DUHDAWTNAK MITHLI

DUHDAWTNAK  MITTHLI
 
Ka taksa pumhlum in ka lo pe
Pakhat hman tang lo’n ii rak pe ve
Kan pahnih ih nulepa hmai khalah
Pangpat pho mi bangin
Ka langter ka lo duhdawtnak
Rinum te’n maw “Duatboih”
Ka rung tlung cing ding
A rei hlanah
Kan din hngalh ding
Innsungsang nuam
Upa thucah in
Ka kaa le ca in ka lo hrilh fiah
Ka ti thei tawp suah in ii hngilh lonak dingah
Ramri khal ka lo kulhta
Na harsatnak lo ruat sakin
Thla malte sung ka lo pehtlai lo
Tangka cawicawp te’n na beidawng phangah
Ka run lo bia
Ka lo sutmi ii sim ngam lo
Ka lo ko rero nan Phone na ret men maw
Na kaa cun ka lo duh na ti thei nan
Ziahso ii sim ngam lo dingin na rak um???
A tuar dan ka thiam thei lo!!!
Ruahsannak tumpi thawn
Na hrangah ti thianghlim aw in ka rinum
Ka hrangih rinum lomi cu
Ziangtik tiangso
Zan itthat lo’n a thu lawnglawng ka ruat lai ding
Ziangtik tiangso
Ka buaipi in ka ritcilh lai ding???
Ammm…duhdawtnak diktak ahcun
Pacang si man aum si lo
Ka aw a suak lo nan
Ka mitthli in
Ka riahsiatnak le ka thinnatnak a langter hleice
Vok, Caw, Naa le Ar pawlin
Ka thil cinmi in siatsuah sak thluh maw!!!
Ka um a har tuk!!!!
Ka lunglen le ka thinnat
Atuar daan ka thiam lo
A cui ka thin
Tlanghra dan in
 
Salai DL Senling

Comments

comments

Comments

%d bloggers like this: