THLACAM PHI KAN NGAH THEI LONAK SAN (8)
THLACAM PHI KAN NAGH THEI LONAK SAN (8)
By: Evan Tha Nei Fai
1.Pathian thusung ih kan nun lo ruangah
Jesuh in, “Keimai sungih nan nun ih ka thu nan sungih a nun ahcun nan duh mi pohpoh dil uh la peek nan si ding” a ti. ( Jn.15 :7 ). A thusungih nung timi cu a Thlarau fial daan poh ih nun,a si lo le Bawipai thuthu ih nun tinak a si.Minung khalin kan thu ngaiih in
tihzah derhdo tu pawl cu an hrangah uimi kan nei ve lo.Pathian khalin a fapa neihsun hman ui lo in in pe ih thil dang ziang kim in pe siang theh ko nan a thu sungih kan nun lo ruangah in pe theu lo. Famkim Siarbet
Olsam Khristian Nun
November 29, 2008 by Rev Run Cung Mang
Filed under Nitin thlarau rawl
Olsam Khristian Nun
Siar: Matthai 16:24-28
Keimah ruangah a nunnak a liamtu cu a nunnak a hum ngah ding. – Matthai 16:25
Kumkhat Sung aibal: - 2,3 John, Jude - Thufim 21:22-31
TV program tampi cu caan tawite sungah kan zoh ttheh thei. Kan theih duhmi thu pawl caan tawite sungah fiangte in a lang thluh. Ziangahtile cet lam fimthiamnak ruangah Nazi pakhat a reimi program kha minute 6 hrawgah kan hmu ttheh thei. Minisode Net-work in a larzetmi zoh nuam thuanthu pawl kha tawi famkim in a tuah saal ruangah kan zoh duhmi hmuahhmuah kha ol tein kan hmu thei. Mah zoh duhmi pawl caan tawite sungih zoh thei ttheh timi hin ziangtluk in fimnak a sang ti a lang. Kan nunnak ah ziang hmuahhmuah hi olsam dingin tuah thei a si.
Camkhat Lai ih Mero
CAMKHAT LAI IH MERO
Na zaam nawn lonak ih um ka zuam lo
Tlangsang tlun ih na lenlai ka ngai
Mero pawl thlir in ka lo duhnak pawl ka rak thuptheh
Ka lo ngaituk thla-engte
Tonsalnak ding caan a fiang nawn lo
A raumi kan hmailam khi thlir hnik aw
Tontheihlo le biaktheihlo in nang
Kan karlak ih in hlattertu ziang a si?
KEIMAHTEN KA THA A RAK NAU CUTEH!
NA HRANGAH KA TLING LO KA RAK TI CUTEH!
Leitlun ih Neihsiah le sumsaw pawl ka rak thlirsual ruangah maw
Na hnen lo pan ngam ngai lo in
Kumkhua taangcuum in ka lo hraam…
A thianghlimmi ka lungsung ih Duhdawtnak pawl
A tuteh manneizet in na ruat lai maw?
Thleidannak mit a meng lomi na duhdawtnak pawl ka ngai
Ka ngai tuk!
Khui ah na um? Tongawk sal thei sisehla veikhat te khopten lo zohta ka duh
Lungthin sung ih thuthup pawl iik thluahthlo in lo simta ningla ka duh
Ka lungthin thuukbik ih HMUN a khuartu Thlapa te
Ka lo ngaituk
Ka lo ngai tihman simtheinak neilo in ka ni le caan pawl an liam
Diriamten lo simta man lo in kan then aw
“In rak leng theu aw…ka feh hlan sungcu”
Lungkuaiza na aw note, A forzikmi na mithlipawl kumkhua in ka fingkhawi ding
Hnangamten feh hrih ko aw
Na thu le hla pawl ka rak zingzoi theu ding
Ka lo duhnak pawl ka phau theu ding
Zohman ih theihthiam lo ding in
Na kaidahmi Thawphat kung le Na fingkhawi dahmi rose par te tla
Vuai hninghniangten an umlai sokhaw
Nan cang parih pangpar zaam tla Sipin pawl in an thlo faithluh zo sokhaw
Pangpar hnah til ro tete cu ka diary sungah, ka lo hmuh leh ding
Nan dawr ih I pekdahmi Niciasih mu (15) lai tuni tiang Plastic in ka retlai
A sauzetmi na kutzung ziarzi pawl ka ngai
A mawitukmi na mit le na hmur, na hnar na aw note
Tluang rihriahten a neemzetmi na sam
Ka lo duhdaan cu….
Na thu le hla ruat lo in nikhat hman caan ka liamter sianglo
Lo co ding tengteng ka tum dah lo
Riahsia le lungawi cing in ka lo zoh, ka lo hraam, ka lo sunsak
Na muithlam lawnglawng ka hmu
Muithlam ih pianhmang maw Pianhmang ih muithlam sawn si?
Falam Biazai ngantu pawl Ka rak sut hngai sal ding
Nangmah taktak teh khui ah na zaam
A sangzetmi tlang tlun ah hung zaam sal aw
A hninghno mi thingram pawl tlun ah hung zaam sal aw
CAMKHAT LAI IH MERO
Hretaai
Khawte fa
Khawte fa
A liamcia ka can pawl
An awlawk a song.
Hmailam nunnak an ruah ah
An van a sang.
Ka dinhmun khal
A khawruah a har
A to a rem lo.
Santhar le sumpai pawl
Zo mithmai hman zohlo in
An hni an khek
Hinah ah
Khawpi au aw a ring tuk.
Thawmte (hlanlai)
Levi Sap Nei Thang hmaiton thusuhnak
Q. Nargis tuarnak Delta area ih na bomnak pawl in sim thei pei maw?
Sapte: Aw, sim thei ee. A thok lam cu an ei ding, in ding pawl kan pe bik. Buhfai, kha-suan, kalape tivek rawl a ro vial kan pe thei ih thla hnih hrawng a rei cun hang hnah, hang rah kan ngai tuk an tiih kawpi hlum, aa-lu, kawl haang tivek Yangon in kan hun phurh. Cumi tikcu hrawngah beel, u-kaang, thuam hnaw, pa-kaan, haai tiang kan pe thluh. Kan zohmi khua pawl ah kan pek, Delta ih um an zate cun an tamtuk ih kan pe cawk lo ih.
Sun Tseu Khantlang ah kan Tong-aw!
Sun Tseu Khantlang ah kan Tong-aw!
S. Hrang Kap Hnin
Dr Chit Maung in Rev. C. Hrang Tin Khum ih MBC AGS a ngah lungawi thusimnak tuah hmuak ?um ah hitin a sim dah:
“Kawlram ah Pathian in siangbawi pawl hnen in Karen pawl hnen ah thluasuah a pek. Ral an thawh ruangah a laksal ih Kachin kutah a pek sal. Kachin te kha an sui le ngun ah an buai ih a laksal lala ih atu Laimi kut ah a pek. Laimi pawl ral-ring uh. Nan kut i ta laksaal a si lonak dingah,” tiin.
Al-Qaida hruaitu in Obama sawiselnak video tisuak
Al-Qaida hotu lubik sangtu Ayman al-Zawahri cun ni 25 November ahkhan US president thlanthar Barack Obama sawiselnak video cu internet ah mikip ih hmuh theih dingin aret. Obama cu mi dum sikhalehla mirang pawl ih thuthu in a feh thotho tin a puh. Hihi US policy ah Obama cu danglamnak a thlen lo tin Muslim le Arab mi pawl neh tumnak thu a si tin an phuang.
Video sung ahcun Zawahri cun Obama hi tirhkah men si in a rel. Hi sawiselnak video pawl hin US secretary of sate rak tuan zotu Colin Powell le tui hna a tuan rerotu Condoleezz Rice pawl cu a ti buai zet. Video cu minit 11 le second 23 sung tilang a si ih thusimtu Al-Zawahari ih zuk vial tilang a si. Al-Zawahari cun Obama thlantlin a sile, US policy pawl ka thleng dingih hmuhsuam le harsat a tuarmi pawl tundin an si ding tiih a simmi pawl thuphan a si tin a phuang ih betah Obama in Afghanistan ram fiakte a do tumnak thu khalah Afgahanistan mipi pawlin nasa takin an do let ding tin a phuang bet.
China ram ah tlawngta nauhak mi 19,000 linghnin ruangah thi
Kan dung May thla sung ahkhan China ram Sichuan province ih nasa takih ling a hnin ruangah nauhak tlawngkai lai 19,000 hnakih mallo an thi. Hi thu hi Sichuan province excutive vice governor Wei Hong cun thuthang conferece ah a rel.
China khumpi cun hi linghnin ruangih tlawngta 19,000 aiih mallo thi pawl hi a rak phuang duhlo nan 23 November 2008 ahcun phuan lo theihlo in a phuang suak ta a si. Tlawngta nauhak tamsawn cu an tlawnginn ih a nen thatmi an tam sawn ruangah an nu le pa pawl cun tlawnginn an sak thatlo thu hotu pawl hnen ah an sim ih tlawnginn tha khal sak dingin an dil bet.
Hi linghnin thihnak rapthlak zet a tuartu sungkua pawl in puan hlum sin ding an neih nawnlo thu an sim. Puan tampi pek a si zonan an daihlo thu khal an rel ih bet ah tuikum cu kum dang aiih adaih sawnding ruangah an thla a phang sinsin thu khal an rel tel. Linghnin ih a nuaisiatbal mi inn 200,000 sahthat sal a si zo ih a dang 685,000 pawl sak rero lai a si. Culawng siloin tlawnginn 1,300 lai cu sak that rero lai a si thu an phuang.