Tangdornak Ih Sunlawinak

Tangdornak Ih Sunlawinak

Siar: Isaiah 40:1-5

Cutikah Bawipa ih huham cu a lang dingih mi hmuahhmuah in an hmu ding.
Bawipa amah rori in thu a kam zo a si a ti.Isaiah 40:5

Kumkhat sung Baibal: – Saam 143-145

London ih Khrismas veikhat lai ah Handel ih “Messiah Album” sungih, “Pathian sunlawinak a lang leh ding,” timi hla pawl ka ngai. Cuih ni zinglam caan cu England ram ih sunlawinak a simi lung mankhung thawn tuahmi Siangpahrang lukhum le London khuabawi ih sui khutmi rangleeng ka zoh. Hitluk ih lennak le huham hi mak ka tizet ih profet Isaiah san ih minung pawl khal in Pathian in Messiah pek hngai ding thukam an theih tikah an thinlung sungah hivek lennak le maksaknak pawl cuang ding ti’n ka ruat.

Asinain Messiah a suah tikah sunlawinak danglam a simi tangdornak thawn a ra. Bethlehem ah a suak ih naute vekin ttong thei lo, rawlhak ei thei lo, midang ih kilkhawi le tirawl pek ringin a um.

Leitlun uktu pawl cu sui le lung mankhung thawn an thuam aw. Pathian cu leitlun ih a rat tikah kiltu hman nei loin ttilva rawlkuang sungah a suak. San thuanthu tthen hnih in a tthentu cuih thil cangmi ah minung tetti hnakin ttilva tetti an tamsawn.

Filip Brooks cun hiti’n hla a phuah:

Dai ziarzi in, Dai ziar in, Mangbangza laksawng cu,

Pathian in minung thinlung sungah a pek hngai;

Vancung ih thluasuah pawl cu.

Biaknak tamsawn ahcun Pathian an naih tikah ttihphannak an nei. Khrih sungah pehzom awknak lamzin Pathian in a tuah tikah ttihphannak a tel lo. – Phillip Yancey

Minung ruun ding le rian dingin Khrih sungah Pathian in a sinak a thup.

Comments

comments

Comments

%d bloggers like this: