Leitlun eiruknak nasabikram ah Kawlram lang

Eiruk lam ih finfiah hlithlainak a tuahtu Transparency International in zatek cawhrual in kumtin ten a tahtheu ih, tuikum ih a tahnakah cun ram 17 a thar pawl a tel bet nan, eiruknak cu ahlan hnak in a thlaniam. An tahdan cu hminsin hlolak (0) ihsin pahra (10) karlak in an tuah ih, nambat a ngah malbik tu cu eiruknak nasabik ram an si tinak a si.

Ram 180 lenglo tlar tirnakah ram 132 pawl in tahnak ih 5 hnuailam an ngah. Greece, India, Mexico, Brazil, Saudi Arabia le Thailand pawl khal an tel ve. Adang ram 132 pawl cu tahnak ih 3 hnuailam pawl an siih eiruknak a luarkai rampawl an si. Argentina, Pakistan le Russia pawl an si. Asebik ram cu Somalia leh Kawlram an siih 1.4 lawng an ngah.

Nambat a ngah tambik tu ram pawl cu New Zealand, Denmark le Finland pawl an siih 9.4 tluk an ngah cio.

Tuikum sungih eiruknak ihsin hmasawntu ram pawl cu African ramsung ihsin Seychelles hminsin 63 ihsin 57, South Afica 51 ihsin 43, Swaziland 121 ihsin 84 pawl an si. Eastern Europe ramsungah Croatia 69 ihsin 64, Czech Repubilc 46 ihsin 41, Macedonia 105 ihsin 84, Romania 84 ihsin 69, Italy 45 ihsin 41 pawl an si.

Eiruknak a tamnak hmun hminsin 3 thuailam a ngahtu ram pawl cu World Bank in sumlut niam ram tiin a hmin ih zoh a sile, uknak tha lo le harsa ram asi. Alehlam ih a sangbik ram pawl cu pursum leilawn thatnak hmun, leh acozah leitlun pumhuap ih soisel a tuar dah lo mi ram an si.
+++++++++++++++++++++++++++++++++++++++++++++++

UEFA Euro 2008

Final lek tu ding
Spain Vs Germany

Spain
Spain in goal a zaten 11 an thun ih an lakih David Villa in tui kum 2008 Euro cupah a goal tambik hrih lai voi 4 a goal..
Voi khat European ah a rak champioan dah ih voi khat final a lek…
Tui kum ih a kai dan
Russia———- 0-3
Russia———- 1-4
Italy ———– 2-4
Sweden ——– 1-2
Greece——— 1-2
Cutin Groups D ihsin point 9 full point ngah in a kai mi an si. Voi khat hman an sung lo

Germany
German khal hi azaten 10 goal an thun ve ih anlak ih goal tam bik tu hi Lukas Podolski asiih voi (3) a goal…European ah voi (2) a champian ih final voi (3) a lek..
Tui kum ih a kai dan…
Turkey ——- 2-3
Portugal——- 2-3
Austria——– 0-1
Croatia——– 2-1
Poland ——– 0-2
Croatia in in voi khat a neh ti lo cu an nih kha an sung lo ih Group B ihsin point 6 ngah ih kai an si.

1960 ihsin champion a rak ngah tu pawl

1960 – France
USSR Vs Yugoslavia ——- > Yugoslavia

1964 – Spain
USSR Vs Spain ———— > Spain

1968 – Italy
Italy Vs Yugoslavia ——– > Italy

1972 – Belgium
USSR Vs Germany——— > Germany

1976- Yugoslavia
Yugoslavia Vs Germany— > Yugoslavia

1980 – Italy
Germany Vs Belgium—– > Germany

1984 – France
Spain Vs France ——— > France

1988 – Germany
USSR Vs Netherland —– > Netherland

1992 – Sweden
Germany Vs Denmark— > Denmark

1994 – England
Germany Vs Czech Republic— > Germany

2000 – Belgium and Netherland
France Vs Italy ——— > Italy

2004 – Portugal
Portugal Vs Greece —– > Greece

2008 – Austria and Switzerland
Germany Vs Spain —– > ???????
+++++++++++++++++++++++++++++++++++++++++++++++

Leitlun ih raltlan ramdang kuat tambik -30,000

Hi an kuat tambik mi pawl cu Karen pawl an siih Thai-Burma ramri Refugee camp hmun 9 ih um pawl an si.

The UN High Commissioner for Refugees (UNHCR) ih a simnakah cun raltlan mi 30,144 in 2005 ah Thailand suahsan in ramdangah kuat an si zo. Asinan raltlan mi 123,500 lenglo lai hi hmun ah an um lai thotho a ti bet.

Athen khat hi camp ih Sanhnih rori tiang um, an um thu khal UNHCR aiawh palai Raymond Hall cun a sim. ‘ hi hmunah an suak ih, mahte sungkua neiin hi hmun tho tho ah an um a ti.’

Raltlan mi 21,500 hrawng cu United States ah an feh ih, Australia ah mi 3,400, Canada ah 2,600 pawl an um. Ramdang an umnak hmun pawl cu Finland, Ireland, the Netherlands, New Zealand, Norway, Sweden and the United Kingdom pawl an si.
+++++++++++++++++++++++++++++++++++++++++++++++

Bush in Kawlramthu UN Ambassadors relpi

United Nations| June 26: US President George W Bush in UN Security Council palai pitling-hngetkhoh ram pawl thawi thureltlannak an neih nakah Kawlram thu relpinak a nei.

Ziangthu bik a rel felfai ti cu theih ciah a si lo. Tui’ Kawlram dinhmun, minung nunnak a zah lo thu le mipi zalennak ding hrangih hmalakding thu mallai a rel ti lawngte theih asi.

Bush in UN Security Council in Dafur le Burma hrangih tuandan ding kan rel tiin White House inn pi kiangih arak hngaktu thuthang lakhawmtu pawl cu a si.

Bush uknak thlawp pi vetu France le Britain cun nasa zet in Kawlram miuk a thleng theinak ding UNSC ah hmalaknak an nei nan, China le Russia in a rak dokalh ring ring theu.

US president Bush ih miuk hin Kawlram hrangah nasa zetin hmalaknak a nei. A nupi Laura Bush le Secretary of State Condoleezza Rice rori khal in Kawlram thuthawi pehpar in dokalh nak le hmalak nak nasazet in an nei a si.

Tu nai CNN ih Rice thusuhnak an neihnak ah US in Security Council in thutluknak in nasa sin ih a hnatuan lai hmuh kan duh, asinan China leh ramdang pawl lawngte nasa zet ih thutluknak tuah dingin kan rualrem thei hrih lo a ti.
+++++++++++++++++++++++++++++++++++++++++++++++

Kawlram thlisia ruangih thi mi 84,500 kim

Deputy Foreign Minister Kyaw Thu ih asim nak vek ah cun mithi 84,537 le mihlo 53,836 tuni tiangih a hlo mi an si a ti. Hi an thuphuan mi hi May 17 hnu lamih an thlirlet nak hmaisa bik mi asi ih a hlan ih mithi 77,738 le mi hlo 55,917 an um tiih a than hnu lam ih an phuan leh sal hmaisabik nak a si.

United Nations aiawh palai mi 300, Kawlram acozah le ASEAN pawl in siatralnak hmun khaute pawl vehvainak le thuhla suhnak khal an nei rero lai.
+++++++++++++++++++++++++++++++++++++++++++++++