthlinnak diktak a um ih dungsippawl hrang ah hlawhtlinnak lamzin a um lo. Hi leilungpi sungih cengthei ding ah Mah le Mah rinsanawk, duhdawtnak le ralthatnak neih a tul. Curuangah ka rual le pawl kafa hniang le kha an thei tul an thei lo mi tete pawl kha rak zirh hram uh.

“Minung hmuahhmuah ahhin dingthluh lairelnak a um lo. Leitlun ih nunau le mipa hmuahhmuah khal hi an dik theh lo”

Minung hmuahhmuah ahhin dingthluh lairelnak a um lo. Leitlun ih nunau le mipa hmuahhmuah khal hi an dik theh lo. Lei lungtlun ih mi ziangsiarlo (hmuhsuam) tupawl hi an mah ai upa hmaiah an meikhup in mi kephah liak theutu an si. Mi huaisen a um theih ih ral a um vekin rualpitha a um thu tla rak zirh uh. Leitlun ih mi hlawhtlingpawl hi hna danglam an tuan ruangah a si lo, an tuan daan a danglam ruangah sawn a si. 

Cabu ih sunlawizia le amakzetmi van le lei lung le a sung ih a um mi ran nung thli lak ih a zuangmi vate ni lak a um mi khuai, ti sung ih a um mi ngate, lei vak lakih a fate zetmi sihtepawl ih nungtu khawsak daan pawl theithiam ding ah ngaihven theinak le ruahtheinak ding caan tla rak pe uh.

Thu dik hman aupi le tan ngamlo tiang ih tih hrut ding a si lo. Nehnak hi kan do mi ral pawl tam le mal a si fawnlo kan tanmi sawn hi thu dik a si maw? Anetabik ih nehtu cu thudik a si ringring. Caw rual lakih sin a hrante a suaktu caw cu sepi in a deh. Lungrual nak hin thil ti thei lo a nei lo. Nunnak hmuahhmuah lakah mi hrang ih a nung tui nunnak tlukih nunnak sunglawi a um lo. Kafa le kha an mai thu bawtcatmi parah rinsanawknak nei ngam ding in rak zirh uh. Ka dik a si ti an theinak ahcun raltha zetih dodaltu le hnaihnawktupawl pah thlang ngam ding tiang in rak zirh uh.

Mi thlawsuak si ding cun ziang sakhua kan biak a si khallen kan biakmi sakhua ah hngetkhoh zetih um a tul. Ka fahniang tepawl kha an biakmi a nung Pathian kha a pakhatnak an rel ih an thlauthla panglonak ding khalah rak zirh uh. An biakmi an Pathian  in an parah tum tahmi tumpi a nei. Ka rualtha le pawl…kafa le kha, dimdawih le duatzet in rak zirh uh. Asinan a tlawnzawng le a duhzulhzawng cun rak ti pang hlah uh fung thawn naa takih thawi hnu lawngah sentlung tha a suak ih meithawn naatak ih ur hnu lawngah thir tha a suak theu a si lo maw? Kafa hniangtepawl kha zir theimi thil tha hmuahhmuah kha rak zirh uh.

Salai PP Than Zam, New Delhi

Tleunak Si Aw

January 31

Nipi Ni

Tleunak Si Aw

Siar:

Efesa 5:8-14

Hlan ahcun nannih hi khawthim sungah nan rak nung; asinan Bawipa ih minung nan si zo ruangah atu cu tleunak sungah nan um. Curuangah tleunak ih minung bangin nung uh.  – Efesa 5:8

Kumkhat sung Baibal:

?-          Suahlannak 25-26

-          Matthai 20:17-34

Ka rualpi pakhat cu thuthangca lam hnattuan a si ruangah kumtin Super Bowl lek zuam-awknak ah kai theinak caan ttha a nei. A hnattuan cu Khristian lek thiam pawl interview tuah ding le faith-based radio program hrangah National Football League ih lektu pawl interview tuah ding khi a si. Famkim Siarbet

Tthen-awknak Puanzar Dunglam

January 30

Zarhte Ni

Thhen-awknak Puanzar Dunglam

Siar:

Luka 23:39-43

Jesuh in cu pa ih hnen ahcun, “Thu ka lo kam a si: tuihsun ah keimah thawn Paradise ah na um ding,” tiah a ti.   – Luka 23:43

Kumkhat Sung Baibal:

-   Suahlannak 23-24

-   Matthai 20:1-16

Pastor le cangan thiam Erwin Lutzer in, “Tthen-awknak puanzar dunglam ih na lut hnu rei lote ah Jesuh in a lo hmuak dingih na nuam awzet ding, asilole na tuar dah lomi thinharnak nasazet na tuar ding. Ziang a va si khal le na Famkim Siarbet

Denmark Acozah In A Daan Rem

Denmark ram Acozah in  daan  remmi tampi a nei ih cu mi sungin raltlan hrangah thathnemnak um dingih a ruah mi pawl cu 2010 hnu lam ih Denmark ral tlan ih ra lut hi thlakhat ah Kr 8000 tha pek a si ding.

 2002 ih sin 2009 kar lakih ra lut pawl hi thlakhat ah 4500 lenglo pek a si thu CT palai hnen ih sin thu kan dong.

Denmark sumpai dinhmun cu Kr 470 ah USA $ 100 tluk hrawng a  si.

Famkim Siarbet

Palestinian in Isreal A Puh

Tuizan Thlabial “Full Moon Of The Year” a si

Kan dung January (15) ih nithim ding thu (http://chinlandtoday.info/2010/01/january-15-ah-ni-thim-ding/) kan CT ah fiangzetin kan rak ngan zo. Tuizan date 30 January 2010 khal van lamah thilmak danglam zet kan hmu sal lala ding a si hi! Tuizan ih full moon (thlabial) hi leitlun ih a tumbik ttum le a tletnatbik zan a si ding ruangah “Full moon of the year” a si tin zingzawitupawl in an phuang.

Thlapi tumbik zaan le engnatbik zaan a si ih “wolf moon” ti’n mirangpawl cun an ko bet.  Thusuhnak um theimi cu ziang ruangah tuizan bul thlapi a tum ce ding…ziang ah a eng naa cuang ding. Hinah (how the moon works) thlapi hi kumtin mal tete in a feh daan 1.6 inches (4 cm) a thawn theu ruangah tuizan hi a lang tumbik zaan le tleunatbik zaan a si ding. Thlapi a kauhzia peng 238,885 tluk a si ih leitlun ihsin km 384,400 tluk ih hlatnak hmun ah a um theu.

Tuizan cu a tlun ih kan nganzo bangin zan dang hnak in 14% in a tum ding ih 30% rorin a tleu a naa cuang ding ruang ah ‘full moon of the year’ a si tin Spaceweather.com pawlin an phuang. Thlabial ruangah mipi tampi cu nuamnak le damnak ah an hmang. Ahlecein, fala le tlangval hrang ahcun lungawinak caan duhnung a si. Asinan, mitampi hrang ahcun beidawnnak zaan le mah le mah thah duhnak tiang a thlen thei tin minungumdaan le hawiherdaan zohtupawl cun an sim.

Ziangvek caan ah full moon kan timi “thlabial” caan a thleng tiah cun leilungpi, ni le thlapi pawl a zawn ih an din caan ah hin thlabial zan a thleng theu. Thlabial zaan ah tidai pawl an sawp a nasa cuang ih ruangah tivakap cu a baal duh zet ti khalin an sim. Awle, thlapi thuhla sim ding tampi a um ko nan hi hmuah in sihrihsehla kan peh sal ding.

Tui zan cu kan mah le umnak ciar in thlapi kan zoh cio ding a zum um nasa. Kan CT siartu zate hnen khalah thlapi zoh nuamnak thleng hramseh! Dungthlun tupawl hnen ih a rak simmi “ka ni a nai tikah van ah thilmak nan hmu ding” tiih Jesuh tongkampawl a thleng rero thlang a si. 

Nan zaten thlapi zoh nuam,

CT Pawl

Hla Thar Suak Ding

Kan Laitlang tluan ih mikual lo emem, Lairawn sehvel khalih rel celcel, zuri lung aapawl hman ih hngilhtheilo khawpih hlasakthiam hminthang ‘BJ BJ BJ’ tiih mipi pawlih auh reromi le Mai Ngun Hlei Tial @ ANgun cun Falam le Hakha in ‘Zun Hla’ mawi zetzet an sak ih cucu a rei hlanah himi thuthang duhnungte a siartupawl hnenah Tape, CD, VCD in a thleng ding tin CT tuanvoneitupawl hnen ah thu in sim a si.

Kan Chinmi in hla tampi kan neih sinsin theinak dingah hlasakthiam le hla phuahthiampawl in mawi sin le nasa sawn ih suah an tum vivo ti thu kan theih tikah CT pawl in lungawithu kan sim hai.

BJ le ANgun khal cun ‘kan aw a suah thei sung cu kan ram le kan mipipawl zaihla thawn kan awi ding’ an ti ve ding kan zum.

A tui BJ le A Ngun ih sakmi hlapawl hi a mawi ngaingai, ‘mi thinlung a neih nasa, a hla thu le a zaihla feh daanpawl a mawi tuk’ tiin BJ rualpipawl le ANgun ih rualpipawl cun CT palai hnen ah an sim.

Hi, hla phuahtupawl cu:

• BJ
• Zunphir
• Herh Lian
• Salai Lal Hu Lian

Studio: Por

Mixing: Kyaw Zay Yah

Google Neitu Pawl Ih Thiltitheinak Zuar Tum

New York: Leitlun networking engine thatbik Goolge.com neitu pahnih Larry Page le Sergey Brin cun tui hnu kum (5) ah an Google, 1998 ih an tuahsuakmi covo (share) million (10) hrawng zuar ding an tum thu an phuang.

