Zimbabwe Ram Tihri Natnak Ah Mi 3,161 Thizo
January 31, 2009.
By- Khuang Lian Sum
North Korea Leh South Korea Rem Aw Lo
Communist ram North Korea cun, South Korea cu thinlung diklo pu leh zumtlaklo ah a puh ih. Ralkap lam thuleh Politics thilih rualremnak thuthlung an rak tuahciazo mipawlcu. North Korea in siahbal salthluh a tumthu a puang. North Korea cun South Korea ih thilti diklo ruangah ram pahnih hi do aw maithei dinhmun ih an dinthu a simbet.
South Korea cun North korea ih thupuan suakmi cu pawi a tithu sim’n berem aw ding’n a sawmcih. South Korea President, Lee Myung Bak, in North Korea hnenih khohkhah zetih thil a ti ruangah ram pahnih karlak boruak in siatlam a pan rero laiih. kum 2002 leh 1999 hrawng tla ah khacun an lawng ralkap pawl tla cu an rakdo aw rerozo. Famkim Siarbet
UN envoy Kawlram thleng
January 31, 2009 by hniangsinpa
Filed under Thuthar
31-01-09; Ram thatnak thu, Aung San Suu Kyi le hnasau pawl relpi dingah, Kawlram cun tuini ah a thleng. Hmansehla, veiruk rori rak hlawhsam zo a si nak cun beisei nak nieng a suah pi tuk lo.
Kum 2003 ihsin inn sungih kharkhih mi Suu Kyi cun kan dung kum August ih Ibrahim in kawlram a tlawn tum ahkhan a rak tawng duh lo a si kha, hmansehla Ibrahim hin a hna cu pelhsolh san siang cuang lo in, ralkap hotu le Suu Kyi tawn a tum thotho.
Tan Shwe khal hin Ibrahim in a tawn theinak dingah vei tam zet a rak eel zo ih, a san deuh bik cu Ibrahim hin Suu Kyi ih hmin a rak sal ruang ah a si.
“UN envoy in kawlram a tlawnnak hin hlawknak a suah pi ding” tiah UN thuphuangtu cun a sim. NLD aiawh ih thuphuangtu khalin tui tum cu Ibrahim Gambari khal Suu Kyi in tawn a duh ding zum a um thu a sim ve.
Obama nupi in nau a pai!!!
PTI/31-01-09: Tulai cu zo cio khal US lamin kan thinlungin lak cio a bang! Tuini 31-01-09 thuthang cun US president Obama ih nupi Michelle Obama in fate a pai tin a phuang.
Curuangah, US mipi thenkhat pawl cu mangbang in an phawhek. Mi pi thenkhat leh thung cun ‘White House ih naute veikhat suahnak ding a si ih a va mak awm ve’ an ti.
Obama hmaitawn thusuhnak ahcun fa kan nei nawnlo ding a ti zo fawn tin mangbang ih a um tu an tam pi.
Asinan, Washington DC lam ih sim daan a dik asile, hiti ih thuhla kan theimi cu thu lenglawng men a si hrih a sinan, nau cu a pai taktak pei maw??? A pai ti cun Media pawl in an ngan ih fapa te sihram sehla ti cun saduhthahnak kan nei a si
Khawte au aw…
Hmuan thlangpa : Hmun sakpa tho aw la, lo vah ka lo sawm…tuisun cu nikhua a tha nawn ding a bang ih na tithawl tumbik keng aw. Cun, rathur le na ziandawng pawl kha na hngil lala pang ding…Ka nawhalh a tha lo ih nan ta ka loring mai so khaw…tho aw, tho aw, ke ih feh ding tete a tu tiang na ih lai he, kawlka eng a hemhem zo ho khaw eh!
Hmun sakpa : Aw! Aih! Mizan lam kan nau tabik zanah a tak asa ih kan it thei lo si maw ti…Cu I betah, mizan lam ih kan thing putnak ka zangruhnaa a suak ih Aih! Cei law, kan feh phawt kei cu.
An khaw lu tlang pawng parah tong in khawvang hngak tahratin thu nuam an rel, an titi mi mi:-
“Hmuan Thlangpa, Kan vahsam mi le nawt ding pawl tul lo in anmah ten rak fai verver theh sehla, vaimim le laifang theh man thlep thlep cia sehla ti aw, Hmuan sakpa” tiin Hmuan Thlangpa in a ti. Hmun Sakpa cun a bet ve…”Ai Ai, kei ka duh daan tla cun a tu hi kan lo ih busul, bete le kawlhra pawl hi kan bawm tumbik khan inn lam pan in phur tlung luihlo sehla ka duh ve tuk lo maw e….
Hmuan Thlangpa cun a bet…kan khaw lu ih tiva kha rak kang sehla thaithawh hmeh ding nga tam nawn kai pah sehla ti aw…..
Hi..hi…Aaaa…Hei, ni a suak, kha cubang men…kan titi cu mi in, in thei sehla cu an hnisuak nasa ding ti aw…US President pai hrang ahcun a ol zet ding nan ti aw…hei hei kan feh ke khua a tlai zik fawn…
Mithli fawr khat!
Mithli timi cu tidai bangin a luang thei nan, tidai bangin hal mi a riam thei lo. Hal mi riam lam siloin mithli cu a al. Asinan, vei thawng khat tong suak mi aicun mithli for khat, a formi te in thu a rel fiang sawn.
Leitlun kan pal veten kan tap ih leitlun kan suahsan zawngah mi dangin, in tah lala hin leiltun hi umnak a tlak lo ti in siamfiang.
Kan duh na poh in mithli a for thei lo. Mithli tla dingih kan tuahawk hman ah harsatnak le mangbangnak kan ruah ih kan feeling hnu lawngah kan mithli a for thei lai fang a si. Zuknung cangthiam pawl khal olaiten an tap kan ti theu nan, tap dingin ziang an ruat timi kan rak thei lo. Mithli a tlak cin hi cu a tawp khawk kan thleng tinak a si.
Mifim thiam pawl cun “Mithli hi mi bumnak tabik” an ti hnge hnge. Ziang ruangah tile, mithli ih a thupitnak an theih fel ruangah a si. Asile, Zo ih mithli na tla ter zo. Na nu le pa mithli na tla ter maw, Na u nau maw, na ngaihzawng ih mithli na tla ter pang maw…? A tlunih kan ngaimi na siar zo, mithli hi a men men in a for thei lo.
Mithli veikhat a for zo hnu a kirsal thei fawn lo. Mi pakhat khat a mithli kan for ter pang ahcun kan parah cuhnak ih naa in a thleng ding a si. Kan feeling an dang aw cio. Lolam te ih kan ruahmi mi dang hrang ahcun a rak lolam lo theu. Mithli fornak dingtlak ih kan ruahlomi ah mithli a rak for thei.
Leitlun mi raltha le lungruh Hitler le Napoleon pawl khal in mithli cu an neh lo. Leitlun mi aa bik hman khin a rualpi mithli for a hmuh tikah lungawi in a hni san thei lo. Mifim hrang ahcun ziangtluk a naa ding. Mai duhmi fala in ka lo duh ti na thei lo maw….? “Hi tluk ka lo duhmi hi…tiih mithli a biangno te ah luang phah cingte in, in tansan hram hlah aw” an ti tikah zo in a tansan ngam ding.
Mithli hi thinlung ih thupeknak ihsi for thei fang a si. Amah te cun a for dahlo. A lenglam ihsi riahsiatnak,ningnatnak a thleng tik lawngah thinlung in thu a pek ih cutin a luangliam theu. Thinlung ih ruahmi cu mithmai ah a lang thei, cui ruahmi cu mithli a for hlan ah awka in a suak, awka ih a tlin nawnlo hnuah ah mithli ah cangin a for theu; mithli cu a netnak ih thureltu a si.
Ziangtik caan ah mithli a rak for theu…?
- Kan sim fiang thei nawnlo hnu ah…
- Kan theithiam nawn lo hnu ah…
- Thin naa tuk tikah….
- Tuar thiam nawnlo tikah…
- Ninghang tuk tikah…
- Lungawi tuk tikah….
- Lung phang tuk tikah…
- Ningtih tuk tikah…
- Sirawk tuk tikah…
- Tongkam ih a daih nawnlo tikah…
(Mithli hi, a um taktakmi a si, a for caan teah a for; ninghang dingin tuah hram hlah)
Phar dawlmi Pahbalnak
January 31, 2009 by christina
Filed under Nitin thlarau rawl, Thuthangtha
January 31
Zarhte Ni
Phar dawlmi Pahbalnak
Siar:
Nehemiah 4:7-18
Tisa hiarmi, hmuhmi le duhmi thil, hmaihngal porh awknak hmuahhmuah hi Pathian hnen ihsin a rami an si lo. –1 Johan 2:16
Kumkhat sung Baibal:
- Suahlannak 25-26
- Matthai 20:17-34
Peng 4000 saumi Taluk ram ih Great Wall phardawl cu an ram saklam ihsin a run dotu pawl khamnak ih sakmi a si. 259-210 BC ah siangphahrang Shi Huangdi in phardawl a thok. Asinain AD 1644 ah Manchu pawl in pahbal in an ra lut. Ming siangphahrang cithlah raalbawi nawhthuh pekin an lut theimi a si.
Jerusalem khua hlun phar an dawllai ah Nehemiah in a dodaaltu an raal pawl ih phiar an tum daan a thei ngah. Curuangah raalvengtu a tuah. Hnattuantu a hrek in an ttuan ih a hrek in raal an kil (Neh. 4:13-18).
Khristian kan si vekin kan thlarau nun zianghman in a pahbal lonak dingah kilhim kan ttul. Khristian pitling khal in kilven awk a ttul thotho.
Johan in raal kil ding hmun thum in sim. Tisa hiarnak, mit ih zoh hiarnak le porh awk hmang nun (1 Johan 2:16). Himi raal pawl in Pathian hnen le a Ttongkam ihsin in pial hloter ih raal pawl lut thupnak ding ong an taanta.
Tuni in lemsiahtu thil theih suak tum uhsi! Kan daithlang pangih sangka sungah sualnak a lut ahcun an karhzai dingih in cimnen ding. Phar pahbal ding siang hlah uhsi!
Sual ttha lozet ih thil tuahnak a si lo men ding,
Kan hna in ngamter ih kan zumnak tthang ding a dawn;
Thil fate takte men a si ttheu,
Kan mit a kaih hrem ih lungawinak in ruk sak.
Leilung le a sungih thil milai ih tlaihsanmi pawl an hloral vingvo nain Pathian duhnak a tuahtu cu kumkhua in a nung ding. (1 John 2:17)
Mi dum Chairman ah thlang lala
30/01/09: Republican Party cun a hmaisabiknak le a veikhatnak ah mi dum Michael Steele cu chairman si ding in a thlangsuak ta riai a si.
Mithen khat cun, Michael Steele hi Republican Party member a si lo ruangah an vui zet. Cun, Steel hi 2003-06 ah khan Maryland ih senate a tuannak ah tlamtlinlonak a rak neimi pawl khal an pholang.
Asina, nasa takih hna a tuan tum thu le a ralring tum thu pawl khal a rel ve.
Obama Ih Ruahman Nak Pawm
January 30, 2009 by christina
Filed under Surbung Tlang Thuthang, Thuthar