2008 Dan Hrampi Zohfelnak Thok, Mipi Hnenah Simfiang Tul : Suu Kyi

daily-aug23-tdl01

Kawlram sung ih hmanmi, 2008 ih tuahmi Dan Hrampi cu, mipi tamtak lungawi lo le duhlotu an um ruangah, cozah lam cun zohfeltu dingah Joint Committee a dinsuak. MP 109 tel ih dinmi pawl cun, August 23 ihsin 2008 Dan Hrampi cu an zohfel ding ih, an zohfelmi cu December 31, 2013 netabik ah khiahin Union Parliament ah an pe ding.

Joint Committee ih Secretary Aye Mauk cun, “2008 ih tuahmi Dan Hrampi cu zohfelnak tuah a si thlang. Himi pawl cun, Dan Hrampi in Kawlram sungah daihnak, cahnak, lungrualnak le hngetkhohnak a neih vivonak ding ah a zuam ding. Dan hrampi zohsalnak cu, mipi pawl ziangtluk ramthu ah an thangso timi par khal ah thumaw in zoh ding a si” tiin a sim thu Eleven Media cun an tarlang.

daily-aug24-tdl04

Suu Kyi, Lower House MP cun, tuihnu can reilo te ah, 2008 Dan Hrampi mipi an theihnak dingah campaign an nei ding tiin a sim. NLD hotu Daw Aung San Suu Kyi cun, “Mipi pawl hnen ah, 2008 Dan Hrampi hi ziangvek ngaingai a si timi khal tu ihsin kan sim a cu thlang. Mipi tamtak cun, Dan Hrampi umzia le tican ngaingai an thei lo. An theihlo ruangah an hrang ih a thatnak le siatnak khal an theithiam lo. Curuangah, ziangvekin 2008 Dan Hrampi hin Kawlram mipi parah thu a nei timi hi Kawlram mipi zate ih kan theih tulmi a si” tiin a sim.

 

(Visited 51 times, 1 visits today)

Comments

comments

Comments

%d bloggers like this: