Zuar Ding: Nunnak Pakhat

 

 

May 31 

Nipi Ni

 

Zuar Ding:  Nunnak Pakhat

 

Siar:

Matthai 16:24-28

 

Mi pakhat in leilung pumpuluk co khal sehla a nunnak a hloh ahcun ziang  tthathnemnak so a um?     -Matthai 16:26

 

Kumkhat Sung Baibal:

-   2Sansiarnak 13-14

-   Johan 12:1-26

 

Goethe ih Dr. Faustus timi cabu ah Faust in mi pakhat ih nunnak thlarau cu khuavang hnenah a zuar timi thuanthu a um ih ruah harzetmi thu a si. Medieval Ages timi santhim caanlai ahcun hi vek thil hi tampi a rak um ngaingai.

           

Wired Magazine in kum 29 a simi Phunsang Tlawng ih cazirhtu in a thi thei lomi a nunnak thlarau cu US $ 1,325 in a zuar, tiah a ngan. Amah cun, “America sungah na thlarau cu tinakmen in siseh, a atak in siseh zuar in lawmman na co thei” tiah a sim. Mi pakhat in a mangbangzetmi cu a leitu in ziangtin so nunnak thlarau cu a khawl thei ding? ti hi a si.

           

Kan nunnak thlarau cu kan zuar thei lo, asinan thil pakhatkhat ngah dingah kan thlarau kan hlohter thei.  Jesuh in, “Mi pakhat in leilung pumpuluk co khal sehla a nunnak a hloh ahcun ziang tthathnemnak so a um? Zianghman a tthahnem lo! A nunnak kha zianghman in a lei thei saal nawn lo ding” a ti (Matt. 16:26). Leilung, tisa duhnak le khawsia thu ih kan thuleh daan hi Jesuh sanlai thawn cu a dang-aw ding. Mi tampi cu tisa duhnak in kan nunnak in kai ih nunnomnak, hlawhtlinnak, phuleisamnak pawl cu kumkhua nunnak hnakin an thupiter sawn. 

           

Hih leitlun ah Pathian ih in duhdawtnak le in ngaidamnak thawn tahtthim tlak thil zianghman a um lo. Leitlun nomnak in Jesuh Khrih rinsan lo dingin a lo dawnkham ahcun zaangfah te’n ruat saal aw. Na kumkhua nunnak thawn tahtthim ahcun cuih thil cu a man lotuk.

 

Maw ka nunnak lungawi aw,

Na leibak cu pek a si zo;

Kan sualnak hmuahhmuah cu Khrih in a phur,

Rundam kan si zo, thiamcoter kan si zo;

Curuangah Runtu a thi.

 

Thlarau tihaal riamter theitu cerhti nung cu Jesuh lawng a si.

Cherry Na Mang Lai Maw? UMangte Cun A Hngilh Theilo So Khaw

 

Cherry na mang lai maw? “Ka lo duhdawt” ka lo ti ih, hni phah te i zoh lai caan kha. Na na hni ih ka lungawi tuk kha. Asinan vei hnihnak ahcun na mithmai a nuam nawnlo. A vei thumnak ‘ka lo duhdawt’ ka ti ahcun na thin nuam nawnlo in, in zoh. “U Mangte nang lo bang in, cuvek lamlam in suh, nau le zoh in in zoh ah ka rak ruat theu men si. In ngaithiam aw, na thin nuam lo zet ding nan kei cu duhdawtmi dang ka nei in ti lai ah ziangtin ka um ding i zum?

Leitlun ah mualphobik le vansebik in ka ruat aw. Ka ruahnak zaten a cem in ka thei aw. Ka hrangah thil ziangkim hi a cem theh in ka thei. Asinan ka kiang ah ka lungphan sianglo in na ding ziarzi ka lo hmu. Ka kiang ih na um sung ahcun ka leitlun “paradise” a cem lo tin “feh aw, thin nuam lo in um hlah, khua ka rak tlai deuh ngai si. Ka lo uarnak cu a rei tuk zo nan, cuvek ih duhmi dang na nei ding ti ka rak zumlo ruangah a si tuini tiang ka lo duhdawt ti ka lo sim lo nak” ti ih ka lo sim lai ahkhan ka thinlung sung ih “iceberg” a ti ral rero.

Ka mang ringring, “U Mangte, thinhar in um hlah aw. Mi thate na si ih na duhmi na tawng tuk lai ding. Nangvek mifel cun fala thatha na tawng ding. Kei cu ka sinak hi zianghman lo a si ruangah a si pasal neih ka ti lohli nak. A si, na thin naa zet ding. Kan rak thei aw tlai deuh si. Ka milai pa thawn le ziangkim kan rel feh theh zo fawn si. A tuar zia na thiam pei cu!

Asinan U Mangte zangfah ka lo dil duhmi cu hivek ih ka tong ruangah le hivek ih na dinhmun a thlen ruangah biak lo in, in um san siang hlah aw. Na hrang thla ka cam ve ding. Kan rualpitha sinak a hlo thei dahlo ding. Ka lo seherh tuk cia. Cun ziang maw ti vekih kan neih awk ni tivek khal ah rualpi tha kan si fawn si; aipuangte ih na lang ding ka duh so khaw, cu cu zangfah ka lo dil rori a si.

U Mangte ka lo rinsan ringring kha, ka lo upat ka lo ti theu kha. Ka lo upatnak le ka lo rinsannak cu pasal ka neih ruangah a hlo cuang lo ding. Ka hrangah na kel ringring ding khal ka zum. Nu nau pakhat men ka si ih ka hmailam caan saupi ah ziang ka cang ding ti ka thei fawn lo. Pasal neih hi ka hrang thil tha in ka thei. Curuangah ka hrangah rualpi tha taktak na si ringring ding ka duh a si.

UMangte na tap maw…? In zoh hnih aw…na lu tung hnik aw…

UMangte ziangah kha tin na um…mi pa na si lo maw…..

UMangte ka tong na thei maw…hitin um hlah aw, ka thin a nuam lo so khaw…

Maw!….U Mangte, ka lo sim ding na hrang ah leitlun a cem hrihlo so khaw….

Keimah ai ih mi mawi mawi le mi thatha an ra suak lai ding…cui caan ahcun kei vek men tla cu a man hman i mang nawnlo ding so khaw. Tui caan ahcun tuar  har zet bang in na ruat aw ding nan a rei vivo ding ih in hngilh mai ding so khaw. Kan mah pahnih hlan ah mi tamp in hivek hi an rak tuar ko so khaw. Si ko lo maw…?

U Mangte ziangmi bik na ruat ih hi tin na um…ka thi ding le si fawn lo…in duhsak lo maw…Ka sinak na thei ve theh ko ual. Nu le pa thate ka nei fawn lo. Ka u le nau in in zoh tha thei fawnlo ahcun ziangmi hril ding ka nei. Pasal neih hi ka hrang ih thil tha bik a si tin in ruahpi ve lo maw? Hi tluk ka lo rinsan. Ka thuthup tiang ka lo sim. In duhsak lo maw…maw?

Maw! U Mangte ziang ah nangmah in teh hi tluk in duhmi a hlan ah veikhat te hman “Ka lo duh” ti in sim lo? Ziangtin in duh ti ka rak thei thei ve ding. Ruat hmen…fala pakhat ka si. Ka sinak ka kaih hnget a tul ve si. Ow!…aa…( Mangte a um thiam nawnlo).

Cherry ngai aw. Nitin nan inn ah ka ra. Ka thei tawk ih ka tuah theimi na hrangah ka tuah. Na parah ruahsannak tampi ka rak ret. Ka harsatnak hmuahhmuah tlansan in na hrangah ka pum ka pe aw theh. Sim tlak lo te a si ko nan. Na hrang ah tin ziangkim ka tuah. Ziang kim ka ti mi hi na hrangah tin hlawk emem in ka thei aw. Ka lo duhdawt ti sim tul lo in ka mit men le ka um tu daan in in kai ding ah ka rak ruat ve pang a si. In ngaithiam aw. Khua ka tlai deuh…

Cherry na ti bang in thin nuam lo in um hlah aw. Thin nuam lo in ka lo tuah lo ding. Asinan ka lo sim duhmi cu ka mit pahnih khua hmu lo bang in ka um a tu ah. Ka thinlung khui ah a um ti khal ka thei aw nawn lo. Na hmin le na mithmai vial ka hmu in ka thei. Letlun ih mi santlailobik ih ka ruahawknak in zohman in in run theitu ding an um nawnlo ding ti cu ka lo sim ta ding.

Ni ni khat ni ni ahcun ka lo duhdawtnak na thei lai ko ding. Na thei lo a va si hman ah keimah vek ih a lo duhdawttu an um a si le kei cun ka lo lungawipi. Asinan ka lo duhdawt taktak a si.

Cherry thil dang ah ruat hlah aw…hi ka um nak hmun in I fehsan aw…hi tin ka to men ding kei cu…zangfahten in feh san ko aw.

Lo hngilh ka tumlo. Lo fehsan ka tum lo. Asinan ka mit in khua a hmu nawn lo.

Cherry thin nuamlo in um hlah aw, nan neihawknak puai khal ah ka ra ding….ka hnen ihsin feh ko aw…

 

 

 

 

 

 

Obama In Israel A Ngen

Mizan sun ih  Palestinian President,  Mahmoud Abbas leh US President, Barack Obama White House ih an kawm awknak ah  Palestinian President, Mahmoud Abbas cun  West Bank ih Israel miphun pawl an um sungah cun  rualrem awknak taktak a um theilo ding thu Obama hnen ah a simih.
Famkim Siarbet

South Korea President Hlun Ih Ruang Phum

Kan dung Zarhte ni ih a mai Inn kiang khamih dawp that South Korea President hlun Roh Moo Hyun kum 62 mi ih ruangcu tuisun ah an khawpi Seoul ah ropi zetih phum a si.

Famkim Siarbet

Pakistan Bomb Puak

Mizan ah Pakistan ram khawpi pakhat Peshawar ah Bomb pahnih a puakih minung 10 an thi ih midang 70 lenglo in hriamhma an tuar, Bomb puakhi Bazar mipi tamnak hmun leh khaw hnar Police Check Point ih puak asiih.

Famkim Siarbet

Kan Nu Lairam A Tap Lai

Khua pakhat ah nuhmei nu a um ih a fapa te thawn an um tlangih a fapa hmin cu Thangte a si. Nuhmei nu cun a fapa thansonak dingah ti’n sur le sa lak khalah cawl man lawn nitin in lo a thlo theu. A tha neih tawkin a zuam tento.

Asinan a fapa cu a hung tlangval ih a nu’h duhdawtnak hman thei lo’n zuu le sa ah a ni tin nun a hmang liam. Famkim Siarbet

Wow!

May 30

Zarhte Ni

 

Wow!

 

Siar:

Rom 11:33-35

 

Maw Bawipa, leilung ih khawzing pawl lakah Nangmah a lo bangtu zoso a um? Thianhlimnak ah na maksak. Sunlawinak ah ttihnungza. Thiltitheinak ah mangbangza.  –Suah. 15:11

 

Kumkhat Sung Baibal:

-          2Sansiarnak 10-12

-          Johan 11:30-57

 

June thla ih nikhua nuamzet nikhat cu kan sungte in ramdang mi khualtlawng pawl ih an ra zoh theimi Canada ram lungto tlang pawl lakah kan feh. Thlidai in a mawinakbik hmun tiang feh ding i tthuktthunter. Cutawk thleng ih a ra kir pawl kha, “Feh a man maw?” tiah ka sut hngai tikah, “Man lawlaw” an timi in feh vingvo dingin kan lung a thoter. A hmun kan thlen tikah a mawituk ruangah “Wow!” ti siar lo kan ttong thei lo.

           

Paul in Rom cakuat a ngan tikah, “Wow!” tiah a mangbangtertu Pathian ih mizia pathum a um:

A pakhatnak: Pathian cu a fim (Rom.11:33). A famkimmi rundamnak a tuah tikah kan sualnak le kan tuahmi hnakin tum le tthasawn in a timtuah.

 

A pahnihnak: Pathian cu ziangkim a thei. A theihnak cu a cem thei lo. Thuron ding relpitu a ttul lo (c. 34). Ziang khal in a don a harter lo.

 

A pathumnak: Amah cu a famkim. Amai’ a pek hmaisa lo ahcun zokhal in Pathian hnenah pek theimi an nei lo. An parih a tthatnak ruangah pe saal theitu an um lo.

           

Moses in, “A lo bangtu zo so a um? Thianhlimnak ah na maksak, sunlawinak ah ttihnungza, thiltitheinak ah mangbangza” a ti (Suah. 15:11). Cutluk mangbangza Pathian cu kan biakmi le kan mi Pathian a si.

 

            Pathian zaangfahnak in ke zungzim parah ka ding thei,

Mangbangza a tuahmi hmuahhmuah thlir in;

Alak in in petu Bawipa cu ka thangtthat,

Theih thei dingin zumnak thawn.

 

Pathian cu a mizia le a sersiammi ihsin a maksakzia kan hmu.

Donak Hrang Raalthuam

 

 

May 29

Tlawngkai Ninga

 

Donak Hrang Raalthuam

 

Siar:

Efesa 6:10-18

 

Satan bumsiatnak do thei dingah Pathian in a lo pekmi raalthuam kha hruk uh.      - Efesa 6:11

 

Kumkhat Sung aibal:

-   2Sansiar. 7-9

-  Johan 11:1-29

 

Thlaraulam ih raalkap Paul in a raaldonak a cem zik tikah, “Tlan zuamnak ah ka ti thei patawp in ka tlan zo; a netnak tiang ka tlan zo ih ka zumnak khal thlauthla lo tein ka pom hnget zo” (2Tim. 4:7) a ti.

           

Khrih ih raalkap pakhat nitin te’n raalthuam hruk a ttul daan a theih ruangah a Khristianpi pawl kha thimnak huham thawn do awknak ah hnget teih an din theinak dingah Pathian ih raalthuam hruk dingah a forh hngai. Paul cu thuthangttha a phuanlai ah vuak le thawi, lungto ih den, thawng-thlak, rilrawng, tihal, khuasik le ttihphang ih a um caan tampi a um (2Kor. 11:22-28).

           

Thudik kha taikhap ah, dingnak kha ttaangphaw ah, daihnak thuthangttha  kedam,  zumnak thirphaw, rundamnak lukhum, Pathian Ttongkam raalnaam ah hmang in Paul cun Satan raal a neh (Efe. 6:14-17). Kannih khal raaldo dingin Pathian raalthuam kan hruk a ttul.

           

Thimnak siangpahrang le a rualpi pawl cu kan do dingmi raal an si. Cuhrangah a mibumnak ihsin kan humhim awk a ttul ih amah do dingah nitin tein Pathian ih raalthuam kan hruk a ttul. Cuti’n kan tuah ahcun Paul vekin kan nunnak a cem hmanah rinhlelhnak um lo te’n ‘ zumhngetnak’ kan nei ding.

           

Raaldo thawm a thang, Raal pawl in in naih,

Bawipa hrangah a tthabik in timtuah awk uhsi;

Raalthuam hrukin fek te’n ding cio uh,

A thianghlimmi a Ttongkam parah ding uh.

 

Pathian raalthuam cu na hrang timcia a si, na hruk ding lawng a

Obama, David Beckham, George Clooney, Daniel Craig Pawl In Suu Kyi Suah Ding In Dil

US president Barack Obama in 27 May 2009 ah kum 2003 ihsi kaih tang a tuartu Pi Aungg San Suu Kyi zamrang theibik ih suah ding in le ziangtik hman ih kai nawnlo ding khal in Kawlram khumpinu a dil.

Culawng siloin Obama cun hivek ih ram that ding ih hnatuan rero lai an kaih tang cu daan nan pahbal a si tin a sim tel bet.

Obama lawng siloin leitlun lengcangthiam le bawhlungsit thiam hminthang zetzet George Clooney, Daniel Craig le David Beckham pawl khal British PM Gordon Brown lam tang in Suu Kyi suah theinak ding ah an dil ve.

Daniel Craig phei cun “Tui caan hi leitlun kan u le nau luangrual tak ih aw pakhat suah ih au suah caan diktak a si” a ti hnge hnge. PTI

Kala Fala Salini Thawn Kan Ngaizawng Aw (II)

Salini & Kamte caiawknak thu part (I) a ngantu in a part (II) nak a ngan sal.

Part (I) a siartu pawl cun an siar lai rori ah an lungphu feh a nawt ciamco. Tui a part (II) nak ahcun Salini in Kamte a pum a pek awk thu kan siar ding:—

 

Salini in Kamte cu a duhlo cing in an sungkhat mopuai hmanpi dingah a sawm. Salini in Kamte a phone “Hello, MR. Faithful, Kamte na ra zo maw? Na va ra har ve. Kei ka thuam ka tuahtheh zo. Perfume ka kap aw ding ih cu le ka theh ding, rak ra zangaw maw. Kamte in “Ka lo sim cia kha ka feh paih lo tuk. Mopuai tivek ah ka feh dah lo.

Kan Chinmi mopuai an tuah hmanah ka feh dahlo mopuai umnak hmun ih um daan ding tla ka thiam lo cunah mopuai ah ka feh dah lo. In ngaithiam aw, thil dangah lo bawm theinak ka neih le ka lo bawm sawn ding tuitum mopuai feh ding ahcun in sawm duh nawn hlah aw.

Cun nan miphun lak ih mopuai hman ding ahcun cord angki pawl hruk theh a tul ih Cord angki ka hruk dah fawn lo, in ngaithiam aw” tin Kamte in a let. Cutik ah Salini hitin a let sal “Kamte, Sunday sun nan Pathian nan biaknak ah cord na hruk theu ko ual.

Na hruk theumi na cord rak hruk aw la rak ra aw. Ka Car sen ka mawng ding ih PVR Cinema Hall hmai cold drink zuarnak saklam kau ah ka rak um ding. Na rak ra duh lo asile, ka lo sim cia. No more Salini for you. Na hrang ih Salini ka sinak a cemcih ding ti thei aw.

Tu tiang ah vei khat hman na duh lo zawng in ka um lo. Ka theitawk in ka lo bawm. Na hrangah ka theitawk in ka zuam ringring. Cumi thu sim tam a tul lo na thei ve ko. Mifim sawn thusim an tul lo kha! Na thinheng maw? Na thinhengnak ka tongpang le in ngaithiam aw.

Salini hi ka rualpi tha a si. Kan rualpitha sinak siat ter ka duh lo na ti le a tu ah rak pawk cih aw, please Mr. Faithful, Mr. Wise…tin Salini in Kamte a ttahhnawh. Kamte khal cun an rualpi ttha sinak tiang siat theh ding cu a ruat ngam lo ih “Ok Salini humble nute in rak hngak ko aw…minit (5) in ka thuam aw lawk ding. Be ready, you will see Tom Cruise within one minute tin a capoh ih phone a thlak.  

Kamte cu raltlanpa tiah zamrangten a lu ah ungsi a thuh ih a sam a hriat luklak, a hngawng ah ponds mallai a culh nulnal hnu ah perfume a kap aw ih thlalang ah malte a zoh aw ih Salini umnak lam pan in Texi a sang ih a pawk suak ve.

Salini Kala fala ruangrai tha zet cu a mawtaw hmai ah mitkharh dum tleu lenglite kharh in a rak ding. A hmursen thuhmi sen dengdi thawn hnam awm zet in a hmur a tuah phah rero. A sam cun a mit tawk fang nawn, tawk fang nawnah a khuh phahphah, a phial zawng ah a lu a hnin ter ih a sam thlai remte thawn a hmutu cun an mit an la kirsal thei nawn lo theu.

Taxi sung in Kamte a ra suak. Be aw lo in rei nawn hnih phahten an zoh aw. Kamte in Salini hnenah “Tom Cruise na hmu maw?” A ti, Salini in “Aw hmu tuk e, ka hmai ah a tu a ding” a tiih hni phah in a Car sen mawi tak sungah an lut. Salini ih hrukmi a hnipuan thawng tampi man le a perfume kahmi rim hmui cun Kamte raltlanpa ih khawruah a ti tam nasa.

An feh phah ah Salini cun Kamte hitin thu a cah “Mr. Wise, ( Kamte ti ai ah Mr. Wise tin a ko theu) na theihcia bang in tui mopuai kan fehnak ding hmun ih ra tu ding pawl hi mi ropi zetzet an si ding ih hlei ah milian, kan mah sung hnak hman ih milian le saya tampi an si hai ding. Cucu, na theiciami a si ko nan ka lo sim bet. Pa tak in um aw. Mopuainak hmun kan thlen veten ka kut I kai ding. Upa deuh hnen ih hmel theihnak ka lo neihpi tikah an hmai ah hni siamsi ten na kun ding cuvial a si ko” tin a sim cia.

Kut kai aw cun mopuainak innpi sungah an lut. Rinlopin Kamte in a rualpi phunsang tlawng a kai pi pawl a hmu. Salini cun an sungkhat u le nau pawl hmaitawnnak a neihpi vivo. Ruahlopin Salini nu le pa pawl le Salini nei dingih an duhsak zetmi Rohit leh a nu le pa pawl cu cabuai pakhat ttawmaw in an to khawm an hmu vukvi.

Lo theihlo in Salini in Kamte le a nu le pa sungkhat u nau pawl hmaitawnnak a nei ter thotho. Kamte cu a thin a nuam lo zet. Salini ih rualpa Mopa cu Salini hnenah a ra ih Salini le Kamte mipi hmai ih lam ding in a fial ta riai. Kamte in laam ka thiam lo ruangah thildang in tuahter sawn uh tin a dil. Salini nei dingih an duhsak zetmi Rohit cun Salini le Kamte a met rero.

Kamte laam a thiamlo ruangah Thusimnak tawi nei sawn ding in Salini khal in mopa a dilpi ve. Mipi hmai ahcun a ding ih hitin a rel thawk. “Siangpahrang pawl khal in lunglen caan an nei. Nupi neih tum lo pawl khal in an duhdawt zetmi fala mawite an hmuh ahcun leitlun ih a harsabikmi khal tuar ngam in an nei sal theu a ti. Mopuai timi cu kan dam sung caan ih sunglawi bikmi puai lak ih pakhat a si. Ca nganthiam pakhat in College kai lo ahcun nunnak a fimkim lo ih sungkua/ in sang family a um lo ahcun nunnak hi a famkim thei lo a si.

Kan ni Christian ih kan Pathian Jesuh khal in mopuai hi a ngaihlu zet ih Kanan ram ah mopuai hmang ding in a feh cubang in kei le Salini khal hi mopuai sunglawi hi ngaihlu zet in kan ra hmang ve a si” a ti. Mopuai hmangtu pawl cun Kamte tongkam fim zet cu mak an ti zet ih, zo a si tin Salini an sut ciamco.

Salini le Kamte cu mopuai zu inter ding in inn sungah an hruai lut hai. Kamte cu Khristian ka sinak le zu in a cangthei lo timi a sim ruangah an in ter ngam lo. Salini khal Kamte a in lo ruangah malte vial ka in ding ti ih a dilnak an ngai sak ih malte vial an inter.  Asinan ri zet thotho.

Mopuainak Hall in an suak. Zan a tlai thlang ruangah Salini in Hotel ah cambang ding ah a sawm. Asinan Kamte in thaisun ah class ka nei ih inn ka tlun lohli a tul tin a si ko nan a duh lo cingin lo theihlo in a sawm ih Hotel ah a thlen pi.

An room lakmi ihkhun pakhat ah an to tlang. Salini in “Mr. Wise Man tuini cu na sim tha nasa  a ti…na thusim lai ah ziang ah khan um daan ding ka rak thiamlo ziang ah tile tongkam khat an duhlo zawng na sim pang ahcun nasa tak in kut an lo thlak thei dinhmun a si ruangah ka rak thlaphang nasa.

Asinan Kamte na sinak cu mipi thawng ziangzat hmai khalah a hlo thei lo a si kha maw…Rorel thiam le saya thiam zetzet hmai le milian upa hmai ah kha tluk thu na rel thiam cu, mi pakhat tak na si. Kawlrammi refugee (raltlan) mai na si le zohman in an lo thei lo na thuhla in sut nasa. Nanmah na kawlrampi Chinmi pawl hman in tuini tiang na fim zia an lo thei si lo” tin a lawm rero.

Asinan Kamte cun “Rinloparal ah laam ding in ti khan ka lungphang ih laam aicun tin capoh thu ngai ka sim haimi a si kha. Fimnak tongkam pakhat hman ka telh in ka thei lo. Ka rak telh pang a si hmanah mifim pawl ih an rak tong ciami thotho a si ding. Keimah hnak ih mifim pawl hmai ah ziangtin an theihlomi thu ka sim thei ding si lo maw…?

Asim vivo. kan Christian Bible ah mifim tak pakhat a um ih a hmin cu Siangpahrang Solomon a si. A fim zia cu a kiangkap khua pawl tla in an thei ih a fimnak tongkam thei duh ah an pan theu. Fimnak timi cu minung ih kan hawlsuah/kan hmuhsuah theimi a si ko nan fimnak famkim timi cu van lam in a ra a si. Petu Pathian timi a um a si. Siangpahrang Solomon khal Pathian nung in fimnak a pe ih leitlun ah a mah ai ih siangpahrang fim tuini tiang an um lo a si” tin Salini a ruah rero.

Salini in Kamte a ngai sang sinsin. Salini in “Kamte mitu mopuai kan fehnak ah ka rualpi fala dang pawl khal in zo a si? Timi in sut nasa. College fist year ka kaipi nute in zo si, ruangrai le tha si fim fawn alo ti rero. Cunah sokhaw hinah hmun ah zamrang ten ka lo feh pi. An lo bum pang ding ka phang so khaw” a ti.

Salini cu a zu in mi a rit deuh lai ruangah Kamte zahnak a nei nawnlo. Kamte a duhdaan cu a thihcilh ngam ringring fawn. Khua a hlum deuh fawn tin Salini cun a angki tlunta sawn a hlit. A angki hnuai ih a hrukmi dum pa derdi te cun a awmvar le a pawhte thlar duhvek in a khuh thei lo ih a mahmah in a lang. A bawngbi sau hrukmi a hlit ih towel tawite a feng bet fawn. Kamte thinlung sung ahcun ziang a um ding na zum?

Salini in “Kamte hlum na ti ve lo maw, na angki hlit ve aw zohman zah ding an um lo, nangmah le keimah lawng si, rualpi an zah aw kel lo tin Kamte ih angki tlun ta a hlih sak. A hlihsak men hman si lo in Salini cun minung ih kan supawk theilo zetmi hiarnak phunkim thawn a zoh. A angki a hlihsak phah in a pawhte cun Kamte ih taksa a hrut sak phah.

Salini cun a thianghlimmi kiss a ti zawng ah Kamte ih biang a kiss vukvi. Kamte a cang man lo. Kamte ka lu a zing tuk a ti ih Kamte ih kawng parah a it. Salini ih towel fenmi a tawi tuk fawn. A lang zik phahphah. Pian hmang mawi le ruangrai tha zet ih taksa var hiarhi te par ih a hrukmi angki dum pa te thawn Kamte a zut hrianhro ta.

Kamte in “Salini malten tuam aw deuh aw dai na ngah ding” a ti. Salini cun a sari puan pate pakhat a la ih a hngawng ah a orh. Salini cun Kamte a pawm. A zu ri tuk cu it that zik vek in a um…a it that thei fawn lo. Kamte a kiss ih a zun rero.

Cutik ah Kamte cun hitin thu a ruat, “Ow! A va har ve. Mi pa ka si. Ka sinak…zo ka si…ziang ah hitin ka um. Hi Salini parah ka taksa duhnak vun kim ter bang sehla…zumtu Khristian ka sinak a hlo theh ding fawn…miphun dang ka si…ni khat ni ni ah hi tivek ih kan um in thei ding ih ka nunnak hrang tiang a himlo thei a si.

Zumlo tu Kala fala mawi zet le milian fanu va si mengmang hmansehla. Kei raltlanpa. Umnak hmun hnget hman nei lo. A vakvai mi kei hin zumtu ka sinak le ka rinumnak hi fala parah ka cemter men ding cu a cang thei ding maw”…? Ti ih a thinlung le a ruahnak thluak an sualawk rero lai ah Salini cun “Kamte ka caang thei nawnlo, ka luzing theh ruangah ka angki in hlihsak awla dai bualnak hmun ah in paw aw, ti ka kholh ding tin zangfah a dil.

Pehlai ding:……..

 

Aih Aih….Capoh

Khaw Hlum Ih Siar Ding

An Hnen-um (Umpi) fala cun an fridge lei thar ah cabu pawl a rak rem khat theh cuh, An pabik cun a hun hmuh cun, “Khawhlum caan ih siar awk ah a ti si maw” tiin a rak ruat ve!

Famkim Siarbet

Theihpitu pawl

May 28  | Tlawngkai Nili

Theihpitu pawl

Siar:    Tirhthlah 1:1-11

Sikhalsehla nan hnenih Thlarau Thianghlim a thlen tikah cahnak huham thawn nan khat dingih Jerusalem le Judea ram le Samaria ram hmuahhmuah le leilung tlun a deng tiang Keimah ih theihpitu (tetti) nan si ding, tiah a ti.    – Tirhthlah 1:8

Kumkhat Sung Baibal:

- 2Sansiarnak 4-6

-   Johan 10:24-423

Theihpitu (witness) timi cu sualpuhmi thu thawn pehpar in thudik an theihmi hmuahhmuah thutthennak zungah simtu an si.

Cutivek in Jesuh in a Thuthangttha karhzainak le a Kawhhran dinh dingin raalttha le rintlak theihpitu pawl a hmang.

Jesuh van a kai hlan ah a dungthluntu pawl kha miphun hmuahhmuah hnenah  Amah theihpitu si dingin thu a pek hngai. Thlarau Thianghlim an hnenah a ra dingih cahnak huham thawn an khat tikah leitlun hmuahhmuah ah Amah theihpitu an si ding thu a sim (Tirh. 1:8).

Jesuh in a dungthluntu pawl hi leitlun khuazakip ah feh in Amah thei hrih lotu pawl hnenah an hmuhmi, an theihmi le an tonmi tettikhan dingin a ko hngai (Tirh. 4:19-20).  A nunlai thu, a thu zirhmi, a tuarnak, a thihnak, an vuinak, le a thawhsaalnak theihpitu an si vekin leitlun hmuahhmuah ah feh in tettikhan ih simtu ding an si (Luke 24:48, Tirh. 1-5).

Kannih cu Khrih ih thudik le kan nunnak in thlengh sak daan sim dingin kawh mi kan si. “An theih lo ahcun ziangti’n an zum thei ding,” (Rom 10:14). Midang hnenih sim dingah ziang na tuah?

Kan Bawipa le in Ruuntu Khrih,

Kan thinlung in uk hram aw;

Theihpitu kan si camcin theinak dingah,

Kumkhua Bawipa na hrang lawng.

Pathian in leilung riantu dingah leitlun ah in ret.

Next Page »