2009 FU(D) Hruaitu ding pawl

A hmun                              : BCRC Hall New Delhi

A ni                                   : 19-12-2008

A caan                               : 1:00 pm

 

Khawm Hruaitu                   : Pu Hrin Kam

 

Thawknak thlacam               : Saya Kap Thuan Thang 

Khawm Hruaitu in program detail a phuan hnu ah FU(D) Secretary Pa Henry Tial San Bik in kumkhat sung hnatuan daan pawl report a pe. Cumi theh ah FU(D) President Dr. Run Bik in mipi 250 lenglo pawl hnen ah thucahnak a nei. 

A thusim mi tlangpi cu Matu, Hakha pawl in Falam mi pawl in hlawih theh thlang ih napin kan tal a tul timi a sim. Cumi a sim theh tikah Laimi a duhdawt tu Pu Tial Khal hnen ihsin Dr. Run Bik ih thusimmi pawl thlawp in Delhi um kan Falam Chin lungrualten ke kan kar ding, kawl pawl in hmuhsuam ih Delhi ah raltlang in kan um. Hiang kan umnak khua le ram khal ah duhdawtaw ten um uhsi timi thu tha pawl a sim. 

Asim vivo ih cuvek ih mi hmuhsuam kan si lai ah kan mah le mah khal rem aw, derhdo ten um tlang uhsi a ti bet. Asinan Saya Sui Nei Piang cun Dr. Run Bik le Pu Tial Khal ih thusimmi kalhzawng si cuanglo in mipi pawl a hnem.  

Saya Sui Nei Piang cun Matu, Hakha pawl khalin in bang hrihlo, kawlram ah siseh cun US lam ah khal ah siseh Falammi in hmai kan hruai rero lai thotho a si. Curuangah thinnau lo ten napin tan la sawn uh si. Kan niam lo kan nauta lo a si timi sim relnak a nei. 

Mipi suak khawm cun 2009 FU(D) hruaitu ding pawl an hrilsuak; cuang pawl cu a hnuai lam tavek an si:- 

 

2009 Falam Union Delhi hruaitu ding pawl 

 

Pu Hram Lian Bik                 : President

 

Pa Tial San Bik           

Tv. Uk Lian ( Ukte )

Tv. Ral Kap Tluang             

Nu Lal Nei Mawi

Pa Van Lal Sin

Saya Bawi Lian Thang

Tv. Thang Ling

Saya Thuah Za Thil 

Tuini ah secretary ding khal an hril thei lo ih hruaitu meeting hmaisabik ah hnatuan khal an zem aw lai ding a si. 2008 FU(D) hruaitu pawl cun mipi zanriah a dar hai. Rawl kiltu zaten pumpuar le lungawi ten an tlung.  

2008 FU(D) sumpai luh zaten Rs.14946/- a si.

2008 sungah meeting 41 a nei ih emergency meeting 4 a si.

2008 sungih mi thi, mi naa, nau nei a zohmi 72 a si.

 

Comments

comments

2 Comments

  1. Duhdawtmi U pa le pawl

    Nan tumtahmi cu atha lawlaw.Nan websete hi cu nauhak leknak vekmen a bang.Tuah cengmang ah cun tha lawlaw in tuah ding.kalungawi

    lian

  2. Chinland pawl,

    Ka lo lawm hai nasa. Zuam sinsin uh law Chin Miphun hrang ah. Cun Falam Union thu khal ka lo lungawi pi hai zet a si. Website thu cu thu khat. A tu lawng kan thok si si lo maw? Ne ta ah cu a tha sinsin ding…ka lo lawm hai zet..sinan Tv. ti vek hnak in cu Salai ti mi hmang sawn seh la a tha ding ti’n ka ruat. ka lungawi……….

    JUSTIN.

Comments

%d bloggers like this: