Kaitu le Thlahtu

Kaitu le Thlahtu

Siar:

Rom 6:16-23

Zokhal sisehla, sualnak a tuahtu cu sual ih sal a si. – John 8:34

Kumkhat Sung aibal:

Hosea 7-9

Thufim 20:21-30

Kei cu nga kaitu le thlahtu ka si. Suur in nga ka awk tikah ngaleng pawl cu dimte’n ka kai hai ih ka thlah saal. Ti sung um pawl lakah hmuh ding a har deuhmi pawl kilkhawi le pungzaiter hi ngakaitu hrangah thil thupizet a si.

Ngaleng pawl ka thlah saal tikah Paul ih simmi, “Satan thang sungih tlak” (2 Tim.2:26) thu ka mang saal. Satan cun thlah saal ding si lo in siatsuah lanta dingah in kai ttheu a si.
Sualnak sungah caan tawite sung lawng va um duak in kan suak lohli saal mai ding tiah kan ruat aw ttheu. Asinan Jesuh in, “Sualnak a tuahtu cu sual ih sal an si” a ti (John 8:34). Sualnak fate in sualnak tumpi a suahter ih sualnak tumpi in dingfel lonak a suahter. Kanmah te sualnak suur sungah kan lut ttheu ih luatnak hmu loin kan cemta thei a si.
Sualnak cun sal ah in tuah. Asinan Khrih thungainak tangah, a thazaang ring in a duhnak kan tuah ahcun luatnak kan ngah ding. Cuticun thianhlimnak ah kan tthanglian thei ding (Rom 6:16).
Jesuh in, “Mi Fapa in a lo luatter a si ahcun miluat taktak nan si” (John 8:36) a ti.

Sualnak huham Khrih in a siatbal,

Kumkhua daih Khrih duhdawtnak in i zeel;

Huham cak a thiisen in i luatter,

Bawipa.., na sal si ko ning.

Khrih in sualnak sal in i luatter ih rundamnak ah i hruai.

Comments

comments

Comments

%d bloggers like this: