Tuluk ram tlangleng accident ruangah mi (19) thi

Tuluk ram tlangleng accident ruangah mi (19) thi

Kan dung nipi ni May 23, 2010 ah Tuluk ram thlanglam ih Guilin khawpi ihsin Shanghai fehtu tlangleng cun a lamzin a zawh pial ruangah a sungih totu mi (19) an thi ih, mi (71) cun hliam nasazet an tuar. Mi 280 cu anmahte’n an run aw suak thei ih, mi (53) cu mahtei’ feh thei lo an si.

Ralkap le tapung do awknak ah khawsung mi (14) an thi

Somalia president Sharif Sheikh cu Turkey ram ih a tlawn lai ah Somalia ih a umnak inn cu ‘al-Qaeda thawn tuan tlangtu shebab’ tapung pawl cun zan ah an kulh ih, mortar bomb thawn nasazet in an kap. African Union ralkap pawl khalin tapung pawl cu an rak kham ih, an do awknak ah khawsung ih um mi (14) an thi. Mi (25) hrawng in hliam an tuar.

North Korea ‘refugee’ South Korea in an kai

Kan dung May 23, 2010 ah South Korea acozah cun North Korea ihsin refugee ih a ra lut nunau pakhat Kim (kum 36) cu ‘an ram thlingthlatu (spy) a si ti an theih riangah an kai. Kim hi 2009 September thla ah Tuluk le Laos ihsin South Korea ram a lut ih, South le North ramri ih South Korea pawl pehtlaih awknak lamzin thuhla pawl cu North Korea ah a kuat theu ti a si. Kim cun a hlan ih ramri lamzin tuahnak ih hnatuantu Oh timi cu ‘internet online’ in a thei ih, Oh cun Kim a uar ruangah ‘acozah thuthup tampi a rak sim. South Korea cun thuthup phuangtu Oh cu an kai ve.

(Visited 54 times, 1 visits today)

Comments

comments

Comments

%d bloggers like this: