June Thla World Cup Ding Thu

Tui kum 2010 World Cup hi leitlun ih FIFA World Cup avei 19th nak ding a si. Leitlun pumpi bawhlungsit zuamawknak puai tiah kawh a siih South Africa ram ah a thleng ding. June 11 ihsin July 11 tiang a si ding. Africa ram ih World Cup veikhat thlennak khal a si. South Africa pawl in bawhlungsitnak ding bualrawn kau ngaingai stadium pa(5) a thar an sak ih an neihcia pa(5) pawl khalcu nasa sinsin ding ah an tuah bet.

Mawhtaw le vanzam colhnak ding an kau ter theh ih mipi thlennak ding khualinn le ei ding rawl pawl a ralring thepthep zo. An bualrawn tuahtu minung 70,000 an siih an tuan bangman sumpai hlawh pangai hnak ih tam deuh ih pek an si. Ram kip in World Cup ih tel thei ding ah an zuam cio ih kan dung 2007 ihsin team le team an rak zuamaw thawk ih himi zuamawknak ah hmun (bualrawn) 32 an hmang ih team 204 lenglo in final zuamawknak an thleng thei.

World Cup ih tel thei ding ah thehluhawknak caan cu 18 November 2009 ah a rak kim zo ih himi an rak zumawknak ah an zate kom in goal 2337 an thun ih puai 848 an lek suak. Tui kum World Cup teltu ding ram 32 cu nasa zetin an tuah awk rero laifang a si.

Nupinu in a fapa kuatfawp Ding Fial

East Tennessee nupinu pakhat cun a fapa kum 5 mite cu kuakfawp ding ah a fial. A fapa kuakfawp thiamlo cu nasa zet in kuak fawp ding ah a fial. Cutiih a fialcu thuneitupawl in an thei ih an kai. Hi nupinu hi thuneitupawl cun naunak hmuhsuam tiah an kai ih jail ah an thlak. Thu an suhnak ahcun ka nauhak lai ah kuakfawp lo ding tiih in zirh ruangah ka fapa kuakfawp ding ka zirh nak san a si tiah a sang.

(Visited 45 times, 1 visits today)

Comments

comments

One Comment

  1. Tui kum WC hi sun ah maw? an leh ke, zan ah kan ni India ram um mi pawl in ziangvek tikcu ah kan zoh thei pei, in sim thei cia uh la ka duh zet, Champion England lole Spain kan zum phawt

    cinte
    Delhi

Comments

%d bloggers like this: