2008 Mumbai Bomb Puahnak Teltu America Mi Kum 35 Thawngtla Ding

The-Taj-Mahal-Hotel-in-Mu-002CHICAGO : Mumbai khawpi sungah, 2008 ih thilthleng rapthlakzet pakhat cu, sualnak neilo le hnatuan ih um rero pawl hnen ih bomb tipuahnak ruang ih mi tamtak nunnak cem mi asi. November 26-29, 2008 ah, Mumbai ih Taj Mahal hotel le Jewish center hmun le a dangdang cu misual pawl in an luhcilh ih, meithlal hmetpuak in mi 200 deuh thaw in thihnak an tuar ih, mi 300 lai in hliamhma an tuar.

Cumi tum ih meithal hmetpuak tu Pakistan mi Mohammed Ajmal Kasab cu 2012 November 27 ah khan khaithat asi zo. Hi bomb puahnak thawn a kaihhnih awtu, America mi David Coleman Headley cu, Chicago ih court cun a thuhla an relsak hnu ah a sual ti ih hmuhsuah asi ih, kum 35 thawngtla ding in a tlunthu an relcatsak asi.

An thurelnak a theitu pawl cun, Headley cu kum 35 lawng tang ding asilo, damsung rori thawngtla tlak asi ti in an sim. Headley hi tu ah kum 52 mi asi ih, thawng a tlak ding kum a kim cun kum 87 a kim ding. Thuthennak zung cun, thawnginn sung ih thatei a um ih, nuncanmawi a neih asi ah cun kum 80 a ti ah asuak thei ding ti in an sim.

Mali Ram Khawpi Pakhat French Ralkap In Lasal

SEGOU/BAMAKO, Mali (Reuters) – Islamist pawl in an lakmi, Mali ramsung ih Hombori khua cu French ralkap pawl in a lasal thei zo. Hihmun hi hmun poimawh ve zet pakhat asi ih, hel pawl ih hmun an khuarnak hmun khal asi. French ralkap pawl hin, 25.1.2013 ah khan, helrual pawl ih umnak, an meithal le ralthuam retnak hmun hrekkhat cu tlunlam ihzin an kap ih, hmun tamtak ah helrual pawl cu an tlandarh. Culai ah, helrual pawl hin, Nigeria ram le Mali ram an pehtlaihawknak ih an hmanmi bik Niger tiva ih lilawn cu bomb hmang in an siatsuah ve thu khal theih asi.

Comments

comments

Comments

%d bloggers like this: