Chinmi In Umnak Hmun Kan Nei Lo…Hnawlmi Kan Si

By – Uk Lian

India ram ih nitin thuthangca thabik “Time of India” cun Mizoram CM Pu Lalthanhawla ih tongmi a ngai pawimawh nasa. India hotu pawl water seminar an neihnak hmun ahcun Pu Lalthanawla cun “Mi ram in Indiami nautatnak le hmuhsuamnak an nei tin dem ding kan si lo. Kan mah India ram hi thleidaanawknak ram a si”a ti.

Asim vivo nak ahcun ka vahsuah caan khalah mi tampi in India mi na si maw…Nepal ram ihsin ra mi na si maw ti tiangin thusuhnak in nei…India ram sungih northeast mi pawl in hngilh ttheh maw si ke…ziangah India mi ( an mah ) bangin in pawm thei lo tiih a relmi cu mi tampi in an ngai pawimawh zet a si.  

Kan ni Tribal/northeast mi pawl hi ziang ruangah mi nautat le mi ziangsiar lo ih kan um deuh theu timi in ruatsuak ter. Kanmah lak ahcun ropi le tawk zet in kan um ko nan ziang ruangah miphun pi dang, leitlun ih kan tlanlenpi mi pawl in an mah bangin in zoh lo, in ruat thei dah lo a si pei…US fala tlangval pawl cun “we are the world” an ti aw mai. Kan ni khal in “we are the world” kan ti aw theu men ding nan kan kiangkap miphun dang pawl in an mah vek rori in, in pawm ve maw timi kan theihfiang a tul in ka thei.

Hnam hnufual kan si ruangah hmuhsuam hlawh in kan ruat aw lai maw…? In ruahnak hnak in kan mah in nau le ziangsi loin kan ruat aw sawn pang maw…Kawlram kan ram/ Chinram kan ti nak ram khalah duhduh ih nautat le hmuhsuam kan hlawh. Ram nei lo kan va bang ve! Kan ram kan ti…kan inn kan ti asinan ziangah kan ram le kan inn umnak mipi hman in anmah bang le an khawpi milesa bangin in pawm lo…In nautatnak le a ram sungmi bang ih in ruah lo nak hi ziang ruangbik ah a si…

Leitlun ah kan tawk zet ko tiih a ruat aw tu kan si lo maw…ziangah kan ram Myanmar (Kawl pawl ih Kawlram) timi kan ram (Chin ram ah) calhngal tak in kan khawsa thei lo…ziangah tuini tiang nautat le miphunpi sinakin in hnawl rero lai….?

Leitlun ah Chinmi/Laimi vial um khal sehla kan tthathiam tuk ding tiih a ruat aw ngam vetu kan ni Laimi pawl hi ziangah miphun dang ih hnawl rero men ding ah kan um. Mi in in theithiamlo, mi’n in ruat sual pang maw a si…asilole kan mah sawn hnawl ding in kan khawsa sawn a si kan ti ding maw….Leitlun ah laihri phumnak hmun a neivetu, Minung sinak diktak a neivetu kan ni Chinmi pawl hnawl le nautat kan tuar reromi hi kanmah lam thiamlonak ruangah a sinak zawn khal a um ding ka zum. In nautat lo caan khalah kanmah in teh thinlung nau cia in kan ret aw pang maw…asilole ziangah cuti minungpi sinak le ram khat mipi sinak ihsi cohlan duhlo kan si…

Kawlram ih a um Chinmi pawl in ziangtluk nautat kan tuar timi kan thei. Kanmah/ kan Mizo pi kan u le nau (Mizo mi pawl) khal India hnam dang pawl in an thliar hrang sin lai a si. Khua-nu in vakvai le mi hnawl ding rero ah in rak remruahsak maw si tin thu ka ruat…in siangce ding si lo…

Mi thenkhat pei cun kan ni hnam nepnawi pawl hi leitlun minung sinak ihsin hlawnhlo in duh men ding ah ka ruat. Ziangruang bikah vakvai le hnawl rero kan si timi hi siartu pawl hrang ih ka thusuhnak thupibik a si.

Kan u nau Piang Khaw Lian in “Chin the savior of Burma” timi a rak ngan dah. Kan khua le kan ram hrangih nunnak tiang a liam ngamtu… ‘Kan mah kan ram’ a ti aw rerotu kan ni hi, kan ram mipi u le nau pawl in ziangah an ram mipi si tho si in, in nautat ih an mah hnak ih hnuai deuh ah in ret lawng hman siloin in hnawl ringring nak san….?

Ram kan nei maw…suahnak hmun le ram teh kan nei maw…kan nei kan ti ah teh kan ram mipi in, in pawm taktak maw….Kan lo in an thathiam maw…Asile ram nei lo bangin khaw za kip ah kan tawi men ding maw…?

Leitlun ah kan ni Chinmi pawl hi nu le pa nei lo bangin milian inn ah ret pitling men kan si lo. Kan ram mipi lala in, in hua in in nautat a va si hman ah, in hnawl a va si hman ah a ram neitu le tlentu kan si. Ram hrang ih thisen burtu kan si ve, (We are the owner of our Country) kan ti aw thei ve a si.

In nautat ih in hnawl rero lai ah lan thei dingin tuah suak theimi tampi kan nei. Siangpahrang si ding cun hnen um sinak a thlen hmaisak a tul kan ti theu kha. We shall overcome some days…nikhat ni ni ah nehnak kan co ding a si.

Britney Lawng Siloin Paris Hilton & Christiano Ronaldo Khal An Buai Ve

Kan dung zarh hrawng ih rel celcel mi cu Paris Hilton le bawhlungsit thiam Christiano Ronaldo an si.

Ronaldocu bawhlungsit thiam a sivekin mi thinlung a neh thei zet. Culawng siloin Tlangval tawk zet a si ruangah mi langsar deuhdeuh pawl khal in an duh zet. Paris le Ronaldo duhdawttu tampi cun an huat awk lo thu an thei nasa.

Relsetu thenkhat pawl cun Ronaldo le Paris hi mawtaw sung khalah an hnam aw ih nuamnak phunphun an hmang tlang titiang in thuthangca khalah an suah ko nan Paris Hilton cun an karlak ah zianghman duhdawtnak thli hrang a um lo thu le thu lenglawng men a si thu a sim sal. Asinan mi tampi cun an zum duh cuang lo.

Culai lakah Britney Spears veihnih vanduainak a tawn hnu khalah pasal dang neih a tum thotho thu a mah a ngainatu pawl hnen ihsin simsin thu dawn a si.

Britney cun a agent Jason Trawick a huat lo thu mipi tampi in an theih hnu ah thit a tum taktak tin thuthangca cun a sim.

Kan dung 2004 ah Jason Allen Alexander thawn an nei aw; cumi theh ah Kevin Federline 2006 ahkhan an nei aw ih fa pahnih an nei.

Asinan remawklonak ruangah an then aw sal. Tu ahcun Britney in pasal lo ih um a har zia a thei ih zan tin a lunglen thu pawl thuthangca latu pawl hnenah a sim.

A rei hlanah a mah duhdawt zet tu Jason thawi ihkhun pakhat tlun ah nuam zet in an khawsat  tlang ding a zum um.

Michael Jackson Ih Taksa Siat Tam

British thuthangca pakhat The Sun in a tarlang nakah Michael Jackson ih ruang zohfel ,tu pawlcun  a pumsungah  sii tilo cu rawllam zianghman a umlo thu an sim tiah a tarlang. Michael Jackson ih pumsungah hin  natsawk nak cak zet pawl tilo tile rawllam  zianghman a umlo ih a sam khal a tla kolh thluh ih a taksa khal a dup tamzetih a lung kiangte ah tthim ih dawhnak neh hmun 4 a umih, zianghman theilo ih a tluk laiah a nunnak runsuak tumih namtu pawlin a hnakruh khal an namkiat tiah an tarlang.

Famkim Siarbet

British Leh Iran Ngaih Aw Lo

Iran ram Tehran khawpi ih British Embassy ih hnatuan Iran ram minung 9 cu  Iran Cozah in a kaiih  cumi pawl sungah minung 5 cu a suahsal zothu leh minung 4 an hrenlai thu Iran Foreign Ministry thupuangtu Hassan Ghashghavi cun a sim. Hi minung pawl Iran Cozah in a kaih naksan cu tui ttum Iran President hril awknakih Result pawl duhlo Opposition  pawlih buainak tuahn miah hi pawlhi a tawlrel forhfial tu bik leh mi tawtawk tu bikih ruah mi an si ruangah a si. Famkim Siarbet

President, Manuel Zelaya An Kai

Honduras ram President, Manuel Zelaya cu  an ram danpi dinglaimi tuahthat tum ruangah leh a lal sung kum 4 ih tirei bet tum ruangah  Ralkap pawlin an kaiih, Costa Rice ah an kuat. Famkim Siarbet

Pakistan Ralkap 12 Kap That

Mizan ah Pakistan ram  North Waziristan ih Wachabibi khaw kiangah Taliban tapung pawlin  Pakistan ralkap pawl ,an Ambush ih  Pakistan ralkap 12 an thiih Ralkap dang 10 in hriamhma an tuar. Famkim Siarbet

Palestinian Pawlih Din Hmun Harsa

International Committee of Red Cross in a tarlang nakah Gaza ih um Palestinian  minung  Million 1 leh 5,00,000 pawlcu  Israel Cozah in lamzin phunphun ih a hrem ruangah tui an dinhmun cu Thawng Inn kaupi sungih khuahkhirh mivek an si tiah a tarlang. Israel in Gaza a kahnak cu thla 6 lai a liamzo nan tutiang khalah Gaza ih Palestinian pawlcu thinlung hna ngam ten an um thei cuanglo tiah a tarlangbet. Famkim Siarbet

Hawl Ih Ruun

 

 

June 30 

Tlawngkai Nihnih

 

Hawl Ih Ruun

 

Siar:

Luka 19:1-10

 

Mi Fapa cu a hlo mi hawl ding le rundam dingah a ra,” tiah a ti.  -Luka 19:10

 

Kumkhat Sung Baibal:

-   Job 17-19

-   Tirhthlah 10:1-23

 

Zarhtin ziktein a hlo mi hawl ih runnak thuthang kan hmu ttheu. Innsaang picnic an fehnak ah a vaak ih a hlomi nauhak thu, ke ih tlangpar kaitu tlang parah a taangmi thu, linghnin ruangih inn cimmi tangah a taangmi thuthang an si ttheu. Ziangvek harsatnak thu khal ah sisehla hawlmi le ruunsuakmi pawl in anmahte an bawm aw thei lo ruangah hawltu le ruuntu pawl parah hngilh thei lomi lungawinak an nei ttheu.

 

Luka 19:1-10 sungih a ummi Zakia ih thu hi hawl le ruunnak thu a si. Hmaibih zohnak ahcun tonnak pangih cangmi thu a bang. Jesuh cu Jericho in a feh lai ah siahkhongtu milain pa in cuih mangbangza tuahtu zirhtu pa hmu thei dingah thingkung parah a kai. Himi thu a cemnak ah Luka in Jesuh in Zakia hnenih a simmi a langter hrim. Jesuh in a hnenah, “Tuih sun ah hi pa ih inn ah rundamnak a thleng zo, ziangahtile himi pa khal hi Abraham ih tefasin a si ve. Mi Fapa cu a hlo mi hawl ding le ruun dingah a ra,” tiah a ti (cc. 9-10).

 

Jesuh in leilung tlun ah hawl le ruunnak hnattuannak cu a nunnak, thihnak le thawhsaalnak in hram a thok. Tuih sun khal ah Thlarau Thianghlim huham in a pehzom ih, a hlomi pawl tlunah duhdawtnak nei dingin a zaangfahnak in kan tel venak ding in sawm.

 

Thuthangttha an theih lo ahcun,

Mi in Jesuh an zum thei lo;

Cuhrangah A Thu than a ttul,

Leitlun – a hlat le nai ah.

 

Sualnak ihsin ruunmi pawl in sualnak sung um pawl an run theibik.

Next Page »