Ritnak si zuartu hridai in khai that ding

Malaysia in Petrol le Diesel hmang tam

Asia ram sungah Malaysia cun petrol a hmang tambik tiah International Energy Agency and Global Insight cun a sim. A pahnihnak cu Siangapore a si. 2004 ihsin Malaysia cun kum khatah minung pakhat in (ram sung mipum zat le ‘fuel’ hman zat zohin) 400 liters a hmang ih, Singapore, Thailand, Indonesia le China hnakin a hmang tam sawn. Ram dangdang in kumtin ‘fuel (petrol le diesel) hmanzat cu a tam sinsin ih, 2007 ah Singapore ram ih mi pakhat cun 250 liters a hmang tluk a si.

2007 thotho ah India le Tuluk ram ahcun mi pakhat in kum khat ah 50 liters an hmang tinak a si. 2008 kum ihsin Malaysia khalah petrol le diesel man a khung thok ih, Petrol liter khat ah RM 2.70, Diesel liter khat ah RM 2.58 a si lai hmanah hman ral zat cu 2004 hnakin 4% tiangin a thang. Ticun 2010 kum cem tiang Malaysia mipi in petrol le diesel an hman ding zat cu 20 billion liters hrawng a si ding tiah Fanance ministry cun an sim.

Acozah in ‘fuel’ man kai lo dingih a control nak sumpai hman dan (subsidy) cu mipi cun ‘fuel’ man a kuan tinte’n 71% tiangin acozah bomnak an ngah tinak a si ih, thla khat ah RM 5,000 lahkhah ngahtu pawl khalin ‘fuel’ man hrangah 28% tiangin acozah bomnak an ngah ti a si. Cun, thla tin RM 2500 ihsin RM 5000 karlak hrawng lahkhah ei ringringtu pawl cun ‘thla tin’ fuel man 43% cu acozah ihsin subsidy an ngah.

Liquid Petrolium Gas (LPG” rawl suannak gas) man khal kum tin acozah in aman control nak dingah subsidy RM 1.7 billion a cem na’n mipi hnen ahcun RM 397 million hrawng lawng a thleng ban ti a si. Himi hi company hrekkhat in mipi covo ding pawl an rak hman dik lo ruangah a si ih, acozah in mipi hrang sumpai a kuan sak zo mi khal ‘man khungzet’ in zuar ringring a si.

Rawl hmeh kio-nak siti (cooking oil) man khal acozah cun mipi hrangah kumtin 700,000 tonnes hrawng subsidy a pe ringring na’n 70% lawng mipi in an rak cohlang ih, a dang pawl cu acozah theih ban loin lamzin ah an hloral (mi hrekkhat in an rak fir) ti a si.

(Visited 57 times, 1 visits today)

Comments

comments

Comments

%d bloggers like this: