Refugee pawl thuhla zohsalnak ah Rohingya tel duh lo

Refugee pawl thuhla zohsalnak ah Rohingya tel duh lo

Kan dung zarh ah Malaysia ih Kawlram mi (Rohingya) pawl cun Malaysia acozah hnenah ‘hmailam can ih refugee pawl hrang ‘theih thiamnak le ngaidamnak’ thuhla tawlrel a tummi thawn pehpar in lungawi lonak le dilnak an tuah ti a si. Himi thu hi deputy prime minister Tan Sri Muhyiddin Yassin cun acozah thuneitu pawl thawn meeting an tuahnak ah a simfiang ih, ahlan ahcun Rohingya pawl cu UNHCR card an kaih hnu khalah Thailand ram ah kuat sal an si theu tiah a simfiang. Asinan Merhrom (Myanmar Ethnic Rohingyas human Rights Organization Malaysia) ih hotu Zafar Ahmad Abdul Ghani cun ‘2002 le 2004 kum cem tiangah Kawlram mi tampi (Rohingya telin) cu UNHCR ih register an tuah hnu khalah Malaysia cun Thailand ah a kuat kit sal ruangah’ tui’ kum ih Malaysia in ‘Amnesty programme (acozah theihpi rori ih refugee pawl ngaithiamnak, hnatuan siannak tivek) an tuah tummi lakah Rohingya pawl cu tel ve lo dingin a dil.

Zafar Ahmand cun, “UNHCR ih kan hmin a um hnu ahcun Malaysia acozah khalin ‘Amnesty programme sungah’ kan thuhla an rel sal a tul nawn lo ding tiah a ti. Asinan acozah thuneitu pawl cun UNHCR card hmuahhmuah khal a neitu le a hmangtu bang aw lo a tam ih, UNHCR hnatuantu pawl thawn pehtlaihnak felfaizet nei hmaisa in, thil dik lo tuahtu hawl suah dan  ‘biometric identification system’ khal felfaizet ih tuah a duh thu a simfiang. Deputy minister Muhyiddin Yassin cun refugee pawl cu UNHCR in ram dang ih a kuat hlan hmuahhmuah hnatuan theinak ding khal ruahpi an tul ding tiah a ti.

(Visited 62 times, 1 visits today)

Comments

comments

Comments

%d bloggers like this: