Bum Hniksaknak
April 30, 2009 by Rev Run Cung Mang
Filed under Nitin Manna, Thuthangtha
May 1
Tlawngkai Ninga
Bum Hniksaknak
Siar:
Saam 119:129-136
I tiamkam cia bangin i bahter hram hlah aw.
Tthat lonak ih uk ding cu i siang hram hlah aw. - Saam 119:133
Kumkhat Sung Baibal:
- 1Siangpahrang 10-11
- Luka 21:20-38
Massachusetts Phunsang Tlawng ih zirhtu saya Dan Ariely ih hohanak in minung ziaza hniksaknak an tuah. Hniksaknak bur pakhat ih a teltu pawl cu thusuhmi hmaan te’n an leh tinten paisa ngah dingin camibuai an tuahter. Hniksak mi pawl in an thu theih fimnaklam si loin an mibumnaklam hniksak an si ti an theih lo ruangah bumnak in kan ngah ko ding ti’n an ruat.
Camibuai an tuah hlanah group pakhat ih a teltu pawl cu Thukham Pahra an theih tawk ngan dingin fial an si. Zohman in an bum lo ti an hmuh suak tikah Dan Ariely cu a mangbangzet. Asinain cuih group siar lo a dang pawl cun an bum ttheh tikah lungput a bang awk lo zia a langfiang.
Kan dunglam kum zabu reipilai ah Saam cangantu in kan thinlungput dik lo zia a hmu fiang ih vanlam ihsin lamzin dik hmuh kan ttul zia a theih ruangah hiti’n thla a cam: “I tiamkam cia bangin i bahter hram hlah aw…. Na Daan pawl cu i zirh hram aw,” (Saam 119:133-135) tiin.
Dan Ariely ih, “Bum hniksaknak” in in hmuhtermi cu kan thinlung kaihruaitu kan ttul zia hi a si. Bawipa in a Daan pawl kan ke hrangah mei-inn ah in pekmi (Saam 119:105) cu a dikmi kan hril theinak dingah a si.
Ziangtluk a sunglawi Ca Thianghlim cu,
Kan hrang A thawtkhummi;
Mei-inn vekin A Thuzirhmi a tleu,
Van ah kan thlarau hruai dingin.
Compass vekin Bible in lamzin dik in hmuh.
India Ram Hlum Tuk Ruangah Mi 67 Thi Zo
April 30, 2009 by youthlife
Filed under Thuthar Dang
Australia le ram thenkhat daih lam a pan rero lai ah India ram cu meiling sa bang in a ling ih mizan sun April 29, 2009 cu India April thla sung ih a satbik tum a si tin an phuang.
Nikhua zohfeltu pawl cun ni hnih sung a satbet lai ding thu an phuangcia zo. India ram sung ih mipi tam sawn cu innleng hman suak ngamlo in, inn sungah an kharhkhum aw.
Cucing in Orissa ah mi 67 an thi. Nikhua zohtu pawl thenkhat leh cun hivek ih a sat vivo ahcun mi tampi an thi lai ding an ti.
Delhi ih hmun thenkhat ahcun a sa an tuar ih tlun ah meisa a um lo ruangah an talbuai bet lai. Mani sun Delhi khawsung ih a hlum lam 43.5celsius a thleng.
A hlumbiknak hmun Nagpur a si ih 47.1C a thleng. Hmun thenkhat Rajsathan le Orissa lam khal ah 43 hnuai a tum cuang lo.
Kutthlak tuar Laimi Aizawlah
April 30, 2009 by hniangsinpa
Filed under Thuthar Dang
Kutthlak tuar Laimi Aizawlah
Aizawlih tlawng kan palai hnen ihsin thu kan dawn dan in, mani 29th April 2009 ahkhan, Aizawl Civil Hospital ah kan Laimi tlangval pakhat cu kutthlak tuar in ret a si. Kan palai hnen ihsin thu kan dawn dan in, hi an kut thlak mi hi Tuikual (N) Veng ah sar a siih, a sartu hnen ihsin kan palai in thu a dawn dan in, “Mizan kha bawhlung puai tha zet a suak ih, cumi zoh in zanlai 2:00 AM tiang lai kan meng nan, thawm vang ziang hman kan thei lo, zan dang ahcun sualaw, kawkaw thawm cu a thang thei zet nan, ziangdang hman thawm kan thei lo. Zing ka it lai ka nu in in ra thang ih, thohnik aw, kan in hnuaiah bawm tul an um in tiih, ka tho ih, ka thei tawk in ka bawm cu a si ko, cun zinglam nazi 7:15 AM hrawng ah zato kan thlen” tiah, mi tamsawn in hi mi na (Kutthlak tuartu) hi a tla ih an neih lai ah a sim.
A thok lam ahcun, hi kuattuartu hi khui lam mi a si ti theih a si lo. Kan Laimi lak ih rinsan um zet le kan upa tamsawn in, theih tum in, biak a theih can tinten thu an sut ih, kutthlak tuartu hi a lu ah hriamhma a nei tam deuh ih, thil tam sawn a hminsin thei lo, curuangah a sungkhat unau vek ih a simmi tam sawn khal zoh an si nan, a theitu ngaingai an rak um lo. Kan Laimi lak ihsin mi tlawmngai tam sawn in thu an theih ihsin an zoh ih, a sinak le a sungkhat unau hawl suah a si hlan tiang in, a zohtu hi milai 200 leng lo an si thu, zingpit ihsin rak buaipi tu Henry Chinzah cun a sim.
Amah rak sar tu le tlawmngaiih zato panpi tu, Pu C. Lalrinsanga, Tuikual ih um sim betnak ah, “Ka hmuh pek ahcun, kan lei dawlmi ihsin tla si dingin ka neih nan, hmansehla a bawngbi ih thisen kai le, a hmai pem pawl ka zoh cun, kutthlak tuar in, amah kutthlaktu pawl hin an hlon asilole, amah sawn tlan in, a relh sawn ding a bang, a ihnak kiangkap ih thisen pawl khalin cui hmun ih tla si awm in an lang lo” tiah kan Chinalnd palai hi a sim.
Cutin, kan Laimi, Kohhran lamih upa pawl, LCF Pastor le Upa thahnem tawk zet pawl ih tlawmngai nak thawng in, a nu le pa khal theih suah vivo an siih, amah na tuartu bik khal biak theih in a hung um vivo, a na tuartu ih sim dan vekin, “Lalsanhim ka siih, ka pa cu, Khaw Tin Thang a siih, ka nui hmin cu Van Lal Buk an si. Unau pali kan siih, mipa 3 le nunau 1 kan siih kei hi Cung Uk ih u ka si. Tu hi ka nu le pa cu Falam, Pathangkhan ah kan um. Kei hi Aizawl ah rualpi pawl hnenih um kual vivo ka siih, ka u leiba mallai tang dilih ka suahnak ah, mipa pahnih (2) in kut in thlak a si” tiah kan palai a 
sim.
Cutin a sungkhat nai awm ih theih mi pawl ruat phah vivo in, Tuithiang Veng, Aizawl ih um cu mi tlawngngai pawl in an vung hawl suak hnu ah, kan upa pakhat in a nu le pa khal Kawlram, Falam ih um cu sim theihnak a neih sak a si.
Amah relawkdan in, Lalsanhim hi kan Palai in a tlunsan tiang a taksa ah harsatnak le na zet a um lo ih, a dam lohli beisei pi um zet a si.
NB: Hivek ramdang ih kan um can ih, harsat mangbangnak kan tuar tikah, kan Laimi hi kan Laimi parah an va tha in, tlawm an va ngai thei so, ti theiih, kan thlennak hmunkipah hnamdang lak ih hmin pe aw men lo in, kan Laimi rori bel tu kan si hi a thupi zet. (Edtr).
Australia In Ralkap Kuat Bet Ding
April 30, 2009 by Khuang Lian Sum
Filed under Surbungtlang Thuthang, Thuthar Dang
Na um nak ram in YouTube hla pawl na ngai thei maw?
· India ram ahcun hla mawi zetzet YouTube ih in share mi kan ngai tum tikah a malbik minit (10) sung loading nak ah can pek a tul, a loading theh hnu lawngah tluangtlam ten ngai a theih lai fang…
· Kawlram betbet India hnak in a luar. Reipi loading an tuah hnu ah an ngai thei lai fang. Kawlram ahcun website hman duhthusam in kau a thei lo caan a tampi, culawng siloin line cut tivek a um hnuaihni lai bet…
· Malaysia ih u nau um pawl in teh YouTube an ngai tha thei pei maw kan thei duh zet…
· USA, Denmark, Canada le Australia ram nuam pawl cu loading tul lo in veikhat click ah an ngai thei ti kan thei ih ram nuam um manhla kan ti pi zet hai…
· Khui tawk ram ah na um….YouTube na thlir thei ve maw?…
Thiar Hlo
April 29, 2009 by Rev Run Cung Mang
Filed under Nitin Manna, Thuthangtha
April 29
Tlawngkai Nithum
Thiar Hlo
Siar:
Job 1:13-22
Cutikah Job in, “Nunau aa vekin na ttong a si cu! Pathian in thil ttha in pek tikah kan lung a awi. Harsatnak kan hnenih a thlenter tikah ziangah so kan phunzai rero ding?” tiah a ti. Hibangtuk in a tuar nain Job cun Pathian parah ttong sia kam khat hman a ttong lo. -Job 2:10
Kumkhat Sung Baibal:
- 1 Siangpahrnag 6-7
- Luka 20:27-47
Tipithuanthum kaplam ah Rubber Phawh parah to in mit-sing ih tisuar awn na ngai ih tithuknaklam hlapi na thleng zo na hmuh tikah na lau ding.
Thlaraulam nun tla cu vekin kan pil hlo zik ttheu. Pathian hnen ihsin hlattuknak ah kan thleng ti kan theih tikah kan lau. Kan tlannak cu Satan in Pathian kan duhnak in fir ih Pathian rinsan loin amah sawn rinsan dingin in bum ruangah a si.
Job le a nupi in Pathian hnenah thinhen ding an neihmi cu an faa le an thi ttheh, an lennak a hlo thluh, Job ih harhdamnak a siatbal. A nupi in, “Pathian cu camsiat tahrat in na thi sawn lo!” a ti. Job in, “Pathian in thil ttha in pek tikah kan lung a awi. Harsatnak a thlen tikah ziangah so kan phunzai rero ding? a ti (Job 2:9-10).
In hnukdir theitu khuaruahnak pawl cu: Pathian hnakin lungawinak kan ttul sawn, Pathian hnenih rinsantlak ih um ding hnakin midang thawn pehtlaih awknak ttha neih ding kan duh sawn; kan ruahsanmi vekin Pathian in in khaisang ding le Pathian ih kan nun in remmi ngai duh lo, tivek pawl an si.
Na pil zik asile lungduhnak kimter thiamtu Jesuh hnenah naih aw.
Bawipa Nangmah naih ding in bawm aw,
Nitin lo rinsan sinsin dingah;
Nuntnak ah tisuar a thawh tikih,
Thiar hlo menmi si lo dingah.
Pathian hnen ihsin pial hlo lo dingah,
Lungpi par thir cang-ai ah ding hnget aw.
Mexico Ram Swine Flu Nat Nak
April 28, 2009 by Khuang Lian Sum
Filed under Surbungtlang Thuthang, Thuthar Dang
Slapton Sands
April 28, 2009 by Rev Run Cung Mang
Filed under Nitin Manna, Thuthangtha
April 28
Tlawngkai Nihnih
Slapton Sands
Siar:
1 Peter 5:1-11
Fimvar tein um uh! Ralring tein um uh! Nan raal Satan cu deh ding hawl ah a huk reromi kiosa bang in a tawi a vak rero a si. -1 Peter 5:8
Kumkhat Sung Baibal:
- 1 Siangpahrang 3-4
- Luka 20:1-26
England ram nitlaknaklam tipi kapah Slapton Sands timi hmun mawizet a um. Hih tipithuanthum kap hmun mawizet in riahsiatza thuanthu a nei.
April 28, 1994 Leitlun Raalpi Aveihnihnak (World War II) ah Mirang raalkap pawl (Allied soldiers) cu D.Day ni ih Normandy la dingin Slapton Sands ah zirnak nei in an tim an tuah rero. Rin lopi in raal pawl ih lawng a ra suak ih an kap awk tikah American raalkap 700 lenglo an thi. Cutawk ih a thitu pawl hngilh lonak ah cuih hmun ahcun tuni ah hngilhlonak lungphun an tuah.
Hih riahsiatza thil thlengmi cu Khrih zumtu pawl raalrin peknak a si. Kannih tla huham nei mibum hmang thawn raaldonak ah kan tel ve. Curuangah Peter in raalrinnak a pek, “Fimvar tein um uh! Raalring tein um uh! Nan raal Satan cu deh ding hawl ah a huuk reromi kiosa bangin a tawi a vak zok rero” (1Pet 5:8) a ti.
Slapton Vutnel parih raalkap pawl vekin kannih tla kan do reromi kan raalpa cun zianghman tuah thei lo ih um dingin a duh. Kan siangpahrang hna kan ttuannak ah fimvar teih kan um kan ttul. Raaldonak ih tiarcia ding (2Tim 2:3-4) timi in kan thlaraulam raaldonak hrangah tiarcia ih um dingin in sawmngiar (challenge) - cu ti cun ni dang khal ah kan ttang thei vingvo ding.
Satan ih raaldo daan cu rin lolai ah a si ttheu,
Na lam feh rerolai lo cawlhter a tum;
Kilveng ttha awla, Pathian Thu rinsan aw,
A lo dawnkham tikah do neh ve aw.
Satan ih raalthuam cun Runtu ih huham cu a neh thei lo.
Swine flu a ttihnung um maw?
April 28, 2009
Ziang ha swine flu?
Hi natnak hi thawthawt nak lam ih hrisia pakhat rannung ih um mi a si ih vok ih si karhsuak mi a si. Hritlang, Raibur kan timi vek a siih H1N1 ti khal ih theih larmi a si. Swine flu hin minung par khalah natnak a pe sawng aw ter ve thei. Minung pakhat ih a kai hnu cun, a khuhkhuhnak in simaw, hahthio in simaw natnak a tuartu tham ngahnak in simaw suan awk theih a si. Voksa suancia ei ruangah cun hi natnak cu a kai thei ve lo.
EU In Burma Cozah Hrem Bet Tum
April 28, 2009 by Khuang Lian Sum
Filed under Surbungtlang Thuthang, Thuthar Dang
Hmaisabik Ding Hmaisa Seh
April 27, 2009 by Rev Run Cung Mang
Filed under Nitin Manna, Thuthangtha
April 27
Tlawngkai nikhat
Hmaisabik Ding Hmaisa Seh
Siar:
Matthai 6:25-34
Cuhnakin Pathian Uknak le a felnak hawl hmaisa sawn uhla thil dang hmuahhmuah cu a lo pe bet ding a si. -Matthai 6:33
Kumkhat Sung Baibal:
- 1 Siangpahrang 1-2
- Luka 19:28-48
Thuruah khawmnak ih hruaitu pakhat in a thusimmi poimawhternak dingah a kaa a kauzetmi tidai beel a laak ih a sungah lungto a than. “Beel sungah thil a khat maw?” tiah a sut. Pakhat in, “A khat” a ti. “Ngaingai maw?” a ti. Cu ttheh hnu ah lungto hlum fatete a laak ih beel sungah a than bet. “Atu teh a khat maw?” a ti ih mi pakhat in, “A khat” a ti. “Ngaingai maw? a ti. Cuihhnu ah bel sungih lung fatete karlak ah vunnel a than bet saal. “Tu ah teh a khat maw?” tiah a sut. “Khat hrih lo,” tiah mi pakhat in a let ih an hni. Cuihsin tidai ummi tibeel a laak ih cuih beel sung ahcun tidai a toih.
“Hih thu ihsin ziang thil kan zir thei?” tiah a sut. Mi pakhat in, “Beel cu a khat zo na’n thil dang a tlem thotho,” a ti. “A si deuh lo. Zir dingmi cu beel sungah thil tampi tlem ding cun thil tum pawl na ret hmasa ding,” a ti.
Jesuh ih Tlangpar Thuzirhnak hi cumi thu thawn a bang aw. Thil fate ih kan buainak ah thil tumpi le mannei pawl kan sung. “Vancung ih nan Pa in hi bang pawl cu nan ttul ti a thei. Pathian Uknak le a felnak hawl hmaisa sawn uhla thil dang hmuahhmuah cu a lo pe bet ding,” (Matt. 6:32-33) a ti.
Na nunnak ah ziangmi thupibik ah na ret hmaisabik?
Atak in tuah aw:
- A ruang na zing hlanah thlacam ringring aw.
- Thilri hnakin milai duhdawt tum sawn ringring aw.
- Ziang hmuahhmuah Pathian lungawinak dingah tuah aw.
Vancung ah rothil a khawltu pawl cu hih leilung ah milianbik an si.
Chinmi in kan nei lo ih kan tul lo “Women Right” kan timi hi!
Nupi nu pakhat thawn thu kan rel tlang. Nu nau pawl hi mipa pawl hin in nekrawk tuk deuh ih a thalo a si, a ti. Si ngai. Mipa khal hi nunau pawl mawilo tuk tiang in hmuhsuam kan um ka ti. Mipa le nunau kan bang aw lo a ti lala.
Kawlram Politik Thlirnak; 