Atu leitlun internet “behemonth” ah Google neitu Page le Brin in thiltitheinak vote 59 an nei. Asinan an zuar ahcun 48 lawng an nei ding ih US Securities le Exchange Commission pawl hrang ahcun lungawiza ngaingai a si ding.

Atu fang an dinhmun ah Page le Brin in million 57.7 class B shares an nei ih leitlun sumdawnnak lam ih mi hlawhtlingbik ih siar an si ih voting right 59 ah 18 hnak ih tam an kut ah a um. 

Mirang in kimcang siar duh hrang: http://economictimes.indiatimes.com/infotech/internet/Google-founders-to-surrender-majority-voting-rights-in-5-yrs/articleshow/5494445.cms

DVD New Reporter Kum 13 Sung Thawng Thlak ding

Mani date 28 January ah “Democratic Voice of Burma” (DVD) reporter Ngwe Soe Lin, Norway lam tuanvoneitu cu Yangoon Wester Deistrict Court in kum (13) sung thawng tla ding ah daan a tat sak a si.

Ngwe Soe Lin (28) hi “the Electronic and Immigration Emergency Provisions Acts” ti’n mani zanlam nazi 4 ah kawlram acozah cun a kai ih Inein thawnginn ah thlak a si.

Ngwe Soe Lin, DVB video reporter hi 2008 Nargis harsa tuarpawl hrang ih a hnatuan that ruangah “Rory Peck Award” a rak ngah zo. A tu an kaih hi a veihnihnak a si.

Arualpi thenkhat cun hivek ih an kaih hi diklo an ti ih hleiah thawngtla dangpawl an hrem vekih hrem a si ding ruangah an seherh zet.

Burma Media Association (BMA) ih sim daanvek asile, kan dung kum ihsin kawlram Journalist 14 lenglo kaih an si zo.

Tlan Zuam-awknak Ih Tlan

January 29

Tlawngkai Ninga

Tlan Zuam-awknak Ih Tlan

Siar:

1 Korin. 9:19-27

Tlan zuamnak ah mi tampi an tel ttheu nain pakhat lawngin zuam man laksawng a ngah ti cu nan theih tthehmi a si. Curuangah zuamman laksawng ngah dingin tlan uh.      -1 Korin. 9:24

Kumkhat Sung Baibal:

-   Suahlannak 21-22

-   Matthai 19

Spiridon Louis cu Leitlun huap mi hminthang cu a si lo nain Greek ram ih um mi a si. 1896 kum ah Athen khua ih Olympic leh zuam-awknak thar an thawh saalnak ihsin Greek ram sungih hminthang ah a hung cang. Famkim Siarbet

Online Rualpi Paziat Na Nei…150?

London| PTI: A hmaisabik ah online rualpi paziat na nei ti’n lo sut bangsehla ziangtin I sang ding? Facebook, orkut etc. ah rualpi tampi na nei tengteng ding, cucu pheh ding rual a si lo. Net working website pawl cun rualpi tampi neih a lo siang ko. Mi thenkhat cun online rualpi thawnkhat leng an nei.

Asinan mifimthiampawl ih zingzawinak ih an hmuhsuakmi cu online rualpi thawngkhat leng khal neih a theih ko nan minung thluak cun rualpi 150 hnakih tam a cingkeng theilo lawngsiloin a be theilo tin an sim.

Online minung thlirtupawl cun mipakhat ih rualpi neih zat le biak (contact) zat an zoh sak tikah a hmin cun rualpi thawngkhat leng an nei ko nan, an biak taktakmi rualpi cu 150 hnakin a tam dahlo ti a si.

Curuangah minung thluak thawn cun online ah rualpi 150 hnakih tam neih a theihlo thu mifimthaimpawl in an hmusuak a si.

Russian Nu Goa Tikap Ah Duhlocingin Sualpi

TOI | India hmun nuam Goa tiva kapah Russian tourist kum (9) mi cu a nu thawn an to tlang lai ah a nui kiang ah hmeltheihlo tlangval pakhat in a duhlocing in a sualpi. A nu cu nam thawn thah ding ah a hringhro ih cutin a fanu cu a ihpi. 

Russia khumpinu a thinheng ih a rang theibik in a ihpitupa kai ding ah India khumpinu a fial. Hivekih buainak an tawn tikah a nu cun a rang theibikin Goa palit hmunpi ah feh in report nak a nei ko nan, palikpawl cun zianghman ah an rak ngai duhlo.

Kan dung kum ih duhlocing sualpi a tuartu pawl cu:- 

• British fala mawizet Scarlett Keeling- Feb 18, 2008
• German fala kum 14 nute Goa miniter fapa in a sualpi- Oct 8, 2008
• Russian fala kum 19 mi cu a ruang lawng hmuh a si May 8, 2009
• John Fernandes in Russia fala 25 mi sualpi- Dec 1, 2009
• Russian fala pahnih taxi sung ah sualpi an tum lala-Dec 26.

Next Page »