China Ramah Tlangleng Cakzet An Tlanter

China Ramah Tlangleng Cakzet An Tlanter

Xinhua News Agency in a tarlang nakah China ramih khualtlawng phurtu Tlangleng cakzet “CRH 380A” an timi cu an ram thlanglam Zaozhuang leh Bengbu kar lakah tlansin ter a siih, nazi pakhat sungah Km 486 ih cakin an tlantiah a tarlangih China Rail roads Ministry khalin hiti vekih tlangleng tlancak hi leitlunah a um dahlo tiah a simih, hi tlangleng tlanlai hi CCTV ah live in tisuak a si.

Hi tlangleng tlan cakzet hi hnakum July thla ihsin  Beijing leh Shanghai karlak ah tlanter tum a siih, a taktak ih an tlanter tikah Beijing leh Shanghai karlak hi nizi 5 sungah a thlengthei dingih Vanzam hnakin a thleng zamrang sawnding.

France President, India A Tlawng

Theiciazo vekin India ramih nili sung caam dingih tlawng rero laitu France President, Nicolas Sarkozy cun India in UN Security Member hnget ram si dingih a dil rero lai mithu ah France cun a thlawp a si tiah a sim. France President, hi a nupi Carla Bruni leh Cozah mi upa ziangmaw zatin an thlunih, India ramih Vansang lam mithiam  ISRO pawlkhal a kawmih, Vansang lam thiamnakah India leh France ram cu hna ttuan tlangdingih a duhthu a sim.

France President, hin India ramih hmunpi pawimawh Agra, Delhi, leh Mumbai pawlkhal a fehih, tuisun ah India Prime Minister, Manmohan Singh thawn an kawmaw cihih, PM Manmohan Singh thawi an kawmawk hlan tuizingah Taj Mahal khal  a nupi Carla Bruni leh a thluntu pawlthawn an zoh ta. France President, Nicolas Sarkozy hi  Defence Minister,  Foreign Minister leh Finance Minister pawlih tlunah Company dangdang hotu CEO 60 hrawngin an thlun.

Tuisun nih India Prime Minister Manmohan Singh thawi an kawmawk nakah  France raldo nak Vanzam Mirage 2000, Jetfighter 51 India in a leizo mi pawl thuamtthat danding thuhla leh a dang 126 dollar Billion 11 man India in  leibet a tummi thuhla leh Helicopter 200 dollar Billion 4 man hrawng India in leibet a tummi thuhla an reltlang

(Visited 35 times, 1 visits today)

Comments

comments

Comments

%d bloggers like this: