Duhdawtnak Theihtertu

August 31

Tlawngkai Nikhat

Duhdawtnak Theihtertu

Siar:

John 19:1-7, 16-18

Mi a duhdawt lotu cu Pathian a thei lo;

ziangahtile Pathian cu duhdawtnak a si.   – 1John 4:8

Kumkhat Sung Baibal:

-   Saam 132-134

-   1Korin 11:17-34

Leitlun Raalpi A Veihnihnak (WWII) ih US a lut hnu 1941 kum ah Estelle in a tlangval pa Sidney kha raalkap lut lo dingin a kham ih zaangfah a dil. Asinan Sidney cu a cuih kum April thla ah raalkap training kai dingin a hmin a pe zo. Kum thum sung a fala nu hnenah duhdawtnak cakuat vei 525 rori a ngan. A fala nu in a tlangval pa cu 1945 kum March thla ah raaldonak ah a thi a si ti thu a thei.

Estelle in midang pasal run nei hmansehla Sidney a duhdawtnak cu a thinlung sungah a caam ringring. Cuih duhdawtnak cu sunloihnak pe dingin Sidney ih cakuat pawl cu kum 60 a rei hnu ah cabu in a suah.

Cuvek in kan Bawipa Pathian in a duhdawtnak kan theih ringring theinak dingin Ca Thianghlim in taan ta. “Ka duhdawt cia mi nan si ih nan parah duhdawtnak cat loin ka nei ringring ding a si,” in ti (Jeremiah 31:3).

Jesuh in, “Ka Pa ih i duhdawt vekin nannih khal ka lo duhdawt ve. Ka duhdawtnak sungah um ringring uh” in ti (Johan 15:9). Khrih in Kawhhran a duhdawt ih a nunnak tiang a pek (Efesa 5:25). Amai’ nunnak rori kha kannih pawl sualnak sung ihsin ruun suak dingah a pek (Titus 2:14). Pathian cu duhdawtnak a si (1John 4:8).

Pathian Ttongkam (Bible) siar in Jesuh Khrih in a lo duhdawtnak le nangmah  hrangah a thi ti thei aw.

Duhdawt zaangfahnak in ka lo dir,

Ka duhdawtnak cu a dik ti ka fiangter;

Cuih duhdawtnak thu siar dingah daithlang hlah,

Na hrangah ka Ttongkam sungah ngan in a um.

Pathian duhdawtnak cu ziang thaw hmanin tahtthim theih a si lo.

Van Ih Lungvar Bangin

August 30

Zarhpi Ni

Van Ih Lungvar Bangin

Siar:

Saam 8

A si, minung cu nangmah hnak ih niam deuh fangin na tuah ih

sunlawinak le upatnak cu lukhum bangin na khumter.    – Saam 8:5

Kumkhat Sung Baibal:

-   Saam 129-131

-   1 Korin 11:1-16

Arsi zoh thiam pawl in a daituk ruangah lungvar tumpi ih a cangmi arsi pakhat an tong ngah. Leilung tlunah a um dah lo dingmi cuih Cullinan lungvar cu carats 3100 a khing a rit. Leilung parih lungvar hnakin ziangtluk in a tum? A let tampi in a tum a si.

Lungvar pawl khi ton an har, an mawinak le reipi a daih ruangah an man a khung ih “Lungvar cu kumkhua daih a si” an ti ttheu. Pathian cun lungvar a uar lo, cumi hnakih a mankhung sawnmi a nei.

David in, “Milai hi ziangso a si ih na seherh ringring? Mihring takko hi ziangso a si ih a zawn na ruah? A si minung cu Nangmah hnakin niam deuh fangin na tuah ih sunlawinak le upatnak cu lukhum bangin na khumter (Saam 8:4-5) a ti.

Pathian in mankhungzet ih in retnak san cu in tlennak hi a man a khungzetmi A Fapa Jesuh Khrih ih thiisen a si ruangah a si (1Peter 1:18-19).

Pathian in mankhungzet ih in ret vekin kannih khal in Amai’ in pekmi kan minungpi pawl hi mankhungzet in ret ve ding kan si. Thlacamnak thawn Bawipa ih hmai ah rak keng hngai aw. Leilung tlun ih lungvar mankhungbik hnakin an man a khunsawn zia lo hmuh dingin Pathian hnenah dil aw.

Awh, i zirh aw ziangtluk mankhung na liam,

Misual pakhat thianter dingah;

I zirh aw, Runtu in zirh hram aw,

Thlarau pakhat ih mankhun zia in zirh aw.

Khrih sungih kan kumkhua nunnak hi

lungvar mankhungbik hnakin a man a khung sawn.

Duhdawtnak Ih Huham

August 29

Zarhte Ni

Duhdawtnak Ih Huham

Siar:

Zefaniah 3:14-20

Bawipa na Pathian cu na hnenah a um, A cahnak huham in nehnak a lo pek. Bawipa cu na parah a lung a hmui ding, A duhdawtnak ruangah nunnak thar a lo pe ding. Hla a sa dingih na parah a lung a awi ding.     –Zefaniah 3:17

Kumkhat Sung Baibal:

-   Saam 126-128

-   1 Korin 10:19-33

Young@Heart timi cu kum 80 vuakvel a simi tar hlasak thiam minung 24 pawl thathozet ih hla an sakmi zuknung a si. Hnihsuahsainak le nomnak thawn a khat ih hminsin tlak hlasak thiam pawl in New England thawnginn ih an zukmi a si. Hlasak an ttheh in mipi lakah an feh ih thawngtla pawl kut kai in an pom.

Mangbangza hih thil in profet Zefaniah i vun mangter. Caan thim sungah profet Zefaniah in Pathian cu na hnenah a um, a cahnak huham in nehnak a lo pek. Bawipa cu na parah a lung a hmui ding. A duhdawtnak ruangah nunnak thar a lo pe ding. Hla a sa dingih na parah a lung a awi ding,” (Zefaniah 3:17) a ti.

Henrietta Mears cun, “Zefaniah hi ninghannak thawn a thok na’n hlasaknak in a cem. A hmaisalam ahcun riahsiatnak thawn a khat na’n a net tikah Thukam Hlun ih a thlumbikmi duhdawtnak hla thawn a net,” a ti.

Pathian ih duhdawtnak cu mangbangza a si. Kan nunnak ih a thimbikmi caan ah Bawipa cu kan hnenah lungawinak, duhdawtnak le hla thawn a ra.

Riahsiatnak in na thinlung a khat caan ah,

Beidong in na um tikah;

Pathian lam ah hoi aw, lungawinak a lo pe ding,

A duhdawtnak le a kilvennak na tep ahcun.

Pathian duhdawtnak parduum sungah “forget me not” pangpar na si.

Beidongmi Tuu

August 28

Tlawngkai Ninga

Beidongmi Tuu

Siar:

Saam 23

Ka thazaang a tlungter saal ih, i tiamcia vekin lamzin ding ah i hruai. –Saam 23:3

Kumkhat Sung Baibal:

-   Saam 123-125

-   1 Korin 10:1-18

A cabu “A Shepherd Looks at Psalm 23” timi sungah Philip Keler in tuukhal pa in a tuu pawl a kilkhawi daan le a nunneem daan thu a ngan. “Ka thazaang a tlungter saal,” (c.3) ti’n David in tuukhal pawl ih theih olzetmi ttong a hmang.

Tuu pawl khi an sir in an tluk ih an thal tikah an hrangah thawh saal a harzet. An ke an thlir ih an zaphah in an ai rero men. Nazi malte sungah an pum sungah thli a khat, an pum a hak, thaw thawt ding nei nawn loin netabik ahcun an thaw a pit. Cumi cu beidongza taktak dinhmun a langtermi a si.

Tuukhal in cuvek tuu cu a tha a tlungter saal: a thiisen tthate’n feh saal dingin a hmet sak, a ke in nuamte’n a tho, a dingter, tluk lo dingin a kai.

Tuukhal pa in a tuah daan vekin Pathian in kan parah tuahsak in duh ve ti langternak zuk a si. Sualmawhnak, riahsiatnak, le ziarneihnak ruangah kan rilbah ih linglet in kan um. Asinain in duhdawttu kan Tuukhal Pa in tuukhal pa vekin a zaangfahnak thawn in tho ih kan thlarau thazaang a tlung saal tiang in kai.

Ziangvek thuhla ruangih na tluk khal asile na ke parah ding saal dingin a lo bawmtu cu Pathian lawng a si. Amah in na lungawinak, na cahnak le na hnangamnak a tthater saal ding.

Kan tuukhal cu ka harsatnak le thang in kammi zate a thei,

Cuvek caan ah kan hnenah a um;

A liang in ka phurhrit in sawng,

A si, Bawipa cu kumkhua in ka tuukhal a si ringring ding.

Mi ttawnttai le bawmtu nei lo pawl cu tuukhal ttha in a kil hleice.

Peru Leh Bolivia Ram Hnam Dan Hnipuan Cuh Aw

Taiwan Ram Ah Dalai Lama A Tlawng Ding 

Peru Leh Bolivia Ram  Hnam Dan Hnipuan Cuh Aw 

Tuithla ni 24 zanih leitlun fala mawi Miss Universe hril nakih Peru Miss,  Karen Schwarz ih hnam cei awknak hnipuan a hruh mi ruangah Bolivia leh Peru karlak ah hmuh thiam awklo nak a suakih, Bolivia Culture Minister, Poblo Groux cun  Miss Peru, Karen  Schwarz in Miss Universe hril nakih hnamdan hnipuan a hruh micu Bolivia ramih hnamlam Diablada lamnak ih kan hman mi a siih, ramdangin an neivelo ih Peru Miss in a rakhruh ve cu pawi a tithu a sim,. Cu ruangah a lungawi lo nak thu International Court Of Justice ih thlen a tumthu a sim. Himi thu ah Bolivia ram thu neitu pawlkhalin Miss Universe thu neitu pawlih hnen ah theihter nak an thlen zo ih, Peru Miss , Karen Schwarz in a hruhmi hnipuan cu Bolivia miphun pawlih hnamlam nakih an hman ?heu mi a si tiah  ABI News Agency cun a sim.

US Leh Russia Karlak Politics 

Suu Kyi inn luttu Yettaw in a thuhla CNN sim

Aung San Suu Kyi inn ih sawm lo piih mahte va lut tu U.S mi Yettaw cu a umnak inn ah him dam tein a um zo. Asinan amah ruangih daan pahbal puh mi Suu Kyi cu a inn sung ah khuahkhirh nak pek bet a si. ( Zuk : Suu Kyi an kaih hnu)
 
US ralkap rak ttuan dahzo Yettaw cun Suu Kyi inn sawm lo piih amahte a va luhnak san bik cu misual tululh(terrorist) pawl in Suu Kyi an that ding vek ih amah te a ruah raungah a si.
 
Yettaw hin Suu Kyi inn a luh ih a thil cangmi pawl cu CNN palai Kiran Chetry thawn kawmaw in CNN ah phuannak a nei.
 
‘Ka hmuh veten aihal zet in a um ih a lehlamah a ttih zet ti cu ka fiang. Cui caan khal cu cansung lawi zet a si, thuhla zate lo sim cu a cang thei lo dingih simlo dingih kilkhawi ding tampi ka nei. A mah hnenah khal hi thu pawl hi nangmah zah lo nak thawn ziangtik hman ah ka simsuak lo ding ka ti.  ka fehsual hlan te ah… Ka lo duhdawt, Ka lo duhdawt, ka lo duhdawt, ka lo ngaisang, ka lo ngaisang, ka lo ngai, ka lo ngai, ka lo ngai cutin a inn kulhnak ti cu ka leuh  sal, a thuhla rel asi tiang ih ka hmuh ne tabik sal caan cu a si. An kai ti ka theih cu ka riah sia in nitin ka tap a pawi ka ti tuk..’ (Zuk : Yettaw an kaih lai)
 
Yettaw hin Suu Kyi an rak kai ve cu ka mangin ti bang a si a ti. U.S. Senator Jim Webb ih Kawlram hotu upa pawl a biak nak ruang Yettaw hi a thawng inn tannak ihsin suah a siih, tu ah cun a umnak hmun Missouri ah him dam ten a um. (zuk : Yettaw a tlun lai)

(CNN ih a thusim mi lawrkhawm ih lehmi a si)

Hmul Vekih Zaang

August 27

Tlawngkai Nili

Hmul Vekih Zaang

Siar:

2 Samuel 6:12-23

Lungawinak cu sii tthazet a si. –Thufim 17:22

Kumkhat Sung Baibal:

-   Saam 120-122

-   1 Korin 9

Khristian pawl hi a caancaan ah kan mit-hmai neihnak kan fingkhawi tthatuk ruangah lungawi loin kan um ttheu. Lungawinak le hnihnak in petu Pathian thawn kan pehzom awk ruangah lungawi loih um cu lungput dik lo a si.

Nuamzet ih nun cu a ttha ih innsaang tinte in danglam cio in an langter. Ka lungawi zetmi cu kan innsang hi lungawinak le hnihnak ih a khatmi innsang a si. Kan inn sungsang cu pianpi-tthatnak, rinsan awknak, lungawinak le awn celcel ih hnihnak thawn a khat. Hnihnak cu Pathian ih tthatnak laksawng a si ih harnak caan khawthim sung hman ah in nuamtertu a si. Bawipa ih lungawinak in pekmi cu kan cahnak a si (Nehemiah 8:10).

David siangphahrang in Obed-Edom ih a inn ihsin Jerusalem ah Thukham kuang a thiar tikah a cahnak zate thawn Bawipa hmai ah a laam (2Samuel 6:14). Lungawinak langtertu Hebru ttongfang cu “na ke dil saih aw” ti a si. Curuangah caang 16 nak ah “David cu a dawp ih a khir” ti’n a ngan. A nupi Mikhal in David cuti’n a laam cu a siangphahrang sinak thawn a mil aw lo, ningzakza a si ti’n a ruat. Hmanseh David cun, “Bawipa sunloihnak ahcun ka laam rero ko dingih mualpho sinsin khal ka si ding,” (c. 22) a ti. A thlarau a lung a awi ih ar-hmul vek ih zaang in a thei aw.

Hni dingin caan laak aw (Thusimtu 3:4).

Llungawinak thinlung cu sii ttha vek a si,

Na riahsiatnak a rehter ih lungawinak a lo pe;

Curuangah au awla na thlarau van ah khir ciamco seh,

Zianghman rawi lomi lungawinak dik cu na taa a si.

Hnihnak cu Mit-hmai man neitertu a si.

Edward Kennedy A Thi

26th August, 2009 

Edward Kennedy A Thi 

US Politics ih mi langsar leh hminthang John F Kennedy ih unau Edward Kennedy kum 77 micu  thluak cancer natnak in a thi. Massachusetta State insi Senator ih hril tlin mi Edward Kennedy hi President, Obama ?anzet tu a siih, kum 1962 ih a u naupa John F Kennedy in President a cuh ruangah a umnak Senator hmun a suahsan ih cumi hmunlawng luah dingih an hril mi a si. cumi hnu ah Edward Kennedy hi Senator ah ?um 7 hril tlin bet a si. 

Edward Kennedy hi kum 50 sung US ih Politician leh thilti thei mi ropi a siih, a hna?uan mipawl cu US ram thuanthu ah a caam ringring ding a si tiah BBC Correspondent, Richard Lister cun a sim. US Majority hruaitu Hanry Reid khalin  Kennedy sungkaw hrang leh US rorel nak Inn hrang ah  Edward Kennedy a thih cu a pawizet a si a ti. 

Edward Kennedy te hi Unau 4 an siih, Edward Kennedy lawnghi taksa damlo nak ruangih thi a si, ih a u nau dang pawlcu thihsia ih thi an si, an u nau lakih Josepth Kennedy cu leitlun ralpi voi 2 nakah Vanzam in a tla that ih, President hlun John F kennedy leh  Robert F Kennedy cu misual ih thah mi an si. 

Isreal PM Leh US Ram Ai Awh Tu Be Aw Ding 

Israel leh Palestinian  karlakih rualrem awknak a um theinak ding thu rel dingin  Isreal Prime Minister, Benjamin Natanyahu leh US ram ai awhtu George Mitcheel cu tuisun ah London khawpi ah an be aw ding. US hin Middle East ih rualrem awknak a um thei nakdingah  Palestinian pawl hrangih ram hrante tuahsak  dingin leh  Palestinian  pawlin an khawpi vekih an ruah vemi East Jerusalem ih Isreal pawlin Inn leh lo an din bet rero laimi cu bansan dingin US cun Isreal cu a rak nawr rero zo ih, Asi nan Isreal Prime MInister, Benjamin  Natanyahu cun  US ih nawrnak cu a pawm theilo thu leh  Palestinian pawlin East Jerusalem an maite vekih an ruah cu a diklo a ti thu a rak simzo. 

Himi thu an rel hnu khal ah Isreal cu East Jerusalem ih Inn leh lo a din rero mipawl cu a bansan cuanglo ih, tu khalah a sak bet rero lai ruangah, Palestinian hotu pawlkhal in  Isreal in a Inn sakmi pawl a bansan duh cuanglo ah cun  Isreal thawi rualrem awknak hawlih biakawk nak neih in umzia a nei cuanglo tiah biakawk nak tuah an duh lo a si. Cu ruangah himi thu rel dingin tuisun ah Isreal Prime Minister, Benjamin Natanyahu leh US Ram ai awhtu George Michell cu London ah an be awding a si.  

South Korea Leh North Korea 

Relzo vekin a liamcia kum 50 ihsi ram rak ?henawk ruangih sungkhat khal ?hen aw cih thluh sungkhat hmu aw thei saldingih biakawk nak neiding North Korea leh South Korea biakawk nak neiding in South Korea ram ai awh tu pawlcun tuisun ah North Korea ramih  Mount Kumgang cu an panih. South Korea ram ai awh tu pawlhi Kim Yong Chol in a ho a si. 

Tui an biakawk nakhi ni 3 sung a awh dingih an thurel dingmi thupi pawl kalah  kum tamzet sungkhat hmu awtheilo pawl hmuh awk theinak ding lamzin hawl hi an thupi pakhatih an rel tlang ding mi a si tiah South Korea ram aiawh hotu Kim Yong Chol cun a simih an tumtah vekih an be aw thei a sile, ram 2 ih sungkua minung1,00,000 hrawngcu tuikum October thla hrawngah hmuh awk ter thei an beisei thu khal an sim. kum 2008 hlanih an ram 2 boruak a siat tukhlan ah khan sungkua 16,000 hrawngcu an rak hmu awtheizo.  

Afghanistan Bomb Puak 

Tuizingah Afghanistan ram khawpi pakhat Kandahar ah Bomb a puakih minung 40 an thiih, Midang 60 lenglo in hriamhma an tuar. Hi bomb hi Car 5 sungih si ti puakmi a si ih ziang pawl hmanin an puahthu an simlo nan Afghanistan ram hotu pawlcun Taliban pawlih puahmi a si an zumthu an sim. Hi Bomb puakin a kiangkap ih Inn leh mawtaw tamzet a tisiat ih hriamhma tuar lakih tamsawn cu Bomb puak natuk in a tlir ciim mi Inn ih nen mi pawl an si.  

Mother Teresa Ih Suah Ni Lawm 

Mi rethei leh zawnzai bawmtu mi ropi Mother Teresa ih suahni campha  voi 99 nakcu tuisun ah leitlun ram hmun tampi ah an lawmih, a thihnak hmun India ram Kolkata khawpi ih a Inn ah a mah ngaisang tu mipi tamzet cun thlacam nakthawn tikcu an hmang a si. 

Mother Teresa hi  Albania ramih Akopje ah kum 1910 ah khan a suakih 1927 ah khan mi rethei zawnzai bawm dingin India ram Kolkata khawpi an a lutih, kum 1950 ah khan mi rethei bawmtu pawl ropi zet Missionary Of Charity a dinih,a thih ni tiang India ram kolkata khawpi ah a um a si. 

Mother Teresa hin kum 1979 ah khan cawimawi nak sang  Nobel Peace Prize a dawngih a thih kum 1997 ihsi kum 6 hnu ah  mi thianghlim puanmi lakah a tel tiah Pope cun Vatican ah a puang.  

Honduras Ram Hril Aw Ding 

Honduras ram President, Manuel Zuleya tuikum June ni 28 ih an hlawnthlak hnuih an ram Preident ?uan sungtu Roberto Micheletti cun an rampi hrilawk nak dingcu tuikum November thla ah a si ding tiah a puangih, Hi an ram hrilawk nakih hriltlin micu ramdang pawlin an pawmpi lo khalle Honduras ram hruaitu a si ding a ti. 

Tuikum  June ni 28 ih an President, Manuel Zuleya an hlawnthlak ihsin ramdangih tlan dingin thu an pe cihih, himi hnu ah  Roberto Micheletti in President tohkham a runluah ih ramdang pawlin President, Manuel Zuleya cu President hna?uansal dingin an nawr rero nan  Roberto MIcheletti leh a lam ?ang pawlin rem an ti nawnlo a si. 

Himi thu ah Organisation Of American States  rampawlih Foreign MInister pawlkhal Hoduras ramah fehin an ram hotu pawl an tong rero nan an hlawhsam. Roberto Micheletti cun ramdang pawlih  Manuel Zulaya President ih retsal dingih an nawr nakcu a pawn theilo thu a simih, Ralkap cahnak hmangih an retsal a silo ah cun biakawk nakih  an ramih Manuel Zuleya lal tersal a tumlo thu a sim. 

Taliban Hotu A Thi Fiang 

Pakistan ih Taliban hotu Baitullah Mehsud cu US raldo nak Vanzam Pilot umlo ih MIssile kahmi ah a thi fiang a si tiah an pawl hruaitu ih an hril tlinthar mi  Hakimullah Mehsud leh an pawl hotu pawimawh langsar Wali-ur- Rehman cun an puang. Baitullah Mehsud hi US raldo nak Vanzam Pilot umlo Drone in Missile ih a kahnak ah an umnak hmunpi Waziristan hmun ah a nupi leh  a mah kiltu minung 7 thawn US Missile in a kapthat a si tiah an sim. 

Himi laiah Pakistan Interior Minister, Rehman Malik cun Taliban pawlin an hruaitu dingih Hakimullah Mehsud an hril cu thu rin um taktak a silo ih, an hotu bik Baitullah Mehsud a thih hnu ah a ai awh tuding  hotu dinhmun cuh awknak ah buainak nasa zet a umih cumi an thu buai thuh tumnak men a si a ti,

Next Page »