Associated Press Writer Sun Feb 10, 12:48 AM ET

Kawlram a cozah cun 2010 ih mipi hrilawknak neih a tumnak thu ah, leitlun ram tin pawlin mipi hril tlin cia mi party hnenih huham thuneihnak a pek men lo cu sawisel a hlawh zet.

Kawlram a cozah khal cun danbul hram zohfelnak khal May thla sungih ttheh cih dingin a ti bet.

‘Ralkap miuknak ihsin mipi duhdan ih ukawknak caan a thleng zo’ tiin, radio le TV ah, acozah theih pi ih suah a si.

Kawlram ih mipi hrilawknak cu 1990 kumah neih a siih, Aung San Suu Kyi ih hruainak in NLD party pawl in nehnak an rak coh dah zo nan mipi hriltlin mi party hnenah thuneihnak cu a rak pe cuang lo.

Hi ti ih mipi hrilawknak ding ni a puan hi a voi khat puan suahsal nak a si.

Amahlawngte hi an thupuan mi hi a zumlo tu pawl then khat cun a dingfel lo mi le mipi zalennak a um tak tak lo dingmi a si ko ding ti khal in an rel.

Thu puangtu Nyan Win cun ‘ hi thusuah cu a zumtlak lo, famkim lo le thil dang pi’ cu a si a ti. A sim vivo nakah cun Dan bul hram zohfelnak hman a puan hlanah leh a fianghlanah hrilawknak ding ni cu 2010 a siding tiin an puang cu a mak zet a ti bet.

Kawlram ih mahte ukawknak a zuam rero tu, miphun pawlkom (ethnic minority) pawl khal cun dan bulhram zoh remfelnak cun central acozah cu ziangtluk in kan ni pawl in zuam khal sehla an mai hmunah cun duhsaknak tamsawn a pe tho tho ding an ti ve.

Danbul hram Thlirlawknak le hmasial nak ih tuahmi ah cun zatek 25 tluk cuk ralkap a cozah cun A Thurel innpi (parliament) ah hmun a pe tho tho dingih cui’ pawl cu Commander lu pwl ih hrilding mi an si a ti bet.

Culawng si loin president si dingin ramleng ih daan le covo tha neih pawl cun an ttuan thei lo ding ti khal a tel bet.

AFP – Friday, February 8

Fri Jan 25 Reuters –Leitlun Harhdamnak Pawlkompi [World Health Organization (WHO)] cun zu ruangih thil ttihnung, thinlung, chuap, mah te thah awh duhnak, nunau mipa pawlawknak ih a tisiat zia do an tum thu an puang suak.

UN khal in zu ruangih natnak le siatsuahnak, thalai le naupai hnenih a hleice ih a luar theumi hrang hmalak pi ding a tum thu Fadela Chaib cun a puang. Sungtel mi 34 lenglo lungkimnak in WHO in leitlun pumhuap Zu dodal ding thu duangding in an rel cat.

Hi an duan ding mi ah cun, an zuar dan ding, a man, a zem dan ding, vantlang hnenih zirhnak pek dan ding pawl tla a tel dingih kum hnih (2) sungih theh felfai dinga si.

Kum 2003 ah WHO pawl in Kuak le Kuhsi ei khamnak leh nasa sawnih ralrinnak mipi hnenih pe dingin hmalaknak a rak nei dah zo.

Zu ruangah kum khat ah mi 2.3 million lenglo an thi, leilungtlun ih mi thi zatek 4% tluk ti nak asi.

WHO in ram khat le ramkhat zu khap dan thu ah siseh, zu zuar danding thu khalah a ram ih zirin a khap dan, Sakhuanak ruangah le thil dang dang ruangih a kham tu ram tth: Islam tvp. Kan theihthiam awk pi khal a tul ding tiin an ti bet.

Leitlun ih Zu tuahnak company ropi bik 16 pawl khal in hi hmalak nak cu “hmalak nak dik (Positive Step)” a si an ti ve.

New York Time – Madonna 49, cu leilungtlun ih nunau music lamah a lianbik tiin Forbes.com ih mi 20 lenglo an tarlan mi ‘ Cash Queens of Music’ ah a ngah ta riai. June 2006 – June 2007 tiangah $ 72 million a hlawhsuah. Leitlun hmun tin ih tlawng tu khal a si.

Barbra Streisand in pahnih nak a ngah ih a nih hi $45million a hlawh suak ve. Anih hi North America le Europe a tlawng. Celine Dion cu a pathumnak siin $ 45million a hlawhsuak ih, Las Vegas ih “ A New Day” timi a tisuah nakih a hlawh tling zet. Shakira hin a pali nak a ngah ih $38 million a hlawhsuak ve. Beyonce ($27 million), Gwen Stefani ($26 million), Christina Aguilera ($20 million), Faith Hill ($19 million), the Dixie Chicks ($18 million) le Mariah Carey ($13 million). Hilary Duff, Avril Lavigne le Martina McBride hin $12 million ve ve an nei. Britney Spears hi 14 nakah a um ih $8 million a hlawhsuak. A hnuaiah Carrie Underwood le Nelly Furtado an si ih ($7 million ve ve); Fergie, Jennifer Lopez le Sheryl Crow ($6 million ve ve); le Norah Jones ($5.5 million) pawl tla an si.

An tehfung cu an ceiawknak ih an hman mi, an album zuarzat, tvk pawl in an zoh.

AFP– Argentina Futbol hminthang Diego Maradona cun 1986 kum World Cup quarter-final ih England thawi’ an leh nakih a kut ih Bawhlung a tham “Hand of God” tiih an ti theumi, pawi a ti thu leh mipi hnenih ngaihthiam a dil thu, thuthang lakhawmtu pawl ih an kawmnakah a rel.

The Sun Magazine ih asim nakah cun ‘kum (20) lenglo ih a cang mi rem kir sal theih siseh la cun, England 2-1 ih kan neh nakih ka Goal ngah mi cu ka rem kir sal ding’ a ti. Asim vivo nakah cun khami lai ih ka kut ih ka thun mi Goal cu rem sal ka duh nan kha mi khal Goal cu a si ko ih Argentina khal champion kan si tho tho, culawng si loin a lekthiambik tu khal keimah cu ka si tho tho a ti bet.

Hi a kut ih a goal mi hi Mexico ih an lehnak ih thilcang mi asi ih, Argentina in England 2-1 ih an neh hnuah, final ah Germany cu 3-2 in anneh sal ih an champion. An leh thluh ih England mipi thin heng sosangih ti buai an tum laiah Maradona in mipi hnenah ka goal mi kha “hand of God” (Pathian kut) tiin a rak sim ih curuangah tuni tiang an ti hlennak asi.

Maradona in thusuhnak a leh vivo nak ah cun Sivai (cocaine) ka tham lo sehla cun leitlun ah Pele maw a thiam keimah tiih thusuhnak a ra suak lo dingih mipi in keimah in hrilh cih ko ding. Culawng si loin, Leitlun ih Futbal lekthiam sinak voi thum lenglo ka ngahbet lai ding ati bet.

Sat Jan 26, 3:26 AM ET BANGKOK (AFP) – Kawlram a cozah cun a cozah dokalh tu kai nawn lo dingih UN palai hnenih a tiamkam hnu ah mi 100 lenglo a kai sal zo.

Yangon ih mipi buainak September thlaih a suah hnu ih a thla hnihnak November thlaah, Kawlram ih UN palai Ibrahim Gambari hnenah Janta cun mipi, ram thu khel tu kai nawn lo dingin an rak sim.

December le January thla sunga ih kaih a tuar tu pawl hi NLD party pawl le Phungki pawl an siih, a hlei ce in kan dung September thla ih mipi buainak leitlun ram kip ih tilang a tum tu pawl an si tlangpi.

September 2007 ih ram buainak ah mi 31 thi in le mi 74 lenglo an hlo tin UN cun a hminsin.
Jan 25, niih Amnesty pawl ih an sim dan ah cun September ih ram thu buai ruangah mi 700 lenglo thawngthlak an si thu a tar lang ih cu lawng si lo in mi 1150 ram thukhel ruangih thawngtla an um thu khal a tarlang bet.

January 24 AP – Kawlram ah nitin ten nauhak kum (5) hnuailam pawl kham theihlo natsia ngah in an thi ring ring ti’n le Asia ram ih Afghanistan sangtu ram sebik pit tawp a phnihnak a si tiin UN official cun a sim.

Dr. Osamu Kunii, Kawlram ih nauhak lamih UN Children Fund cun kumkhatah nauhak 100000-150000 (nikhat ah 270-400) tluk an thi a ti. Hi thu hi UNICEF ih kumkhat sung a report “The State of The World’s Children” pek nakih apuan mi a si.

Nauhak zatek 21 tluk ih an thihnak san cu thawharnak, Pneumonia, Diarrhea le Septicemia ruangah a si tiin a ti bet. Hriselnak a that lo nak ruangih nauhak thi an tam tuk ruangah WHO cun leilungtlun ih a sebik pahnih nak tiin a hminsin.

Kawlram ah kum tin Malaria, TB, AIDS, Sungdawk le natnak dang dang ruangah mithi an tambik. Hi natnak pawl donak dingah ti’n Ramdang bawmnak ziangmaw tizat a ngah konan bawmnak paisa zatek 3 tluk lawng harhdamnak lamah a hmang ih a dang hmuah cu ralkap zohnak ah a hmang tiin University of California, Berkeley and Johns Hopkins University pawl in an hmuhsuah thu an tarlang ve.

January 24, 2008Published: 12:29 IST(24/1/2008)
Myanmar Airways International (MAI) cun tui kum sungah a vanzam leitlun ram kip ih zuangdingih ahmalak nak ah tiin India ah ti zam a tum thu Yangon Time thuthang ah a ngan.

MAI cu January 15 ihsin Bangkok le Kuala Lumpur ih zam theumi cet lam that lo nak ruangah cawlhrih a siih hi lam pi hmangin India khalah a zuang ve ding. MAI hin leitlun ramkip ih tlan Vanzam, Singapore ih zuangmi telin pali a nei.

MAI hi ramsung tlan Myanmar Airways(MA) leh Region Air of Singapore kawmawk ih neih mi a si. MA in mimal neih vanzuang pathum; Air Mandalay, Yangon Airway le Air Bagan a nei ih hi bakah ramsung lawng si loin in hnenram Chiangmai, Phuket le Thailand Incheon pawlih tlan a nei.Asinan Air Bagan, Singapore ih zuang theumi cu November 4 ihsin US ih kawlram neknak a peknak raungah cawlh tir hrih a si.

Kawlram sungah ramleng vanzam a zuang lut tu 15 an um. Thai Airways International, Indian, Qatar Airways, Silk Air, Air China, China Southern Airlines, China Eastern Airlines, Hong Kong Express Airways, Mandarin Airlines, Malaysian Airlines, Bangkok Airways, Jetstar Asia, Phuket Airline and Thai Air Asia pawl tla an si.

Kawlram cun the United Arab Emirates pawl thawn khal vanzuang thuih lungkim tlannak thuthlung an tuah tiin thuthang cun a simbet.

Feb 4, 2008 11:47 AM Kawlram palik pawl cun DVD a zuar tu pawl hnenah thukhohkhat tak suah in Rambo zuknung, Ram thu thawi pehpar ih a can mi khawl lo dingin thu suah a tuah thu Yangon ih um pawl cun an rel.

An khamnak cu zianghman ah rel loin a thupte in mahtei rak lasawng tu an pung sin sin lawn si lo in Yangon khawpi ih mipi titi tam bik a hlawh.

Mipi pawl in an uar bik mi cu ‘Live for nothing, die for something’ ti te hi asi.

Hi mi zuknung hmangin American in Kawlram Junta kut ihta in hruaisuak hramseh tin Yangon laihlum pakhat cun thuthang la khawm tu a sim bet.

Feb 4, 2008 10:56 PM
Kawlram September thlaih mipi thinheng sosang ih an buai hnulam ihsin a ram sungih leeng mikhual a hrek tluk rori in an mal tiin Kartin suak Journal pakhat cun a ngan.

Mirang tong ih ngan Myanmar Time cun, ramdang mikhual Oct. thla hnu lam ihsin 24% tluk in an mal ih buainak a suah hnu lam ah pheicun 44% tluk in an mal a ti bet. \

Deputy Tourism Minister Aye Myint Kyu cun kan dungkum thawi tahthim in ramsung ih leenngvak mikhual mi 8.8 tluk in an mal a ti. Kawlram a cozah hminsin dan in 2006 ah aram sungah mileng 349877 lenglo an ra tiin a hminsin ih rambuai hlan tetiang ah cun ziangmaw ti zat an thangtiih hminsin a si.

Asinan a ram a buai lai ih mipi a thuptei’ rak zuk le Japanses thuthang la tu, Sule Pagoda ih an kah that hnu cu, a ram sungih leeng ding an tih thluh.

Junta a cozah in hi ti vek ih mipi ih an tih thluh nak thu ah, Internet leh website ih a tar lang tu ramleng ih a leengtu pawl le thuthang la tu pawl a puh. ‘ Kawlram hmel tisiat an tum a si ti’n Aye Myint Kyu cun a sim bet.

Tue Jan 22, 3:42 PM ET NEW DELHI (AFP) – India in nauhak suak kilkhawi tha ih arelawk rero laiah thlakhat ih nausuak mi panga(5) ah pakhat(1) tluk an thi tiin United Nations Children’s Fund cun a sim. Leitlun naute suak santhuanthu thawi tahthim in 9.7 million tlunin a mal vivo tin an ti bet.

South Asia ah mi 3.1 Mill. tlun in an mal ih hi lakah India ah mi 2.1 tlun an thi tiin, “State of the World’s Children” ah UNICEF cun a suah.

Nausen kum nga (5) hnuai lamih mi thi an tam tuknak thuah, Murzi cun naute hnawiti an pek dan lawng hman in ziangmaw ti zat nunnak a ti mal phah a ti bet.

UNICEF khal in thei tawp ih tan lak pi a tum ih tui nakhak kum nga (5) hnuai 2.7 ihsin 7.6% tluk ih thang dingin 2015 hlanih hmalak nak pek khal a tum.

Fri Feb 1, 3:27 PM ET
TORONTO (Reuters) – Canada ram um hmaisa tu vangtlang mipi pawl in zu khapnak dan an khua ih tuah ding an duh thu an vote ta riai. Hi tih an vote nak san khal tu nai te ih Indian nausen mi pahnih an thihnak ruangah a siih, hi nausen pahnih thinak san hi Zu a si tinan zum ruangah a si.

Ram hmutu leh khuawt tu mi 76-74 pawl in zu zuar nawn lo ding ing le, sumdawnnak ih mahte a zu a tuah tu pawl khal tuah nawnlo dingin an vote ih, Atlantic Coast vangtlang mipi ih buainak le harsatnak khal Zu ruangah a si tin’ an ti bet.